India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News August 31, 2024
పాలిటెక్నిక్ కళాశాల అప్ గ్రేడ్ లేనట్టేనా !
జహీరాబాద్ రంజోల్ ప్రభుత్వ పాలిటెక్నిక్ కళాశాల అప్ గ్రేడ్ ఇప్పట్లో జరిగే సూచనలు కనిపించడం లేదు. ఇంజినీరింగ్ కళాశాలగా అప్ గ్రేడ్ చేసి ఉపాధి అవకాశాలు మెరుగుపరుస్తామని అధికారులు, ప్రజా ప్రతినిధులు ప్రకటించినప్పటికీ కార్యరూపం దాల్చడం లేదు. రాష్ట్రంలోని 11 పాలిటెక్ని‌లను పరిశీలన చేసి ఎన్బీఏ చేసిన జాబితాలో రంజోల్ పాలిటెక్నిక్ కళాశాలకు చోటు దక్కలేదు.
News August 31, 2024
ఉమ్మడి మెదక్ జిల్లాకు PINK ALERT⚠️
ఉమ్మడి జిల్లాలోని మెదక్, సంగారెడ్డి, సిద్దిపేట జిల్లాల్లో భారీ నుంచి అతిభారీ వర్షాలు కురిసే అవకాశం ఉందని వాతావారణ కేంద్రం అధికారులు అంచనా వేశారు. ఈ 4 జిల్లాలకు పింక్ అలర్ట్ ప్రకటించారు. మరో 48 గంటల పాటు వర్షం దంచికొట్టే అవకాశం ఉందని, వరదలు ముంచెత్తే ప్రమాదం ఉందని హెచ్చరించారు. ప్రజలంతా అప్రమత్తంగా ఉండాలని సూచించారు.
News August 31, 2024
దుబ్బాక: పుట్టిన రోజునే.. కొడుకు కళ్లముందే తల్లి ఆత్మహత్య
దుబ్బాక మండలం గంభీర్పూర్‌లో రవళి(25) పుట్టిన రోజునే కొడుకు కళ్ళేదుటే ఆత్మహత్య చేసుకుంది. స్థానికుల వివరాల ప్రకారం.. శుక్రవారం భర్త సాగర్ రెడ్డి ఉద్యోగానికి వెళ్లగా, మామ బయటకు వెళ్లాడు. పెద్ద కుమారుడిని అంగన్వాడీ కేంద్రానికి పంపి అనంతరం రెండేళ్ల కుమారుడి ముందు ఉరేసుకుంది. తల్లి చీరను పట్టుకొని బాలుడు ఏడవడంతో స్థానికులు వచ్చి చూడగా అప్పటికే మృతి చెందింది. ఆమె తల్లిదండ్రులు పోలీసులకు ఫిర్యాదు చేశారు.
News August 31, 2024
మెదక్: ఒకే రోజు ముగ్గురి సూసైడ్
ఉమ్మడి మెదక్ జిల్లాలో నిన్న ముగ్గురు ఆత్మహత్య చేసుకున్నారు. వివరాలిలా.. దుబ్బాకకి చెందిన నవీన్(25) అప్పులు తీర్చలేక ఇంట్లో ఉరేసుకోగా.. చిన్నచింతకుంటకు చెందిన యువకుడు(17) హస్టల్‌లో ఉండి చదువుకో అని తల్లిదండ్రులు మందలించడంలో ఆత్మహత్య చేసుకున్నాడు. మెదక్‌కు చెందిన సందీప్(37) మద్యానికి బానిసయ్యాడు. ఈనెల 15 తండ్రితో గొడవపడ్డాడు. ఈ క్రమంలో ఇంట్లో ఎవరూ లేని సమయంలో ఉరేసుకున్నాడు.
News August 31, 2024
బ్యాంకు అకౌంట్ తప్పిదాలను సరి చేసుకోవాలి: AO
ఆధార్ కార్డు, బ్యాంక్ రుణం అకౌంట్‌లో తప్పిదాలతో రుణమాఫీ కాలేదో అలాంటి రైతులు బ్యాంకుకు వెళ్లి సరి చేసుకోవాలని సిర్గాపూర్ AO శశాంక్ తెలిపారు. ప్రతి బ్యాంక్‌లో ఒక నోడల్ అధికారికి కరెక్షన్, ఎడిట్ ఆప్షన్ ఇచ్చామన్నారు. రైతులు సెప్టెంబర్ 7 వరకు బ్యాంక్‌కు వెళ్లి తమ ఆధార్ కార్డుపై ఉన్న బ్యాంక్ అకౌంట్ పేరు ఉండేలా కరెక్షన్ చేసుకోవాలని సూచించారు. ఈ అవకాశాన్ని సద్వినియోగం చేసుకోవాలన్నారు.
News August 31, 2024
సంగారెడ్డి: ‘షీ టీం యాక్టివ్‌గా పని చేయాలి’
జిల్లాలో మహిళా భద్రత కోసం షీ టీం యాక్టివ్‌గా పని చేయాలని ఎస్పీ రూపేష్ సూచించారు. సంగారెడ్డి జిల్లా పోలీసు కార్యాలయంలో మహిళల భద్రతపై శుక్రవారం సమావేశం నిర్వహించారు. ఆయన మాట్లాడుతూ.. షీ టీమ్‌లు డివిజన్ల వారీగా బస్టాండ్, స్కూల్, కళాశాల ప్రాంతాల్లో నిత్యం గస్తీ ఉంచాలని చెప్పారు. సమావేశంలో ఎస్ బీ సీఐ విజయ్ కృష్ణ, నార్కోటిక్ సీఐ రమేష్ పాల్గొన్నారు.
News August 30, 2024
MDK: మండపాలకు పర్మిషన్.. ఇవి తప్పనిసరి
ఉమ్మడి మెదక్ జిల్లాలోని వినాయక మండపాల నిర్వాహకులకు పోలీసుల మరో కీలక సూచన.
➤ఆన్‌లైన్‌లో దరఖాస్తు చేసుకున్న హార్డ్ కాపీని PSలో సమర్పించాలి
➤రూ.145తో మీసేవా చలాన్ తీసుకోవాలి (అదనపు ఛార్జీ రూ.100)
➤ఎలక్ట్రిసిటీ DD తప్పనిసరి
➤ఆర్గనైజర్ల ఆధార్ కార్డు జిరాక్స్‌లు ఐదుగురివి జతచేయాలి
➤మండపం చుట్టుపక్కల ఓనర్ల నుంచి NOC తీసుకోండి
వీటన్నింటినీ జతచేసి సంబంధిత PSలో సమర్పిస్తే పోలీస్ అనుమతి పొందవచ్చు.
SHARE IT
News August 30, 2024
ఉమ్మడి మెదక్ జిల్లాలో ఎనిమిది మంది జడ్జిలకు పదోన్నతి
ఉమ్మడి మెదక్ జిల్లాలో సివిల్ జడ్జిలు(సీనియర్ డివిజన్)గా ఎనిమిది మంది పదోన్నతి పొందారు. రిటా లాల్ చంద్(మెదక్), శివ రంజని (సిద్దిపేట), అనూష (జహీరాబాద్), లక్ష్మణ చారి, షాలిని (సంగారెడ్డి), సౌమ్య (గజ్వెల్), చందన (సిద్దిపేట), అనిత(నర్సాపూర్) ఉన్నారు. రాష్ట్ర వ్యాప్తంగా 41మంది జడ్జిలు పదోన్నతి పొందారు. ఈ మేరకు రిజిస్ట్రార్ జనరల్ ఉత్తర్వులు జారీ చేశారు.
News August 30, 2024
శతాబ్ది ఉత్సవాలకు సిద్దమవుతున్న మెదక్ చర్చి
మెదక్ జిల్లాలో ఉన్న ఆసియాలోనే అతిపెద్ద రెండవ దేవాలయంగా పేరొందని సీఎస్ఐ మెదక్ చర్చిలో వచ్చే నెల సెప్టెంబర్లో శతాబ్ది ఉత్సవాల నిర్వహణకు సిద్దమైంది. ప్రతి సంవత్సరం సెప్టెంబర్ 27న స్త్రీల మైత్రి ఉత్సవాలు చర్చి వార్షికోత్సవం పేరుతో ఉత్సవాలు నిర్వహించేవారు. గత 3 ఏళ్లుగా కరోనా కారణంగా చర్చి ఉత్సవాలు జరుగలేదు. ఈసారి పెద్ద ఎత్తున ఉత్సవాలు జరపడానికి చర్చి పెద్దలు నిర్ణయించినట్లు తెలిసింది.
News August 30, 2024
అందరికీ ఒకే రూల్.. HYDRA ఆఫీస్ కూల్చేయండి: హరీశ్ రావు
అక్రమ నిర్మాణాల కూల్చివేతలపై అందరికీ ఒకే రూల్ ఉండాలని MLA హరీశ్ రావు అన్నారు. HYDలోని HYDRA ఆఫీస్ బుద్ధ భవన్ నాలా కింద ఉందని,కమిషనర్ రంగనాథ్ ముందు దానిని కూలగొట్టాలని అన్నారు.నెక్లెస్ రోడ్డులోని ప్రైవేట్, కమర్షియల్ షాపులు, తదితర వాణిజ్య భవనాలు హుస్సేన్ సాగర్ FTLపరిధిలో ఉన్నాయని వాటిని కూలగొడతారా అని ప్రశ్నించారు. కొందరివి డైరెక్ట్‌గా కూలగొట్టి, మరికొందరికి నోటీసులిచ్చి టైం ఇస్తున్నారని ఆరోపించారు.
Featured News
Sorry, no posts matched your criteria.