India's largestHyperlocal short
news App
Get daily news updates that are tailored for you based on your preferred language & location.
download Way2News app now
Medak
News March 23, 2025
మెదక్: పెండింగ్ కేసులను సత్వరం పరిష్కరించాలి: ఎస్పీ
పెండింగ్ కేసులను త్వరగా పరిష్కరించాలని ఎస్పీ డి.ఉదయ్ కుమార్ రెడ్డి ఆదేశించారు. రోడ్డు ప్రమాదాల నివారణపై అన్ని స్థాయిల అధికారులు దృష్టి సారించాలన్నారు. సమస్యలను క్షేత్ర స్థాయిలో గుర్తించి ప్రజలకు సమర్థవంతమైన సేవలు అందించాలన్నారు. జిల్లా పోలీస్ ప్రధాన కార్యాలయంలో నెలవారి క్రైమ్ మీటింగ్ సమావేశాన్ని నిర్వహించారు. దీర్ఘకాలంగా పెండింగ్ లో ఉన్న కేసులపై ప్రత్యేక దృష్టి సారించి వెంటనే పరిష్కరించాలన్నారు.
News March 22, 2025
మెదక్: ఫారెస్ట్‌లో బ్రిడ్జి కండిషన్ పరిశీలించిన కలెక్టర్
మెదక్- సిద్దిపేట్ నేషనల్ హైవేలో తొనిగండ్ల వద్ద ఫారెస్ట్‌లో బ్రిడ్జి కండిషన్ కలెక్టర్ రాహుల్ రాజ్పరిశీలించారు. కలెక్టర్ మాట్లాడుతూ.. రానున్న వర్షాకాలం దృష్టిలో పెట్టుకొని పటిష్టంగా ట్రాఫిక్ ఇబ్బందులు తలెత్తకుండా తాత్కాలిక రోడ్డు త్వరగా ఏర్పాటు చేయాలని ఆధికారులు ఆదేశించిరు. కొత్తగా నిర్మించే బ్రిడ్జ్‌కు త్వరగా అన్నీ అనుమతులు తీసుకుని వేగంగా వర్షాకాలం రాకముందే పూర్తి చేయాలన్నారు.
News March 22, 2025
మెదక్: కోత దశకు వచ్చిన తర్వాతే యంత్రాలు: అదనపు కలెక్టర్
పొలం పూర్తి కోత దశకు వచ్చిన తర్వాతనే యంత్రాలు వినియోగించి పంటలను కోయించాలని అదనపు కలెక్టర్ నగేష్ అన్నారు. శనివారం మెదక్ కలెక్టరేట్‌లో సమావేశ హాల్లో వివిధ శాఖల అధికారులతో కలిసి హార్వెస్టర్ల యజమానులతో యాసంగి వరి కోతలపై సమీక్ష సమావేశం నిర్వహించారు. ఈ సందర్భంగా మాట్లాడుతూ.. ప్రస్తుతం వరి కోతలు దగ్గర పడుతున్నందున హార్వెస్టర్ యజమానులు బ్లోయర్ ఆన్‌లో ఉండాలని, 18-20 మధ్యలో ఆర్పీయం ఉండాలన్నారు.
News March 22, 2025
మెదక్: జిల్లాలో రెండో రోజు టెన్త్ పరీక్షలు ప్రశాంతం
పదో తరగతి పరీక్షలు మెదక్ జిల్లాలో రెండవ రోజు ప్రశాంతంగా జరిగాయి. మెదక్ తెలంగాణ సోషల్ వెల్ఫేర్ రెసిడెన్షియల్ బాలికల గురుకుల కళాశాల, పాఠశాల ఏర్పాటు చేసిన పరీక్షా కేంద్రాన్ని శనివారం కలెక్టర్ రాహుల్ రాజ్ పరిశీలించారు. జిల్లాలో మొత్తం 10,384 మంది విద్యార్థులు పరీక్షలు రాయాల్సి ఉండగా 10,364 మంది విద్యార్థులు హాజరయ్యారు. 20 మంది విద్యార్థులు 99.80 % గైర్హాజరయ్యారు.
News March 22, 2025
మెదక్: ఏప్రిల్ 7 నుంచి టెన్త్ జవాబు పత్రాల మూల్యాంకనం
ఏప్రిల్ 7 నుంచి 15వ తేదీ వరకు టెన్త్ జవాబు పత్రాల మూల్యాంకనం నిర్వహించనున్నట్లు డీఈవో రాధా కిషన్ తెలిపారు. మెదక్, సంగారెడ్డి జిల్లాలకు చెందిన టీచర్లకు సంగారెడ్డి జిల్లా రామచంద్రపురం మండల కేంద్రంలోని సెయింట్ ఆర్నాల్డ్ ఉన్నత పాఠశాలలో మూల్యాంకనం ఉంటుందని పేర్కొన్నారు. మూల్యాంకనం విధులకు కేటాయించిన ఉపాధ్యాయులు తప్పకుండా హాజరు కావాలని డీఈవో సూచించారు.
News March 22, 2025
మెదక్ జిల్లాలో నమోదైన ఉష్ణోగ్రతల వివరాలు
మెదక్ జిల్లాలో గరిష్ఠ ఉష్ణోగ్రతలు నమోదవుతున్నాయి. గడచిన 24 గంటల్లో నమోదైన ఉష్ణోగ్రతలు ఇలా ఉన్నాయి. జిల్లాలోని కౌడిపల్లి 38.1, హవేళిఘనపూర్ 37.7, వెల్దుర్తి 37.6, మెదక్ 37.5, అల్లాదుర్గ్ 37.3, శివ్వంపేట 37.2, రేగోడ్, పాపన్నపేట 37.1, చేగుంట 36.9 కుల్చారం, చిన్న శంకరంపేట 36.8, పెద్ద శంకరంపేట, మనోహరాబాద్ 36.5 °C గరిష్ట ఉష్ణోగ్రతలు నమోదయ్యాయి.
News March 21, 2025
బెట్టింగ్, గేమింగ్ యాప్‌లకు దూరంగా ఉండండి: ఎస్పీ
యువత, విద్యార్థులు అక్రమ బెట్టింగ్ యాప్స్, గేమింగ్ యాప్‌లకు అలవాటు పడొద్దని ఎస్పీ డి.ఉదయ్ కుమార్ రెడ్డి సూచించారు. సైబర్ మోసగాళ్ల ఉచ్చులో పడి, డబ్బులు కోల్పోయి అప్పులపాలై, ప్రాణాల మీదకు తెచ్చుకుంటున్నారని, అక్రమ బెట్టింగ్ యాప్స్‌లలో బెట్టింగ్‌లకు పాల్పడిన, ఆన్‌లైన్ గేమింగ్ యాప్‌లలో గేమ్స్ ఆడిన, ప్రోత్సహించిన అట్టి వ్యక్తులపై చట్టారీత్యా కఠిన చర్యలు తప్పవని ఎస్పీ హెచ్చరించారు.
News March 21, 2025
మెదక్: అంతరిస్తున్న అడవులు..!
జీవకోటికి ప్రాణవాయువు అందించేది అడవులు అంతరించిపోతున్నాయి. ఫలితంగా అడవి తగ్గడంతో పర్యావరణానికి ముంపు ముంచుకొస్తోంది. జిల్లావ్యాప్తంగా రెవెన్యూ రికార్డుల ప్రకారం 6.,89,342 ఎకరాల అటవీ భూములు ఉన్నాయి. వాటిలో సుమారు నాలుగు లక్షల ఎకరాల్లో సాగు భూములు ఉన్నాయి. ఇందులో 6,865 ఎకరాల భూమి అక్రమనకు గురికావడంతో జీవరాసులకు మనుగడ లేకుండా పోతుందని అటవీ సిబ్బంది అధికారులు చెబుతున్నారు.
News March 21, 2025
మెదక్: 10338 మందికి 68 సెంటర్లు
నేటి నుంచి మెదక్ జిల్లా వ్యాప్తంగా పదవ తరగతి పరీక్షలు నిర్వహించనున్నట్లు జిల్లా విద్యాధికారి రాధా కిషన్ తెలిపారు. ఈ సందర్భంగా ఆయన మాట్లాడుతూ.. మెదక్ జిల్లా వ్యాప్తంగా 68 సెంటర్లలో 10338 మంది విద్యార్థులు పరీక్షకు హాజరుకానున్నారు. 3 ఫ్లయింగ్ స్క్వాడ్స్, 17 సెట్టింగ్స్ స్క్వాడ్స్, 68 చీఫ్ సూపర్డెంట్లు, 70 డిపార్ట్మెంటల్ అధికారులు, 590 మంది ఇన్విజిలేటర్లను నియమించినట్లు తెలిపారు.
News March 21, 2025
మెదక్: విద్యార్థులకు అన్ని వసతులు: కలెక్టర్
పది పరీక్షలు జరిగే ప్రదేశాలలో 163 BNSS సెక్షన్ ఉంటుందని కలెక్టర్ రాహుల్ రాజ్ అన్నారు. నేటి నుంచి ఏప్రిల్ 4 వరకు 68 కేంద్రాలలో 10,388 మంది విద్యార్థులు పరీక్షలు రాయనున్నారు. ఫ్లైయింగ్ స్క్వాడ్ 3, సిట్టింగ్ స్క్వాడ్లు 17, చీఫ్ సూపరింటెండెంట్ 68, డిపార్ట్మెంటల్ అధికారులు 70, మంది 590 ఇన్విజిలేటర్లను నియమించామన్నారు. విద్యార్థులకు ఎలాంటి ఇబ్బందులు తలెత్తకుండా అన్ని వసతులతో ఏర్పాట్లు చేశామన్నారు.
Featured News
Sorry, no posts matched your criteria.