India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nalgonda
News October 30, 2024
సర్వేలో ఎన్యుమరేటర్ల పాత్ర కీలకం : కలెక్టర్
సామాజిక ,ఆర్థిక, విద్య, ఉపాధి, రాజకీయ, కుల సమగ్ర ఇంటింటి కుటుంబ సర్వేలో ఎన్యుమరేటర్ల పాత్ర కీలకమని NLG కలెక్టర్ ఇలా త్రిపాఠి అన్నారు. బుధవారం NLG మున్సిపల్ సమావేశ మందిరంలో సమగ్ర కుటుంబ సర్వే పై ఎన్యుమరేటర్లకు నిర్వహించిన శిక్షణ కార్యక్రమానికి ఆమె ముఖ్యఅతిథిగా హాజరయ్యారు. భవిష్యత్తులో సంక్షేమ పథకాలు, ప్రభుత్వ పాలసీల రూపకల్పనకు సమగ్ర కుటుంబ సర్వే ఎంతగానో ఉపయోగపడుతుందని తెలిపారు.
News October 30, 2024
యాదాద్రి: ఈతకు వెళ్లి ఇద్దరు యువకులు మృతి
మోటకొండూరు మండలం అమ్మనబోలు గ్రామంలోని అబిద్ నగరంలో బుధవారం విషాదం జరిగింది. చెరువులో ఈతకు వెళ్లి ప్రమాదవశాత్తు ఇద్దరు యువకులు మృతి చెందారు. మృతులు శశి, చరణ్‌గా పోలీసులు గుర్తించారు. మృతులు బోడుప్పల్, ఉప్పల్ వాసులుగా గుర్తించి కేసు నమోదు చేసుకున్నారు.
News October 30, 2024
పెరిగిన ధరలు.. సామాన్యుడి జీవితాల్లో చీకట్లు
దీపావళి పండగ ప్రతి ఇంట్లో వెలుగులు నింపుతుంది.. కానీ పెరిగిన నిత్యావసర ధరలు నల్గొండ జిల్లాలో సామాన్యుడి జీవితాల్లో చీకటి నింపుతున్నాయి. పండ్లు, పూలు, వంటగ్యాస్‌, నిత్యావసర ధరలు భగ్గుమంటుండటంతో మధ్యతరగతి కుటుంబాలు పండగంటేనే బెంబేలెత్తుతున్నాయి. దీపావళికి కాల్చే టపాసుల ధరలైతే రాకెట్‌లా ఆకాశానికి దూసుకెళ్లాయి. గతేడాది కంటే ఈఏడాది ప్రతి వస్తువు రేటు పెరగడంతో పండగ అంటేనే దండగ అనే పరిస్థితి నెలకొంది.
News October 30, 2024
ఉమ్మడి నల్లగొండ జిల్లాలో 29,64,914 మంది ఓటర్లు
ఉమ్మడి NLG జిల్లాలో 29,64,914 మంది ఓటర్లు ఉన్నారు. కేంద్ర ఎన్నికల సంఘం ప్రకటించిన తుది ముసాయిదా ఓటర్ జాబితాను మంగళవారం పోలింగ్ కేంద్రాల్లో ప్రకటించారు. NLG లో 15,02,203, SRPTలో 10,04,284, యాదాద్రి భువనగిరిలో 4,58,426 మంది ఓటర్లు ఉన్నారని తెలిపారు. వారిలో 14,58,709 మంది పురుషులు, 15,06,000 మంది మహిళలు, 204 మంది ట్రాన్స్ జెండర్లు ఉన్నారు.
News October 30, 2024
NLG: విద్యుత్ అంశాలపై మంత్రి కోమటిరెడ్డి సమీక్ష
రానున్న వేసవిని దృష్టిలో ఉంచుకుని విద్యుత్ సరఫరాలో ఇబ్బందులు తలెత్తకుండా ఇప్పటినుంచే ముందు జాగ్రత్త చర్యలు తీసుకోవాలని రాష్ట్ర రోడ్లు, భవనాలు, సినిమాటోగ్రఫీ శాఖల మంత్రి కోమటిరెడ్డి వెంకటరెడ్డి ట్రాన్స్-కో అధికారులను ఆదేశించారు. మంగళవారం ఆయన నల్గొండలోని తన క్యాంపు కార్యాలయంలో ఎస్పీడీసీఎల్ పర్యవేక్షక ఇంజనీర్ వెంకటేశ్వర్లు, ఇతర విద్యుత్తు అధికారులతో విద్యుత్ అంశాలపై సమీక్ష నిర్వహించారు.
News October 29, 2024
ఆలేరు: బ్రెయిన్ డెడ్‌తో మృతి.. మరికొందరికి పునర్జన్మ
తాను చనిపోతూ పది మందికి అవయవ దానం చేసి మానవత్వన్ని చాటుకున్న ఘటన ఆలేరు మండలంలో చోటు చేసుకుంది. ఆలేరు మండల కేంద్రానికి చెందిన జూకంటి కుమార్ గత కొన్ని రోజుల నుంచి అనారోగ్యంతో బాధపడుతూ ఓ ప్రైవేట్ హాస్పిటల్‌లో చికిత్స పొదుతూ మంగళవారం ఉదయం బ్రెయిన్ డెడ్ అయి మృతి చెందాడు. కుటుంబ సభ్యులు జీవన్‌దాన్ సంస్థ ద్వారా అవయవాలను దానం చేశారు.
News October 29, 2024
నల్గొండ: అన్ని రంగాలలో మొదటి స్థానంలో నిలపాలి: మంత్రి కోమటిరెడ్డి
నల్గొండ జిల్లాను అన్ని రంగాలలో మొదటి స్థానంలో నిలిపేందుకు కృషి చేయాలని రాష్ట్ర రోడ్లు, భవనాలు, సినిమాటోగ్రఫీ శాఖల మంత్రి కోమటిరెడ్డి వెంకటరెడ్డి నూతన జిల్లా కలెక్టర్ ఇలా త్రిపాఠితో కోరారు. నూతన కలెక్టర్‌గా బాధ్యతలు తీసుకున్న జిల్లా కలెక్టర్ ఇలా త్రిపాఠి మంగళవారం జిల్లా ఎస్పీ శరత్ చంద్ర పవార్‌తో కలిసి నల్లగొండలోని రాష్ట్ర రోడ్లు, భవనాలు, సినిమాటోగ్రఫీ శాఖల మంత్రి క్యాంప్ కార్యాలయంలో కలిశారు.
News October 29, 2024
NLG: హైలెవల్ బ్రిడ్జ్, రోడ్డు పనులకు శంకుస్థాపన చేసిన మంత్రి
కనగల్ మండలం పగిడిమర్రి గ్రామంలో రూ.38 కోట్ల వ్యయంతో నిర్మించ తలపెట్టిన సోమన్నవాగు హైలెవల్ బ్రిడ్జ్ పనులకు రాష్ట్ర రోడ్లు భవనాలు సినిమాటోగ్రఫీ శాఖ మంత్రి కోమటిరెడ్డి వెంకటరెడ్డి ఈరోజు శంకుస్థాపన చేశారు. అదే విధంగా కొత్తపల్లి–పగిడిమర్రి రోడ్, పగిడిమర్రి–మదనాపురం రోడ్, పగిడిమర్రి–కుదావన్పూర్ రోడ్ పనులకు కూడా మంత్రి శంకుస్థాపన చేశారు. ఈ కార్యక్రమంలో పలువురు అధికారులు, స్థానిక నేతలు పాల్గొన్నారు.
News October 29, 2024
నాగార్జునసాగర్ బ్యాక్ వాటర్‌లో పడి వ్యక్తి మృతి
నేరేడుగొమ్ము మండలం వైజాగ్ కాలనీలో నాగార్జునసాగర్ బ్యాక్ వాటర్‌లో పడి హైదరాబాద్ వాసి మృతి చెందినట్లు స్థానికులు తెలిపారు. మృతి చెందిన యువకుడు కుమ్మరి పాండు (25)గా గుర్తించినట్లుగా నేరేడుగొమ్ము ఎస్ఐ సతీశ్ తెలిపారు. మరిన్ని వివరాలు తెలియాల్సి ఉంది
News October 29, 2024
నేరేడుచర్ల: అత్తపై అల్లుడి దాడి
నేరేడుచర్ల జాన్ పహాడ్ రోడ్డులో లీల అనే మహిళపై ఆమె అల్లుడు విచక్షణా రహితంగా దాడి చేసిన విషయం తెలిసిందే. వివరాల్లోకెళ్తే… త్రిపురారం మండలం మాటూరుకి చెందిన నాగేశ్వరరావుకు, పాలకవీడు మండలం చెర్వుతండాకు చెందిన సునీతతో వివాహమైంది. ఏడాదిన్నరగా తన భార్య కాపురానికి రావడంలేదని.. ఇందుకు అత్త కారణమని ఆమెపై కక్ష పెంచుకుని దాడి చేశాడు. పోలీసులు కేసు నమోదు చేశారు.
Featured News
Sorry, no posts matched your criteria.