India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nalgonda
News September 29, 2025
నల్గొండ జిల్లాలో ఎన్నికల కోడ్ అమలు
నల్గొండ జిల్లాలో ఎన్నికల కోడ్ అమలులోకి వచ్చిందని కలెక్టర్ ఇలా త్రిపాఠి తెలిపారు. సోమవారం కలెక్టరేట్‌లో నిర్వహించిన సమావేశంలో ఆమె మాట్లాడారు. కోడ్ అమల్లో ఉన్నందున కొత్తగా ఎలాంటి ప్రభుత్వ పథకాలు మంజూరు చేయడం, శంకుస్థాపనలు, ప్రారంభోత్సవాలు, గ్రౌండింగ్ చేయకూడదని ఆదేశించారు. అధికారులు క్షేత్ర స్థాయిలో పనిచేయాలని సూచించారు. అదేవిధంగా నవంబర్ 11 వరకు ప్రజావాణి కార్యక్రమం ఉండదని కలెక్టర్ వెల్లడించారు.
News September 29, 2025
NLG: కల చెదిరింది.. నేతల ఆశలు ఆవిరి!
NLG జిల్లా పరిషత్ ఛైర్మన్ పీఠాన్ని ఆశించిన పలువురు నాయకుల ఆశలు ఆవిరయ్యాయి. రిజర్వేషన్ కలిసి రాకపోవడంతో ఈ పదవిపై నాయకుల పెట్టుకున్న ఆశలు ఆడియాశలయ్యాయి. ఎస్టీ మహిళ సామాజికవర్గానికి రిజర్వ్ అయ్యింది. దీంతో ఈ పదవిపై దృష్టి సారించిన ఇతర సామాజికవర్గాల నాయకులు తీవ్ర నిరుత్సాహానికి గురయ్యారు.
News September 29, 2025
NLG: నవంబరు 19న మహిళా సంఘాలకు చీరలు!
మహిళా సంఘాలకు చీరల పంపిణీ మరింత ఆలస్యం కానున్నట్లు తెలుస్తోంది. ఒక్కో సభ్యురాలికి ఏడాదికి రెండు చీరలు పంపిణీ చేస్తామని ప్రభుత్వం తెలిపింది. నవంబరు 19న ఇందిరాగాంధీ జయంతి రోజున చీరలు పంపిణీ చేయనున్నట్లు అధికారులు తెలిపారు. జిల్లాలో మొత్తం 3,66,955 మంది మహిళా సంఘాల సభ్యులు ఉన్నారు. వీరందరికీ చీరలు ఇవ్వనున్నట్లు జిల్లా గ్రామీణ అభివృద్ధి అధికారి శేఖర్ రెడ్డి తెలిపారు.
News September 28, 2025
NLG: పండుగ వేళ పస్తులేనా..?!
జిల్లాలో వివిధ ప్రభుత్వ విభాగాల్లో విధులు నిర్వహిస్తున్న ఔట్సోర్సింగ్ ఉద్యోగులు, అధ్యాపకులు, కార్మికులకు వేతనాలు అందక అల్లాడుతున్నారు. బతుకమ్మ, దసరా పండుగల వేళ కూడా వారికి సకాలంలో జీతాలు చెల్లించకపోవడంతో అప్పులు చేస్తూ కాలం గడపాల్సిన పరిస్థితి ఏర్పడింది. వివిధ ప్రభుత్వ విభాగాల్లో పనిచేస్తున్న వారికి గత నాలుగు నెలలుగా సక్రమంగా జీతాలు చెల్లించడం లేదని ఆవేదన వ్యక్తం చేస్తున్నారు.
News September 28, 2025
నేడు MLG రైస్ మిల్లర్స్ అసోసియేషన్ ఎన్నికలు
MLG రైస్ మిల్లర్స్ అసోసియేషన్ ఎన్నికలు ఇవాళ జరగనున్నాయి. ప్రతి రెండేళ్లకోసారి సెప్టెంబర్ చివరి ఆదివారం పాలకవర్గానికి ఎన్నిక నిర్వహించి నూతన కార్యవర్గాన్ని ఎన్నుకుంటారు. అధ్యక్షుడు, ఉపాధ్యక్షుడు, కార్యదర్శి -1, 2, కోశాధికారి పదవులకు ఈ ఎన్నికలు జరగనున్నాయి. ఈ ఎన్నికల్లో 90 మంది ఓటర్లు తమ ఓటు హక్కును వినియోగించుకోనున్నారు.
News September 28, 2025
నల్గొండలో బీసీలకు అగ్రతాంబూలం..!
జిల్లాలో స్థానిక సంస్థల రిజర్వేషన్లలో బీసీలకు 49 శాతం కేటాయించడంతో వారికి అత్యధిక స్థానాలు దక్కాయి. జిల్లాలోని 33 మండలాల్లో MPP, ZPTC స్థానాలను ఖరారు చేశారు. ఇందులో బీసీలకు 14, ఎస్సీలకు 6, ఎస్టీలకు 5 స్థానాలను రిజర్వ్ చేశారు. మిగిలిన 8 స్థానాలు జనరల్‌కు కేటాయించారు. ప్రతి కేటగిరీలోనూ మహిళలకు 50 శాతం రిజర్వేషన్లు దక్కాయి. జడ్పీ పీఠం రిజర్వేషన్ ఎస్టీ ఉమెన్‌‌కు దక్కింది.
News September 27, 2025
లలిత త్రిపుర సుందరి దేవిగా ధర్వేశిపురం ఎల్లమ్మ
కనగల్ మండలం ధర్వేశిపురం శ్రీ రేణుక ఎల్లమ్మ తల్లి దేవాలయంలో దసరా శరన్నవరాత్రి ఉత్సవాలు వైభవంగా జరుగుతున్నాయి. ఆరో రోజు అమ్మవారు శ్రీ లలితా సుందరి దేవిగా ఎరుపు రంగు వస్త్రంలో భక్తులకు దర్శనం ఇచ్చారు. అమ్మవారికి బెల్లం పొంగలిని నైవేద్యంగా సమర్పించారు. ఆలయ ఛైర్మన్ వెంకటరెడ్డి, అధికారి అంబటి నాగిరెడ్డి అర్చకులు పూజా కార్యక్రమంలో పాల్గొన్నారు.
News September 27, 2025
NLG: మద్యం దుకాణాలకు టెండర్ బోణీ
మద్యం దుకాణాలకు టెండర్ దాఖలు ప్రక్రియ ప్రారంభమైన తొలిరోజు ఒక టెండర్ దాఖలైంది. MLG పట్టణ పరిధిలోని 45వ షాపునకు టెండర్ వచ్చినట్లు ఎక్సైజ్ సూపరింటెండెంట్ సంతోష్ తెలిపారు. జిల్లాలో మొత్తం 154 మద్యం దుకాణాలు ఉండగా ఎస్సీలకు 14, ఎస్టీలకు 4, గౌడ సామాజిక వర్గానికి 34 షాపులను కేటాయించిన విషయం తెలిసిందే. వాటికి ఆయా కులస్తులు కుల ధ్రువీకరణ పత్రంతో దరఖాస్తు చేయాల్సి ఉంటుందని ఆయన తెలిపారు.
News September 26, 2025
NLG: ‘జీపీ ఎన్నికలు సవ్యంగా నిర్వహించాలి’
నల్గొండ జిల్లాలో గ్రామ పంచాయతీ ఎన్నికలను సవ్యంగా, శాస్త్రీయ పద్ధతిలో నిర్వహించాలని జిల్లా కలెక్టర్, జిల్లా ఎన్నికల అధికారి ఇలా త్రిపాఠి అధికారులను ఆదేశించారు. శుక్రవారం ఉదయాదిత్య భవన్‌లో గ్రామ పంచాయతీ ఎన్నికలపై స్టేజ్ 1, స్టేజ్ 2 రిటర్నింగ్ అధికారులు, సహాయ రిటర్నింగ్ అధికారులకు ఉద్దేశించి ఏర్పాటు చేసిన శిక్షణ కార్యక్రమానికి ఆమె హాజరై, అధికారులకు దిశానిర్దేశం చేశారు.
News September 26, 2025
NLG: ఆర్టీసీలో దసరా స్పెషల్ లక్కీ డ్రా
RTC సంస్థ ప్రయాణికుల కోసం దసరా పండుగ సందర్భంగా వినూత్న కార్యక్రమం చేపట్టిందని NLG డిపో మేనేజర్ వెంకటరమణ ఒక ప్రకటనలో తెలిపారు. ఈనెల 27 నుంచి OCT 6వ తేది వరకు సెమీ డీలక్స్, డీలక్స్, మెట్రో డీలక్స్, సూపర్ లగ్జరీ, లహరి, నాన్ ఏసీ, అన్ని రకాల ఏసీ బస్సుల్లో ప్రయాణించి తమ టికెట్ వెనకాల పేరు ఫోన్ నెంబర్ అడ్రస్ రాసి ఆయా బస్ స్టేషన్ లలో ప్రత్యేకంగా ఏర్పాటు చేసిన బాక్సులలో వేయాల్సి ఉంటుందని తెలిపారు.
Featured News
Sorry, no posts matched your criteria.