India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News October 28, 2024
వరంగల్: భారీగా పతనమైన పత్తి ధర
2 రోజుల విరామం అనంతరం వరంగల్ ఎనుమాముల వ్యవసాయ మార్కెట్ నేడు ప్రారంభం కాగా కొత్త పత్తి భారీగా తరలివచ్చింది. అయితే ధర మాత్రం భారీగా పడిపోయింది. గతంలో ఎన్నడూ లేనివిధంగా క్వింటా కొత్తపత్తి ధర ఈరోజు రూ.6,800కి పతనమైంది. గతవారం గరిష్టంగా క్వింటా పత్తి రూ.7,100 పలకగా.. శుక్రవారం రూ.7,000కి చేరింది. మళ్లీ ఈరోజు భారీగా పడిపోవడంతో రైతన్నలు ఆవేదన వ్యక్తం చేస్తున్నారు.
News October 28, 2024
కంపెనీలు తమ సామాజిక కర్తవ్యాన్ని నిర్వర్తించాలి: మంత్రి సీతక్క
కంపెనీలు తమ సామాజిక కర్తవ్యాన్ని నిర్వర్తించాలని మంత్రి సీతక్క అన్నారు. పలు కార్పొరేట్ కంపెనీలు, స్వచ్ఛంద సంస్థలతో మంత్రి సీతక్క సమావేశమయ్యారు. ఆదిలాబాద్, ములుగు వంటి అటవీ ప్రాంతాల్లో పెట్టుబడులు పెట్టి స్థానికులకు ఉపాధి అవకాశాలు మెరుగుపరచాలని సూచించారు. మారుమూల ప్రాంతాల్లో ఉన్న అవకాశాలను, వనరులను, అవసరాలను కంపెనీలు, స్వచ్ఛంద సంస్థలకు తెలియచేస్తామని వారితో కలిసి వెళ్తామన్నారు.
News October 28, 2024
వరంగల్ మార్కెట్ రేపు పునఃప్రారంభం
రెండు రోజుల విరామం అనంతరం వరంగల్ ఎనుమాముల వ్యవసాయ మార్కెట్ సోమవారం పున ప్రారంభం కానుంది. నిన్న, ఈరోజు వారాంతపు సెలవులు కావడంతో మార్కెట్ బంద్ ఉంది. దీంతో రేపు ప్రారంభం కానుండగా.. రైతులు నాణ్యమైన సరుకులను మార్కెటుకు తీసుకొని వచ్చి మంచి ధర పొందాలని అధికారులు సూచించారు. కాగా ఉదయం 6 గంటల నుంచి మార్కెట్లో కొనుగోళ్లు ప్రారంభం కానున్నాయి.
News October 27, 2024
భద్రత ప్రమాణాలు పాటించాలి: NPDCL CMD
TGNPDCL పరిధిలోని 16 సర్కిళ్ల వినియోగదారులకు విద్యుత్ ప్రమాదాల నివారణ పై ఎప్పటికప్పుడు జాగ్రత్తలను వివరిస్తున్నామని సంస్థ CMD కర్నాటి వరుణ్ రెడ్డి పేర్కొన్నారు. భద్రత పట్ల నిర్లక్ష్యం, అవగాహన లోపం వలన విద్యుత్ వినియోగదారుల గృహాలలోని నాణ్యమైన వైరింగ్ లేకపోవడం వల్ల విద్యుత్ ప్రమాదాలు జరుగుతున్నాయన్నారు. రైతులు స్విచ్ బోర్డు/మోటార్ స్టార్టర్ల దగ్గర భద్రత ప్రమాణాలు పాటించాలన్నారు.
News October 27, 2024
చిట్యాల: అర్ధరాత్రి బాలికల హాస్టల్లోకి చొరబడ్డ యువకుడు
చిట్యాల ప్రభుత్వ బాలికల హాస్టల్లోకి అర్ధరాత్రి ఓ యువకుడు చొరబడ్డా ఘటన ఆలస్యంగా వెలుగుచూసింది శనివారం అర్ధరాత్రి యువకుడు హాస్టల్లోకి వెళ్లి కాసేపు తర్వాత తిరిగి వెళ్లిపోవడం బాలికల హాస్టల్ సీసీ కెమెరాల్లో రికార్డ్ అయ్యింది. ఘటనపై హాస్టల్ ఇంచార్జ్ సుమలత పోలీస్ స్టేషన్‌లో ఫిర్యాదు చేశారు. అర్ధరాత్రి పూట ఓ యువకుడు బాలికల హాస్టల్లోకి వెళ్తుంటే సిబ్బంది ఎటు వెళ్లారనీ తల్లిదండ్రులు మండిపడుతున్నారు.
News October 27, 2024
భీమదేవరపల్లి: విషాదం.. నీటి సంపులో పడి చిన్నారి మృతి
భీమదేవరపల్లి మండలంలో విషాదం చోటు చేసుకుంది. మండలంలోని రత్నగిరికి చెందిన గడిపె సంపత్, స్వర్ణ‌ల చిన్న కూతురు అస్మిక (4) అనే చిన్నారి నీటి సంపులో పడి మృతి చెందింది. తల్లిదండ్రులు కూలీ పని చేసుకుంటూ జీవిస్తుంటారు. ఆదివారం ఉదయం తల్లిదండ్రులు పనికి వెళ్లగా ఇంటివద్ద చిన్నారి అస్మిక ఆడుకుంటూ ప్రమాదవశాత్తు నీటి సంపులో పడింది. స్థానికులు గమనించి బయటకు తీసి ఆస్పత్రికి తరలించే లోపే మృతి చెందింది.
News October 27, 2024
WGL: కేంద్ర సాకారం లేకున్నా.. స్వంత నిధులతో అభివృద్ధి: కేటీఆర్
వరంగల్ వస్త్ర వైభవాన్ని తిరిగి తెచ్చేందుకు కేసీఆర్ ప్రభుత్వం మహత్తర కార్యం చేపట్టిందని బీఆర్ఎస్ వర్కింగ్ ప్రెసిడెంట్ కేటీఆర్ ట్వీట్ చేశారు. ప్రపంచస్థాయి సంస్థలను ఒప్పించి, రప్పించి కాకతీయ టెక్స్ టైల్ పార్క్‌ను కళ కళలాడించేందుకు కృషి చేశామని చెప్పారు. కేంద్ర సహకారం ఏ మాత్రం లేకున్నా.. స్వంత నిధులతో ముందడుగు వేసామన్నారు.
News October 26, 2024
మేడారం సమ్మక్క సారలమ్మల మినీ జాతర తేదీలు ఖరారు
ములుగు జిల్లా తాడ్వాయి మండలం మేడారంలో జరిగే మినీ జాతర తేదీలను శనివారం పూజారులు ఖరారు చేశారు. అమ్మవార్ల గద్దెల ప్రాంగణంలో పూజారులు సమావేశమై మినీ జాతర తేదీలపై చర్చ నిర్వహించారు. అనంతరం మినీజాతర నిర్వహించేందుకు వచ్చే సంవత్సరం 2025లో 12 ఫిబ్రవరి 2025 నుంచి 15 ఫిబ్రవరి 2025 వరకు 4 రోజులపాటు మినీ మేడారం జాతరను నిర్వహించనున్నట్లు పూజారులు ప్రకటించారు. #PLEASE SHARE IT
News October 26, 2024
రక్తదానం చేసి మరో ముగ్గురి ప్రాణాలు కాపాడుదాం: వరంగల్ సీపీ
రక్తదానం చేసి మరో ముగ్గురి ప్రాణాలు కాపాడగలమని వరంగల్ సీపీ తెలిపారు. పోలీస్ అమరవీరుల సంస్మరణ దినోత్సవాల సందర్భంగా వరంగల్ కమిషనరేట్ కార్యాలయంలో రక్తదాన శిబిరాన్ని సీపీ శనివారం ప్రారంభించారు. ఆర్మూడ్ రిజర్వ్, ట్రాఫిక్ పోలీస్ అధికారులు, సిబ్బందితో పాటు స్థానిక యువత, ఆటోడ్రైవర్లు స్వచ్ఛందంగా రక్తదానం చేశారు. రక్తదానం చేసిన పోలీస్ అధికారులను సీపీ అభినందించారు.
News October 26, 2024
రివ్యూ మీటింగ్ లో పాల్గొన్న మంత్రి కొండా
అటవీ ప్రాంతాల్లో రోడ్ల ప్రాజెక్టుల అనుమతులపై మంత్రులు కొండా సురేఖ, కోమటిరెడ్డి వెంకట్ రెడ్డిల ఆధ్వర్యంలో సమావేశం నిర్వహించారు. అటవీ ప్రాంతాల్లో రోడ్ల అనుమతులపై తీసుకోవాల్సిన మార్గదర్శకాలు, తదితరాంశాలపై ఈ సమావేశంలో అధికారులతో మంత్రులు చర్చించారు. పర్యావరణ పరిరక్షణ ప్రతి ఒక్కరి బాధ్యత అని మంత్రి అన్నారు.
Featured News
Sorry, no posts matched your criteria.