India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News October 24, 2024
జనగామ: పోస్టుల భర్తీకి మెరిట్ జాబితా విడుదల
జిల్లా కేంద్రమైన జనగామలోని ప్రభుత్వ జనరల్ ఆస్పత్రి, మెడికల్ కళాశాలలో 13 కేటగిరీ పరిధిలో ఖాళీగా ఉన్న 50 పోస్టుల భర్తీకి మెరిట్ జాబితా విడుదల చేసినట్లు మెడికల్ కళాశాల ప్రిన్సిపల్ గోపాల్‌రావు తెలిపారు. మెరిట్ జాబితాలో అభ్యంతరాలు ఉంటే 24- 28వ తేదీ సాయంత్రం 4 గంటల వరకు తగిన రుజువులు జతచేసి రాత పూర్వకంగా తమకు అందించాలన్నారు. అలాగే డాటా ఎంట్రీ ఆపరేటర్ పోస్టుల భర్తీకి పరీక్ష నిర్వహిస్తామన్నారు.
News October 24, 2024
హనుమకొండ: బాలికపై సీఐ రవికుమార్ లైంగిక దాడికి యత్నం
మైనర్ బాలికపై లైంగిక దాడికి యత్నం చేసిన సీఐపై పోక్సో కేసు నమోదు చేశారు. హనుమకొండలోని ఓ అపార్ట్‌మెంట్‌లో ఉంటున్న మైనర్ బాలికపై సీఐ రవికుమార్ పలుమార్లు లైంగిక దాడికి యత్నించారని కాజీపేట పోలీస్ స్టేషన్‌లో బాలిక కుటుంబ సభ్యులు ఫిర్యాదు చేశారు. దీంతో సీఐ రవికుమార్‌పై పోక్సో కేసు నమోదు చేశారు. గతంలో వరంగల్ మామునూరు పోలీస్ స్టేషన్‌లో సీఐగా పనిచేశారు.
News October 24, 2024
MHBD: యువత పథకాలను సద్వినియోగం చేసుకొని ఉపాధి పొందాలి: కలెక్టర్
యువత పథకాలను సద్వినియోగం చేసుకొని ఉపాధి పొందాలని కలెక్టర్ అద్వైత్ కుమార్ సింగ్ అన్నారు. జిల్లా కలెక్టర్ బుధవారం కలెక్టరేట్‌లో (డీఐపీసీ) జిల్లాస్థాయి ఇండస్ట్రియల్ ప్రమోషన్ కమిటీ, సమావేశం నిర్వహించారు. కలెక్టర్ మాట్లాడుతూ.. కేంద్ర, రాష్ట్ర ప్రభుత్వాల పథకాలు పీఎం విశ్వకర్మ, టీ ప్రైడ్, తదితర సౌకర్యాల ద్వారా జిల్లాలోని యువతీ, యువకులు వ్యాపార రంగాల్లో ప్రవేశించి ఉపాధి అవకాశాలను పొందాలన్నారు.
News October 24, 2024
ఉమ్మడి వరంగల్ జిల్లాలో క్రైమ్ న్యూస్..
> HNK: అక్రమంగా విక్రయిస్తున్న టపాసులు సీజ్
> WGL: డ్రంక్ అండ్ డ్రైవ్ లో 20 మందికి జరిమానా
> HNK: అక్రమంగా నిర్వహించిన బియ్యం పట్టివేత
> WGL: గుట్కా సీజ్
> BHPL: తాటి చెట్టుపై నుంచి పడి గీత కార్మికుడికి తీవ్ర గాయాలు
> WGL: మద్యం మత్తులో ఇరు వర్గాల మధ్య దాడి
> MHBD: బైక్ యాక్సిడెంట్.. ఒకరి పరిస్థితి విషమం
> NKD: నలభై లీటర్ల నాటు సారా పట్టివేత
News October 23, 2024
గిట్టుబాటు ధర కల్పించేందుకు కృషి చేస్తాం: వరంగల్ కలెక్టర్
వరంగల్ డిసిసిబి సమావేశ మందిరంలో బుధవారం జిల్లా సహకార శాఖ అధికారిణి నీరజ ఆధ్వర్యంలో కొనుగోలు సెంటర్ల ఇన్‌ఛార్జులకు వరిధాన్యం కొనుగోలు కేంద్రాల నిర్వహణపై పవర్ ప్రజెంటేషన్ ద్వారా అవగాహన సదస్సు నిర్వహించారు. ఈ కార్యక్రమానికి జిల్లా కలెక్టర్ డాక్టర్ సత్య శారద హాజరై మాట్లాడుతూ.. రైతులు నష్ట పోకుండా గిట్టుబాటు ధర కల్పించేందుకు కృషి చేస్తామన్నారు.
News October 23, 2024
WGL: అయోధ్యలో విశ్వశాంతి మహాయాగం పోస్ట్‌పోన్ తేదీలు ఇవే..!
అయోధ్యలో శ్రీ మహానారాయణ దివ్య రుద్ర సహిత శత సహస్ర చండీ విశ్వశాంతి మహా యాగాన్ని నిర్వహిస్తున్నట్లు నిర్వహణ కమిటీ సభ్యుడు, TTD మాజీ ఈఓ LV.సుబ్రమణ్యం తెలిపిన విషయం తెలిసిందే. కాగా గతంలో ఈ యాగం NOV 2 నుంచి అని ప్రకటించగా తేదీలను పోస్ట్ పోన్ చేశారు. NOV 18 నుంచి JAN 1 వరకు నిర్వహించనున్నట్లు ప్రకటించారు. పాల్గొనే వారు తమ పేరును నమోదు చేసుకోవాలని తెలిపారు. వివరాలకు సెల్: 7780252277 సంప్రదించాలన్నారు.
News October 23, 2024
వరంగల్ మార్కెట్లో తగ్గిన మిర్చి ధరలు
వరంగల్ ఎనుమాముల వ్యవసాయ మార్కెట్లో నేడు అన్ని రకాల మిర్చి ధరలు తగ్గాయి. మంగళవారం తేజ మిర్చి క్వింటాకు రూ.17,500 ధర రాగా.. నేడు రూ. 17,200 ధర వచ్చింది. అలాగే వండర్ హాట్ మిర్చికి నిన్న రూ.16వేల ధర రాగా నేడు రూ.15,200కి తగ్గింది. మరోవైపు 341 రకం మిర్చి క్వింటాకు నిన్న రూ.16,500 ధర రాగా.. నేడు రూ.16,200 అయింది.
News October 23, 2024
నకిలీ పాస్ పుస్తకాలు తయారు చేసిన వారిపై చర్యలు తీసుకోవాలి: సీతక్క
నకిలీ పట్టా పాసుపుస్తకాలు సృష్టించి ఇటు బ్యాంకులను, ప్రభుత్వాన్ని మోసం చేస్తున్న వారిపైన కఠిన చర్యలు తీసుకోవాలని అధికారులను మంత్రి సీతక్క ఆదేశించారు. అమాయక రైతులను మోసం చేస్తున్న వారిపై క్రిమినల్ కేసులు తప్పవని, మంత్రి సీతక్క హెచ్చరించారు. సమగ్ర విచారణ చేపట్టి నిందితులను గుర్తించి ఇకపై ఇలాంటి సమస్యలు రాకుండా చూడాలని సీతక్క ఆదేశించారు.
News October 23, 2024
వరంగల్: శిశుగృహలను సందర్శించిన జిల్లా కలెక్టర్ ప్రావిణ్య
మహిళాభివృద్ధి శిశు సంక్షేమ శాఖ అనుబంధ సంస్థ ప్రత్యేక దత్తత విభాగం శిశు గృహను మంగళవారం జిల్లా కలెక్టర్ పి.ప్రావిణ్య సందర్శించి వసతులను పరిశీలించారు. అనంతరం జిల్లా సంక్షేమ అధికారి, బాలల సంక్షేమ సమితి, బాలల పరిరక్షణ విభాగం, శిశుగృహ అధికారులతో సమీక్ష నిర్వహించారు. కార్యక్రమంలో జిల్లా వైద్య ఆరోగ్య శాఖ అధికారి డాక్టర్ కె.లలితా దేవి, జిల్లా బాలల సంక్షేమ సమితి ఛైర్పర్సన్ పాల్గొన్నారు.
News October 22, 2024
కొమురం భీమ్ చిత్రపటానికి నివాళులర్పించిన మంత్రి, ఎమ్మెల్యేలు
కొమురం భీం జయంతి సందర్భంగా అసెంబ్లీలో ఆయన చిత్రపటానికి మంత్రి కోమటిరెడ్డి వెంకట్ రెడ్డి, ఎమ్మెల్యేలు రేవూరి ప్రకాశ్ రెడ్డి, జాటోతు రామచంద్రనాయక్, కేఆర్ నాగరాజు పూలమాలవేసి నివాళులర్పించారు. ఆదివాసీల హక్కుల కోసం నిరంకుశులతో పోరాడిన వీరుడు కొమరం భీమ్ అని నేతలు అన్నారు. ఈ కార్యక్రమంలో పలువురు ప్రజాప్రతినిధులు పాల్గొన్నారు.
Featured News
Sorry, no posts matched your criteria.