India's largestHyperlocal short
news App
Get daily news updates that are tailored for you based on your preferred language & location.
download Way2News app now
News January 11, 2025
నాంపల్లి కోర్టులో అల్లు అర్జున్‌కు ఊరట
TG: నాంపల్లి కోర్టులో ఐకాన్ స్టార్ అల్లు అర్జున్‌కు ఊరట దక్కింది. విదేశాలకు వెళ్లేందుకు అనుమతి ఇచ్చింది. ప్రతి ఆదివారం చిక్కడపల్లి పోలీస్ స్టేషన్‌లో హాజరు కావాలన్న నిబంధనను కోర్టు మినహాయించింది. సంధ్య థియేటర్ తొక్కిసలాట ఘటనలో బన్నీకి ఇటీవల కోర్టు రెగ్యులర్ బెయిల్ మంజూరు చేసిన విషయం తెలిసిందే.
News January 11, 2025
బల్లుల వల్ల ఇబ్బందా? ఈ చిట్కాలు మీకోసమే
– ఇంటిని క్లీన్‌గా ఉంచండి. తద్వారా వాటికి ఆహారం దొరకదు.
– నిమ్మ లాంటి సిట్రస్ జాతి మెుక్కల వల్ల బల్లులే కాదు ఇతర కీటకాలు దరిచేరవు
– కర్పూరం వాసనకు బల్లులు దూరంగా ఉంటాయి. కనుక వాటిని ఇంట్లో ఉంచండి
– చల్లటి ప్రదేశంలో ఉండటానికి ఇవి ఇబ్బంది పడతాయి. కనుక ఇంట్లో చల్లదనం ఉండేలా చూడండి.
– పెప్పర్, యాపిల్ వెనిగర్ స్ప్రే లతో పాటు కాఫీ లిక్విడ్ వాసనకు బల్లులు రాకుండా ఉంటాయి.
News January 11, 2025
AAP vs BJP: ఢిల్లీ రాజకీయాల్లో సెగ పుట్టించిన CAG రిపోర్ట్!
ఎన్నికల వేళ విడుదలైన CAG రిపోర్టు ఢిల్లీ రాజకీయాల్లో సెగ పుట్టించింది. అరవింద్ కేజ్రీవాల్ కొత్త లిక్కర్ పాలసీతో GOVTకు రూ.2026కోట్ల నష్టమొచ్చిందని చెప్పడం AAPను ఆత్మరక్షణలో పడేసింది. పాలసీ ఉద్దేశమే బాగాలేదని, నిపుణుల అభిప్రాయాలను పట్టించుకోలేదని, కంపెనీల సామర్థ్యం లెక్కలోకి తీసుకోలేదని, ఉల్లంఘనలకు శిక్షించలేదని, ధరల్లో పారదర్శకత లేదని, అమలకు ముందు అసెంబ్లీ ఆమోదం తీసుకోలేదని రిపోర్టు పేర్కొంది.
News January 11, 2025
90 గంటల LT సుబ్రహ్మణ్యన్ వార్షిక వేతనం రూ.51కోట్లు
‘ఉద్యోగులు ఆదివారం సహా వారానికి 90 గంటలు పనిచేయాలి’, ‘మీ భార్యను ఎంత సేపు చూస్తారు’ అంటూ కామెంట్ చేసిన LT ఛైర్మన్ SN సుబ్రహ్మణ్యన్ శాలరీ తెలిస్తే నోరు వెళ్లబెట్టాల్సిందే! 2023-24లో ఆయన ఏడాది వేతనం ₹51CR. బేస్ శాలరీ ₹3.6CR, ప్రీరిక్విసైట్స్ ₹1.67CR, కమిషన్ ₹35.28CR, రిటైర్మెంట్ బెనిఫిట్స్ కింద ₹10.5CR తీసుకున్నారు. LTలో ఉద్యోగి సగటు శాలరీ ₹9.55 లక్షలతో పోలిస్తే ఆయన శాలరీ 534 రెట్లు ఎక్కువన్నమాట.
News January 11, 2025
మూవీ కలెక్షన్స్.. గ్రాస్, నెట్ మధ్య తేడా ఇదే!
సినిమా కలెక్షన్లను గ్రాస్, నెట్, షేర్ అని ప్రకటిస్తుంటారు. మూడు పెద్ద సినిమాల విడుదల ఉండటంతో మరోసారి వాటి గురించి తెలుసుకుందాం. థియేటర్లలో టికెట్ సేల్స్ ద్వారా వచ్చే కలెక్షన్స్ గ్రాస్. అందులో ప్రభుత్వానికి కట్టే ట్యాక్స్ పోగా మిగిలేది నెట్. వీటిలో ఎగ్జిబిటర్లు, థియేటర్స్ పర్సంటేజ్ కట్ అయ్యాక ఫైనల్‌గా నిర్మాతకు దక్కేది షేర్ కింద లెక్కిస్తారు. ఇలా రూ.250 టికెట్‌లో నిర్మాతకు రూ.100 వస్తుంది.
News January 11, 2025
చాహల్‌తో డేటింగ్‌పై స్పందించిన యువతి
టీమ్ఇండియా బౌలర్ చాహల్ తన భార్య ధనశ్రీతో విడిపోనున్నట్లు వార్తలొస్తున్న వేళ ఓ అమ్మాయితో ఆయనున్న ఫొటో వైరలవుతోంది. RJ మహ్వాశ్‌తో ఆయన డేటింగ్‌లో ఉన్నట్లు నెటిజన్లు ఈ ఫొటో షేర్ చేస్తున్నారు. దీనిపై ఆమె తీవ్రంగా స్పందించారు. ‘ఇవన్నీ ఊహాగానాలే. ఒక అబ్బాయి, అమ్మాయితో తిరిగితే డేటింగేనా? రెండు మూడు రోజులుగా ఓపిగ్గా ఉన్నా. క్లిష్ట సమయంలో ఇతరులను తమ ఫ్రెండ్స్, ఫ్యామిలీతో గడపనివ్వండి’ అని ఆమె పేర్కొన్నారు.
News January 11, 2025
193 ఏళ్ల క్రితం నీలవర్ణంలో సూర్యుడు.. కారణమిదే
1831లో ఓ విచిత్రం జరిగింది. ప్రపంచానికి సూర్యుడు నీలవర్ణంలో కనిపించాడు. దానికి కారణాన్ని స్కాట్లాండ్ పరిశోధకులు తాజాగా కనుగొన్నారు. రష్యా సమీపంలోని జవారిట్స్‌కీ అనే అగ్నిపర్వతం ఆ ఏడాది విస్ఫోటనం చెందిందని గుర్తించారు. దాన్నుంచి భారీగా వెలువడిన సల్ఫర్ డయాక్సైడ్ వాతావరణాన్ని కమ్మేసిందని పేర్కొన్నారు. అగ్నిపర్వత విస్ఫోటనం భూ వాతావరణాన్ని పూర్తిగా మార్చడానికి భవిష్యత్తులోనూ ఛాన్స్ ఉందని హెచ్చరించారు.
News January 11, 2025
రిగ్రెట్‌గా ఫీలవుతారు.. NRIలకు మోదీ వార్నింగ్!
NRIలు వెంటనే స్వ‌దేశానికి తిరిగొచ్చేయాలని బహిరంగంగా పిలుపునిస్తున్నానని ప్రధాని మోదీ అన్నారు. ‘ప్రపంచం చాలా మారిపోతోంది. ఒకవేళ మీరు భారత్‌కు రాకపోతే రిగ్రెట్‌గా ఫీలవుతారు’ అని హెచ్చరించారు. ‘CMగా ఉన్న నాకు 2005లో US వీసా నిరాకరించింది. భారత వీసా కోసం ప్రపంచం క్యూలో నిలబడే రోజు వస్తుందని అప్పుడే చెప్పా. ఇప్పుడు భారత్‌కు ఆ టైమ్ వచ్చేసింది. గత 2 దశాబ్దాల్లో దేశం చాలా పురోగతి సాధించింది’ అని అన్నారు.
News January 11, 2025
‘చాయ్ వాలే బాబా’ గురించి ఈ విషయాలు తెలుసా?
UPలోని ప్రతాప్ గఢ్‌కు చెందిన దినేశ్ స్వరూప్ బ్రహ్మచారి తొలుత చాయ్ అమ్మేవాడు. దీంతో సాధువుగా మారిన తర్వాత ఆయనను ‘<<15114642>>చాయ్ వాలే బాబా<<>>’గా పిలుస్తున్నారు. 40 ఏళ్లుగా తిండి లేకుండా, రోజుకు 10 కప్పుల చాయ్ తాగుతూ జీవిస్తున్నారు. మౌనం శక్తిని పోగు చేస్తుందని నమ్మే ఆయన చాలా ఏళ్లుగా మాట్లాడటం మానేశారు. సివిల్స్ అభ్యర్థులకు ఆయన వాట్సాప్ ద్వారా సందేహాలను నివృత్తి చేస్తుండటం మరో విశేషం.
News January 11, 2025
2025లో ఈ ఉద్యోగుల శాలరీ ఇంక్రిమెంట్ తగ్గొచ్చు!
MNC ఉద్యోగులకు షాక్! 2025లో మీ శాలరీ ఇంక్రిమెంట్ తగ్గొచ్చు. అంతర్జాతీయంగా ఆర్థిక అనిశ్చితి కొనసాగుతుండటమే ఇందుకు కారణం. మిగతా కంపెనీలతో పోలిస్తే GCCలు ఇంక్రిమెంట్లు ఎక్కువే పెంచుతున్నా గతేడాది కన్నా తక్కువ పర్సంటేజే ఉంటుందని డెలాయిట్ ఇండియా డేటా చెబుతోంది. IT ప్రొడక్ట్ కంపెనీలు గతేడాది 10% పెంచగా ఈసారి 9కే పరిమితం కావొచ్చని తెలిసింది. IT సర్వీస్ సెక్టార్లో కోత ఇంకా ఎక్కువే ఉండనుంది.
Featured News
Sorry, no posts matched your criteria.