India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 2, 2025
సీఎంకు లక్ష్మణ్ సవాల్
TG: కేంద్ర నిధులపై బీజేపీ ఎంపీ లక్ష్మణ్ సీఎం రేవంత్ రెడ్డికి సవాల్ విసిరారు. యూపీఏ హయాంలో ఉమ్మడి ఏపీకి ఎన్ని నిధులిచ్చారు? మోదీ ప్రభుత్వంలో తెలంగాణకు ఎన్ని నిధులిచ్చారో చర్చకు రావాలన్నారు. రాష్ట్రంలో బీజేపీ ఎదుగుదలను చూసి రేవంత్ ఓర్వలేకపోతున్నారని విమర్శించారు. డీలిమిటేషన్ (నియోజకవర్గాల పునర్విభజన)పై కాంగ్రెస్, BRS రెచ్చగొట్టే రాజకీయాలు చేస్తున్నాయని మండిపడ్డారు.
News March 2, 2025
యానిమల్‌లో ఆ సీన్లు వేరేలా ప్లాన్ చేశా: సందీప్ వంగా
‘యానిమల్’ సినిమాలో రణ్‌బీర్ కపూర్ నగ్నంగా నటించిన సీన్లు అప్పట్లో చర్చనీయాంశంగా మారిన సంగతి తెలిసిందే. ముందుగా ఈ సన్నివేశంలో ప్రోస్తెటిక్ మేకప్ వాడుదామని టెస్ట్ షూట్ కూడా చేసినట్లు దర్శకుడు సందీప్ వంగా తెలిపారు. అయితే వాస్తవికతకు దూరంగా ఉండటంతో ఔట్ ఆఫ్ ఫోకస్ టెక్నిక్ యూజ్ చేశామని చెప్పారు. కరోనా సమయంలో ఈ కథను రాసుకున్నానని, షర్ట్ కలర్‌తో సహా స్క్రిప్ట్‌లో మెన్షన్ చేసినట్లు వెల్లడించారు.
News March 2, 2025
కోహ్లీ నిజమైన స్ఫూర్తి: పాక్ ప్లేయర్
పాకిస్థాన్‌తో మ్యాచులో గిల్‌ను ఔట్ చేసిన సమయంలో ఆ జట్టు ప్లేయర్ అబ్రార్ అహ్మద్ చేసిన ఓవరాక్షన్‌పై నెట్టింట విమర్శలు వెల్లువెత్తిన సంగతి తెలిసిందే. అయితే అబ్రార్ మాత్రం భారత స్టార్ ప్లేయర్ కోహ్లీపై ప్రశంసల వర్షం కురిపించారు. తన చిన్ననాటి హీరో కోహ్లీకి బౌలింగ్ చేయడం, ఆయన నుంచి ప్రశంసలు పొందడం కృతజ్ఞతగా ఉందని చెప్పారు. మైదానంలో, బయటా ఆయనే నిజమైన స్ఫూర్తి అని రాసుకొచ్చారు.
News March 2, 2025
వేసవి అలర్ట్.. విద్యార్థులు జాగ్రత్త
వేసవి మెుదలవటంతో పరీక్షలు రాసే విద్యార్థులు వడదెబ్బ తాకకుండా తగిన జాగ్రత్తలు తీసుకోవాలని నిపుణులు సూచిస్తున్నారు. రోజుకు 7-8గంటలు నిద్రపోవాలని, కొబ్బరినీళ్లు, ఉప్పు కలిపిన మజ్జిగ, నిమ్మరసం లాంటివి తీసుకోవాలని చెబుతున్నారు. పరీక్ష గదిలోకి వాటర్‌బాటిల్ తీసుకెళ్లాలని, ఎండలో వెళ్లేటప్పుడు గొడుగు లేదా క్యాప్ తప్పనిసరిగా వాడాలని అంటున్నారు. తేలికపాటి లేత రంగు దుస్తులు ధరించటం ఉత్తమమని సూచిస్తున్నారు.
News March 2, 2025
సెమీఫైనల్లో ఆస్ట్రేలియా ఉంటేనే బెటర్!
భారత్ ఇవాళ NZపై గెలిస్తే ఆస్ట్రేలియాతో, ఓడితే సౌతాఫ్రికాతో సెమీఫైనల్లో తలపడనుంది. అయితే సెమీస్‌లో ప్రత్యర్థిగా ఆస్ట్రేలియా ఉంటేనే INDకు మంచిదని క్రికెట్ అభిమానులు అభిప్రాయపడుతున్నారు. 2007 టీ20 WC సెమీస్, 2011 వన్డే WC క్వార్టర్ ఫైనల్లో ఇదే జరిగిందని, ఆ టోర్నీల్లో AUSను ఓడించి కప్ కొట్టామని గుర్తు చేస్తున్నారు. ఒకవేళ కంగారూలు ఫైనల్‌కు వస్తే ఆ జట్టును ఓడించడం చాలా కష్టమంటున్నారు. మీ కామెంట్?
News March 2, 2025
ఉపవాసం ఖర్జూరతోనే ఎందుకు విరమిస్తారో తెలుసా..?
రంజాన్ మాసంలో ఉపవాసం ఖర్జూరాలతోనే విరమిస్తారు. ఎందుకంటే మహ్మద్ ప్రవక్త తనకెంతో ఇష్టమైన ఖర్జూరతోనే ఉపవాసాన్ని విరమించేవారని ముస్లింలు నమ్ముతారు. ఇస్లామిక్ సంప్రదాయంలో వీటికి అధిక ప్రాధాన్యత ఉంది. డేట్స్‌లో ఉండే హై-ప్రోటీన్ కంటెంట్ శక్తిని తక్షణమే అందిస్తుంది. షుగర్‌ లెవల్స్ తగ్గకుండా చేసి, జీర్ణవ్యవస్థ మెరుగ్గా పనిచేసేలా సహాయపడతాయి. ఉపవాసంతో నీరసించిన శరీరాన్ని తిరిగి ఉత్తేజమయ్యేలా చేస్తాయి.
News March 2, 2025
విరాట్ మరో 4 ఏళ్లు ఇంటర్నేషనల్ క్రికెట్ ఆడతారు: చిన్ననాటి కోచ్
విరాట్ కోహ్లీ కనీసం మరో నాలుగేళ్లు ఇంటర్నేషనల్ క్రికెట్, ఇంకా చాలా ఏళ్లు ఐపీఎల్ ఆడతారని ఆయన చిన్ననాటి కోచ్ రాజ్ కుమార్ శర్మ అభిప్రాయపడ్డారు. విరాట్ ఫిట్‌నెస్ అద్భుతంగా ఉందని, నిలకడే అతడి ఆయుధం అని చెప్పారు. ఆటపై అతడి ప్రేమ కొనసాగినంత కాలం ఆడుతూనే ఉంటారన్నారు. కాగా ప్రస్తుతం విరాట్ వయసు 36 ఏళ్లు.
News March 2, 2025
రంజాన్ మాస శుభాకాంక్షలు: మోదీ
రంజాన్ మాసం ప్రారంభోత్సవం సందర్భంగా ప్రధాని మోదీ ముస్లింలకు శుభాకాంక్షలు తెలిపారు. ఈ పవిత్రమాసంలో భక్తి, కరుణ ప్రతిబింబిస్తుందని ట్వీట్ చేశారు. సమాజంలో శాంతి, సామరస్యం నెలకొనాలని ఆకాంక్షించారు. ఈ రోజు నుంచే రంజాన్ ఉపవాసాలు ప్రారంభం అయ్యాయి.
News March 2, 2025
ఇవాళ సాయంత్రం టన్నెల్ వద్దకు సీఎం రేవంత్
TG: శ్రీశైలం SLBC టన్నెల్ వద్దకు సీఎం రేవంత్ రెడ్డి వెళ్లనున్నారు. ఇవాళ సాయంత్రం ఘటనా స్థలానికి వెళ్తారని అధికార వర్గాలు తెలిపాయి. ఈ క్రమంలో రేంజ్ ఐజీ సత్యనారాయణ భద్రతను పర్యవేక్షించనున్నారు. వారం రోజుల క్రితం పైకప్పు కూలిన ఘటనలో 8 మంది కార్మికులు చిక్కుకున్న సంగతి తెలిసిందే. వారిని రక్షించేందుకు రెస్క్యూ చర్యలు కొనసాగుతున్నాయి.
News March 2, 2025
ఓటీటీలోకి కొత్త సినిమా
అజిత్, త్రిష ప్రధాన పాత్రల్లో తెరకెక్కిన చిత్రం ‘విదాముయార్చి’(పట్టుదల) రేపటి నుంచి నెట్‌ఫ్లిక్స్‌లో స్ట్రీమింగ్ కానుంది. తెలుగు, తమిళ్, హిందీ, కన్నడ, మలయాళం భాషల్లో ఈ మూవీ స్ట్రీమింగ్ కానుంది. మగిజ్ తిరుమేని తెరకెక్కించిన ఈ సినిమా బాక్సాఫీసు వద్ద మిక్స్‌డ్ టాక్ సొంతం చేసుకుంది. విడుదలైన నాలుగు వారాల్లోనే ఈ చిత్రం OTTలోకి రానుంది.
Featured News
Sorry, no posts matched your criteria.