India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 24, 2024
సౌదీ ఎడారిలో తప్పిపోయి తెలంగాణ యువకుడి మృతి
కరీంనగర్‌కు చెందిన షహబాజ్ ఖాన్ (27) సౌదీలోని ఎడారిలో దయనీయ స్థితిలో చనిపోయారు. అల్ హాసాలో టవర్ టెక్నీషియన్ అయిన అతడు 5 రోజుల క్రితం సహచరుడితో కలిసి కారులో ఓ చోటుకు వెళ్లారు. GPS పని చేయకపోవడంతో దారి తప్పి ప్రమాదకరమైన రబ్ అల్ ఖలీ అనే ఎడారిలోకి వెళ్లిపోయారు. ఫోన్ స్విచ్ఛాఫ్ కావడం, పెట్రోల్ అయిపోవడంతో అందులోనే చిక్కుకుపోయారు. డీహైడ్రేషన్, విపరీతమైన ఎండతో పూర్తిగా బలహీనపడి ఇద్దరూ ప్రాణాలు వదిలారు.
News August 24, 2024
FTL, బఫర్‌జోన్ అంటే ఏంటి?
చెరువు, జలాశయం పూర్తిస్థాయి నిల్వ సామర్థ్యం పరిధిని <<13929013>>FTL<<>>(ఫుల్ ట్యాంక్ లెవల్) అంటారు. కొన్ని దశాబ్దాల పాటు వాటికి వచ్చిన వరదను బట్టి FTLను నిర్ధారిస్తారు. ఇక నీటి వనరును బట్టి బఫర్‌జోన్‌ను నిర్ధారిస్తారు. 25 హెక్టార్లు, అంతకుమించి విస్తీర్ణంలో చెరువు, రిజర్వాయర్లు ఉంటే బఫర్ జోన్ నిర్ధారణకు 30 మీ.(100 ఫీట్లు)ను ప్రామాణికంగా తీసుకుంటారు. వీటి పరిధిలో ఎలాంటి నిర్మాణాలు చేపట్టకూడదు. సాగు చేసుకోవచ్చు.
News August 24, 2024
ఎస్సీ, ఎస్టీ చట్టం వాటికి వర్తించదు: సుప్రీంకోర్టు
SC, ST సామాజిక వ‌ర్గాల ప్రజల్ని కులం పేరు ఎత్త‌కుండా బెదిరించిన, అవ‌మానించిన నేరానికి SC, ST వేధింపుల నిరోధ‌క చట్టం-1989 కింద కేసు పెట్ట‌లేరని సుప్రీంకోర్టు స్పష్టం చేసింది. కులంపేరుతో అవ‌మానించిన‌ప్పుడు, వేధించిన‌ప్పుడు మాత్రమే చ‌ట్టంలోని సెక్ష‌న్ 3(1)R వ‌ర్తిస్తుంద‌ని తేల్చింది. అంట‌రానిత‌నాన్ని పాటిస్తే తప్ప అవమానాలు, బెదిరింపులకు చట్టం వర్తించదని కేరళ MLA vs యూట్యూబర్ కేసులో పేర్కొంది.
News August 24, 2024
ప్రభాస్‌పై బాలీవుడ్ నటుడి విమర్శలు.. నాగ్ అశ్విన్ రిప్లై ఇదే!
స్టార్ హీరో ప్రభాస్‌పై బాలీవుడ్ నటుడు అర్షద్ వార్సీ చేసిన విమర్శలపై దర్శకుడు నాగ్ అశ్విన్ స్పందించారు. ‘ఇక వెనక్కి వెళ్లకూడదు. నార్త్-సౌత్, బాలీVSటాలీ ఏం లేదు. యునైటెడ్ ఇండియన్ ఫిల్మ్ ఇండస్ట్రీ ఒక్కటే. అర్షద్ కాస్త మెరుగ్గా మాట్లాడి ఉంటే బాగుండేది. అయినప్పటికీ ఆయన పిల్లలకి బుజ్జి టాయ్స్ పంపిస్తున్నా. ప్రతి ఒక్కరినీ గెలిచేందుకు పార్ట్-2 కోసం కష్టపడి పనిచేస్తా’ అని ట్వీట్ చేశారు.
News August 24, 2024
IPL: రోహిత్ శర్మ కోసం రూ.50 కోట్లు?
ముంబై మాజీ కెప్టెన్ రోహిత్ శర్మ కోసం ఢిల్లీ, లక్నో పోటీ పడుతున్నాయని వార్తలొస్తున్నాయి. ఒకవేళ రోహిత్ ముంబైని వదిలేసి వేలంలోకి వస్తే రూ.50 కోట్లకు దక్కించుకునేందుకు ప్లాన్ చేస్తున్నాయని సమాచారం. ఇందుకోసం ఆ రెండు ఫ్రాంచైజీలు రూ.50 కోట్ల పర్స్ మనీని సేవ్ చేసుకున్నట్లు తెలుస్తోంది. ఈ రెండు టీంలకు ఇప్పటివరకు ఐపీఎల్ ట్రోఫీ దక్కలేదు. దీంతో ఎలాగైనా హిట్‌మ్యాన్‌ను తీసుకోవాలని భావిస్తున్నాయని టాక్.
News August 24, 2024
ఒకేరోజు డెంగ్యూతో ఐదుగురు మృతి: KTR
తెలంగాణలో ఒకేరోజు ఐదుగురు డెంగ్యూతో చనిపోయారని KTR ఫైరయ్యారు. రాష్ట్రంలో భారీగా కేసులు పెరుగుతున్నప్పటికీ వైద్యశాఖ పర్యవేక్షించట్లేదని విమర్శించారు. కేసుల పెరుగుదలను అరికట్టేందుకు తీసుకోవాల్సిన చర్యలపై శాఖ వద్ద ప్రణాళికలు ఉన్నాయా? అని ప్రశ్నించారు. గ్రామాలు, పట్టణాల్లో పారిశుద్ధ్య కార్యక్రమాలు, డెంగ్యూపై అవగాహన కల్పించాలన్నారు. ముఖ్యంగా బ్లడ్ ప్లేట్‌లెట్స్ అందుబాటులో ఉంచాలని KTR సూచించారు.
News August 24, 2024
చక్కెర ఉత్ప‌త్తిపై కొత్త నిబంధ‌న‌లు
చక్కెర ఉత్పత్తి, నిల్వ, ధరలకు సంబంధించి దాదాపు 6 దశాబ్దాల నాటి నిబంధనలను సాంకేతిక పురోగతికి అనుగుణంగా మార్చాలని కేంద్ర ప్ర‌భుత్వం యోచిస్తోంది. దీని కోసం ‘ది షుగర్ (నియంత్రణ) ఆర్డర్- 2024’ ముసాయిదాను విడుదల చేసింది. ముసాయిదా బిల్లు చట్టరూపం దాల్చితే ఉత్ప‌త్తిదారునికి లైసెన్స్ ఉంటే త‌ప్పా చెరకు నుంచి చక్కెర, దాని బై ప్రోడ‌క్ట్స్‌ తయారు చేయరాదని కేంద్ర, రాష్ట్ర ప్ర‌భుత్వాలు ఆదేశాలు ఇవ్వగలవు.
News August 24, 2024
హీరో రవితేజ గాయంపై UPDATE
మాస్ మహారాజా రవితేజ <<13925048>>గాయం<<>> ఆయన పీఆర్ టీమ్ అప్‌డేట్ ఇచ్చింది. ’75వ సినిమా షూటింగ్ కోసం యాక్షన్ సీన్ చేస్తుండగా రవితేజ కుడి చేతికి గాయమైంది. కండరం చిట్లినా లెక్క చేయకుండా షూటింగ్ చేయడంతో గాయం పెద్దదైంది. గురువారం ఆయనకు సర్జరీ విజయవంతమైంది. గాయం తగ్గడానికి 6 వారాలు పడుతుంది. వైద్యులు విశ్రాంతి తీసుకోవాలని చెప్పారు’ అని పేర్కొంది. సర్జరీ అనంతరం రవితేజ ఇంటికి వెళ్లిపోయారు.
News August 24, 2024
IPLలో ధవన్ హిస్టరీ
క్రికెట్ అభిమానులు ముద్దుగా గబ్బర్ అని పిలుచుకునే శిఖర్ ధవన్ అంతర్జాతీయ, డొమెస్టిక్ క్రికెట్‌కు రిటైర్మెంట్ ప్రకటించిన విషయం తెలిసిందే. ఆయన ఆటను ఇకపై ఐపీఎల్‌లోనే చూసే అవకాశం ఉంది. IPLలో ఇప్పటివరకూ 222 మ్యాచులు ఆడిన శిఖర్ రెండు సెంచరీలు, 51 అర్ధ సెంచరీలతో 6769 రన్స్ చేశారు. ఈ ఫార్మాట్‌లో 768 బౌండరీలు, 152 సిక్సులు బాది 102 క్యాచ్‌లు పట్టుకున్నారు. IPLలో అత్యధిక పరుగులు చేసిన రెండో ప్లేయర్ ఈయనే.
News August 24, 2024
టూత్ బ్రష్‌లను బాత్‌రూమ్‌లో పెడుతున్నారా?
టూత్ బ్రష్‌లను బాత్‌రూమ్‌లో ఉంచడం ఆరోగ్యానికి ప్రమాదం కావొచ్చని ఆరోగ్య నిపుణులు హెచ్చరిస్తున్నారు. స్నానాలగదిలో తేమ, వేడి కలగలిపిన వాతావరణం బ్యాక్టీరియా పెరగడానికి అనువైనదని పేర్కొంటున్నారు. ‘కమోడ్ ఫ్లష్ చేసినప్పుడు అందులో బ్యాక్టీరియా గాల్లో చేరి బ్రష్ మీదకు వచ్చే ప్రమాదమూ ఉంది. అందువల్ల బ్రష్‌ను బాత్‌రూమ్‌ బయట పొడి వాతావరణంలో దుమ్ము లేని చోట పెడితే మంచిది’ అని పేర్కొంటున్నారు.
Featured News
Sorry, no posts matched your criteria.