India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 20, 2024
బాక్సాఫీస్ వద్ద ‘స్త్రీ-2’ జోరు.. 5 రోజుల్లోనే రూ.242 కోట్లు
హారర్ కామెడీ థ్రిల్లర్ మూవీ ‘స్త్రీ-2’ బాలీవుడ్ బాక్సాఫీస్‌ను షేక్ చేస్తోంది. రూ.50 కోట్ల బడ్జెట్‌తో తెరకెక్కిన ఈ సినిమా 5 రోజుల్లోనే రూ.242 కోట్లు సాధించింది. ఈ వారంలో రూ.500 కోట్ల మార్క్ చేరుకునే అవకాశం ఉందని సినీ క్రిటిక్స్ చెబుతున్నారు. అమర్ కౌశిక్ దర్శకత్వం వహించిన ఈ చిత్రంలో శ్రద్ధా కపూర్, రాజ్‌కుమార్ రావ్, పంకజ్ త్రిపాఠి కీలక పాత్రల్లో నటించారు.
News August 20, 2024
మెడికల్ కాలేజీల్లో భద్రతపై CJI ఆందోళన
మెడికల్ కాలేజీలు, ఆస్పత్రుల్లో సౌకర్యాలపై సీజేఐ చంద్రచూడ్ ఆందోళన వ్యక్తం చేశారు.
*36 గంటలు డ్యూటీ చేసినా రెస్ట్ రూమ్స్ లేవు. కనీస శుభ్రత పాటించట్లేదు.
*లాంగ్ షిప్ట్స్ చేసి ఇంటికి వెళ్లేందుకు సరైన రవాణా సదుపాయాలు అందుబాటులో లేవు.
*సీసీటీవీ కెమెరాలు సరిగ్గా పని చేయట్లేదు అని తెలిపారు. వీటిపై టాస్క్ ఫోర్స్ ఏర్పాటు చేస్తున్నామని చెప్పారు. అందులో తెలుగు డాక్టర్ డి.నాగేశ్వర్ రెడ్డికి చోటు దక్కింది.
News August 20, 2024
ట్రైనీ డాక్టర్ తల్లితో చెప్పిన మాటలివే..
కోల్కతాలో హత్యాచారానికి గురైన ట్రైనీ డాక్టర్ తల్లి తన కూతురిని తలుచుకుని భావోద్వేగానికి గురయ్యారు. ‘నా కూతురికి భక్తి ఎక్కువ. దుర్గ పూజను చాలా శ్రద్ధగా చేసేది. రెండేళ్లుగా చాలా వైభవంగా చేసుకున్నాం. మూడోసారి కూడా అదే విధంగా చేయాలని చెప్పింది. ఇంతలోనే ఘోరం జరిగిపోయింది. తాను బతికి ఉండి ఉంటే దుర్గ పూజ సమయానికి పీజీ పూర్తై ఉండేది’ అని కన్నీరు పెట్టుకున్నారు.
News August 20, 2024
బెంగాల్ ప్ర‌భుత్వంపై ప్ర‌శ్న‌ల వర్షం
కోల్కతాలో ట్రైనీ డాక్టర్ హ‌త్యాచారం కేసులో FIR న‌మోదుకు ఎందుకు ఆల‌స్య‌మైంద‌ని బెంగాల్ ప్ర‌భుత్వాన్ని సుప్రీంకోర్టు నిల‌దీసింది. దారుణ‌మైన అఘాయిత్యం జ‌రిగినా స‌హ‌జ మ‌ర‌ణంగా ఎందుకు పేర్కొన్నారని ప్ర‌శ్నించింది. ఇది హ‌త్య‌గా సాయంత్రం వరకు ఎందుకు గుర్తించ‌లేక‌పోయార‌ని నిల‌దీసింది. విచారణ జ‌ర‌ప‌కుండానే కాలేజీ ప్రిన్సిప‌ల్‌ను మరో కాలేజీకి ప్రిన్సిప‌ల్‌గా ఎలా నియ‌మించారంటూ ప్ర‌శ్నించింది.
News August 20, 2024
గ్రేట్.. కారు 10 లక్షల కి.మీలు తిరిగింది!
కారు 4-5 లక్షల కి.మీలు తిరగడమే ఎక్కువ. కానీ, ఓ కారు ఏకంగా 10 లక్షల కిలోమీటర్లు ప్రయాణించింది. కెనడాలోని అంటారియోకు చెందిన 38 ఏళ్ల ఇండియన్ అరుణ్ ఘోష్ 2014 మోడల్ హోండా అకార్డ్ కారును 2017లో సెకండ్ హ్యాండ్‌లో కొన్నాడు. అప్పుడు 90వేల KMS తిరగ్గా డ్రైవింగ్‌పై తనకున్న మక్కువతో దానిని 10 లక్షల కి.మీలు చేశాడు. ఓడోమీటర్ 9,99,999KMS వద్ద ఆగిపోవడంతో తనకోసం ఏడు అంకెలది ఏర్పాటు చేయాలని కంపెనీని కోరాడు.
News August 20, 2024
వర్షపాతాన్ని ఎలా లెక్కిస్తారంటే?
వర్షపాతం mm, cmలలో నమోదైందని చెబుతుంటారు. అయితే ఎంత కురిసిందని కచ్చితంగా లెక్కించేందుకు ప్రత్యేక పరికరాలు ఉంటాయి. వీటిని ఆరుబయట ప్రదేశాల్లో ఏర్పాటు చేస్తారు. అవి మిల్లీమీటర్లు, సెంటీమీటర్ల కొలతలతో ఉంటాయి. వర్షం కురిసినప్పుడు అందులో చేరే నీటి స్థాయిని బట్టి ఎంత కురిసిందనేది చెప్తారు. మాములుగా చ.మీటర్ స్థలంలో లీటర్ నీరు నిలిస్తే 1mm వాన కింద లెక్క. కురిసిన సమయాన్ని బట్టి తీవ్రతను గుర్తిస్తారు.
News August 20, 2024
వైద్యుల ర‌క్ష‌ణ కోసం నేష‌న‌ల్ టాస్క్ఫోర్స్: SC
దేశ‌వ్యాప్తంగా ఆస్ప‌త్రులు, వైద్య సంస్థ‌ల్లో వైద్యుల ర‌క్ష‌ణ‌కు నేష‌న‌ల్ టాస్క్ఫోర్స్ ఏర్పాటు చేస్తున్నట్లు సుప్రీంకోర్టు తెలిపింది. కోల్కతాలో ట్రైనీ డాక్టర్ హ‌త్యాచార ఘ‌ట‌న‌పై సుప్రీంకోర్టు సుమోటోగా విచారణ చేపట్టింది. వైద్యుల ర‌క్ష‌ణ‌కు దేశ‌వ్యాప్తంగా అనుస‌రించాల్సిన విధానాల‌పై అధ్య‌యనం చేసి నివేదిక సమర్పించేలా వైద్య నిపుణులకు టాస్క్‌ఫోర్స్‌లో చోటు క‌ల్పిస్తామ‌ని సీజేఐ బెంచ్ తెలిపింది.
News August 20, 2024
గంటల తరబడి కూర్చొని పనిచేస్తున్నారా?
సాఫ్ట్‌వేర్, ఇతర ఉద్యోగులు గంటల తరబడి కూర్చోవడం వల్ల ఊబకాయం, హైపర్ టెన్షన్, డయాబెటిస్, హార్ట్ ఎటాక్స్ వచ్చే అవకాశం ఉంది. ఈక్రమంలో ఓ చిన్న జాగ్రత్తతో రోగాలు దరిచేరకుండా ఆరోగ్యాన్ని మెరుగుపరుచుకోవచ్చని వైద్యులు చెబుతున్నారు. ప్రతి ఒక్కరూ అరగంటకి ఒకసారి బ్రేక్ తీసుకోవాలని సూచించారు. కుర్చీలోంచి లేచి 2-5 నిమిషాలు నడవాలని చెబుతున్నారు. ఇలా చేస్తే వ్యాధుల బారిన పడరని, అకాల మరణాలు సంభవించవని చెప్పారు.
News August 20, 2024
కవిత బెయిల్ పిటిషన్: విచారణ వాయిదా
ఢిల్లీ లిక్కర్ స్కాం కేసులో ఎమ్మెల్సీ కవిత బెయిల్ పిటిషన్‌పై సుప్రీంకోర్టులో విచారణ వాయిదా పడింది. వచ్చే మంగళవారం విచారణ చేపడతామని కోర్టు పేర్కొంది. ఈ కేసులో సీబీఐ కౌంటర్ దాఖలు చేయగా, ఈడీ సమయం కోరింది. కోర్టు ఈడీకి ఈ నెల 23 వరకు అవకాశం ఇచ్చింది. కాగా, ఢిల్లీ హైకోర్టు తన బెయిల్ తిరస్కరించడంతో కవిత సుప్రీంకోర్టును ఆశ్రయించిన విషయం తెలిసిందే.
News August 20, 2024
ప్రభాస్ స్థాయి చాలా పెద్దది: సుధీర్ బాబు
తెలుగు సినిమాను ప్రపంచస్థాయికి తీసుకెళ్లడంలో తనవంతు కృషి చేసిన హీరో ప్రభాస్‌పై బాలీవుడ్ నటుడు అర్షద్ వార్సీ చేసిన<<13885603>> వ్యాఖ్యలు<<>> దుమారం రేపుతున్నాయి. దీంతో ఆయన వ్యాఖ్యలకు టాలీవుడ్ నటీనటులు కౌంటర్ ఇస్తున్నారు. తాజాగా హీరో సుధీర్ బాబు స్పందించారు. ‘నిర్మాణాత్మకంగా విమర్శించినా ఫర్వాలేదు. కానీ ఇలా తప్పుగా మాట్లాడొద్దు. వార్సీలో వృత్తి నైపుణ్యం లోపించింది. ప్రభాస్ స్థాయి చాలా పెద్దది’ అని ట్వీట్ చేశారు.
Featured News
Sorry, no posts matched your criteria.