India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 18, 2024
ఆయుధ పూజ సాంగ్.. హైప్ ఎక్కిస్తున్న ‘దేవర’ టీమ్
‘దేవర’ మూవీపై అభిమానుల్లో రోజురోజుకు అంచనాలు పెరుగుతున్నాయి. ఇటీవల విడుదలైన ‘చుట్టమల్లే’ లిరికల్ వీడియో సంచలనం సృష్టిస్తున్న సంగతి తెలిసిందే. దీంతో ఆయుధ పూజ సాంగ్‌ను కూడా రిలీజ్ చేయాలని అభిమానులు ‘దేవర’ బృందాన్ని కోరారు. మూవీ టీమ్ బదులిస్తూ ’ఆ సాంగ్ వదిలితే ఇప్పుడే పోతారు. లాస్ట్‌లో రిలీజ్ చేస్తాం‘ అని పేర్కొంది. దీంతో హైప్ ఎక్కించి చంపేస్తారా అని అభిమానులు కామెంట్లు చేస్తున్నారు.
News August 18, 2024
ఐఫోన్- 16 వచ్చేస్తోంది
సెప్టెంబర్‌లో జ‌ర‌గ‌నున్న యాపిల్ నెక్ట్స్ ఈవెంట్ ద్వారా ఐఫోన్- 16 మార్కెట్‌లోకి విడుద‌ల కానుంది. ఈ కొత్త సిరీస్‌లో 4 ఫోన్లతోపాటు Apple వాచ్ సిరీస్ 10, AirPods 4, మరిన్ని ప్రొడక్ట్స్‌ విడుద‌ల కానున్నాయి. కొత్త సిరీస్‌లో టైటానియం క‌ల‌రింగ్‌, ఫినిషింగ్ మ‌రింత మెరుగ్గా ఉండి, స్క్రాచ్ రెసిస్టెన్స్‌గా ఉంటుంద‌ని స‌మాచారం. ఐఫోన్ 16, ప్ల‌స్ మోడ‌ల్స్‌ ఏ18 బ‌యోనిక్ చిప్‌సెట్‌ ప్రాసెస‌ర్‌తో రానున్నాయి.
News August 18, 2024
సుప్రీంకోర్టుకు హత్యాచార ఘటన
కోల్కతాలోని ఆర్‌జి కర్ మెడికల్ కాలేజీలో 31 ఏళ్ల రెసిడెంట్ డాక్టర్పై హత్యాచార ఘ‌ట‌న‌ను సుప్రీంకోర్టు సుమోటోగా స్వీకరించింది. మంగ‌ళ‌వారం ఈ కేసుపై సీజేఐ చంద్రచూడ్ నేతృత్వంలోని బెంచ్ విచార‌ణ జ‌ర‌ప‌నుంది. ఆగస్ట్ 9న జరిగిన ఈ ఘటనపై దేశవ్యాప్తంగా ఆగ్ర‌హాజ్వాల‌లు వ్య‌క్త‌మ‌వుతున్న నేప‌థ్యంలో అత్యున్నత న్యాయస్థానం రంగంలోకి దిగింది.
News August 18, 2024
పండక్కి రూ.12 వేల కోట్ల వ్యాపారం!
రాఖీ పండుగ సందర్భంగా దేశవ్యాప్తంగా మార్కెట్లు రద్దీగా ఉన్నాయని, రూ.12 వేల కోట్ల వ్యాపారం జరిగే అవకాశం ఉందని కాన్ఫెడ‌రేష‌న్ ఆఫ్ ఆల్ ఇండియా ట్రేడ‌ర్స్ అంచ‌నా వేస్తోంది. ప్ర‌జ‌లు స్వదేశీ వ‌స్తువుల‌తో ఈ ప‌ర్వ‌దినాన్ని జ‌రుపుకోవాల‌ని ట్రేడ్ బాడీ కోరింది. దేశీయంగా త‌యారైన రాఖీలు మాత్రమే మార్కెట్లో అందుబాటులో ఉన్నట్టు తెలిపింది. గత ఏడాది రూ.10 వేలకోట్ల వ్యాపారం జరిగింది.
News August 18, 2024
ఖర్గే, రాహుల్‌కు కేటీఆర్ లేఖ
TG: రైతులను కాంగ్రెస్ రుణమాఫీ పేరుతో మోసం చేసిందని ఆ పార్టీ చీఫ్ మల్లికార్జున ఖర్గే, రాహుల్ గాంధీకి మాజీ మంత్రి KTR లేఖ రాశారు. రుణమాఫీ మోసంతో లక్షలాది మంది రైతులు ఆవేదనలో ఉన్నారని పేర్కొన్నారు. కనీసం 40శాతం మందికి రుణమాఫీ చేయకుండానే 100% పూర్తయిందని ప్రకటించడం దౌర్భాగ్యమన్నారు. ఎలాంటి షరతులు లేకుండా రుణమాఫీ చేయాలని అన్నదాతల పక్షాన ఆయన డిమాండ్ చేశారు. లేకుంటే రైతుల తరఫున పోరాడుతామని హెచ్చరించారు.
News August 18, 2024
ట్రైనీ డాక్టర్ హత్యాచార ఘటనలో కొత్త కోణం
కోల్కతాలోని ఆర్జే కర్ ఆస్పత్రి కేంద్రంగా సాగుతున్న డ్ర‌గ్స్ రాకెట్ గుట్టుర‌ట్టు చేస్తుంద‌న్న కార‌ణంతో ట్రైనీ డాక్టర్పై అఘాయిత్యం జ‌రిగి ఉండ‌వ‌చ్చ‌నే అనుమానాలు వ్య‌క్త‌మ‌వుతున్నాయి. ఈ ఉదంతంలో ఆమెను ఉద్దేశ‌పూర్వకంగా టార్గెట్ చేసిన‌ట్టున్నార‌ని స‌హ‌చ‌రులు చెబుతున్నారు. ఇప్ప‌టిదాకా ఈ కేసులో అరెస్టైన పోలీస్ వాలంటీర్ కేవలం బ‌లిప‌శువు కావ‌చ్చ‌ని, దీని వెనుక పెద్ద వాళ్లు ఉండ‌వ‌చ్చ‌ని తెలిపారు.
News August 18, 2024
మీ ట్రిప్ విషయాలు సోషల్ మీడియాలో షేర్ చేస్తున్నారా?
TG: సోషల్ మీడియాలో వ్యక్తిగత వివరాలు షేర్ చేసేవారు జాగ్రత్తగా ఉండాలని పోలీసులు సూచించారు. ఇలా వివరాల్ని బయటపెట్టడం సైబర్ నేరగాళ్లకు అవకాశం ఇచ్చినట్లవుతుందని తెలిపారు. ఏదైనా ట్రిప్‌కు వెళ్తే ఆ వివరాల్ని షేర్ చేయొద్దని చెబుతున్నారు. ఒకవేళ షేర్ చేస్తే నేరగాళ్లు రహస్యంగా కదలికల్ని గమనిస్తూ వ్యక్తిగత సమాచారాన్ని చోరీ చేసే ఛాన్సుందని, ఆ తర్వాత వేధింపులకు గురిచేసే అవకాశముందని హెచ్చరిస్తున్నారు.
News August 18, 2024
ఝార్ఖండ్ టైగ‌ర్‌ గురించి తెలుసా!
ఝార్ఖండ్ రాష్ట్ర ఏర్పాటులో కీల‌క‌పాత్ర పోషించిన మాజీ CM చంపై సోరెన్ ఝార్ఖండ్ టైగ‌ర్‌గా పాపులర్ అయ్యారు. ఆయనకు JMM చీఫ్ శిబు సోరెన్ కుటుంబానికి ఎలాంటి బంధుత్వం లేదు. ఏడుసార్లు ఎమ్మెల్యేగా ఎన్నికైన చంపై పార్టీలో శిబు సోరెన్‌కు అత్యంత స‌న్నిహితుడిగా ఎదిగారు. హేమంత్ సోరెన్ రాజీనామా అనంత‌రం అనూహ్యంగా CM ప‌ద‌వి ద‌క్కించుకున్నారు.
News August 18, 2024
ఒలింపిక్స్‌లో ఆడాలని ఉంది: కమిన్స్
తనకు లాస్ ఏంజెలిస్‌ వేదికగా జరిగే ఒలింపిక్స్‌లో ఆడాలని ఉందని ఆస్ట్రేలియా కెప్టెన్ పాట్ కమిన్స్ అన్నారు. వచ్చే ఒలింపిక్స్ నాటికి తనకు 35 ఏళ్లు వస్తాయని, ఆసీస్ తరఫున ఆడుతాననే అనుకుంటున్నట్లు చెప్పారు. ఆ సమయానికి ఫిట్‌గా ఉండేవారికి అవకాశం దొరుకుతుందని తెలిపారు. కాగా LA ఒలింపిక్స్‌లో క్రికెట్‌ను తిరిగి ప్రవేశపెడుతున్న సంగతి తెలిసిందే. అయితే ఏ ఫార్మాట్లో నిర్వహిస్తారనేది క్లారిటీ లేదు.
News August 18, 2024
బీఆర్ఎస్‌ను విలీనం చేసుకున్నా ఉపయోగం లేదు: బండి
TG: బీజేపీలో బీఆర్ఎస్‌ను విలీనం చేస్తారనే ప్రచారాన్ని కేంద్ర మంత్రి బండి సంజయ్ మరోసారి ఖండించారు. అవినీతి, కుటుంబ పార్టీలకు తాము దూరమని చెప్పారు. బీఆర్ఎస్‌ను విలీనం చేసుకున్నా ఉపయోగమేమీ లేదన్నారు. KCR ప్రస్థానం కాంగ్రెస్‌తోనే మొదలైందని గుర్తు చేశారు. BRS త్వరలోనే కాంగ్రెస్‌లో విలీనం కాబోతోందని తెలిపారు. 6 గ్యారంటీలను పక్కదోవ పట్టించడానికే కాంగ్రెస్ విలీన ప్రచారం చేస్తోందని దుయ్యబట్టారు.
Featured News
Sorry, no posts matched your criteria.