India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 4, 2024
విషాదం.. ఒకే కుటుంబంలో 16 మంది మృతి
కేరళలోని వయనాడ్ విషాదం బాధితులకు ఓ పీడకల. మాన్సూర్(42) అనే వ్యక్తి తన కుటుంబంలోని 16మందిని పోగొట్టుకుని ఒక్కడే మిగిలాడు. చూరల్మలలో కొండచరియలు విరిగిపడ్డ రోజు అతను పని నిమిత్తం వేరే చోటుకి వెళ్లడంతో బతికాడు. కానీ అందర్నీ పోగొట్టుకుని జీవచ్ఛవంలా మిగిలానని ఆయన రోదిస్తున్నారు. ‘నా కుటుంబం, ఇల్లు అన్నీ పోయాయి. నా కూతురి డెడ్‌బాడీ దొరకలేదు. పోగొట్టుకోవడానికి నాకింకేం మిగల్లేదు’ అంటూ కన్నీరు పెట్టారు.
News August 4, 2024
మహిళను దారుణంగా కొట్టిన పోలీసులు
TG: షాద్‌నగర్ పీఎస్‌లో ఓ ఎస్సీ మహిళను పోలీసులు దారుణంగా కొట్టడంపై విమర్శలొస్తున్నాయి. బంగారం దొంగలించారన్న ఆరోపణలతో బాధిత మహిళను పీఎస్‌కు తీసుకెళ్లిన పోలీసులు, ఆమెపై కేసు నమోదు చేశారు. 10 రోజులు గడిచినా రిమాండ్ చేయలేదు. తర్వాత ఇంటికి పంపారు. దొంగతనం ఒప్పుకోవాలని పోలీసులు తనను తీవ్రంగా కొట్టారని సదరు మహిళ ఆవేదన వ్యక్తం చేశారు. దీనిపై ఉన్నతాధికారులు విచారణకు ఆదేశించారు. సీఐ రాంరెడ్డిని బదిలీ చేశారు.
News August 4, 2024
సచిన్ రికార్డు బద్దలు కొట్టిన రోహిత్ శర్మ
అంతర్జాతీయ క్రికెట్‌లో అత్యధిక 50+ స్కోర్లు చేసిన భారత ఓపెనర్‌గా సచిన్(120) పేరిట ఉన్న రికార్డును రోహిత్ శర్మ(121) బ్రేక్ చేశారు. తాజాగా శ్రీలంకతో జరిగిన రెండో వన్డేలో ఈ ఘనతను అందుకున్నారు. అలాగే వన్డేల్లో తొలి పది ఓవర్లలోపు అత్యధిక ఫిఫ్టీలు కొట్టిన భారత బ్యాటర్ల లిస్టులో హిట్‌మ్యాన్(4) రెండో స్థానంలో ఉన్నారు. సెహ్వాగ్(7) తొలి స్థానంలో కొనసాగుతున్నారు.
News August 4, 2024
ఒలింపిక్స్ చరిత్రలో తొలిసారి
పారిస్ ఒలింపిక్స్‌లో బ్రిటిష్ అథ్లెట్ హెన్రీ ఫీల్డ్‌మాన్ చరిత్ర సృష్టించారు. మెన్స్, ఉమెన్స్ ఈవెంట్‌లో మెడల్ గెలిచిన తొలి అథ్లెట్‌గా నిలిచారు. 2021 ఒలింపిక్స్‌లో మెన్స్ 8 రోయింగ్ టీమ్‌తో కాంస్య పతకం గెలిచిన అతను, పారిస్ ఒలింపిక్స్‌లో ఉమెన్స్ 8 టీమ్‌తో కలిసి కాంస్యం సాధించారు. 2017లో సవరించిన రూల్స్‌ ప్రకారం 8 పర్సన్ రోయింగ్ ఈవెంట్‌లో కాక్స్‌వైన్(బోటు నడిపే వ్యక్తి) ఏ జెండర్‌ వారైనా ఉండవచ్చు.
News August 4, 2024
శ్రీలంకతో రెండో వన్డే.. భారత్ ఓటమి
శ్రీలంకతో జరిగిన రెండో వన్డేలో టీమ్‌ఇండియా ఓడిపోయింది. 241 పరుగుల లక్ష్యంతో బరిలోకి దిగిన రోహిత్ సేన 42.2 ఓవర్లలో 208 పరుగులకే ఆలౌటైంది. రోహిత్ శర్మ (64) అక్షర్ పటేల్ (44) రాణించగా గిల్(35) ఫర్వాలేదనిపించారు. కోహ్లీ (14), దూబే (0), కేఎల్ రాహుల్ (0), అయ్యర్ (7) తీవ్రంగా నిరాశపర్చారు. ఆ తర్వాత బ్యాటర్లంతా తక్కువ స్కోర్లకే పరిమితమయ్యారు. లంక బౌలర్ వండర్సే ఒక్కడే 6 వికెట్లు తీసి లంకను గెలిపించారు.
News August 4, 2024
రేపు రాష్ట్రవ్యాప్తంగా వర్షాలు
ఏపీలోని అల్లూరి సీతారామరాజు, ఏలూరు, అనంతపురం, శ్రీ సత్యసాయి, అన్నమయ్య, చిత్తూరు, తిరుపతి జిల్లాల్లో రేపు వర్షాలు కురిసే అవకాశం ఉందని విపత్తుల నిర్వహణ సంస్థ తెలిపింది. శ్రీకాకుళం, VZM, మన్యం, అనకాపల్లి, కాకినాడ, కోనసీమ, తూ.గో, ప.గో, కృష్ణా, NTR, GNT, బాపట్ల, పల్నాడు, ప్రకాశం, నెల్లూరు, కర్నూలు, నంద్యాల, YSR జిల్లాల్లో పిడుగులతో కూడిన తేలికపాటి వర్షాలు కురిసే అవకాశం ఉందని చెప్పింది.
News August 4, 2024
Olympics: నీరజ్‌పైనే ‘బంగారు’ ఆశలు
పారిస్ ఒలింపిక్స్‌లో భారత అథ్లెట్ల పేలవ ప్రదర్శన కొనసాగుతోంది. ఇప్పటివరకు కేవలం 3 కాంస్య పతకాలు సాధించిన IND.. మెడల్ టేబుల్‌లో 54వ స్థానంలో నిలిచింది. దీంతో టోక్యో ఒలింపిక్స్‌లో గోల్డ్ మెడల్ సాధించిన నీరజ్ చోప్రాపైనే భారత్ మరోసారి ఆశలు పెట్టుకుంది. ఎల్లుండి అతడు బరిలోకి దిగనున్నారు. అటు హాకీ టీమ్ కూడా సెమీస్ చేరడంతో స్వర్ణంపై ఆశలు చిగురిస్తున్నాయి.
<<-se>>#Olympics2024<<>>
News August 4, 2024
‘మొస్సాద్’ మాస్టర్ మైండ్.. టూత్ పేస్ట్‌లో విషం కలిపి చంపింది!
హమాస్ చీఫ్ హనేయేని ఆయనున్న గదిలోనే బాంబ్ పెట్టి చంపి ఇజ్రాయెల్ నిఘా సంస్థ మొస్సాద్ వార్తల్లో నిలిచింది. ఈ నేపథ్యంలో గతంలో మొస్సాద్ చేసిన ఆపరేషన్ వైరల్ అవుతోంది. 1976లో ఓ విమానం హైజాక్ కాగా ప్రస్తుత PM నెతన్యాహు సోదరుడు లెఫ్టినెంట్ కర్నల్ యొనాతన్ టీమ్ విడిపించింది. అయితే యొనాతన్ చనిపోయారు. దీనికి ప్రతీకారంగా హైజాక్‌కు సూత్రధారైన హద్దాద్ అనే వ్యక్తిని విషపు టూత్ పేస్ట్ వాడేలా చేసి మొస్సాద్ చంపింది.
News August 4, 2024
తక్కువ రేట్లకే BSNL సేవలు అందేలా చర్యలు: పెమ్మసాని
AP: వచ్చే ఏడాది మార్చి నాటికి దేశమంతా BSNL 4G సేవలు అందిస్తామని కేంద్ర సహాయ మంత్రి పెమ్మసాని చంద్రశేఖర్ తెలిపారు. 4500 టవర్ల ద్వారా నాణ్యమైన 4జీ సేవలు అందుబాటులోకి వస్తాయన్నారు. గ్రామీణ ప్రాంతాలకు ఇంటర్నెట్ సేవలు అందించడమే ప్రభుత్వ లక్ష్యమని చెప్పారు. అతి తక్కువ రేట్లలో సేవలు అందించేందుకు కేంద్రం ప్రణాళికలు రచిస్తోందన్నారు. ప్రైవేట్ సంస్థల ధరల వల్ల ప్రజలు BSNL వైపు చూస్తున్నారని వివరించారు.
News August 4, 2024
లాస్ ఏంజెలెస్ ఒలింపిక్స్‌కు లక్ష్యసేన్ ఫేవరెట్: అక్సెల్‌సెన్
పారిస్ ఒలింపిక్స్‌లో యువ షట్లర్ <<13776256>>లక్ష్యసేన్<<>> ప్రదర్శనపై డెన్మార్క్ ప్లేయర్ అక్సెల్‌సెన్ ప్రశంసలు కురిపించారు. ‘2028 లాస్ ఏంజెలెస్ ఒలింపిక్స్‌లో గోల్డ్ మెడల్‌కు లక్ష్యసేనే ఫేవరెట్. ఈ టోర్నీలో ఇప్పటివరకు నేను ఆడిన మ్యాచుల్లో తనతో జరిగిన గేమే అత్యంత కష్టమైనది. తన ప్రదర్శనతో లక్ష్యసేన్ బలమైన ప్రత్యర్థిగా నిరూపించుకున్నాడు’ అని పేర్కొన్నారు. కాగా సేన్ సోమవారం బ్రాంజ్ మెడల్ మ్యాచ్‌లో పాల్గొంటారు.
Featured News
Sorry, no posts matched your criteria.