India's largestHyperlocal short
news App
Get daily news updates that are tailored for you based on your preferred language & location.
download Way2News app now
News January 30, 2025
ఖవాజా ‘RECORD’ డబుల్ సెంచరీ
శ్రీలంకతో జరుగుతున్న తొలి టెస్టులో ఆస్ట్రేలియా ఓపెనర్ ఉస్మాన్ ఖవాజా డబుల్ సెంచరీ చేశారు. 290 బంతుల్లో 16 ఫోర్లు, ఒక సిక్సర్ సాయంతో ద్విశతకం బాదారు. ఈ ఆసీస్ బ్యాటర్‌కు టెస్టుల్లో ఇదే తొలి డబుల్ సెంచరీ కాగా శ్రీలంకలో ఈ ఘనత సాధించిన తొలి ఆస్ట్రేలియన్‌ క్రికెటర్‌గా రికార్డు సృష్టించారు. 38 ఏళ్ల ఖవాజా ఇప్పటివరకు 79 టెస్ట్ మ్యాచుల్లో 5వేలకు పైగా రన్స్ చేశారు. ఇందులో 15 సెంచరీలు, 27 హాఫ్ సెంచరీలున్నాయి.
News January 30, 2025
విమాన ప్రమాదానికి మానవ తప్పిదమే కారణం: ట్రంప్
అమెరికాలో జరిగిన ఘోర విమాన <<15307610>>ప్రమాదంపై<<>> ఆ దేశ అధ్యక్షుడు ట్రంప్ స్పందించారు. మానవ తప్పిదమే ఈ ప్రమాదానికి కారణమని, కంట్రోల్ టవర్ సిబ్బంది వైఫల్యం వల్లే ఇలా జరిగిందని అన్నారు. హెలికాప్టర్ సిబ్బందిని అలర్ట్ చేసి ఉంటే ప్రమాదం తప్పేదని చెప్పారు. ఈ ప్రమాదంలో చనిపోయిన వారిలో ఇప్పటివరకు 19 మంది మృతదేహాలు లభ్యమయ్యాయి.
News January 30, 2025
ఎల్లుండి నుంచి ఆ UPI పేమెంట్స్ పనిచేయవు
ట్రాన్సాక్షన్ IDలో స్పెషల్ క్యారెక్టర్లు(@, #, &) లేకుండా ఆల్ఫాన్యూమరిక్(ఇంగ్లిష్ అక్షరాలు, నంబర్లు)తోనే IDలు జనరేట్ చేయాలని UPI ఆపరేటర్స్‌ను NPCI ఆదేశించింది. లేదంటే FEB 1 నుంచి ఆయా లావాదేవీలు సక్సెస్ కావని వెల్లడించింది. కాగా ఈ ఆదేశాలను పాటించని యాప్స్‌ ద్వారా యూజర్స్ ట్రాన్సాక్షన్ చేయలేరు. ఫేక్ IDలను నివారించడానికి, లావాదేవీలను సులభంగా ట్రాక్ చేయడానికే ఈ నిర్ణయం తీసుకున్నట్లు NPCI తెలిపింది.
News January 30, 2025
నానమ్మ రెచ్చగొట్టింది.. మనుమడు చంపేశాడు
TG: సూర్యాపేటలో బంటి పరువు <<15286143>>హత్య<<>> కేసులో నిందితులను పోలీసులు అరెస్ట్ చేశారు. తన చెల్లిని ప్రేమ వివాహం చేసుకున్నందుకు బంటి భార్య భార్గవి సోదరుడు నవీనే మర్డర్ చేసినట్లు పోలీసులు తేల్చారు. ఇందుకు అతడి నానమ్మ కూడా పరోక్షంగా కారణమైందని పేర్కొంటూ అదుపులోకి తీసుకున్నారు. పరువు తీసిందంటూ హత్యకు నవీన్‌ను ఆమె రెచ్చగొట్టిందని పోలీసులు తెలిపారు. వారిని కఠినంగా శిక్షించాలని భార్గవి డిమాండ్ చేసింది.
News January 30, 2025
నా సినిమాలో వాళ్లు నటించట్లేదు: RGV
విక్టరీ వెంకటేశ్ సహా పలువురు స్టార్లు తన నెక్స్ట్ సినిమాలో నటించబోతున్నట్లు వస్తున్న వార్తల్లో నిజం లేదని డైరెక్టర్ రామ్ గోపాల్ వర్మ తెలిపారు. తాను ‘సిండికేట్’ అనే టైటిల్‌తో సినిమా తీయబోతున్న మాట మాత్రం నిజమేనని అన్నారు. ఈ సినిమాలో వెంకటేశ్‌తో పాటు అమితాబ్ బచ్చన్, ఫహాద్ ఫాజిల్, మనోజ్ బాజ్‌పాయ్ నటిస్తున్నట్లు ప్రచారం జరిగిన సంగతి తెలిసిందే.
News January 30, 2025
శంషాబాద్ ఎయిర్‌పోర్ట్‌కు బాంబు బెదిరింపు
శంషాబాద్ ఎయిర్‌పోర్ట్‌కు బాంబు బెదిరింపు వచ్చింది. ఎయిర్‌పోర్టులో బాంబు పెట్టానంటూ ఓ ఆగంతకుడు అధికారులకు ఫోన్ చేశాడు. దీంతో పోలీసులు, డాగ్ స్క్వాడ్ సిబ్బంది ముమ్మరంగా తనిఖీలు చేశారు. చివరికి బాంబు లేదని తేలడంతో అంతా ఊపిరి పీల్చుకున్నారు. అనంతరం కాల్‌ ఫేక్ అని పోలీసులు తేల్చారు. కామారెడ్డికి చెందిన మతిస్థిమితం లేని వ్యక్తి ఫోన్ చేసినట్లు గుర్తించారు.
News January 30, 2025
యమునలో BJP విషం: కేజ్రీవాల్కు EC మరో షాక్
ఆప్ అధినేత అరవింద్ కేజ్రీవాల్కు ఎన్నికల సంఘం షాకిచ్చింది. యమునా నదిలో బీజేపీ విషం కలిపిందన్న ఆరోపణపై సరైన సమాధానం ఇవ్వలేదని తెలిపింది. ఆయన <<15305182>>వివరణను<<>> తోసిపుచ్చింది. ఆధారాలు, వాస్తవాలు కాకుండా సాధారణ వివరణ ఇచ్చారని వెల్లడించింది. స్పష్టత ఇవ్వకుండా జస్టిఫై చేస్తున్నారని పేర్కొంది. శుక్రవారం 11AM లోపు మళ్లీ సమాధానం ఇవ్వాలని ఆదేశించింది. వేర్వేరు అంశాలను కలపొద్దని సూచించింది.
News January 30, 2025
33 కేజీలు తగ్గిన మాజీ క్రికెటర్
మాజీ క్రికెటర్ నవజోత్ సింగ్ సిద్ధూ ఫిట్‌నెస్‌, ఆరోగ్యంపై దృష్టిసారించారు. తాను 5 నెలల లోపే 33 కేజీలను తగ్గినట్లు వెల్లడించారు. అప్పటి, ఇప్పటి ఫొటోలను సోషల్ మీడియాలో షేర్ చేశారు. సంకల్పం, ప్రాణాయామం, మంచి ఆహారం, సుదీర్ఘ నడకతోనే ఇది సాధ్యమైందని పేర్కొన్నారు. జీవితంలో అసాధ్యమైనది ఏదీ ఉండదని చెప్పారు. ఆరోగ్యకరమైన శరీరాన్ని కలిగి ఉండటమే గొప్ప వరమన్నారు.
News January 30, 2025
పాపం చిన్నారి.. ఐదేళ్లుగా పాలు, నీళ్లే ఆహారం
AP: ప్రకాశం(D) మార్కాపురంలో రక్షణ అనే చిన్నారి ఐదేళ్లుగా పాలు, నీరు మాత్రమే ఆహారంగా తీసుకుంటోంది. అన్నప్రాసన రోజు పేరెంట్స్ అన్నం పెట్టగా వాంతి చేసుకుంది. నెల రోజులు ఇదే పరిస్థితి కొనసాగడంతో ఆస్పత్రికి తీసుకెళ్లారు. బాలికకు అన్నవాహిక, పెద్దపేగు మూసుకుపోయాయని, 10 లక్షల మందిలో ఒకరికి వచ్చే వ్యాధి అని వైద్యులు చెప్పారు. ఆపరేషన్‌కు ₹8L ఖర్చవుతుందని, దాతలు సాయం చేయాలని తండ్రి భాస్కర్ వేడుకుంటున్నాడు.
News January 30, 2025
పెళ్లి పీటలు ఎక్కనున్న ప్రముఖ నటి
త్వరలోనే తాను వివాహం చేసుకోబోతున్నట్లు నటి అభినయ తెలిపారు. గత 15 ఏళ్లుగా తనతో కలిసి చదువుకున్న స్నేహితుడిని ప్రేమిస్తున్నట్లు చెప్పారు. త్వరలోనే అతడిని పెళ్లాడబోతున్నట్లు ఓ ఇంటర్వ్యూలో ప్రకటించారు. కాగా దివ్యాంగురాలైన(మూగ, చెవిటి) అభినయ హీరో విశాల్‌తో డేటింగ్ చేస్తున్నారని, పెళ్లి కూడా చేసుకుంటారని అప్పట్లో రూమర్స్ వచ్చాయి. కాగా వీరిద్దరూ కలిసి ‘పూజ’, ‘మార్క్ ఆంటోనీ’ చిత్రాల్లో నటించారు.
Featured News
Sorry, no posts matched your criteria.