India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 12, 2025
రిలీజ్కు ముందే రికార్డులు తిరగరాస్తున్న ‘కూలీ’
సూపర్ స్టార్ రజినీకాంత్, లోకేశ్ కనగరాజ్ కాంబోలో వస్తోన్న ‘కూలీ’ సినిమా విడుదలకు ముందే రికార్డులు సృష్టిస్తోంది. ఉత్తర అమెరికా ప్రీ-సేల్స్లో ఈ చిత్రం 2 మిలియన్ డాలర్ల మార్క్ను క్రాస్ చేసింది. దీంతో ఈ ఘనత సాధించిన తొలి తమిళ చిత్రంగా ‘కూలీ’ రికార్డులకెక్కింది. మన దగ్గర ఇంకా బుకింగ్స్ ఓపెన్ కాలేదు. అయితే, తమిళనాడుతో పోల్చితే హైదరాబాద్లో అధిక ధరలు ఉన్నట్లు నెటిజన్లు ట్వీట్స్ చేస్తున్నారు.
News August 12, 2025
రేపు చర్చలకు ఫిల్మ్ ఫెడరేషన్కు ఛాంబర్ లేఖ
వేతనాల పెంపు, ఇతర సమస్యలపై చర్చించేందుకు ఫిల్మ్ ఫెడరేషన్ నాయకులకు తెలుగు ఫిల్మ్ <<17371616>>ఛాంబర్<<>> లేఖ రాసింది. రేపు మధ్యాహ్నం 3 గంటలకు చర్చలకు రావాలని కోరింది. సమావేశానికి ఎంతమంది వస్తారో తెలియజేయాలని పేర్కొంది. నూతన వేతనాలు, పని పరిస్థితులపై చర్చించనుంది.
News August 12, 2025
తిరుమలకు వెళ్లే వాహనాలకు ఫాస్టాగ్ తప్పనిసరి
తిరుమలకు వెళ్లే వాహనాలకు ఫాస్టాగ్ తప్పనిసరి అని టీటీడీ స్పష్టం చేసింది. ఈ నిబంధన ఈనెల 15 నుంచి అమల్లోకి వస్తుందని తెలిపింది. భక్తులకు మెరుగైన భద్రతా ప్రమాణాలు, అధిక రద్దీ నివారణ, పారదర్శక సేవలు అందించేందుకు ఈ నిర్ణయం తీసుకున్నట్లు పేర్కొంది. ఆగస్టు 15 నుంచి ఫాస్టాగ్ లేని వాహనాలను తిరుమలకు అనుమతించబోమని స్పష్టం చేసింది.
News August 12, 2025
INDvsENG: చరిత్ర సృష్టించిన సిరీస్
ENG, IND మధ్య జరిగిన అండర్సన్-టెండూల్కర్ ట్రోఫీ రికార్డులు తిరగరాసింది. డిజిటల్ ప్లాట్ఫామ్లో అత్యధిక మంది వీక్షించిన టెస్ట్ సిరీస్గా నిలిచింది. 5 మ్యాచ్ల సిరీస్ను జియో హాట్స్టార్లో 17 కోట్ల మంది తిలకించారు. ఐదో టెస్టు చివరి రోజున ఏకకాలంలో రికార్డు స్థాయిలో 1.3 కోట్ల మంది వీక్షించారు. సిరీస్ మొత్తం 65 బిలియన్ మినట్స్ వాచ్ టైమ్ను నమోదు చేసింది. కాగా ఈ సిరీస్ 2-2తో సమమైన విషయం తెలిసిందే.
News August 12, 2025
ఆదాయ పరిమితిని బట్టి రిజర్వేషన్లు.. మీ కామెంట్
SC, ST, BC రిజర్వేషన్లలో అంతర్గత ఆదాయ పరిమితి విధించాలన్న పిటిషన్ను సుప్రీంకోర్టు స్వీకరించడం చర్చనీయాంశంగా మారింది. ఆయా కులాల్లో డబ్బున్నోళ్లకు రిజర్వేషన్లు ఎందుకన్నదే పిటిషన్ ప్రధానోద్దేశం. BCల్లో క్రీమిలేయర్ ఇలాంటిదే. అయితే SC, STల్లోనూ సంపన్నులకు కాకుండా పేదలకే ఈ ఫలాలు దక్కాలన్నది పిటిషనర్ల వాదన. దీనిపై మీరేమంటారు? కొన్నేళ్లయ్యాక రిజర్వేషన్లు వద్దన్న అంబేడ్కర్ ఆశయాన్ని ఈ వాదన నెరవేర్చేనా?
News August 12, 2025
రష్యా చమురు కొనబోమని భారత్ చెప్పిందా!
రష్యా నుంచి భారత్ చమురు దిగుమతులు నిలిపేస్తే పరిస్థితేంటని అంతటా చర్చిస్తున్నారు. అయితే భారత వైఖరేంటో పట్టించుకోవడమే లేదు. జియో పాలిటిక్స్, స్వప్రయోజనాలు, తక్కువ ధరను బట్టి నచ్చిన మార్కెట్లో కొంటామందే తప్ప రష్యా నుంచి ఆపేస్తామని ఎక్కడా చెప్పలేదు. పైగా అక్కడి నుంచి కొనొద్దని రిఫైనరీలకు ఆదేశాలూ ఇవ్వలేదు. కొన్నాళ్ల కిందట రష్యా వద్ద ధరెక్కువని ఇరాక్, సౌదీ నుంచి దిగుమతులు పెంచుకోవడమే ఇందుకు ఉదాహరణ.
News August 12, 2025
CBIకి వామనరావు కేసు.. నాడు ఏం జరిగింది..?
తెలంగాణ హైకోర్టు లాయర్ దంపతులు గట్టు <<6386668>>వామన రావు<<>>, నాగమణి 2021 FEB 17న హత్యకు గురయ్యారు. కారులో వెళ్తున్న వారిని పెద్దపల్లి జిల్లా కాల్వచర్ల సమీపంలో దుండగులు అడ్డుకుని కత్తులతో దాడి చేయగా ఇద్దరూ ప్రాణాలు కోల్పోయారు. మంథని PSలో ఓ కస్టోడియల్ డెత్ సహా పలు అంశాలపై HCలో <<17379008>>వామనరావు<<>> పిల్స్ వేశారు. వాటిపై కొందరు పోలీసులు తనను బెదిరిస్తున్నారని 2020లో HCకి లేఖ రాశారు.
News August 12, 2025
కుక్కలను తరలించడం అమానవీయం: రాహుల్
ఢిల్లీలో వీధి కుక్కలను తరలించాలన్న సుప్రీంకోర్టు <<17368812>>ఆదేశాలపై<<>> LoP రాహుల్ గాంధీ అసంతృప్తి వ్యక్తం చేశారు. ‘ఇది అమానవీయం. సైన్స్ ఆధారిత విధానానికి విరుద్ధం. ఏరివేయడానికి నోరు లేని జీవులేం సమస్యలు కావు. క్రూరత్వానికి తావులేకుండా షెల్టర్లు, స్టెరిలైజేషన్, వ్యాక్సినేషన్, కమ్యూనిటీ కేర్ వంటి పద్ధతులతో వీధులను సేఫ్గా మార్చొచ్చు. పబ్లిక్ సేఫ్టీ, యానిమల్ వెల్ఫేర్ రెండూ సాధ్యమే’ అని ట్వీట్ చేశారు.
News August 12, 2025
‘రావు బహదూర్’ పాత్రలో సత్యదేవ్.. ఫస్ట్ లుక్ చూశారా?
టాలెంటెడ్ యాక్టర్ సత్యదేవ్ మరో విలక్షణ పాత్ర కోసం తనని తాను మార్చుకుని అందరినీ ఆశ్చర్యపరిచారు. వెంకటేశ్ మహా తెరకెక్కిస్తోన్న ‘రావు బహదూర్’ సినిమాలో టైటిల్ క్యారెక్టర్లో ఆయన నటిస్తున్నారు. ‘గుర్తుంచుకోండి. అనుమానం పెనుభూతం’ అంటూ తాజాగా రిలీజ్ చేసిన ఫస్ట్లుక్ ఆకట్టుకుంటోంది. వచ్చే సమ్మర్లో సినిమా రిలీజ్ చేస్తారు. ఈ చిత్రాన్ని సూపర్ స్టార్ మహేశ్బాబు సమర్పిస్తున్నారు.
News August 12, 2025
పులివెందుల ప్రజలకు ఇది తొలి ప్రజాస్వామ్య విజయం: టీడీపీ
AP: 30 ఏళ్లుగా పులివెందులలో ఏ ఎన్నిక వచ్చినా వేరే వాళ్లు నామినేషన్స్ వేయకుండా బెదిరించి ఏకగ్రీవం చేసుకునేవాళ్లని టీడీపీ విమర్శించింది. ఈ సారి ఏకంగా 11 మంది నామినేషన్స్ వేయడంతో ఆ చోట ఎన్నికలు వచ్చాయని Xలో తెలిపింది. కూటమి ప్రభుత్వం కారణంగా ప్రజలు స్వేచ్ఛగా తమ ఓటు హక్కును వినియోగించుకుంటున్నారని, పులివెందుల ప్రజలకు ఇది తొలి ప్రజాస్వామ్య విజయమని పేర్కొంది.
Featured News
Sorry, no posts matched your criteria.