India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 30, 2024
కోమటిరెడ్డికి ఆ అర్హత లేదు: వినోద్ కుమార్
TG: బీఆర్ఎస్ సర్కారు చేసిన మంచి పనుల్ని విమర్శించే అర్హత కోమటిరెడ్డి వెంకట్‌రెడ్డికి లేదని ఆ పార్టీ మాజీ ఎంపీ వినోద్ కుమార్ తాజాగా తేల్చిచెప్పారు. ‘మా అధినేత కేసీఆర్ చాలా ముందుచూపుతో రీజినల్ రింగ్ రోడ్ ఆలోచన చేశారు. నగరానికి వచ్చే పది హైవేలను అనుసంధానించేలా అలైన్‌మెంట్ రూపొందించారు. దీనిపై జాతీయ హైవేల అధికారులతోనూ చర్చించారు. మా ప్రభుత్వం అభివృద్ధి చేయలేదనడం సరికాదు’ అని స్పష్టం చేశారు.
News December 30, 2024
మహిళలపై దాడుల్ని సహించేది లేదు: మంత్రి కొల్లు రవీంద్ర
AP: మహిళలపై దాడులు చేసేవారిని ఏమాత్రం ఉపేక్షించబోమని మంత్రి కొల్లు రవీంద్ర తేల్చిచెప్పారు. మచిలీపట్నంలో సామూహిక అత్యాచారానికి గురైన బాలికను ఆయన పరామర్శించారు. ఆమె ఆరోగ్య పరిస్థితి గురించి వైద్యుల్ని అడిగి తెలుసుకున్నారు. ‘బాధితురాలి సంరక్షణ బాధ్యతల్ని ప్రభుత్వం తీసుకుంటుంది. నలుగురు నిందితుల్ని ఇప్పటి వరకూ అరెస్ట్ చేశాం’ అని తెలిపారు.
News December 30, 2024
బీఆర్ఎస్ పార్టీ ఓ చచ్చిన పాము: రఘునందన్
BRS పార్టీ ఓ చచ్చిన పాము అని BJP MP రఘునందన్ తాజాగా వ్యాఖ్యానించారు. KTRపై BJP, కాంగ్రెస్ కలిసి కేసులు పెడుతున్నాయన్న MLC కవిత వ్యాఖ్యల్ని ఆయన తప్పుబట్టారు. ‘KTR కేసుతో BJPకి సంబంధమేముంది? కవిత తన వ్యాఖ్యల్ని ఉపసంహరించుకోవాలి. బీసీ కులగణనపై ఆమె ఇప్పుడెందుకు మాట్లాడుతున్నారు? బీసీలపై బీఆర్ఎస్‌ది మొసలి కన్నీరు. వారికి నిజంగా అంత చిత్తశుద్ధి ఉంటే BRS అధ్యక్ష పదవిని బీసీకి ఇవ్వాలి’ అని సవాల్ చేశారు.
News December 30, 2024
చైనాలో కొత్త 200 జైళ్లు కట్టించిన జిన్పింగ్
చైనా అధ్యక్షుడు జిన్పింగ్ ఆ దేశంలో కొత్తగా 200 జైళ్లను కట్టించారు. దేశవ్యాప్తంగా ప్రభుత్వానికి, కమ్యూనిస్టు పార్టీకి విధేయత చూపనివారిని, విశ్వాసంగా లేనివారిని అవినీతి పేరిట ఆయన వేటాడుతున్నారని, వారి కోసమే ఈ జైళ్లను నిర్మించారని సీఎన్ఎన్ వార్తాసంస్థ ఓ కథనంలో తెలిపింది. దృష్టి సారించిన వారిలో వ్యాపారవేత్తల నుంచి స్కూళ్లు-ఆస్పత్రుల యజమానులు, వివిధ రంగాల నిపుణులు కూడా ఉండటం గమనార్హం.
News December 30, 2024
భద్రత విషయంలో మనకు అంత అదృష్టం లేదు: రాజ్‌నాథ్
భద్రత విషయంలో నిశ్చింతగా ఉండే అదృష్టం భారత్‌కు లేదని రక్షణ మంత్రి రాజ్‌నాథ్ వ్యాఖ్యానించారు. సైన్యం నిరంతరం అప్రమత్తంగా ఉండాల్సిందేనని వివరించారు. ‘ఇతర దేశాలతో పోలిస్తే భారత్‌కు భద్రతపరంగా రిలాక్స్ అయ్యే పరిస్థితి లేదు. అటు రెండు వైపులా సరిహద్దుల్లో, ఇటు అంతర్గత శత్రువులతో నిరంతరం పోరాటం తప్పదు. శత్రువులు మనల్ని ఎప్పుడు ఎలా దెబ్బతీయాలా అని ఎప్పుడూ చూస్తూనే ఉంటారు’ అని పేర్కొన్నారు.
News December 30, 2024
నేడు పవన్ కళ్యాణ్‌తో దిల్ రాజు భేటీ
AP: డిప్యూటీ CM పవన్ కళ్యాణ్‌తో నిర్మాత దిల్ రాజు నేడు భేటీ కానున్నారు. రాష్ట్రంలో నిర్వహించే ‘గేమ్ ఛేంజర్’ ఈవెంట్‌కు పవన్‌ను ఆహ్వానిస్తామని రాజు తెలిపారు. పవన్ డేట్స్ అడ్జస్ట్‌మెంట్ ఆధారంగానే ఈవెంట్‌ తేదీని నిర్ణయిస్తామని పేర్కొన్నారు. కాగా.. విజయవాడలో చెర్రీ ఫ్యాన్స్ ఏర్పాటు చేసిన <<15010361>>256 అడుగుల భారీ కటౌట్<<>> వండర్ బుక్ ఆఫ్ రికార్డ్స్‌లో చోటు దక్కించుకుంది. ఆ అవార్డు దిల్ రాజు అందుకున్నారు.
News December 30, 2024
బుమ్రా.. భారత్‌కు దొరికిన ఓ అద్భుతం: మంజ్రేకర్
భారత స్టార్ బౌలర్ జస్ప్రీత్ బుమ్రాపై కామెంటేటర్ సంజయ్ మంజ్రేకర్ ప్రశంసలు కురిపించారు. ఆయన భారత్‌కు దొరికిన ఓ అద్భుతమని వ్యాఖ్యానించారు. ‘ఆ మనిషికి బలహీనతలనేవే లేవు. భారత్‌కు అతనో బహుమతి. ఫార్మాట్ ఏదైనా సరే వికెట్ కావాలనుకుని మనం కోరుకుంటే వచ్చి వికెట్ తీస్తారు. పిచ్‌తో, పరిస్థితులతో అతడికి సంబంధం ఉండదు. 20లోపు సగటుతో 200 వికెట్లు తీయడమా! మతి పోయే ఘనత అది’ అని కొనియాడారు.
News December 30, 2024
పుట్టినరోజు శుభాకాంక్షలు
ఈ రోజు పుట్టినరోజు జరుపుకొంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.
News December 30, 2024
డిసెంబర్ 30: చరిత్రలో ఈరోజు
1879: రమణ మహర్షి జననం
1906: భారత్‌లో ముస్లిం లీగ్ పార్టీ ప్రారంభం
1922: యూఎస్ఎస్ఆర్ (ఒకప్పటి ఐక్య రష్యా) ఏర్పాటు
1971: భారత అణు పితామహుడు విక్రమ్ సారాభాయ్ కన్నుమూత
1973: దిగ్గజ నటుడు చిత్తూరు నాగయ్య కన్నుమూత
1992: చిత్రకారుడు వడ్డాది పాపయ్య కన్నుమూత
2006: నటుడు పేకేటి శివరాం కన్నుమూత
2006: ఇరాక్ మాజీ అధ్యక్షుడు సద్దాం హుస్సేన్ ఉరి
News December 30, 2024
ఈ రోజు నమాజ్ వేళలు
✒ తేది: డిసెంబర్ 30, సోమవారం
✒ ఫజర్: తెల్లవారుజామున 5.28 గంటలకు
✒సూర్యోదయం: ఉదయం 6.46 గంటలకు
✒ దుహర్: మధ్యాహ్నం 12.19 గంటలకు
✒ అసర్: సాయంత్రం 4.16 గంటలకు
✒ మఘ్రిబ్: సాయంత్రం 5.52 గంటలకు
✒ ఇష: రాత్రి 7.09 గంటలకు
NOTE: ప్రాంతాన్ని బట్టి నమాజ్ వేళల్లో స్వల్ప తేడాలుండొచ్చు.
Featured News
Sorry, no posts matched your criteria.