India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 14, 2024
హోంమంత్రిగా అనిత
ఏపీ హోంమంత్రిగా వంగలపూడి అనితను CM చంద్రబాబు నియమించారు. పాయకరావు పేట నుంచి గెలిచిన అనిత ప్రస్తుత కేబినెట్‌లో సీనియార్టీ, SC వర్గ సమీకరణాలతో మంత్రి పదవి పొందారు. కీలకమైన హోంశాఖను ఎవరూ ఊహించని విధంగా అనిత పొంది అందర్నీ ఆశ్చర్యపరిచారు. కాగా గత ప్రభుత్వంలోనూ జగన్ ఇదే దళిత సామాజిక వర్గానికి చెందిన మహిళలకే (తానేటి వనిత, మేకతోటి సుచరిత) ఈ శాఖను అప్పగించడం గమనార్హం.
News June 14, 2024
BREAKING: ఏ మంత్రికి ఏ శాఖ?
* చంద్రబాబు – సీఎం, సాధారణ పరిపాలన, శాంతిభద్రతలు.
* పవన్ కళ్యాణ్ – పంచాయతీరాజ్, గ్రామీణాభివృద్ధి, తాగునీటి సరఫరా, పర్యావరణం, అడవులు, సైన్స్ అండ్ టెక్నాలజీ
* నారా లోకేశ్ – మానవవనరులు, ఐటీ ఎలక్ట్రానిక్ష్&కమ్యునికేషన్.
* అచ్చెన్నాయుడు – వ్యవసాయం, సహకార, మార్కెటింగ్; పశుసంవర్ధక
* నాదెండ్ల మనోహర్ – ఆహార, పౌరసరఫరాలు
* వంగలపూడి అనిత – హోంమంత్రి, విపత్తు నిర్వహణ
News June 14, 2024
BREAKING: టీడీపీ రాష్ట్ర అధ్యక్షుడిగా పల్లా?
AP: టీడీపీ రాష్ట్ర అధ్యక్షుడిగా పల్లా శ్రీనివాస్ ఎంపికైనట్లు తెలుస్తోంది. అచ్చెన్నాయుడు స్థానంలో పల్లాకు ఈ పదవి కట్టబెట్టినట్లు సమాచారం. దీనిపై టీడీపీ అధిష్ఠానం నుంచి అధికారిక ప్రకటన రావాల్సి ఉంది. కాగా బీసీ యాదవ వర్గానికి చెందిన పల్లా 95,235 వేలకుపైగా మెజారిటీతో గాజువాక నుంచి ఎమ్మెల్యేగా గెలిచారు.
News June 14, 2024
మంత్రులకు శాఖల కేటాయింపు
AP: మంత్రులకు శాఖల కేటాయింపు జరిగింది. పవన్ కళ్యాణ్‌కు డిప్యూటీ సీఎంతో పాటు పర్యావరణం, పంచాయతీరాజ్, గ్రామీణాభివృద్ధి, సైన్స్ అండ్ టెక్నాలజీ, అటవీ శాఖలను చంద్రబాబు కేటాయించారు. నారా లోకేశ్‌కు మానవవనరులు, ఐటీ, ఎలక్ట్రానిక్స్ & కమ్యునికేషన్, రియల్ టైమ్ గవర్నెన్స్(RTG) బాధ్యతలు అప్పగించారు.
News June 14, 2024
సౌరభ్ క్రికెట్‌తో పాటు ఉద్యోగం ఎలా మేనేజ్ చేస్తున్నారంటే?
USA క్రికెట్ సంచలనం సౌరభ్ నేత్రావల్కర్ తన ఉద్యోగం పట్ల ఎంత అంకితభావంతో ఉంటారో అతని సోదరి నిధి తెలిపారు. ‘ సౌరభ్ ఓ సాఫ్ట్‌వేర్ కంపెనీలో పనిచేస్తున్నారు. అతను ఎక్కడి నుంచైనా పనిచేసే స్వేచ్ఛ ఉంది. క్రికెట్ ఆడని సమయంలో అక్కడే ల్యాప్‌టాప్‌తో పనిచేస్తుంటారు. ఇండియా వచ్చినప్పుడు కూడా తన ల్యాప్‌టాప్ తెస్తాడు. WCలోనూ మ్యాచ్ ముగిసిన తర్వాత హోటల్‌లో పనిచేస్తారు’ అని చెప్పారు.
News June 14, 2024
చట్టానికి ఎవరూ అతీతులు కాదు: నటి రమ్య
హత్య కేసులో హీరో దర్శన్, నటి పవిత్ర గౌడ అరెస్ట్‌పై మరో కన్నడ నటి రమ్య స్పందించారు. చట్టానికి ఎవరూ అతీతులు కారంటూ ఇన్‌స్టాగ్రామ్‌లో పోస్ట్ పెట్టారు. ‘కర్ణాటక పోలీసులు రాజకీయ ఒత్తిడులకు లొంగిపోరు. చట్టంపై ప్రజల విశ్వాసాన్ని పెంపొందిస్తున్నారు. జస్టిస్ ఫర్ రేణుకాస్వామి’ అని ఆమె రాసుకొచ్చారు. కాగా పవిత్రకు రేణుకాస్వామి అసభ్యకర సందేశాలు పంపడంతో అతడిని దర్శన్ కొట్టి చంపినట్లు పోలీసులు నిర్ధారించారు.
News June 14, 2024
T20WC: ఇలా జరిగితే పాకిస్థాన్ ఇంటికే
పాకిస్థాన్ జట్టులో సూపర్-8 గుబులు నెలకొంది. ఆ జట్టు సూపర్-8కు అర్హత సాధించాలంటే ఐర్లాండ్‍తో మ్యాచ్‌లో భారీ విజయం సాధించాలి. అలాగే ఐర్లాండ్‍తో అమెరికా ఓడాలి. ప్రస్తుతం ఫ్లోరిడాలో భారీ వర్షాలు పడుతుండటంతో ఈ మ్యాచ్‍ల్లో ఏ ఒక్కటి రద్దయినా పాక్ టోర్నీ నుంచి ఇంటి బాట పడుతుంది. అప్పుడు అమెరికా త‌దుప‌రి ద‌శ‌కు చేరుకుంటుంది. నేడు యూఎస్ఏ-ఐర్లాండ్‌, జూన్ 16న ఐర్లాండ్‌-పాక్ జ‌ట్ల మ‌ధ్య మ్యాచులు జ‌ర‌గనున్నాయి.
News June 14, 2024
వాతావరణ సంక్షోభం: ఉష్ణోగ్రతల్లో కొత్త రికార్డులు!
భూ వాతావరణ చరిత్రలో 2024 మే హాటెస్ట్ నెలగా నిలిచిందని నాసా శాస్త్రవేత్తలు తెలిపారు. గత 12 నెలలుగా ప్రపంచ ఉష్ణోగ్రతల సగటు ప్రతి నెలా రికార్డుస్థాయిలో నమోదైనట్లు పేర్కొన్నారు. భూమిపై వాతావరణ సంక్షోభానికి ఇదే నిదర్శనమని చెబుతున్నారు. ప్రపంచవ్యాప్తంగా చాలా ప్రాంతాలు తొలిసారిగా తీవ్రమైన వేడిని అనుభవిస్తున్నాయని, గత 12 నెలల్లో ప్రపంచ ఉష్ణోగ్రతల సగటు 2.34°F నమోదైనట్లు తెలిపారు.
News June 14, 2024
ఫిడే వరల్డ్ U-20 ఛాంపియన్‌గా దివ్య
బల్గేరియాకు చెందిన బెలోస్లావా క్రాస్టేవాను ఓడించి భారత యువ ప్లేయర్ దివ్య దేశ్‌ముఖ్ ఫిడే వరల్డ్ U-20 గర్ల్స్ చెస్ ఛాంపియన్‌షిప్‌ను గెలుచుకున్నారు. దీంతో ఆమె హంపీ, హారిక, సౌమ్య తర్వాత ప్రపంచ జూనియర్ బాలికల టైటిల్‌ను గెలుచుకున్న ఇండియన్‌గా నిలిచారు. MHలోని నాగ్‌పూర్‌కు చెందిన దివ్య కొన్నేళ్లుగా చెస్‌లో రాణిస్తున్నారు. గుజరాత్‌లోని గాంధీనగర్‌లో ఈ టోర్నీ జరుగుతోంది.
News June 14, 2024
మల్లారెడ్డిపై భూకబ్జా కేసు నమోదు
TG: మాజీ మంత్రి మల్లారెడ్డి, ఆయన అల్లుడు రాజశేఖర్‌పై పేట్ బషీరాబాద్ పోలీసులు భూకబ్జా కేసు నమోదు చేశారు. తన 32 గుంటల స్థలాన్ని కబ్జా చేశారని, నిర్మాణాలను కూల్చివేశారని ఆరోపిస్తూ ఆయనపై సాఫ్ట్‌వేర్ ఇంజినీర్ శ్రీనివాస్ ఫిర్యాదు చేశారు.
Featured News
Sorry, no posts matched your criteria.