India's largestHyperlocal short
news App
Get daily news updates that are tailored for you based on your preferred language & location.
download Way2News app now
News September 10, 2024
లో బర్త్ రేట్ ఎఫెక్ట్: అక్కడ డాగ్ స్ట్రోలర్లే అధికం
సంతానోత్పత్తి రేటు క్షీణించడంతో సౌత్ కొరియా అత్యవసర పరిస్థితిని ఎదుర్కొంటోంది. 2022లో ఒక్కో మహిళకు సగటున పుట్టే పిల్లల సంఖ్య 0.78 కాగా, ఈ ఏడాది ఆ సంఖ్య 0.72 లేదా 0.68కి పడిపోవచ్చని అంచనా. ఇప్పుడు ఆ దేశంలో బేబీ స్ట్రోలర్స్(43%) కంటే డాగ్ స్ట్రోలర్స్(57%) అధికంగా అమ్ముడవుతుండటం సమస్య తీవ్రతను తెలియజేస్తోంది. పిల్లులు, కుక్కలను పెంచుకునేవారి సంఖ్య 2012లో 3.6M ఉండగా, గత ఏడాది ఆ సంఖ్య 6Mకు చేరింది.
News September 10, 2024
జైనూర్ ఘటనలో ప్రభుత్వానికి NHRC నోటీసులు
TG: ఆసిఫాబాద్ జిల్లాలోని జైనూర్‌లో మహిళపై అత్యాచార <<14027592>>ఘటనలో<<>> రాష్ట్ర ప్రభుత్వానికి జాతీయ మానవ హక్కుల సంఘం (NHRC) నోటీసులు జారీ చేసింది. రెండు వారాల్లో దీనిపై వివరణ ఇవ్వాలని సీఎస్, డీజీపీని ఆదేశించింది. కాగా అత్యాచార ఘటనను NHRC సుమోటోగా స్వీకరించింది.
News September 10, 2024
APPLY NOW: దక్షిణ మధ్య రైల్వేలో ఉద్యోగాలు
స్పోర్ట్స్ కోటాలో 67 ఉద్యోగాలను భర్తీ చేయనున్నట్లు దక్షిణ మధ్య రైల్వే (సికింద్రాబాద్) ప్రకటించింది. SEP 7న దరఖాస్తు ప్రక్రియ ప్రారంభమైందని, అక్టోబర్ 6 వరకు అప్లై చేసుకోవచ్చని తెలిపింది. మహిళలు, పురుషులకు అథ్లెటిక్స్, బాడీ బిల్డింగ్, చెస్, వెయిట్ లిఫ్టింగ్, క్రికెట్, బాక్సింగ్, టేబుల్ టెన్నిస్, వాలీబాల్ తదితర కేటగిరీల్లో <
News September 10, 2024
హైడ్రాకు ప్రత్యేక సిబ్బంది కేటాయింపు
TG: చెరువుల్లో అక్రమ నిర్మాణాలపై చర్యలు తీసుకునేందుకు ఏర్పాటు చేసిన హైడ్రాకు రాష్ట్ర ప్రభుత్వం పోలీసు సిబ్బందిని కేటాయించింది. 15 మంది సీఐ స్థాయి, 8 మంది ఎస్సై స్థాయి అధికారులను కేటాయిస్తూ డీజీ మహేశ్ భగవత్ ఉత్తర్వులు జారీ చేశారు. హైడ్రాకు కమిషనర్‌గా రంగనాథ్ ఉన్న సంగతి తెలిసిందే.
News September 10, 2024
ఉచిత బస్సుతో అద్భుత ఫలితాలు.. సీఎంతో అధికారులు
TG: ప్రజల అవసరాలకు అనుగుణంగా ఆర్టీసీ కొత్త బస్సులు కొనుగోలు చేయాలని సీఎం రేవంత్ రెడ్డి ఆదేశించారు. ఉచిత బస్సు స్కీం అద్భుతమైన ఫలితాలను ఇస్తోందని అధికారులు సమీక్షలో సీఎంకు చెప్పారు. ఇప్పటివరకు 83.42 కోట్ల మంది మహిళలు ఉచితంగా ప్రయాణించారని, తద్వారా ప్రయాణికులకు రూ.2,840 కోట్లు ఆదా అయ్యాయని తెలిపారు. వివిధ జిల్లాల నుంచి HYDలోని ఆస్పత్రులకు వస్తున్న మహిళల సంఖ్య పెరిగిందని వివరించారు.
News September 10, 2024
త్వరలోనే ఆపరేషన్ బుడమేరు.. కబ్జా చేస్తే శిక్ష: CM
గత ఐదేళ్లలో బుడమేరు వాగుపై అక్రమ కట్టడాలు కట్టారని, రిజిస్ట్రేషన్లు చేసుకున్నారని.. ఒకానొక దశలో అది పూడుకుపోయే దశకు చేరిందని CM చంద్రబాబు తెలిపారు. చెత్తాచెదారం తీయకపోవడం వల్ల నీటి ప్రవాహానికి అడ్డంగా మారాయని, గట్లను పట్టించుకోకపోవడం వల్ల 6 లక్షల మంది జీవితాలు అతలాకుతలం అయ్యాయని విమర్శించారు. త్వరలోనే ఆపరేషన్ బుడమేరు స్టార్ట్ చేసి, కబ్జా చేసినట్లు తేలితే శిక్షిస్తామని సీఎం హెచ్చరించారు.
News September 10, 2024
లోన్ యాప్స్ నుంచి రుణం తీసుకుంటున్నారా? జాగ్రత్తలివే!
* ఆ యాప్ RBIలో రిజిస్టర్ అయిందా లేదా చెక్ చేయాలి. అవ్వకపోతే రుణం తీసుకోవద్దు.
* ప్లే స్టోర్‌లో ఎక్కువ డౌన్‌లోడ్స్ ఉన్నాయని లోన్ తీసుకోవద్దు. ఎందుకంటే లక్షకుపైగా డౌన్ లోడ్స్ ఉన్న చాలా ఇల్లీగల్ యాప్స్‌ను గూగుల్ ఇప్పటికే తొలగించింది.
* కస్టమర్ కేర్ సపోర్ట్ ఉందా? ఆయా నంబర్లు పనిచేస్తున్నాయా? స్పందన ఎలా ఉందనేది నిర్ధారించుకోవాలి.
* డబ్బు తిరిగి చెల్లించినా కూడా వేధిస్తే పోలీసులకు ఫిర్యాదు చేయాలి.
News September 10, 2024
తిన్న వెంటనే ఈ పనులు చేస్తే ముప్పు తప్పదు!
భోజనం చేశాక కొన్ని పనులు చేయొద్దని వైద్య నిపుణులు హెచ్చరిస్తున్నారు. తిన్న తర్వాత:
స్నానం చేయొద్దు. శరీరంలో ఉష్ణోగ్రత మార్పు అరుగుదలపై ప్రభావం చూపిస్తుంది. ఎక్కువ నీరు తాగొద్దు. దీని వలన ఒంట్లో టాక్సిన్లు పెరుగుతాయి. కాఫీ, టీ తాగొద్దు. వీటిలోని కొన్ని ఆమ్లాలు, ఆహారంలోని బలాన్ని తీసుకోనివ్వకుండా అడ్డుపడొచ్చు. ఎట్టి పరిస్థితుల్లోనూ నిద్రపోవద్దు. డయాబెటిస్, ఊబకాయం, అజీర్తి వంటి సమస్యలు రావొచ్చు.
News September 10, 2024
కోఠి మహిళా యూనివర్సిటీకి చాకలి ఐలమ్మ పేరు: సీఎం రేవంత్
TG: కోఠి మహిళా విశ్వవిద్యాలయానికి చాకలి ఐలమ్మ పేరు పెడుతున్నట్లు సీఎం రేవంత్ రెడ్డి ప్రకటించారు. తెలంగాణ సాయుధ పోరాటంలో ఆమె పాత్ర మరవలేనిదని కొనియాడారు. ఐలమ్మ 39వ వర్ధంతి వేడుకల్లో ఆయన మాట్లాడారు. భూముల ఆక్రమణలు అడ్డుకోవడంలో కాంగ్రెస్ ప్రభుత్వానికి ఆమె స్ఫూర్తి అని చెప్పారు. ఐలమ్మ మనుమరాలు శ్వేతను మహిళా కమిషన్ సభ్యురాలిగా నియమిస్తున్నట్లు పేర్కొన్నారు.
News September 10, 2024
మీ స్మార్ట్‌ఫోన్ రేడియేషన్ తెలుసుకోండిలా..!
మొబైల్ ఫోన్ల నుంచి రేడియేషన్ వెలువడుతుందన్న సంగతి తెలిసిందే. అది ఏ స్థాయిలో ఉందో తెలుసుకోవాలని చాలామంది భావిస్తుంటారు. దీన్ని స్పెసిఫిక్ అబ్జార్షన్ రేట్(SAR) ద్వారా తెలుసుకోవచ్చు. దీన్ని ఫోన్ కొన్నప్పుడు ఇచ్చే యూజర్ మాన్యువల్ లేదా ఆ సంస్థ వెబ్‌సైట్‌లో చూడొచ్చు. లేదంటే మీ ఫోన్లో *#07# డయల్ చేసినా ఆ వివరాల్ని తెలుసుకోవచ్చు.
Featured News
Sorry, no posts matched your criteria.