India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 17, 2024
ఎమ్మెల్సీ దండె విఠల్‌కు సుప్రీంకోర్టులో ఊరట
BRS MLC దండె విఠల్ ఎన్నిక చెల్లదంటూ TS హైకోర్టు ఇచ్చిన తీర్పుపై సుప్రీంకోర్టు స్టే ఇచ్చింది. తదుపరి విచారణను జులైకి వాయిదా వేసింది. 2022లో ఆదిలాబాద్ స్థానిక సంస్థల MLCగా విఠల్ ఎన్నికయ్యారు. అయితే ఫోర్జరీ సంతకాలతో తన పేరిట నామినేషన్ ఉపసంహరణ పత్రాలు సమర్పించారని, విఠల్ ఎన్నిక చెల్లదంటూ కాంగ్రెస్ అభ్యర్థి రాజేశ్వర్ హైకోర్టును ఆశ్రయించారు. వాదనలు విన్న HC విఠల్ ఎన్నికల చెల్లదని ఇటీవల తీర్పునిచ్చింది.
News May 17, 2024
ఛెత్రి గొప్ప ఆటగాడు: కోహ్లీ
ఫుట్‌బాల్‌కు <<13256231>>రిటైర్మెంట్<<>> ప్రకటించిన సునీల్ ఛెత్రిపై విరాట్ కోహ్లీ ప్రశంసలు కురిపించారు. ఆర్సీబీ ఇన్‌సైడర్ షోలో మాట్లాడుతూ.. అతనొక గొప్ప ఆటగాడని కొనియాడారు. రిటైర్మెంట్‌కు ముందు ఛెత్రి తనకు మెసేజ్ చేశారని, అంతా బాగుండాలని ఆకాంక్షిస్తున్నానని చెప్పారు. కొన్నేళ్లుగా వీరిద్దరి మధ్య మంచి స్నేహబంధం కొనసాగుతున్న విషయం తెలిసిందే. పలు కార్యక్రమాల్లో వీరు కలిసి పాల్గొన్నారు.
News May 17, 2024
ఢిల్లీ లిక్కర్ కేసులో నిందితురాలిగా ఆప్
ఢిల్లీ లిక్కర్ పాలసీ కేసులో AAPని నిందితురాలిగా పేర్కొంటూ ఈడీ సుప్రీంకోర్టులో ఛార్జిషీట్‌ దాఖలు చేసింది. లిక్కర్ స్కామ్‌లో వచ్చిన డబ్బులను ఆ పార్టీ ఫంక్షన్లకు, గోవా అసెంబ్లీ ఎన్నికల ప్రచారానికి వినియోగించిందని ఆరోపించింది. మరోవైపు ఈడీ అరెస్ట్‌ను సవాల్ చేస్తూ కేజ్రీవాల్ దాఖలు చేసిన పిటిషన్‌పై సుప్రీంకోర్టు తీర్పును రిజర్వ్ చేసింది.
News May 17, 2024
68,901 మంది వాలంటీర్ల ఐడీలు టెర్మినేట్
AP: రాష్ట్రంలో ఇప్పటి వరకు 68,901 మంది గ్రామ/వార్డు వాలంటీర్లు రాజీనామా చేసినట్లు అధికార వర్గాలు వెల్లడించాయి. వారిలో రూరల్‌ నుంచి 56,160 మంది, అర్బన్‌లో 12,741 మంది ఉన్నారని తెలిపాయి. వారి IDలను అఫీషియల్‌గా టెర్మినేట్ చేసినట్లు పేర్కొన్నాయి. ప్రస్తుతం 1.95 లక్షల మంది వాలంటీర్లు విధులు నిర్వహిస్తున్నట్లు వివరించాయి. కాగా ఈసీ ఆంక్షలు విధించడంతో వాలంటీర్లు రాజీనామా చేసిన విషయం తెలిసిందే.
News May 17, 2024
కేన్స్ ఫెస్టివల్: పర్పుల్ దుస్తుల్లో మెరిసిన శోభిత
ఫ్రాన్స్‌లో జరుగుతోన్న కేన్స్ ఫిల్మ్ ఫెస్టివల్‌లో హీరోయిన్ శోభిత ధూళిపాళ్ల పర్పుల్ దుస్తుల్లో మెరిశారు. లూజ్ హెయిర్‌తో హీల్స్ ధరించి కార్పెట్‌పై నడుస్తూ ఆకట్టుకున్నారు. అయితే ఆమె ధరించిన ఔట్‌ఫిట్ గతేడాది లాక్మే ఫ్యాషన్ వీక్‌లో అతియా శెట్టి ధరించిన డ్రెస్‌ను పోలి ఉన్నట్లు కామెంట్స్ వస్తున్నాయి. అతియా డ్రెస్‌ను నమ్రత జోషిపుర డిజైన్ చేశారు. దాని ధర రూ.1.8లక్షలు అని ఆమె వెబ్‌సైట్ ద్వారా తెలుస్తోంది.
News May 17, 2024
నిన్న మ్యాచ్ టికెట్ల డబ్బులు రీఫండ్‌: పేటీఎం
గురువారం హైదరాబాద్- గుజరాత్ మ్యాచ్ రద్దవడంతో టికెట్ డబ్బులను పేటీఎం వెనక్కి ఇవ్వనుంది. పేటీఎం లేదా పేటీఎం ఇన్‌సైడర్‌లో టికెట్లు కొన్న వారంతా రీఫండ్‌కు అర్హులని పేర్కొంది. తదుపరి వివరాలను మెయిల్ ద్వారా తెలియజేస్తామని తెలిపింది. నిన్న ఉప్పల్‌లో జరగాల్సిన ఈ మ్యాచ్ వర్షంతో రద్దు కాగా పాయింట్ల ఆధారంగా SRH ప్లే ఆఫ్స్‌కు వెళ్లడం తెలిసిందే.
News May 17, 2024
ఎఫ్‌డీఐకి, ఎఫ్ఐఐకి తేడా ఏంటి?
దేశంలో FDIలు పెరుగుతున్నాయని, FIIలు తగ్గుతున్నాయని ఇటీవల వార్తల్లో చూస్తున్నాం. రెండూ విదేశీ పెట్టుబడులకు సంబంధించినవే అయినా స్వల్ప తేడా ఉంది. విదేశాలకు చెందిన ఓ వ్యక్తి/సంస్థ మన దేశంలో వ్యాపారం ప్రారంభించడం లేదా ఆస్తులను కొంటే అది విదేశీ ప్రత్యక్ష పెట్టుబడి (FDI) అవుతుంది. విదేశీ సంస్థాగత పెట్టుబడులు ఇందుకు భిన్నం. విదేశీ సంస్థలు మన దేశ స్టాక్ మార్కెట్లలో పెట్టుబడులు పెట్టడాన్ని FII అంటారు.
News May 17, 2024
ఈ ఊర్లో ఎప్పుడూ వర్షం పడదు
యెమెన్‌ రాజధాని సనా పరిధిలో అల్ హుతైబ్ గ్రామంలో ఎప్పుడూ వర్షం పడలేదు. సాధారణంగా మేఘాలు భూమికి 2 kms. ఎత్తులో ఉంటే ఈ ఊరు భూ ఉపరితలం నుంచి 3,200 మీ. ఎత్తులో ఉంది. ప్రభుత్వం ఇక్కడి ప్రజలకు ట్యాంకర్లతో నీటిని సరఫరా చేస్తుంది. సాయంత్రం నుంచి సూర్యోదయం వరకు మంచు పరుచుకునే ఈ ఊరిలో ఉదయం ఎండ మండిపోతుంది. హుతైబ్‌లోని చాలామంది ముంబై నుంచి గతంలో వలసవెళ్లిన బుర్హానుద్దీన్, ఆయన అనుచరుల వారసులే కావడం విశేషం.
News May 17, 2024
OTTలోకి వచ్చేసిన ‘బస్తర్: ది నక్సల్ స్టోరీ’
అదా శర్మ కీలక పాత్ర పోషించిన ‘బస్తర్: ది నక్సల్ స్టోరీ’ మూవీ ఓటీటీలోకి వచ్చేసింది. ఓటీటీ ప్లాట్‌ఫామ్ జీ5లో ఈ సినిమా స్ట్రీమింగ్ అవుతోంది. తెలుగుతోపాటు హిందీలో ప్రసారమవుతోంది. ‘ది కేరళ స్టోరీ’ దర్శకుడు సుదీప్తో సేన్ తెరకెక్కించారు. విపుల్ అమృతలాల్ షా నిర్మాతగా వ్యవహరించారు. కాగా బస్తర్ ప్రాంతంలోని మావోయిస్టుల అమానుషాల గురించి ఈ సినిమాలో చూపించినట్లు తెలుస్తోంది.
News May 17, 2024
BREAKING: ఎన్నికల హింసపై ప్రాథమిక విచారణ పూర్తి
AP: పోలింగ్ రోజు, తర్వాత 3 జిల్లాల్లో జరిగిన హింసపై ఈసీ ఆదేశాల మేరకు సీఎస్ జవహర్ సిట్ ఏర్పాటు చేశారు. ఏడీజీ స్థాయి అధికారి నేతృత్వంలో సిట్‌ను నియమించినట్లు సమాచారం. ఇప్పటికే ప్రాథమిక విచారణ పూర్తి చేసి ఈసీకి CEO కార్యాలయం నివేదించినట్లు తెలుస్తోంది. రేపటిలోగా పూర్తి నివేదికను అందిస్తుందని, తర్వాత కీలక నేతలను అరెస్టు చేస్తారని వార్తలు వస్తున్నాయి. మరింత మంది పోలీస్ అధికారులపై చర్యలు తీసుకుంటారట.
Featured News
Sorry, no posts matched your criteria.