India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 3, 2024
BREAKING: భారీగా పెరిగిన ధరలు
బంగారం, వెండి ధరలు ఊహించని విధంగా పెరిగిపోతున్నాయి. 22 క్యారెట్ల 10 గ్రాముల ధర రూ.750 పెరిగి రూ.64,100కి చేరింది. 24 క్యారెట్ల 10 గ్రాముల బంగారం ధర రూ.760 పెరిగి రూ.69,870 పలుకుతోంది. ఇక కేజీ వెండి రూ.2000 పెరిగి రూ.84000కు చేరింది. తెలుగు రాష్ట్రాల్లో ఇవే ధరలు ఉన్నాయి.
News April 3, 2024
ఫోన్ ట్యాప్లు కాదు.. వాటర్ ట్యాప్‌‌ల మీద దృష్టి పెట్టండి: KTR
TG: ప్రాజెక్టుల్లో నీళ్లున్నా నిర్వహించే తెలివి ఈ ప్రభుత్వానికి లేదని KTR అన్నారు. పార్టీ గేట్లు ఎత్తడం కాదని, చేతనైతే ప్రజల కోసం ప్రాజెక్టుల గేట్లు ఎత్తాలని సూచించారు. ‘ఫోన్ ట్యాపులు కాదు.. వాటర్ ట్యాప్లు మీద దృష్టి పెట్టాలి. సూట్‌కేసుల్లో ఢిల్లీకి డబ్బు మోసుకెళ్లడమే రేవంత్‌కు సరిపోతోంది. మేడిగడ్డ కొట్టుకుపోయిందన్న ప్రభుత్వం గాయత్రీ, నందీ పంప్‌హౌస్‌లను ఎలా స్టార్ట్ చేసింది’ అని ప్రశ్నించారు.
News April 3, 2024
సంక్షోభంలో పార్టీ.. రాఘవ్ చద్దా ఎక్కడ?
లిక్కర్ స్కామ్ కేసులో ఢిల్లీ CM అరవింద్ కేజ్రీవాల్ అరెస్టయిన విషయం తెలిసిందే. ఆయన అరెస్ట్ తర్వాత ఆప్‌లో రాజకీయ సంక్షోభం ఏర్పడినప్పటికీ.. ఆ పార్టీలో యాక్టివ్‌గా ఉండే MP రాఘవ్ చద్దా కనిపించట్లేదు. దీంతో ఆయన ఎక్కడున్నారని, ఇండియాలో ఉన్నారా? లేక విదేశాలకు మకాం మార్చారా అని నెట్టింట చర్చ జరుగుతోంది. అయితే, కంటి శస్త్రచికిత్స చేయించుకునేందుకు ఆయన యూకే వెళ్లినట్లు పార్టీ వర్గాలు చెబుతున్నాయి.
News April 3, 2024
కిడ్నీ మళ్లీ పెరుగుతుందని చెప్పి..!
నేపాల్‌లోని హోక్సే గ్రామంలో మాయమాటలు చెప్పి వందలాది మంది అవయవాలను తీసుకుంటున్నారు. ఖాఠ్మాండు చుట్టూ కొండల్లో ఉన్న ఈ గ్రామ ప్రజలు నిరుపేదలు కావడంతో డబ్బు ఆశ చూపి అవయవాలు కొంటున్నారు. అయితే, కిడ్నీని తొలగించినప్పటికీ అక్కడే మరొకటి పెరుగుతుందని నమ్మబలికారని ప్రజలు చెబుతున్నారు. అవయవాల తొలగింపు కోసం వీరిని ఇండియాకు తరలించేవారట. ఊరిలో ఎక్కువ శాతం మంది ఒక కిడ్నీతోనే ఉన్నారని సమాచారం.
News April 3, 2024
గ్యారంటీల అమలుపై సీఎంకు హరీశ్ రావు లేఖ
TG: గ్యారంటీలు అమలు చేయాలని సీఎం రేవంత్ రెడ్డికి బీఆర్ఎస్ ఎమ్మెల్యే హరీశ్ రావు లేఖ రాశారు. డిసెంబర్ 9నే రుణమాఫీ చేస్తామని మేనిఫెస్టోలో చెప్పారని.. రైతులకు తక్షణమే రూ.2 లక్షల రుణమాఫీ చేయాలని ఆయన డిమాండ్ చేశారు. అధికారంలోకి వచ్చి 4 నెలలవుతున్నా ఒక్క రైతుకూ రుణమాఫీ చేయలేదని మండిపడ్డారు. పంట మద్దతు ధరపై రూ.500 బోనస్‌తో పాటు, ఎకరానికి రూ.15వేల పెట్టుబడి సాయం ఇవ్వాలని కోరారు.
News April 3, 2024
సీఎం కేజ్రీవాల్‌కు అనారోగ్యం!
లిక్కర్ స్కామ్ కేసులో అరెస్టై జైలులో ఉన్న ఢిల్లీ సీఎం అరవింద్ కేజ్రీవాల్ అనారోగ్యానికి గురైనట్లు తెలుస్తోంది. ఆయన దాదాపు 4.5 కేజీల బరువు తగ్గినట్లు సమాచారం. కాగా నిన్న ఆయన షుగర్ లెవల్స్ పడిపోవడంతో మెడిసిన్ ఇచ్చిన సంగతి తెలిసిందే. మనీలాండరింగ్ ఆరోపణలతో ఆయనకు కోర్టు 15 రోజుల జుడీషియల్ రిమాండ్ విధించింది.
News April 3, 2024
పాక్ సైనికులను వణికించిన సామ్ బహదూర్ జయంతి నేడు!
ఇండియన్ ఆర్మీ మాజీ చీఫ్‌ సామ్ మానెక్‌ షా అలియాస్ సామ్ బహదూర్ జయంతి నేడు. ఈయన ఇండో – పాకిస్థాన్ యుద్ధంలో భారత సైన్యాన్ని ముందుండి నడిపించారు. ఈయన ఫీల్డ్ మార్షల్ స్థాయి పదోన్నతి పొందిన మొదటి భారతీయ ఆర్మీ అధికారి. యుద్ధం సమయంలో పాక్ సైనికులకు సామ్ ఓ స్వీట్ వార్నింగ్ ఇచ్చారు. ‘మీరు లొంగిపోతారా లేదా మేమే మిమ్మల్ని తుడిచేయాలా?’ అని హెచ్చరించడంతో 93వేల మంది పాక్ సైనికులు లొంగిపోయారు.
News April 3, 2024
ఈ నెల 24న ప్రియుడితో హీరోయిన్ పెళ్లి!
మలయాళ చిత్రం ‘మంజుమ్మల్ బాయ్స్’ ఫేమ్ దీపక్ పరంబోల్, హీరోయిన్ అపర్ణా దాస్ ఒక్కటవ్వనున్నారు. ఈ నెల 24న వీరిద్దరూ పెళ్లి చేసుకోనున్నారని సన్నిహిత వర్గాలు తెలిపాయి. కేరళలోని వడకంచేరిలో వీరి వివాహం జరగనున్నట్లు సమాచారం. కాగా వీరిద్దరూ కలిసి ‘మనోహరం’ సినిమా చేశారు. తెలుగులో ‘ఆదికేశవ’ సినిమాలో అపర్ణ కీ రోల్ పోషించారు. బీస్ట్, దాదా, జాయ్ ఫుల్ ఎంజాయ్ వంటి మలయాళ చిత్రాల్లో ఆమె నటించారు.
News April 3, 2024
టీమ్ ఇండియా నుంచి పిలుపు వచ్చేనా?
IPL అంటేనే ఎమర్జింగ్ ప్లేయర్లకు అడ్డా. ఎప్పటిలాగే ఈసారి కూడా కొత్త టాలెంట్ వెలుగులోకి వస్తోంది. LSG పేస్ గన్ మయాంక్ యాదవ్, RR బ్యాటర్ రియాన్ పరాగ్ ఈ సీజన్‌లో ఆకట్టుకుంటున్నారు. పరాగ్ ఇప్పటికే ఆరెంజ్ క్యాప్ రేస్‌లో ఉండగా.. మయాంక్ తన స్పీడ్‌తో వరల్డ్ క్లాస్ బ్యాటర్లనే వణికిస్తున్నారు. వీరికి త్వరలోనే భారత జట్టు నుంచి పిలుపు వచ్చే అవకాశం ఉంది. T20WCలో చోటు దక్కినా ఆశ్చర్యం అక్కర్లేదు.
News April 3, 2024
ప్రజలంతా మోదీని వ్యతిరేకిస్తున్నారు: శరద్ పవార్
విపక్ష కూటమి ‘ఇండియా’ తరఫున ప్రధాని అభ్యర్థి ఎవరనేది ఇంకా ఆలోచించలేదని ఎన్సీపీ వ్యవస్థాపకులు శరద్ పవార్ తెలిపారు. దేశంలో ప్రధాని మోదీకి వ్యతిరేకంగా ప్రజల మూడ్ మారిపోయిందని అన్నారు. అరుణాచల్‌ప్రదేశ్‌లోని స్థలాల పేర్లను చైనా మార్చడంపై స్పందిస్తూ.. కేంద్ర ప్రభుత్వం జాతీయ ప్రయోజనాలను పట్టించుకోవడం లేదని దుయ్యబట్టారు. బీజేపీని ఓడించగలిగే సామర్థ్యమున్న తమకే ప్రజలు ఓట్లేస్తారని ధీమా వ్యక్తం చేశారు.
Featured News
Sorry, no posts matched your criteria.