India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 4, 2024
BIG SHOCK: అయోధ్యలో BJP ఓటమి
UPలో BJPకి ఆదరణ తగ్గింది. 80 MP స్థానాలున్న ఈ రాష్ట్రంలో కమలం వరుసగా రెండోసారి అధికారంలో ఉన్నా ఇప్పుడు 45 స్థానాలకు పరిమితమైంది. మరీ ముఖ్యంగా దేశవ్యాప్తంగా పార్టీకి ప్రధాన ప్రచారాస్త్రంగా మారిన అయోధ్య రామ మందిరం గల ఫైజాబాద్ MP స్థానంలోనూ పరాభవం ఎదురైంది. అక్కడ కమలం గుర్తుతో బరిలోకి దిగిన లల్లూ సింగ్ SP అభ్యర్థి అవదీశ్ ప్రసాద్ చేతిలో ఓడారు. సమాజ్‌వాదీ నేత 45 వేల ఓట్లకు పైగా మెజార్టీలో గెలుపొందారు.
News June 4, 2024
గాయపడిన రాష్ట్రాన్ని గాడిన పెట్టండి: చిరంజీవి
AP: చరిత్రలో అరుదైన విజయాన్ని అందుకున్న టీడీపీ చీఫ్ చంద్రబాబుకు మెగాస్టార్ చిరంజీవి అభినందనలు తెలిపారు. ‘ఈ మహత్తర విజయం రాష్ట్రానికి గత వైభవం తిరిగి తెచ్చిన మీ దక్షతకు నిదర్శనం. రాజకీయ దురంధరులైన మీరు, పవన్, ప్రధాని మోదీపై ప్రజలు కనపరచిన విశ్వాసాన్ని నిలబెట్టుకుంటారని ఆశిస్తున్నా. రాజధాని లేని, గాయపడిన రాష్ట్రాన్ని తిరిగి గాడిన పెట్టి నంబర్-1గా తీర్చిదిద్దుతారని ఆశిస్తున్నా’ అని ట్వీట్ చేశారు.
News June 4, 2024
చంద్రబాబు, పవన్‌కు నాని విషెస్
ఏపీలో ప్రభుత్వాన్ని ఏర్పాటు చేయనున్న చంద్రబాబు నాయుడు, జనసేనాని పవన్‌కి హీరో నాని విషెస్ తెలిపారు. ‘ఆఫ్ స్క్రీన్, ఆన్ స్క్రీన్ హీరో పవన్ కళ్యాణ్‌కి అభినందనలు. అవమానాలను ఎదుర్కొంటూ పోరాడి గెలిచిన తీరు ఎంతో మందికి పాఠం. మీ విజయం చూస్తుంటే గర్వంగా ఉంది సర్. మీరు మరింత ఎత్తుకు చేరుకోవాలని, మీ పనితో పలువురికి ఉదాహరణగా ఉండాలని కోరుకుంటున్నా’ అని ఆయన ట్వీట్ చేశారు.
News June 4, 2024
డియర్ కళ్యాణ్ బాబు.. నిన్ను చూస్తుంటే గర్వంగా ఉంది: చిరంజీవి
అసెంబ్లీ ఎన్నికల్లో ఘన విజయం సాధించిన పవన్ కళ్యాణ్‌కు చిరంజీవి శుభాకాంక్షలు తెలిపారు. ‘డియర్ కళ్యాణ్ బాబు.. నువ్వు తగ్గావని ఎవరు అనుకున్నా అది ప్రజలను నెగ్గించటానికే అని నిరూపించిన నిన్ను చూస్తుంటే అన్నగా గర్వంగా వుంది. నువ్వు Game Changerవే కాదు, Man of the matchవి కూడా అని అందరూ నిన్ను కొనియాడుతుంటే నా హృదయం ఉప్పొంగుతోంది. ఈ కొత్త అధ్యాయంలో నీకు శుభం కలగాలని ఆశిస్తున్నా’ అని ట్వీట్ చేశారు.
News June 4, 2024
విజయవాడ చేరుకున్న పవన్
జనసేన అధినేత పవన్ కళ్యాణ్ విజయవాడలోని గన్నవరం ఎయిర్‌పోర్టుకు చేరుకున్నారు. అక్కడి నుంచి మంగళగిరిలోని పార్టీ ఆఫీసుకు బయల్దేరారు. కౌంటింగ్ సరళిపై పార్టీ నేతలతో సమీక్ష నిర్వహించే ఛాన్సుంది. అనంతరం ఇవాళ రాత్రికి టీడీపీ అధినేత చంద్రబాబుతో జనసేనాని భేటీ కానున్నారు.
News June 4, 2024
25 ఓట్లతో టీడీపీ అభ్యర్థి గెలుపు
AP: రాష్ట్రంలో అతి తక్కువ మెజార్టీతో టీడీపీ అభ్యర్థి గెలుపొందారు. శ్రీ సత్యసాయి జిల్లా మడకశిర టీడీపీ అభ్యర్థి ఎం.ఎస్. రాజు తన సమీప ప్రత్యర్థి ఈర లక్కప్పపై 25 ఓట్ల స్వల్ప మెజార్టీతో విజయం సాధించారు. ఆయనకు మొత్తం 78347 ఓట్లు పడ్డాయి. వైసీపీ అభ్యర్థి ఈర లక్కప్పకి 78,322 ఓట్లు నమోదయ్యాయి.
News June 4, 2024
కోటంరెడ్డి శ్రీధర్ రెడ్డి ఘన విజయం
AP: నెల్లూరు రూరల్ టీడీపీ ఎమ్మెల్యే అభ్యర్థి కోటంరెడ్డి శ్రీధర్ రెడ్డి ఘన విజయం సాధించారు. తన సమీప ప్రత్యర్థి, వైసీపీ అభ్యర్థి ఆదాల ప్రభాకర్ రెడ్డిపై 31971 ఓట్ల మెజారిటీతో నెగ్గారు. అలాగే కోవూరులో టీడీపీ అభ్యర్థి వేమిరెడ్డి ప్రశాంతి గెలుపొందారు. తన సమీప ప్రత్యర్థి, వైసీపీ అభ్యర్థి నల్లపురెడ్డి ప్రసన్నకుమార్ రెడ్డిపై దాదాపు 50 వేల ఓట్ల మెజారిటీతో విజయం సాధించారు.
News June 4, 2024
ఎన్నికల ఫలితాలు నిరాశపరిచాయి: KTR
రాష్ట్రంలో ఒక్క MP సీటును గెలవకపోవడంపై కేటీఆర్ స్పందించారు. ‘TRS స్థాపించిన 24 ఏళ్లలో విజయాలు, ఎదురుదెబ్బలు అన్నీ చూశాం. తెలంగాణను సాధించడమే మా అతిపెద్ద విజయం. 2014లో 63/119, 2018లో 88/119 సీట్లు సాధించాం. ప్రస్తుతం 39 స్థానాల్లో గెలిచి ప్రధాన ప్రతిపక్షంగా ఉన్నాం. నేటి ఎన్నికల ఎదురుదెబ్బ కచ్చితంగా చాలా నిరాశపరిచింది. కానీ మేము శ్రమిస్తూనే ఉంటాం. మళ్లీ గట్టిగా తిరిగొస్తాం’ అని ట్వీట్ చేశారు.
News June 4, 2024
రిజల్ట్స్.. మెజారిటీలో ఆల్‌టైమ్ రికార్డు
లోక్‌సభ ఎన్నికల్లో బీజేపీ ఎంపీ అభ్యర్థి శంకర్ లల్వాణీ రికార్డు సృష్టించారు. మధ్యప్రదేశ్ ఇండోర్ లోక్‌సభ స్థానంలో 11,75,092 ఓట్ల తేడాతో విజయం సాధించారు. దేశ చరిత్రలోనే ఈ స్థాయిలో మెజారిటీ సాధించిన వ్యక్తిగా రికార్డులకెక్కారు. ఆయన తర్వాత అత్యధికంగా నోటాకు 2,18,674 ఓట్లు వచ్చాయి. మరోవైపు ఇక్కడ బరిలోకి దిగిన కాంగ్రెస్ అభ్యర్థి తన నామినేషన్‌ను విత్ డ్రా చేసుకున్న సంగతి తెలిసిందే.
News June 4, 2024
ఆళ్లగడ్డ, జమ్మలమడుగులో కూటమి విజయం
రాయలసీమలోని ఆళ్లగడ్డ, జమ్మలమడుగులో ఎన్డీయే కూటమి విజయం సాధించింది. ఆళ్లగడ్డలో టీడీపీ అభ్యర్థి భూమా అఖిలప్రియ, జమ్మలమడుగులో బీజేపీ అభ్యర్థి ఆదినారాయణ రెడ్డి గెలిచారు.
Featured News
Sorry, no posts matched your criteria.