India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 31, 2024
గొర్రెల స్కాం కేసు.. తలసాని మాజీ ఓఎస్డీ అరెస్ట్
TG: మాజీ మంత్రి తలసాని శ్రీనివాస్ యాదవ్ మాజీ ఓఎస్డీ కళ్యాణ్‌ను ఏసీబీ అధికారులు అరెస్ట్ చేశారు. గొర్రెల స్కాం కేసులో ఆయనతో పాటు పశుసంవర్ధక శాఖ మాజీ సీఈ రాంచందర్‌ను అదుపులోకి తీసుకున్నారు. రైతులకు ఇవ్వాల్సిన రూ.2.10 కోట్లను వీరు ఇతరుల ఖాతాల్లోకి మళ్లించినట్లు ఏసీబీ గుర్తించింది. ఇప్పటికే ఈ కేసులో 10 మందిని అరెస్ట్ చేసింది.
News May 31, 2024
ఏపీ అప్పులపై వివరాలు కోరాం: పురందీశ్వరి
AP: కార్పొరేషన్లు ఏర్పాటు చేసి ప్రభుత్వం అడ్డగోలుగా అప్పులు తెచ్చిందని BJP రాష్ట్ర చీఫ్ పురందీశ్వరి ఆరోపించారు. గవర్నర్ నజీర్‌ను కలిసి రాష్ట్ర ఆర్థిక పరిస్థితిపై వివరాలు కోరిన ఆమె కేంద్రం నుంచి వచ్చిన నిధులు దారి మళ్లాయని మండిపడ్డారు. మద్యంపై భవిష్యత్తులో వచ్చే ఆదాయాన్ని కూడా చూపి అప్పులు చేశారని ఫైరయ్యారు. ప్రభుత్వ ఆస్తులను తాకట్టుపెట్టి తెచ్చిన అప్పుల వివరాలు అడిగినట్లు ఆమె వెల్లడించారు.
News May 31, 2024
రేపటి మ్యాచ్‌ను తేలికగా తీసుకోం: రోహిత్ శర్మ
రేపు బంగ్లాదేశ్‌తో జరిగే వార్మప్ మ్యాచ్‌ను తాము తేలికగా తీసుకోబోమని భారత కెప్టెన్ రోహిత్ శర్మ వెల్లడించారు. ‘గతంలో ఎప్పుడూ ఇక్కడ మేం ఆడలేదు. టోర్నీకి ముందు అమెరికా పిచ్, వాతావరణ పరిస్థితులకు అలవాటు పడేందుకు ఈ మ్యాచ్‌ను సద్వినియోగం చేసుకుంటాం. మా బ్యాటర్లు, బౌలర్లు లయను అందిపుచ్చుకోవడానికి ఈ మ్యాచ్‌ను వాడుకుంటాం’ అని ICC ఇంటర్వ్యూలో రోహిత్ చెప్పారు. కాగా రేపు రాత్రి 8 గంటలకు ఈ మ్యాచ్ జరగనుంది.
News May 31, 2024
దశాబ్ది ఉత్సవాలకు కేసీఆర్ వస్తానన్నారు: ప్రభుత్వ సలహాదారు
TG: సీఎం రేవంత్ రెడ్డి సూచనతో మాజీ సీఎం కేసీఆర్‌ను ప్రభుత్వ సలహాదారు వేణుగోపాల్ దశాబ్ది ఉత్సవాలకు ఆహ్వానించారు. HYD నందినగర్‌లోని ఆయన నివాసానికి వెళ్లి సీఎం రాసిన లేఖతో పాటు ఆహ్వాన పత్రాన్ని అందజేశారు. ఉత్సవాల్లో భాగస్వామ్యం కావాలని ఆయనను కోరామని, తప్పకుండా వస్తానని కేసీఆర్ చెప్పినట్లు వేణుగోపాల్ తెలిపారు.
News May 31, 2024
షకీరా ఒక్కరోజు ప్రదర్శనకు రూ.15 కోట్లు?
అనంత్-రాధిక సెకండ్ ప్రీవెడ్డింగ్ వేడుకలో ప్రదర్శించే సెలబ్రిటీలకు రూ.కోట్లల్లో పారితోషికం అందిందట. స్టార్ సింగర్ షకీరాకు రూ.15 కోట్లు, బ్యాక్‌స్ట్రీట్ బాయ్స్ ప్రదర్శనకు రూ.4-7 కోట్లు, అమెరికన్ పాప్ సింగర్ కేటీ పెర్రీకి కూడా రూ.కోట్లలో రెమ్యునరేషన్ ఇచ్చినట్లు వార్తలొస్తున్నాయి. రేపటితో ఈ వేడుకలు ముగియనున్నాయి. జామ్ నగర్ ప్రీ వెడ్డింగ్ వేడుకలో రిహన్నా ప్రదర్శనకు రూ.52 కోట్లు ఇచ్చినట్లు సమాచారం.
News May 31, 2024
సింధు: పారిస్ ఒలింపిక్స్ ముంగిట కలవరం
పారిస్ ఒలింపిక్స్ ముంగిట భారత స్టార్ షట్లర్ PV.సింధు పేలవ ఫామ్ కలవరపెడుతోంది. ఆమె స్పానిష్ షట్లర్ కరోలినా మారిన్ చేతిలో మరోసారి ఓడారు. సింగపూర్ ఓపెన్‌ 2వ రౌండ్ తొలి సెట్లో ఆధిక్యంతో గెలిచేలా కనిపించిన సింధు చివరికి 21-13, 11-21, 20-22 తేడాతో పరాజయం పొందారు. దీంతో టోర్నీ నుంచి నిష్క్రమణ తప్పలేదు. ఈ ఓటమితో కరోలినాపై హెడ్‌టు‌హెడ్ రికార్డుల్లో 6-12తో సింధు మరింత వెనుకబడిపోయారు.
News May 31, 2024
పొటెన్సీ టెస్ట్ అంటే?
ప్రజ్వల్ రేవణ్ణకు వైద్యులు పొటెన్సీ టెస్ట్ చేశారు. లైంగిక వేధింపులకు పాల్పడే సామర్థ్యం నిందితుడికి ఉందా? అని ఈ పరీక్షతో గుర్తిస్తారు. వివిధ వైద్య పద్ధతుల ద్వారా శరీరంలోకి కొన్ని రసాయనాలు పంపి అంగ స్తంభన, సామర్థ్యం, వీర్య విశ్లేషణ చేస్తారు. కానీ ఒత్తిడి, ఊబకాయం, సమస్యలున్న వారికి టెస్ట్‌లో పాజిటివ్ రిజల్ట్ వస్తుందని చెప్పలేము. దీంతో నేర నిర్ధారణకు టెస్ట్ ఒక్కటే ప్రామాణికం కాదని నిపుణుల వాదన.
News May 31, 2024
ప్రిపోల్ సర్వే Vs ఎగ్జిట్ పోల్ సర్వే.. తేడా ఏంటి?
పోలింగ్ రోజు ఓటేసిన వారిని అడిగి చేసేది ఎగ్జిట్ <<13084247>>పోల్<<>> సర్వే. పోలింగ్‌కు ముందు నిర్దిష్ట సమయమంటూ లేకుండా చేసేది ప్రిపోల్ సర్వే. ఇందులో పాల్గొన్న వారు కొన్నిసార్లు ఓటు వేయకనూపోవచ్చు. ప్రిపోల్ సర్వేలో ఎవరిని ప్రశ్నించాలనేది నిర్వాహకులు ముందే నిర్ణయించుకుంటారు. ఎగ్జిట్ పోల్‌లో మాత్రం యాదృచ్ఛికంగా అడుగుతారు. ప్రిపోల్ సర్వేలతో పోలిస్తే ఎగ్జిట్ పోల్స్‌లో కచ్చితమైన ఫలితాలకు అవకాశమెక్కువ. <<-se>>#Elections2024<<>>
News May 31, 2024
మెడిటేషన్ కాదు.. ఎడిటేషన్: అభిషేక్‌ సింఘ్వీ
ప్రధాని మోదీ 45 గంటల ధ్యానంపై కాంగ్రెస్‌ నేత, సీనియర్‌ న్యాయవాది అభిషేక్‌ మను సింఘ్వీ చేసిన పోస్ట్ నెట్టింట వైరల్ అవుతోంది. కెమెరాల ముందు పబ్లిసిటీ కోసం ధ్యానం చేస్తున్నట్లు ఉందని ఆయన ట్వీట్ చేశారు. దీనికి క‌న్యాకుమారిలోని వివేకానంద రాక్ మెమోరియ‌ల్‌లో మోదీ చేస్తున్నది ‘మెడిటేషన్ కాదు.. ఎడిటేషన్’ అంటూ ఓ సెటైరికల్ ఫొటోను జతచేశారు. ఈ పోస్ట్‌ను రీట్వీట్‌ చేస్తూ ఆ పార్టీ శ్రేణులు వైరల్ చేస్తున్నాయి.
News May 31, 2024
థియేటర్లలో ఎన్నికల ఫలితాలు ప్రత్యక్ష ప్రసారం
సార్వత్రిక ఎన్నికల ఫలితాలను మహారాష్ట్రలోని ముంబైతో పాటు పలు నగరాల్లో థియేటర్లు ప్రత్యక్ష ప్రసారం చేయనున్నాయి. MovieMax ఆధ్వర్యంలోని అన్ని థియేటర్లలో దేశవ్యాప్తంగా ఓట్ల లెక్కింపు లైవ్ సహా బ్రేకింగ్ న్యూస్‌‌లను ప్రదర్శించనున్నారు. జూన్ 4న ఉ.9గం. నుంచి మ.3గంటల వరకు ఈ ప్రసారాలు ఉంటాయి. టికెట్ ధర రూ.99గా నిర్ణయించినట్లు సమాచారం. కాగా ఈ ఎన్నికల ఫలితాల కోసం అందరూ ఆసక్తిగా ఎదురుచూస్తున్న విషయం తెలిసిందే.
Featured News
Sorry, no posts matched your criteria.