India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 31, 2024
రూ.లక్ష కోట్ల పెట్టుబడులకు వాహన తయారీ సంస్థలు సిద్ధం
FY24లో రికార్డు స్థాయిలో 4.23 మిలియన్ల ప్యాసింజర్స్ వెహికల్స్ అమ్మకాలతో ప్రముఖ తయారీ సంస్థలకు మంచి ప్రోత్సాహం లభించింది. మారుతీ, హ్యుందాయ్, టాటా, మహీంద్రా, JSW-MG లాంటి సంస్థలు FY25లో రూ.లక్ష కోట్లు ఇన్వెస్ట్ చేయడానికి సిద్ధమవుతున్నాయి. EVలలో టెక్నాలజీ అభివృద్ధి, కొత్త ప్లాంట్ల నిర్మాణం, నూతన SUVల ఆవిష్కరణపై దృష్టి సారించనున్నాయని నిపుణులు చెబుతున్నారు.
News May 31, 2024
రూ.1,150 కోట్ల విలువైన సొత్తు పట్టివేత: ఈసీ
సార్వత్రిక ఎన్నికల్లో భాగంగా ఇప్పటివరకు రూ.1,150 కోట్ల విలువైన సొత్తు స్వాధీనం చేసుకున్నట్లు కేంద్ర ఎన్నికల సంఘం తెలిపింది. ఇది 2019తో పోల్చుకుంటే మూడు రెట్లు ఎక్కువని పేర్కొంది. ఢిల్లీ, కర్ణాటకలో రూ.200 కోట్లకుపైగా నగదు, బంగారం సీజ్ చేసినట్లు వెల్లడించింది. తమిళనాడులో రూ.150 కోట్లు, ఆంధ్రప్రదేశ్, తెలంగాణ, ఒడిశాలో రూ.100 కోట్లకుపైగా సొత్తు స్వాధీనం చేసుకున్నట్లు వివరించింది.
News May 31, 2024
చెరుకు రసం, కూల్ డ్రింక్స్ తాగుతున్నారా?
చెరుకు రసం, కూల్ డ్రింక్స్‌తో ఆరోగ్యానికి హానికరమని ICMR వెల్లడించింది. ‘రోజులో పెద్దవారైతే 30గ్రాములు, 7-10 ఏళ్ల పిల్లలు 24 గ్రాములకు మించి షుగర్ తీసుకోరాదు. కేవలం 100ML చెరుకు రసంలో 13-15 గ్రాముల షుగర్ ఉంటుంది. అధిక చక్కెరలు కలిపిన ఫ్రూట్ జూస్‌ల కంటే నేరుగా పండ్లను తినడం ఉత్తమం. కూల్‌డ్రింక్స్‌లోని స్వీట్‌నర్స్, ఎడిబుల్ యాసిడ్స్ మనకు మంచిదికాదు. మజ్జిగ, నిమ్మరసం తాగడం ఉత్తమం’ అని పేర్కొంది.
News May 31, 2024
RBI వద్ద ఎంత పసిడి ఉంది?
రిజర్వు బ్యాంకు వద్ద $57.195 బిలియన్ల బంగారం (2024 మే 17 వరకు) నిల్వలున్నాయి. విదేశీ మారక నిల్వలు (నగదు, డిపాజిట్లు, బంగారం, బాండ్లు తదితరాలు) $648.7 బిలియన్లు. ముంబై, నాగపూర్ ఆఫీసులు, <<13348732>>ఇంగ్లండ్<<>> బ్యాంకు వంటి చోట్ల ఇది స్టోర్ చేశారు. రూపాయి పతనం, పలు దేశాల్లో అస్థిరత, పసిడికి డిమాండ్ వంటి కారణాలతో ఇటీవల RBI భారీగా స్వర్ణం సమకూర్చుకుంటోంది. గత ఆర్థిక సం.లో 27.5 టన్నుల పుత్తడి కొనుగోలు చేసింది.
News May 31, 2024
రూ.10 కాయిన్ తీసుకోవట్లేదా?
కొందరు చదువుకున్న వాళ్లు సైతం రూ.10 కాయిన్ తీసుకోవడంపై వెనుకడుగు వేస్తున్నారు. ఇటీవల రూ.10 నోట్లు మార్కెట్లో ఎక్కువగా చలామణి కావట్లేదు. అయితే రూ.10 కాయిన్లు చెల్లుబాటులోనే ఉన్నాయని.. వాటిని వాడుకోవాలని బ్యాంక్ అధికారులు సూచిస్తున్నారు. అవి చెల్లవని గతంలో ఎవరో ఫేక్ న్యూస్ క్రియేట్ చేయడంతో ఇబ్బందులు తప్పడం లేదు. రూ.10 కాయిన్లు చెల్లుబాటు అవుతాయని ప్రభుత్వం అవగాహన కల్పించాలని నెటిజన్లు కోరుతున్నారు.
News May 31, 2024
వేలాది బిడ్డల్ని చంపిన బలిదేవత ఎవరు?: KTR
TG: ట్విటర్‌లో కాంగ్రెస్‌పై KTR విమర్శలు గుప్పించారు. ‘ప్రత్యేక రాష్ట్రం పదేళ్లు తాత్సారం చేసి వందలాది మంది ఆత్మ బలిదానానికి కారణం ఎవరు? కాంగ్రెస్ ప్రభుత్వం. 1952లో సిటీ కాలేజీ వద్ద ఆరుగురు విద్యార్థులను, 1969-71 తొలిదశ ఉద్యమంలో 370మందిని కాల్చి చంపింది ఎవరు? కాంగ్రెస్ ప్రభుత్వం. స్వయంగా రేవంత్ చెప్పినట్లు వేలాది బిడ్డల్ని చంపిన బలిదేవత ఎవరు?’ అని ప్రశ్నిస్తూ అమరవీరుల స్తూపం ఫొటోను పోస్ట్ చేశారు.
News May 31, 2024
డైరెక్టర్ బుచ్చిబాబు తండ్రి కన్నుమూత
‘ఉప్పెన’ మూవీ డైరెక్టర్ బుచ్చిబాబు ఇంట విషాదం నెలకొంది. కొంతకాలంగా అనారోగ్యంతో హైదరాబాద్‌లోని ఓ ఆసుపత్రిలో చికిత్స పొందుతున్న బుచ్చిబాబు తండ్రి వెంకట్‌రావు నిన్న సాయంత్రం కన్నుమూశారు. స్వగ్రామమైన కాకినాడ జిల్లా యు.కొత్తపల్లి మండలం కొత్తపల్లిలో ఈ రోజు అంత్యక్రియలు పూర్తి చేశారు. డైరెక్టర్ సుకుమార్, ఇతర సినీ ప్రముఖులు బుచ్చిబాబును పరామర్శించి ధైర్యం చెప్పారు.
News May 31, 2024
దండం పెడుతున్నా.. ఢిల్లీకి నీళ్లు ఇవ్వండి: కేజ్రీవాల్
ఢిల్లీలో తీవ్ర నీటి కొరత ఏర్పడిందని, కేంద్రం, ఇరుగుపొరుగు బీజేపీ పాలిత రాష్ట్రాలు నీటిని సరఫరా చేయాలని సీఎం అరవింద్ కేజ్రీవాల్ విజ్ఞప్తి చేశారు. ‘తీవ్ర ఉష్ణోగ్రతలతో ఢిల్లీలో నీటికి డిమాండ్ పెరిగింది. హరియాణా, యూపీ నుంచి సరఫరా తగ్గింది. దీంతో డిమాండ్ పెరిగి సప్లై తగ్గింది. ఈ సమయంలో రాజకీయాలు చేయొద్దని దండం పెట్టి అడుగుతున్నా. అందరం కలిసి ఈ సమస్యను ఎదుర్కొందాం’ అని కోరారు.
News May 31, 2024
బయట ఎందుకు దాచారు? ఎందుకు తెచ్చారు?
ఆర్థిక సంక్షోభం, అంతర్యుద్ధం వంటి సమస్యలతో చాలా దేశాలు బంగారం, ఇతర సంపదను విదేశాల్లో ఉంచుతాయి. దీంతో అవసరమైతే అక్కడ విక్రయిస్తే అధిక డబ్బు వస్తుంది. లేదంటే పరిస్థితి చక్కబడితే వెనక్కి తేవచ్చు. 1991లో మన ఆర్థిక మనుగడ ప్రశ్నార్థకం కావడంతో <<13348732>>RBI<<>> పసిడిని ఇంగ్లండ్‌లో ఉంచింది. ఇప్పుడు తెచ్చి ఆర్థిక స్థిరంగా ఉన్నామని ప్రపంచానికి చాటుతోందని నిపుణులు చెబుతున్నారు. అటు బయట వాల్టులకు ఇచ్చే ఫీజులూ మిగులుతాయి.
News May 31, 2024
IPL రిటెన్షన్ SRHకు కలిసొస్తుందా?
IPL 2025 మెగా వేలానికి ముందు ముగ్గురు ఆటగాళ్లను ఫ్రాంఛైజీలు రిటైన్ చేసుకోవడానికి BCCI అంగీకరించినట్లు తెలుస్తోంది. RTM ద్వారా ఒకరిని దక్కించుకోవచ్చని సమాచారం. ఈ నిర్ణయం SRHకు కలిసొచ్చే ఛాన్స్ ఉంది. కీలక ఆటగాళ్లు కమిన్స్, హెడ్, క్లాసెన్, అభిషేక్, నటరాజన్, భువనేశ్వర్‌లలో నలుగురిని రిటైన్ చేసుకోవచ్చు. మిగతా ఆటగాళ్లు కూడా కావాలనుకుంటే వేలంలో దక్కించుకోవచ్చు. రిటెన్షన్ ప్లేయర్లు ఎవరో కామెంట్ చేయండి.
Featured News
Sorry, no posts matched your criteria.