India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 25, 2024
మహారాష్ట్రలో ఎంవీఏ ఓటమిపై కంగనా తీవ్ర వ్యాఖ్యలు
మహారాష్ట్రలో మహిళలను అగౌరవపరిచినందుకే మహా వికాస్ అఘాడీ(ఎంవీఏ) ఓటమి పాలైందని ఎంపీ, సినీ నటి కంగనా రనౌత్ ఆరోపించారు. ఉద్ధవ్ ఠాక్రే దారుణమైన పరాజయాన్ని పొందుతారని తాను ముందే ఊహించినట్లు తెలిపారు. ముంబైలోని తన నివాసాన్ని కూల్చివేసి దూషించినట్లు పేర్కొన్నారు. దేశ విచ్ఛిన్నం గురించి మాట్లాడిన వారికి మహా ఎన్నికల్లో ప్రజలు తగిన గుణపాఠం చెప్పారని దుయ్యబట్టారు.
News November 25, 2024
సర్వే అధికారులకు ప్రతి ఒక్కరూ సహకరించాలి: మంత్రి పొన్నం
TG: బీసీలకు న్యాయం జరగాలనే లక్ష్యంతో ప్రభుత్వం కులగణన కార్యక్రమం చేపట్టిందని మంత్రి పొన్నం ప్రభాకర్ తెలిపారు. ఉప్పల్‌లో నిర్వహించిన ఓ కార్యక్రమంలో ఆయన మాట్లాడారు. సర్వే అధికారులకు ప్రతి ఒక్కరూ పూర్తి వివరాలు తెలిపి వారికి సహకరించాలని విజ్ఞప్తి చేశారు. ఈ డేటా సంక్షేమ పథకాల లబ్ధి, బీసీల అభివృద్ధికి చొరవ చూపిస్తుందన్నారు. ఒకవేళ ఎన్యుమరేటర్లు రాకపోతే పిలిపించుకొని సర్వే నిర్వహించుకోవాలని సూచించారు.
News November 25, 2024
జేఈఈ మెయిన్స్-1 దరఖాస్తులకు ఎడిట్ ఆప్షన్
జేఈఈ మెయిన్స్-1 దరఖాస్తుల స్వీకరణకు గడువు ముగియగా, తప్పుల సవరణకు ఎన్టీఏ అవకాశమిచ్చింది. రేపు, ఎల్లుండి వెబ్‌సైట్‌లో ఎడిట్ ఆప్షన్ ద్వారా తప్పులు సవరించుకోవచ్చని పేర్కొంది. అభ్యర్థి పేరు, DOB, తల్లిదండ్రుల పేర్లలో ఏమైనా తప్పులు ఉంటే సరిచేసుకోవచ్చు. మొబైల్ నంబర్, ఈమెయిల్, ఫొటో, అడ్రస్ మార్చుకునేందుకు అవకాశం లేదు.
News November 25, 2024
తొలి రోజు అన్‌సోల్డ్ ప్లేయర్లు వీరే..
తొలి రోజు IPL మెగా వేలంలో దేవదత్ పడిక్కల్, డేవిడ్ వార్నర్, బెయిర్ స్టో, వాకర్ సలామ్ కీల్, పియూష్ చావ్లా, కార్తీక్ త్యాగి, యశ్ దుల్, అన్మోల్ ప్రీత్ సింగ్, ఉత్కర్ష్ సింగ్, లవ్నీత్ సిసోడియా, ఉపేంద్ర సింగ్ యాదవ్, శ్రేయస్ గోపాల్ అన్ సోల్డ్ ప్లేయర్లుగా మిగిలారు. అత్యధికంగా పంజాబ్(PBKS) 10 మంది ప్లేయర్లను వేలంలో దక్కించుకోగా అత్యల్పంగా ముంబై ఇండియన్స్ నలుగురిని కొనుగోలు చేసింది.
News November 25, 2024
కాంగ్రెస్ ప్రభుత్వంపై బీఆర్ఎస్ నేతల ఏడుపు: మంత్రి శ్రీధర్ బాబు
TG: అధికారం పోయిందని బీఆర్ఎస్ నేతలు కాంగ్రెస్ ప్రభుత్వంపై ఏడుస్తున్నారని మంత్రి శ్రీధర్ బాబు అన్నారు. 10 ఏళ్ల బీఆర్ఎస్ పాలనలో నిరుద్యోగులకు ఉద్యోగాలు లేక అల్లాడిపోయారని దుయ్యబట్టారు. తాము అధికారంలోకి వచ్చిన ఏడాది లోపే వేల మందికి ఉద్యోగాలు ఇచ్చామని తెలిపారు. తమది చేతల ప్రభుత్వమని, ఇచ్చిన వాగ్దానాలను తప్పక నెరవేరుస్తామని చెప్పారు.
News November 25, 2024
నేటి నుంచి పార్లమెంటు సమావేశాలు
నేటి నుంచి పార్లమెంటు శీతాకాల సమావేశాలు మొదలు కానున్నాయి. వచ్చే నెల 20వ తేదీ వరకు ఈ సమావేశాలు సాగనున్నాయి. ఈ సెషన్‌లో జమిలి ఎన్నికల బిల్లు ప్రవేశపెట్టే అవకాశం ఉండగా వక్ఫ్ సహా 16 బిల్లులపై చర్చించనున్నారు. సభలో చర్చించే అంశాలపై లోక్ సభ స్పీకర్, రాజ్యసభ చైర్ పర్సన్ ఆమోదం తర్వాతే పార్లమెంటులో చర్చ జరుగుతుందని కేంద్రమంత్రి కిరణ్ రిజిజు స్పష్టం చేశారు.
News November 25, 2024
ప్రపంచంలో భూమికి అత్యంత దూరమైన ప్రదేశం ఇదే
న్యూజిలాండ్‌కి, చిలీకి మధ్య ఉన్న దక్షిణ పసిఫిక్ మహాసముద్రంలో ఉన్న పాయింట్ నీమో అనే ప్రాంతాన్ని ప్రపంచంలో అత్యంత ఒంటరితనంగా ఉండే ప్రాంతంగా పరిశోధకులు చెబుతుంటారు. 1992లో దీన్ని గుర్తించారు. ఇక్కడి నుంచి కనుచూపు మేరలో భూమి కనిపించదు. దగ్గర్లోని భూమి 2688 కిలోమీటర్ల దూరంలో ఉంది. కరెక్ట్‌గా చెప్పాలంటే భూమి కంటే అంతర్జాతీయ అంతరిక్ష కేంద్రమే నీమో పాయింట్‌కు దగ్గరగా(400 కి.మీ) ఉంటుంది.
News November 25, 2024
శివసేన శాసనసభాపక్ష నేతగా షిండే
మహారాష్ట్ర సీఎం అభ్యర్థిపై ఇంకా సస్పెన్స్ వీడలేదు. శివసేన షిండే వర్గం ఏక్‌నాథ్ షిండేను పార్టీ శాసనసభాపక్ష నేతగా ఎన్నుకుంది. ఓ హోటల్‌లో జరిగిన సమావేశంలో ఎమ్మెల్యేలంతా ఆయనను ఎన్నుకుంటూ ఏకగ్రీవంగా తీర్మానం చేశారు. అంతకుముందు అజిత్ పవార్‌ను ఎన్సీపీ శాసనసభ పక్ష నేతగా ఎన్నుకున్న సంగతి తెలిసిందే. రేపటితో ప్రభుత్వ పదవికాలం పూర్తి కానుండటంతో ఆ లోపే సీఎం అభ్యర్థిపై స్పష్టత వచ్చే అవకాశముంది.
News November 25, 2024
తొలిరోజు వేలం తర్వాత LSG, RR, PBKS జట్లు
LSG: పంత్, పూరన్, మయాంక్ యాదవ్, బిష్ణోయ్, ఆవేశ్, మిల్లర్, సమద్, బదోనీ, మొహ్సీన్, మార్ష్, మార్క్‌రమ్, జుయల్
RR: జైస్వాల్, శాంసన్, జురెల్, పరాగ్, ఆర్చర్, హెట్మెయిర్, హసరంగ, తీక్షణ, సందీప్ శర్మ, మధ్వాల్, కుమార్ కార్తికేయ
PBKS: శ్రేయస్ అయ్యర్, అర్షదీప్, చాహల్, స్టొయినిస్, శశాంక్, వధేరా, మ్యాక్స్‌వెల్, ప్రభ్‌సిమ్రన్, వైశాఖ్, యశ్ థాకూర్, బ్రార్, విష్ణు వినోద్
News November 25, 2024
తొలిరోజు వేలం తర్వాత DC, GT, KKR జట్లు
DC: అక్షర్, KL రాహుల్, కుల్దీప్, స్టార్క్, నటరాజన్, స్టబ్స్, మెక్‌గుర్క్, బ్రూక్, పోరెల్, అశుతోశ్, మోహిత్, రిజ్వీ, కరుణ్
GT: రషీద్, గిల్, బట్లర్, సిరాజ్, రబాడా, ప్రసిద్ధ్, సుదర్శన్, షారుఖ్, తెవాటియా, లోమ్రోర్, కుషాగ్రా, నిషాంత్, మానవ్, అనూజ్
KKR: వెంకీ అయ్యర్, రింకూ, వరుణ్, రస్సెల్, నరైన్, నోకియా, హర్షిత్, రమణ్‌దీప్, డికాక్, రఘువంశీ, గుర్బాజ్, వైభవ్, మార్కండే
Featured News
Sorry, no posts matched your criteria.