India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 24, 2024
క్వింటన్ డికాక్‌కు రూ.3.60కోట్లు
వికెట్ కీపర్ బ్యాటర్ క్వింటన్ డికాక్‌‌ను KKR రూ.3.60కోట్లకు కొనుగోలు చేసింది. ఇతని కోసం ముంబై, KKR, SRH పోటీ పడ్డాయి. గత సీజన్లో లక్నో తరఫున ఆడిన ఇతను రూ.2కోట్ల బేస్ ప్రైజ్‌తో ఆక్షన్‌లోకి వచ్చారు. డికాక్‌ ఐపీఎల్ కెరీర్లో 107 మ్యాచులు ఆడి 3157 రన్స్ చేశారు. ఇతడి స్ట్రైక్ రేట్ 134గా ఉంది. డికాక్‌ వికెట్ కీపింగ్‌తో పాటు భారీ ఇన్నింగ్స్ ఆడగలరు.
News November 24, 2024
ఎవర్నీ కొనట్లేదేంటి భయ్యా!
జట్లన్నీ పోటీపడి ఆటగాళ్లను సొంతం చేసుకుంటుంటే ముంబై ఇండియన్స్ మాత్రం ఐపీఎల్ వేలంలో సైలెంట్‌గా ఉండిపోయింది. ఇప్పటి వరకు 24మంది ప్లేయర్స్ కొనుగోలు అవ్వగా, ఒక్కరినీ కూడా ఆ టీం తీసుకోలేదు. దీంతో ఆ టీమ్ ఫ్యాన్స్ సోషల్ మీడియాలో ఫైర్ అవుతున్నారు. అసలు వేలానికి ఎందుకొచ్చారని మండిపడుతున్నారు. ఇకనైనా ఆ జట్టు ప్లేయర్స్‌ను కొనుగోలు చేస్తుందేమో చూడాలి. ముంబై జట్టు ఖాతాలో రూ.45కోట్లు ఉన్నాయి.
News November 24, 2024
పంజాబ్‌కు గ్లెన్ మ్యాక్స్‌వెల్.. ధర ఎంతంటే..
గత ఏడాది ఆర్సీబీకి ఆడిన గ్లెన్ మ్యాక్స్‌వెల్‌ను ఈ ఏడాది వేలంలో రూ. 4.20 కోట్లకు పంజాబ్ కింగ్స్ దక్కించుకుంది. గత సీజన్లో మ్యాక్సీ ఘోరంగా విఫలమైన సంగతి తెలిసిందే. 10 మ్యాచులాడి 52 పరుగులే చేశారు. మొత్తంగా ఐపీఎల్‌లో 134 మ్యాచులాడి 156 స్ట్రైక్ రేట్‌తో 2771 రన్స్ చేశారు. బౌలింగ్‌లో 37 వికెట్లు తీశారు.
News November 24, 2024
రైల్వే ట్రాక్‌పై ఐరన్ రాడ్.. తప్పిన ప్రమాదం
యూపీలో ఘోర రైలు ప్రమాదం తప్పింది. పిలిభిత్-బరేలీ రైల్వే ట్రాక్‌పై దుండగులు 25 అడుగుల పొడవైన ఇనుప రాడ్‌ను ఉంచారు. ఆ ట్రాక్‌పై ప్రయాణిస్తున్న రైలు లోకో పైలట్ దీన్ని గుర్తించి ఎమర్జెన్సీ బ్రేక్ వేయడంతో అందరూ ఊపిరిపీల్చుకున్నారు. ఈ దురాగతానికి పాల్పడినవారి ఆచూకీ కోసం గాలిస్తున్నట్లు రైల్వే పోలీసులు తెలిపారు. గతేడాది జూన్ నుంచి ఈ తరహాలో 24 ఘటనలు జరిగినట్లు రైల్వే వెల్లడించింది.
News November 24, 2024
మార్కస్ స్టొయినిస్‌కు రూ.11 కోట్లు
ఆల్‌రౌండర్ మార్కస్ స్టొయినిస్‌ను రూ.11 కోట్లకు పంజాబ్ కొనుగోలు చేసింది. గత సీజన్లో LSG తరఫున ఆడిన ఇతను రూ.2కోట్ల బేస్ ప్రైజ్‌తో వేలంలోకి వచ్చారు. ఐపీఎల్‌లో 96 మ్యాచుల్లో 1866 రన్స్ చేశారు. స్ట్రైక్ రేట్ 142గా ఉంది. భారీ హిట్లతో మ్యాచ్ స్వరూపాన్ని మార్చేయగలరు. చెన్నై, ఆర్సీబీ, పంజాబ్ జట్లు ఇతని కోసం పోటీ పడ్డాయి.
News November 24, 2024
వెంకటేశ్ అయ్యర్‌కు జాక్‌పాట్
భారీ హిట్లు కొట్టగలిగే ఆల్‌రౌండర్ వెంకటేశ్ అయ్యర్ ఐపీఎల్ వేలంలో జాక్‌పాట్ కొట్టారు. రూ.23.75 కోట్లకు KKR దక్కించుకుంది. బేస్ ప్రైజ్ రూ.2కోట్లతో వేలంలోకి వచ్చిన ఇతడి కోసం LSG, KKR, RCB పోటీ పడ్డాయి. ఐపీఎల్ కెరీర్లో ఇతను 137 స్ట్రైక్ రేట్‌తో 1326 రన్స్ చేశారు. ఒక సెంచరీ కూడా ఉంది. కొన్ని సీజన్లుగా వెంకటేశ్ అయ్యర్ కోల్‌కతా తరఫున కీలక ఇన్నింగ్స్‌లు ఆడారు.
News November 24, 2024
రవిచంద్రన్ అశ్విన్‌కు భారీ ధర.. ఎంతంటే?
స్పిన్నర్ రవిచంద్రన్ అశ్విన్‌ను రూ.9.75కోట్లతో CSK సొంతం చేసుకుంది. రూ.2కోట్ల బేస్ ప్రైజ్‌తో ఇతను ఆక్షన్‌లోకి రాగా చెన్నై, రాజస్థాన్ పోటీ పడ్డాయి. ఐపీఎల్ కెరీర్లో 212 మ్యాచ్‌లు ఆడిన అశ్విన్ 180 వికెట్లు తీశారు. ఎకానమీ 7.1గా ఉంది. చెన్నై పిచ్‌లో అశ్విన్ రాణించగలడన్న విశ్వాసంతో CSK ఇంత ధర పెట్టినట్లు తెలుస్తోంది.
News November 24, 2024
రచిన్ రవీంద్రను తిరిగి దక్కించుకున్న చెన్నై
ఓపెనింగ్ బ్యాటర్ రచిన్ రవీంద్రను CSK రూ.4కోట్లకు కొనుగోలు చేసింది. బేస్ ప్రైజ్ రూ.1.50 కోట్లతో వేలంలోకి వచ్చిన ఇతడి కోసం పంజాబ్, చెన్నై పోటీ పడ్డాయి. గత సీజన్లో చెన్నై తరఫున ఆడిన ఇతను 161 స్ట్రైక్ రేట్‌తో 222 పరుగులు చేశారు.
News November 24, 2024
SRHకు హర్షల్ పటేల్‌.. రూ.8కోట్లు
పేస్ బౌలర్ హర్షల్ పటేల్‌ను SRH రూ.8కోట్లకు కొనుగోలు చేసింది. గత సీజన్లో పంజాబ్ తరఫున ఆడిన ఇతను రూ.2 కోట్ల బేస్ ప్రైజ్‌తో వేలంలోకి వచ్చారు. ఐపీఎల్ కెరీర్లో హర్షల్ పటేల్‌ 8.7 ఎకానమీతో 135 వికెట్లు తీశారు. ఇతని బెస్ట్ 4-25. డెత్ ఓవర్లలో ఇతను వేరియేషన్లతో బ్యాటర్లను ఇబ్బంది పెడతారు.
News November 24, 2024
అమ్ముడుపోని వార్నర్
డేవిడ్ వార్నర్ వేలంలో అమ్ముడుపోలేదు. మూడో సెట్లో ఆయన పేరు రాగా తీసుకునేందుకు ఏ ఫ్రాంచైజీ ఆసక్తిని చూపించలేదు. గత సీజన్లో ఢిల్లీ తరఫున ఆడిన వార్నర్ ఇటీవలి ప్రదర్శన అంతంతమాత్రమే. ఇక ఆస్ట్రేలియా తరఫున ఆయన అన్ని ఫార్మాట్లలోనూ రిటైర్ కావడం కూడా ఫ్రాంచైజీల అనాసక్తికి కారణం కావొచ్చని అంచనా.
Featured News
Sorry, no posts matched your criteria.