India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 23, 2024
‘గేమ్ ఛేంజర్’ నుంచి స్పెషల్ అప్‌డేట్.. ఎప్పుడంటే..
రామ్ చరణ్ ఫ్యాన్స్ కోసం గేమ్ ఛేంజర్ మూవీ టీమ్ అప్‌డేట్స్ వరద పారిస్తోంది. ఇప్పటికే మూవీలో జరగండి జరగండి, రా మచా మచా పాటలు సూపర్ హిట్ అయ్యాయి. ఇప్పుడు మూడో పాట రానుంది. రేపు ఉదయం 11.07 గంటలకు దానికి సంబంధించిన స్పెషల్ అప్‌డేట్ ఇవ్వనున్నట్లు గేమ్ ఛేంజర్ టీమ్ ప్రకటించింది. ‘ది సీజన్ ఆఫ్ లవ్ స్టార్ట్స్ టుమారో’ అన్న క్యాప్షన్‌తో ఇది మెలోడీ సాంగ్‌ అని ట్విటర్‌లో హింట్ ఇచ్చింది.
News November 23, 2024
తీవ్ర ఉత్కంఠ.. నాందేడ్‌లో కాంగ్రెస్ విజయం
MHలోని నాందేడ్ లోక్‌సభ సీటు ఉపఎన్నిక ఫలితం తీవ్ర ఉత్కంఠ రేపింది. BJP, కాంగ్రెస్ మధ్య విజయం దోబూచులాడింది. చివరకు 1,457 ఓట్ల తేడాతో కాంగ్రెస్ అభ్యర్థి చవాన్ రవీంద్ర వసంత్‌రావ్ గెలిచారు. రవీంద్రకు 5,86,788 ఓట్లు రాగా, BJP అభ్యర్థి సంతుక్‌రావ్ హంబార్డేకు 5,85,331 ఓట్లు పోలయ్యాయి. కాంగ్రెస్ ఎంపీ వసంతరావ్ చవాన్ ఆకస్మిక మరణంతో అక్కడ ఉపఎన్నిక వచ్చింది. ఆయన కుమారుడు రవీంద్రకు కాంగ్రెస్ టికెట్ ఇచ్చింది.
News November 23, 2024
అదృష్టం: 162 ఓట్లతో గెలిచాడు!
మహారాష్ట్రలోని మాలేగావ్ సెంట్రల్ నియోజకవర్గంలో MIM పార్టీ అభ్యర్థి మహమ్మద్ ఇస్మాయిల్ అబ్దుల్ కేవలం 162 ఓట్ల తేడాతో గెలిచారు. ఇస్మాయిల్‌కు 1,09,653 ఓట్లు రాగా, రెండో స్థానంలో నిలిచిన ఆసిఫ్ షేక్ రషీద్ (ఇండియన్ సెక్యులర్ లార్జెస్ట్ అసెంబ్లీ ఆఫ్ మహారాష్ట్ర పార్టీ)కు 1,09,491 ఓట్లు పోలయ్యాయి. ఆ నియోజకవర్గంలో ముస్లిం అభ్యర్థులు మాత్రమే పోటీ చేశారు. MHలో MIM 16 సీట్లలో పోటీ చేయగా గెలిచిన ఏకైక సీటు ఇదే.
News November 23, 2024
15 ఏళ్లు దాటిన స్కూల్ బస్సులను సీజ్ చేయాలి: మంత్రి పొన్నం
ప్రజలను ఇబ్బందులు పెట్టకుండా రవాణా శాఖ ఆదాయం పెరిగే మార్గాలు అన్వేషించాలని మంత్రి పొన్నం ప్రభాకర్ ఆదేశించారు. స్కూల్ బస్సులను నిరంతరం తనిఖీలు చేస్తూ, 15 ఏళ్లు దాటిన వాటిని సీజ్ చేయాలని ఆదేశించారు. ఈవీ పాలసీపై ప్రజల్లో అవగాహన కల్పించాలని ఉన్నతాధికారుల సమీక్షలో సూచించారు. రవాణా శాఖకు ప్రత్యేక లోగో రాబోతుందని వివరించారు. ఈ శాఖలో సుదీర్ఘ కాలంగా పెండింగ్‌లో ఉన్న ప్రమోషన్లు పూర్తి చేయాలన్నారు.
News November 23, 2024
మరో బాలీవుడ్ చిత్రంలో జూ.ఎన్టీఆర్?
వార్-2 చిత్రం ద్వారా బాలీవుడ్‌లో అడుగుపెడుతున్న జూ.ఎన్టీఆర్ అక్కడ మరో ప్రాజెక్టుకు కూడా గ్రీన్‌సిగ్నల్ ఇచ్చినట్లు తెలుస్తోంది. యశ్‌రాజ్ ఫిలింస్ బ్యానర్‌లో సినిమా ఉంటుందని, సరైన కథ కోసం మేకర్స్ సెర్చ్ చేస్తున్నారని సమాచారం. ఈ మూవీకి అయాన్ ముఖర్జీ దర్శకత్వం వహిస్తారని టాక్. త్వరలోనే కొత్త ప్రాజెక్టుపై అధికారిక ప్రకటన ఉంటుందని బీటౌన్‌లో వార్తలు వినిపిస్తున్నాయి.
News November 23, 2024
మహారాష్ట్ర అసెంబ్లీలో ప్రతిపక్ష నేత లేనట్లే!
ప్రతిపక్ష హోదా దక్కాలంటే అసెంబ్లీలోని మొత్తం సీట్లలో 10% గెలుచుకోవాలి. MHలో 288 సీట్లకు గాను 29 సీట్లలో విజయం సాధిస్తే LoP ఇస్తారు. మహావికాస్ అఘాడీలోని ఏ పార్టీకి అన్ని సీట్లు వచ్చే అవకాశం లేదు. శివసేన (UBT)- 20, కాంగ్రెస్-13 (3 ఆధిక్యం), NCP (శరద్ పవార్)- 10 స్థానాలు మాత్రమే గెలిచాయి. ప్రస్తుతం ఆంధ్రప్రదేశ్, అరుణాచల్, గుజరాత్, మణిపుర్, నాగాలాండ్, సిక్కింలలో ప్రతిపక్ష నేతలు లేరు.
News November 23, 2024
గంభీర్ నాకు ఇచ్చిన సలహా అదే: హర్షిత్ రాణా
తన టెస్టు కెరీర్‌కు మంచి ఆరంభం లభించడం వెనుక కోచ్ గౌతమ్ గంభీర్ ఇచ్చిన సలహాలున్నాయని భారత పేసర్ హర్షిత్ రాణా తెలిపారు. ఆయన తనకు మద్దతుగా నిలిచారని పేర్కొన్నారు. ‘ఆటగాళ్లకు ఎప్పుడూ అండగా నిలిచే వ్యక్తి గంభీర్. ఓపికతో ఉండాలన్నదే ఆయన నాకు ఇచ్చిన సలహా. దేశానికి ఆడే అవకాశం వచ్చాక భారత ప్రజల్ని గుర్తుపెట్టుకుని సర్వశక్తులూ ఒడ్డి ఆడాలని సూచించారు. అదే చేస్తున్నా’ అని తెలిపారు.
News November 23, 2024
వారికి AR రెహమాన్ లీగల్ నోటీసులు
తనపై అవాస్తవాలు ప్రచారం చేసేవారిపై AR రెహమాన్ చట్టపరమైన చర్యలకు సిద్ధమయ్యారు. భార్య సైరా బానుతో విడిపోతున్నట్లు ఆయన ప్రకటించగా, ఆ విషయంపై రూమర్స్ వచ్చాయి. అర్థరహిత సమాచారం వ్యాప్తి చేసేవారికి లీగల్ నోటీసులు పంపాలని రెహమాన్ చెప్పినట్లు ఆయన లీగల్ టీమ్ పేర్కొంది. యూట్యూబ్, ఎక్స్, ఇన్‌స్టా, ఫేస్ బుక్, ఇతర సోషల్ మీడియా ప్లాట్ ఫామ్స్‌ నుంచి అభ్యంతరకర కంటెంట్‌ను వెంటనే తొలగించాలని డిమాండ్ చేసింది.
News November 23, 2024
ఆ ఇద్దరే అసలైన వారసులా?
MHలో Political Equations మారిపోయాయి. NCP, శివ‌సేన‌లో వ‌చ్చిన చీలిక‌లపై ప్రజలు తీర్పు చెప్పేశారు. 51 సీట్లలో శివసేన షిండే-ఉద్ధవ్ వర్గాలు, 37 చోట్ల NCP అజిత్-శరద్ పవార్ వర్గాలు పోటీప‌డ్డాయి. మొత్తంగా 81 స్థానాల్లో పోటీ చేసిన శిండే వర్గం 57 చోట్ల, అజిత్ వర్గం 59 సీట్లకు 41 చోట్ల సత్తాచూపాయి. 95 సీట్లలో పోటీ చేసిన ఉద్ధవ్ వర్గం 20 చోట్ల, పవార్ వర్గం 86కు 10 చోట్ల విజయం సాధించాయి.
News November 23, 2024
‘అమరన్’ OTT రిలీజ్ డేట్ ఫిక్స్?
శివ కార్తికేయన్, సాయిపల్లవి జంటగా నటించిన ‘అమరన్’ మూవీ ఈ నెల 29న ఓటీటీలోకి రానున్నట్లు తెలుస్తోంది. ప్రముఖ ఓటీటీ ప్లాట్‌ఫామ్ నెట్‌ఫ్లిక్స్‌లో స్ట్రీమింగ్ కానుందని సమాచారం. మేజర్ ముకుంద్ వరదరాజన్ జీవితం ఆధారంగా తెరకెక్కిన ఈ మూవీ ఇప్పటివరకు దాదాపు రూ.300 కోట్లకు పైగా కలెక్షన్స్ రాబట్టింది. రాజ్ కుమార్ పెరియస్వామి తెరకెక్కించిన ఈ మూవీకి జీవీ ప్రకాశ్ మ్యూజిక్ అందించారు.
Featured News
Sorry, no posts matched your criteria.