India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 15, 2024
ఆ వాహనాలకు రూ.10వేలు ఫైన్ వేసేలా స్పెషల్ సిస్టమ్!
దేశంలో పెరుగుతున్న వాహన కాలుష్యాన్ని తగ్గించేందుకు పుణేకు చెందిన అధికారులు సరికొత్త పరికరాన్ని అందుబాటులోకి తీసుకురానున్నారు. పొల్యూషన్ సర్టిఫికెట్ లేకుండా రోడ్డెక్కే వాహనాలకు జరిమానా విధించేలా పెట్రోల్ పంపుల వద్ద అధునాతన కెమెరాలను ఉపయోగించి ఆటోమేటెడ్ సిస్టమ్‌ను అభివృద్ధి చేశారు. సరైన సర్టిఫికెట్ లేని వాహనాలకు ఇది రూ.10వేలు జరిమానా విధిస్తుంది. అమలు చేసేందుకు కాస్త సమయం పట్టొచ్చు.
News May 15, 2024
మణిపుర్ ప్రజల భద్రతపై MLA ఆందోళన
మణిపుర్‌‌లో స్థానికుల కంటే మయన్మార్ నుంచి వచ్చిన శరణార్థులే ఎక్కువ ఉండడంపై ఫంగ్యార్ MLA లీషియో కీషింగ్ ఆందోళన వ్యక్తం చేశారు. వలసదారులను తిరిగి పంపించేయాలని CM బీరెన్ సింగ్‌కు లేఖ రాశారు. 2023, నవంబర్ నుంచి ఇప్పటివరకు 5,800 మంది రాష్ట్రంలోకి ప్రవేశించారని, వారి వల్ల వివాదాలు జరిగి స్థానికులు హింసకు గురవుతున్నారని పేర్కొన్నారు. సరిహద్దు ప్రాంతాల్లో భద్రతను పెంచాలని విజ్ఞప్తి చేశారు.
News May 15, 2024
మణిపుర్ హింసతో నిరాశ్రయులుగా 67వేల మంది: IDMC
గత ఏడాది జరిగిన మణిపుర్ హింసలో 67వేల మంది నిరాశ్రయులైనట్లు ఇంటర్నల్ డిస్‌ప్లేస్‌మెంట్ మానిటరింగ్ సెంటర్ వెల్లడించింది. 2018 తర్వాత అల్లర్ల కారణంగా దేశంలో ఈ స్థాయిలో నిరాశ్రయులు కావడం ఇదే తొలిసారని పేర్కొంది. నిరాశ్రయుల్లో కొందరు నాగాలాండ్, అస్సాం, మిజోరం రాష్ట్రాలకు వలస వెళ్లినట్లు తెలిపింది. ఇక దేశవ్యాప్తంగా వరదలు, భూకంపాలు వంటి విపత్తులతో మరో 5.28లక్షల మంది నిరాశ్రయులు అయినట్లు తెలిపింది.
News May 15, 2024
అలా చేస్తే ప్రజాజీవితానికి పనికిరాను: మోదీ
ఒకవేళ తాను హిందూ-ముస్లిం రాజకీయాలు చేస్తే ప్రజాజీవితంలో ప్రధానిగా పనికిరానని మోదీ అన్నారు. తాను హిందూ-ముస్లింలను విడదీసే రాజకీయం చేయబోనని న్యూస్18తో స్పష్టం చేశారు. ‘ముస్లింలు ఎక్కువ మందిని కంటారని నేను అనలేదు. ఎక్కువ మంది పిల్లలున్న కుటుంబాలు పేదరికంలో ఉన్నాయని మాత్రమే అన్నాను. హిందువుల్లోనూ పేదలుంటారు. నా వ్యాఖ్యలను ముస్లింలకు మాత్రమే ఆపాదిస్తూ తప్పుడు ప్రచారం చేశారు’ అని మోదీ పేర్కొన్నారు.
News May 15, 2024
L&T వెళ్లిపోయినా.. మహాలక్ష్మి పథకం ఆగదు: CM
‘మహాలక్ష్మి’ పథకం వల్ల నష్టం జరుగుతోందని మెట్రో ప్రాజెక్టు నుంచి వైదొలుగుతామని L&T చెప్పడంపై సీఎం రేవంత్ స్పందించారు. మీడియా చిట్ చాట్‌లో ఆయన మాట్లాడుతూ.. L&T నిష్క్రమిస్తే, మెట్రో రైలు ప్రాజెక్ట్‌ను నిర్వహించే కంపెనీలను కాంగ్రెస్ ప్రభుత్వం ఎంపిక చేస్తుందని వెల్లడించారు. ఎట్టిపరిస్థితుల్లోనూ మహిళలకు బస్సుల్లో ఉచిత ప్రయాణం అందిస్తోన్న ‘మహాలక్ష్మి’ని మాత్రం నిలిపే ప్రసక్తి లేదని స్పష్టం చేశారు.
News May 15, 2024
స్తంభించిన ఇన్‌స్టాగ్రామ్, ఫేస్‌బుక్
ప్రముఖ సోషల్ మీడియా ప్లాట్‌ఫామ్స్ ఇన్‌స్టాగ్రామ్, ఫేస్‌బుక్ ప్రపంచ వ్యాప్తంగా స్తంభించిపోయాయి. దీంతో ఇండియాలోని ఢిల్లీ, కోల్‌కతా, బెంగళూరు, చెన్నై, ముంబై, పట్నా వంటి నగరాల్లోనూ సేవలు నిలిచిపోయాయని డౌన్‌డిటెక్టర్ వెల్లడించింది. మరికొందరు యూజర్లకు ఎర్రర్ మెసేజ్, ‘something went wrong’ అని స్క్రీన్లపై కనిపించినట్లు పేర్కొంది.
News May 15, 2024
వైసీపీ వాళ్లు రాక్షసులుగా మారారు: లోకేశ్‌
AP: ఓటమి భయంతో వైసీపీ నేతలు నరరూప రాక్షసులుగా మారారని టీడీపీ నేత నారా లోకేశ్‌ అన్నారు. టీడీపీకి ఓటు వేశారనే అనుమానంతో తిరుపతి జిల్లాలోని పెళ్లకూరుమిట్టకు చెందిన మహిళపై గర్భిణి అని చూడకుండా దాడి చేశారని ఆగ్రహం వ్యక్తం చేశారు. నచ్చినట్లు ఓటు వేసే స్వేచ్ఛ లేకుండా చేసిన వైసీపీకి పతనం ఖాయమన్నారు. గర్భిణికి మెరుగైన వైద్యం అందించి నిందితులను అరెస్టు చేయాలని లోకేశ్‌ డిమాండ్‌ చేశారు.
News May 15, 2024
క్రికెట్ అభిమానులకు గుడ్&బ్యాడ్‌న్యూస్
T20WC 2వ సెమీఫైనల్ వెస్టిండీస్‌లోని గయానాలో జరగనుంది. ఒకవేళ ఇండియా సెమీస్ చేరితే జూన్ 27న గయానాలో ఆడనుంది. అక్కడ 10.30amకి మ్యాచ్ ప్రారంభమైతే మన దగ్గర 8pm అన్నమాట. ఇండియాలోని ప్రేక్షకులు మ్యాచ్ వీక్షించేందుకు సమయం అనువుగా ఉండేందుకే రెండో సెమీఫైనల్‌లో భారత్‌కు అవకాశం ఇచ్చినట్లు espncricinfo తెలిపింది. అయితే.. రెండో సెమీఫైనల్‌కు <<13248114>>రిజర్వ్ డే<<>> లేకపోవడం ఆందోళన కలిగించే అంశం.
News May 15, 2024
‘న్యూస్ క్లిక్’ ప్రబీర్ విడుదలకు సుప్రీం ఆదేశాలు
UAPA కేసులో జైలులో ఉన్న న్యూస్ క్లిక్ వ్యవస్థాపకుడు ప్రబీర్ పుర్కాయస్థను విడుదల చేయాలని సుప్రీం కోర్టు ఆదేశించింది. అతడి అరెస్టు, రిమాండ్ చట్టవిరుద్ధమని పేర్కొంది. ప్రబీర్.. చైనా నుంచి నిధులు అందుకొని.. ఆ దేశ అనుకూల ప్రచారం చేస్తున్నారని 2023 ఆగస్టులో ‘న్యూయార్క్ టైమ్స్’లో కథనం ప్రచురితం అయింది. దీంతో చట్టవ్యతిరేక కార్యకలాపాల నివారణ చట్టం(UAPA) కింద కేసు నమోదైంది.
News May 15, 2024
ధోనీకి యూఎస్ వెళ్లడం ఎందుకిష్టమో తెలుసా?
తనకు ఇష్టమైన ట్రావెల్ డెస్టినేషన్ US అని ధోనీ ఇటీవల ఓ ఈవెంట్‌లో తెలిపారు. న్యూజెర్సీలో ఫ్రెండ్‌తో కలిసి గోల్ఫ్ ఆడతానని చెప్పారు. అక్కడ గోల్ఫ్ ఆడటం, ఫుడ్ తినడం, రెస్ట్ తీసుకోవడం తప్ప వేరే ఏ పనీ ఉండదన్నారు. తన ఫ్రెండ్ ఇంటి నుంచి 2.5నిమిషాల్లో గోల్ఫ్ ఆడే ప్లేస్‌కి వెళ్లొచ్చని తెలిపారు. అక్కడ లోకల్ టోర్నమెంట్‌లో కూడా పాల్గొంటానని, అక్కడ ఉండే 15-20 రోజులు తనకు బెస్ట్‌గా అనిపిస్తుందని చెప్పుకొచ్చారు.
Featured News
Sorry, no posts matched your criteria.