India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 18, 2024
మ‌హారాష్ట్ర‌లో నేటితో ప్ర‌చార ప‌ర్వానికి తెర
MH అసెంబ్లీ ఎన్నిక‌ల ప్ర‌చారానికి సోమ‌వారంతో తెర‌ప‌డ‌నుంది. మొత్తం 288 స్థానాలకు బుధ‌వారం (Nov 20) ఎన్నిక‌లు జ‌ర‌గ‌నున్నాయి. రాష్ట్రంలో 9.7 కోట్ల మంది ఓట‌ర్లు ఉన్నారు. వీరిలో 4.93 కోట్ల మంది పురుషులు, 4.6 కోట్ల మంది మ‌హిళలు ఉన్నారు. అధికార మ‌హాయుతి, విప‌క్ష MVA కూట‌ముల్లోని 6 పార్టీల మ‌ధ్య తీవ్ర పోటీ నెలకొంది. MNS, MIM, VBA పార్టీలు ఇతరుల ఓట్ల‌కు గండికొట్టే ఛాన్స్ ఉంది. 23న కౌంటింగ్ జ‌ర‌గ‌నుంది.
News November 18, 2024
ఢిల్లీలో దారుణంగా పడిపోయిన గాలి నాణ్యత
దేశ రాజధాని ఢిల్లీలో గాలి నాణ్యత దారుణంగా పడిపోయింది. ఇవాళ ఉదయం AQI 793గా నమోదైంది. దేశంలో అత్యంత కాలుష్య నగరాల్లో ఫతేబాద్(895) తర్వాతి స్థానంలో నిలిచింది. మూడో స్థానంలో నోయిడా(559) ఉంది. కాగా ఇవాళ్టి నుంచి ఢిల్లీలో స్టేజ్-4 ఆంక్షలు అమల్లోకి వచ్చాయి. దీని ప్రకారం ట్రక్కులను నగరంలోకి అనుమతించరు. మరోవైపు 10, 12వ తరగతులు మినహా మిగతా క్లాసులు ఆన్‌లైన్‌లో నిర్వహించాలని ఆప్ ప్రభుత్వం ఆదేశించింది.
News November 18, 2024
ఆ 60 వేల మందే పునాదిరాయి: మోదీ
నైజీరియాలో ఉన్న 60 వేల మంది భార‌తీయులు ఇరు దేశాల మ‌ధ్య బ‌ల‌మైన బంధాల‌కు పునాదిరాయిగా నిలుస్తున్నార‌ని ప్ర‌ధాని మోదీ పేర్కొన్నారు. వారి రక్ష‌ణ‌కు అవ‌స‌ర‌మైన చ‌ర్య‌లు తీసుకుంటున్న‌ందుకు అక్క‌డి ప్ర‌భుత్వానికి మోదీ కృతజ్ఞ‌త‌లు తెలిపారు. నైజీరియాతో స్ట్రాటజిక్ రిలేష‌న్స్‌కు భార‌త్ అధిక ప్రాధాన్యం ఇస్తుంద‌ని పేర్కొన్నారు. భార‌త ప్ర‌ధాని 17 ఏళ్ల త‌రువాత ఆ దేశంలో ప‌ర్య‌టించ‌డం ఇదే మొద‌టిసారి.
News November 18, 2024
ఇవాళ టీటీడీ పాలకమండలి భేటీ
తిరుమలలో టీటీడీ పాలకమండలి నేడు సమావేశం కానుంది. అన్నమయ్య భవనంలో ఉ.10.15 గంటలకు టీటీడీ ఛైర్మన్ బీఆర్ నాయుడి అధ్యక్షతన జరిగే సమావేశంలో 70 అంశాలపై చర్చించనున్నారు. సామాన్య భక్తులకు దర్శనంలో ప్రాధాన్యం, సనాతన ధర్మపరిరక్షణ సహా మరికొన్ని అంశాలపై కీలక నిర్ణయాలు తీసుకునే అవకాశం ఉంది. కూటమి ప్రభుత్వం అధికారంలోకి వచ్చాక జరుగుతున్న తొలి సమావేశం కావడంతో ప్రాధాన్యత నెలకొంది.
News November 18, 2024
స్కూళ్ల టైమింగ్స్ మార్పు.. కొత్త షెడ్యూల్ ఇదే..
AP: రాష్ట్రంలో ప్రస్తుతం ఉ.9 గం. నుంచి సా.4 గం. వరకు స్కూళ్లు నడుస్తుండగా దాన్ని సా.5 గం. వరకు విద్యాశాఖ పొడిగించింది. ఈనెల 25-30 వరకు కొత్త టైమ్‌టేబుల్‌ను తొలుత ప్రతి మండలంలోని 2 బడుల్లో అమలు చేయనుంది. దీని ప్రకారం ఉదయం, మధ్యాహ్నం ఇచ్చే బ్రేక్ సమయాన్ని 5 ని. చొప్పున, భోజన విరామాన్ని 15ని. పెంచారు. ఉ. తొలి పీరియడ్ 5ని. పెంచి 50ని. చేశారు. తర్వాతి 3 పీరియడ్లను కూడా 5ని. చొప్పున పెంచి 45ని. చేశారు.
News November 18, 2024
22 జిల్లాల్లో మహిళా శక్తి భవనాలు.. ఉత్తర్వులు జారీ
TG: మహిళా సంఘాల బలోపేతం కోసం మహిళా శక్తి భవనాలు నిర్మించాలని ప్రభుత్వం నిర్ణయించింది. రాష్ట్రంలోని పాత 10 జిల్లాల్లో ఇప్పటికే ఈ భవనాలు ఉండగా, మిగతా జిల్లాల్లోనూ నిర్మించనుంది. ఒక్కో భవనానికి రూ.5కోట్లు చొప్పున మొత్తం రూ.110కోట్లు ఖర్చు చేయనుంది. ఇందుకు సంబంధించి తాజాగా ఉత్తర్వులు జారీ చేసింది. రేపు హనుమకొండలో జరగనున్న సభలో సీఎం రేవంత్ రెడ్డి వీటి నిర్మాణానికి శంకుస్థాపన చేయనున్నారు.
News November 18, 2024
నేను పారిపోలేదు: నటి కస్తూరి
తమిళనాడులోని తెలుగువారిపై అనుచిత వ్యాఖ్యలు చేసిన కేసులో నటి కస్తూరిని హైదరాబాద్‌లోని సినీ నిర్మాత హరికృష్ణన్ బంగ్లాలో చెన్నై పోలీసులు అరెస్ట్ చేసిన విషయం తెలిసిందే. అయితే అంతకుముందు ఆమె ఓ వీడియో విడుదల చేశారు. తనకు ఎలాంటి భయం లేదని, ఎక్కడికీ పారిపోలేదన్నారు. షూటింగ్ కోసమే HYD వచ్చానని, తన ఫోన్ న్యాయవాదికి ఇచ్చినట్లు చెప్పారు. కేసు విషయంలో పోలీసులకు పూర్తిగా సహకరిస్తానని కస్తూరి తెలిపారు.
News November 18, 2024
మరో అల్పపీడనం.. ఈ జిల్లాల్లో వర్షాలు!
AP: ఆగ్నేయ బంగాళాఖాతంలో ఈనెల 23న అల్పపీడనం ఏర్పడనున్నట్లు వాతావరణ శాఖ తెలిపింది. ఇది పశ్చిమ వాయువ్యంగా పయనిస్తూ తుఫానుగా మారే ఛాన్సుందని, ఈనెల 26 లేదా 27 నాటికి శ్రీలంకకు ఉత్తర దిశగా వస్తుందని అంచనా వేసింది. దీని ప్రభావంతో రాయలసీమలోని అన్ని జిల్లాలు, దక్షిణ కోస్తాలోని నెల్లూరు, ప్రకాశం జిల్లాల్లో వర్షాలు కురుస్తాయని పేర్కొంది.
News November 18, 2024
ఏపీ క్యాబినెట్ భేటీ వాయిదా
AP: ఇవాళ జరగాల్సిన రాష్ట్ర క్యాబినెట్ భేటీ ఎల్లుండికి వాయిదా పడింది. సీఎం చంద్రబాబు సోదరుడు రామ్మూర్తి నాయుడు అంత్యక్రియలు నిన్న నారావారిపల్లెలో జరిగిన విషయం తెలిసిందే. ఇవాళ సాయంత్రం వరకూ సీఎం అక్కడే ఉండనున్నారు. ఈ నేపథ్యంలో మంత్రివర్గ సమావేశాన్ని వాయిదా వేశారు.
News November 18, 2024
టెట్ అభ్యర్థులకు అలర్ట్
TG: టెట్ దరఖాస్తుల్లో తప్పుల సవరణకు ప్రభుత్వం అవకాశం కల్పించింది. ఇవాళ్టి నుంచి ఈనెల 22 వరకు పాఠశాల విద్యాశాఖ <
Featured News
Sorry, no posts matched your criteria.