India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 14, 2024
ఏపీలో పోలింగ్ ఇలా..
ఏపీలో నిన్న అర్ధరాత్రి వరకు 78.25శాతం పోలింగ్ నమోదైనట్లు ఈసీ పేర్కొంది. అత్యధికంగా అమలాపురం(SC) లోక్‌సభ స్థానానికి 83.19శాతం ఓటింగ్ నమోదైంది. అత్యల్పంగా విశాఖపట్నంలో 68% శాతం ఓటింగ్ జరిగింది. మరోవైపు అసెంబ్లీ స్థానాల్లో అత్యధికంగా ధర్మవరంలో 88.61%, అత్యల్పంగా పాడేరులో 55.45% పోలింగ్ నమోదైంది. ఇవాళ సాయంత్రం కల్లా ఈసీ పూర్తి వివరాలు వెల్లడించనుంది.
News May 14, 2024
గెలుపోటములపై మహిళా ముద్ర!
AP: రాష్ట్ర ఎన్నికల్లో గెలుపోటములను మహిళామణులు శాసించనున్నారు. పార్టీల భవితవ్యం వారి చేతిలోనే ఉందంటున్నారు పరిశీలకులు. రాష్ట్రంలో పురుష ఓటర్ల సంఖ్య 2,03,39,851 కాగా.. మహిళా ఓటర్ల సంఖ్య 2,10,58,615గా ఉంది. ఓటర్ల సంఖ్యలోనే కాక పోల్ అయిన ఓట్లలోనూ మహిళలవే అధికం. దీంతో వారు ఎటువైపు మొగ్గితే ఫలితాలు కూడా అటే అనుకూలంగా ఉంటాయన్న అంచనాలున్నాయి. మరి వారి తీర్పు ఎలా ఉండనుందో చూడాలి.
News May 14, 2024
నేడు వారణాసికి చంద్రబాబు
AP: టీడీపీ అధినేత చంద్రబాబు నేడు యూపీలోని వారణాసికి వెళ్లనున్నారు. ప్రధాని మోదీ నామినేషన్ కార్యక్రమానికి రావాలని ఎన్డీయే మిత్రపక్షాలకు బీజేపీ ఆహ్వానం పంపింది. దీంతో చంద్రబాబు ప్రత్యేక విమానంలో వారణాసికి వెళ్లి, రాత్రికి తిరుగుపయనమవుతారు. ఇప్పటికే జనసేనాని పవన్ కళ్యాణ్ వారణాసికి చేరుకున్నారు.
News May 14, 2024
లోక్‌సభ నియోజకవర్గాల వారీగా పోలింగ్..
TGలో భువనగిరిలో 76.47%, KMMలో 75.19%, జహీరాబాద్‌లో 74.54%, మెదక్‌లో 74.38%, నల్గొండలో 73.78%, KNRలో 72.33%, ఆదిలాబాద్‌లో 72.96%, MBNRలో 71.54%, మహబూబాబాద్‌లో 70.68%, NZMBలో 71.50%, నాగర్ కర్నూల్‌లో 68.86%, WGLలో 68.29%, PDPLలో 67.88%, చేవెళ్ల‌లో 55.45%, SECBADలో 48.11%, మల్కాజిగిరిలో 50.12%, HYDలో 46.08% ఓటింగ్ నమోదైంది. సికింద్రాబాద్ కంటోన్మెంట్ అసెంబ్లీ స్థానానికి 50.34% పోలింగ్ జరిగింది.
News May 14, 2024
ఐపీఎల్‌లో నేడు: నిలవాలంటే గెలవాల్సిందే!
ఐపీఎల్‌లో భాగంగా నేడు ఢిల్లీలో DCvsLSG మ్యాచ్ జరగనుంది. రెండు జట్లూ 12 పాయింట్ల మీద ఉన్నాయి. ఢిల్లీకి ఇదే ఆఖరి లీగ్ మ్యాచ్ కాగా.. లక్నోకు ముంబైతో మరో మ్యాచ్ మిగిలుంది. అయితే SRHతో ఓటమి తర్వాత లక్నో రన్ రేట్ ఘోరంగా పడిపోయింది. దీంతో ప్లేఆఫ్స్ బెర్త్ అనుమానమే. ఇక ఢిల్లీ ఈరోజు గెలిస్తేనే ప్లేఆఫ్స్‌కు ఎంతోకొంత ఛాన్స్ ఉంటుంది. ఓడితే ఢిల్లీ కూడా ఇంటికే.
News May 14, 2024
మేం గెలుస్తాం.. కాదు మేమే గెలుస్తాం!
తెలుగు రాష్ట్రాల్లో పోలింగ్ ప్రశాంతంగా ముగిసింది. ఓటర్లు హక్కును వినియోగించుకుని బాధ్యతను నెరవేర్చారు. ఇక లెక్కింపే తరువాయి. ఓటింగ్ శాతం బాగా పెరగడంతో ఇది ఎవరికి అనుకూలం, ఎవరికి ప్రతికూలమన్న చర్చలు సర్వత్రా నడుస్తున్నాయి. ఓవైపు అధికార పక్ష నేతలు, మరోవైపు ప్రతిపక్ష నాయకులు అందరూ కూడా ఎవరికి వారు తమ గెలుపుపై ధీమాతో కనిపిస్తున్నారు. మేమే గెలుస్తామంటే మేమే గెలుస్తామంటున్నారు. మరి గెలుపువరిది?
News May 14, 2024
పోలింగ్: కరుణించిన వాతావరణం
AP: పోలింగ్ రోజున ఎండ ఇలాగే ఉంటే ఓటేసేదెలా అంటూ కొన్ని వారాల క్రితం ఆందోళన. గత కొన్ని రోజులుగా వర్షాలు మొదలవ్వడంతో వాన పడితే ఎలా అని మరో బెంగ. కానీ అటు భానుడు, ఇటు వరుణుడు కూడా పోలింగ్ రోజున కరుణించారు. పెద్దగా ఎండ, పెద్దగా వాన కూడా లేకుండా ఉష్ణోగ్రతలు సౌకర్యంగా ఉండటంతో ఓటర్లు భారీ ఎత్తున పోలింగ్ కేంద్రాలకు తరలివచ్చారు. ఓపిగ్గా లైన్లలో నిల్చుని ఓట్లు వేసి తమ బాధ్యతను నెరవేర్చారు.
News May 14, 2024
పలు గ్రామాల్లో పోలింగ్ బహిష్కరణ
TG: రాష్ట్రవ్యాప్తంగా పలు చోట్ల నిన్న పోలింగ్‌ను ఓటర్లు బహిష్కరించారు. యాదాద్రి జిల్లా కనుముకుల గ్రామంలో తడిసిన ధాన్యాన్ని కొనుగోలు చేయాలన్న డిమాండ్‌తో, కడెం మండలం అల్లంపల్లిలో రోడ్డు గురించి, ఖమ్మం జిల్లా రాయమాదారం గ్రామస్థులు వంతెన గురించి, మైనింగ్ అనుమతులు రద్దు చేయాలన్న డిమాండ్‌తో బల్మూరు మండలం మైలారం గ్రామస్థులు ఓటింగ్‌ను బహిష్కరించారు. అధికారులు ప్రజలకు నచ్చజెప్పి ఓటింగ్ వేయించారు.
News May 14, 2024
ఈవీఎం స్ట్రాంగ్‌రూమ్‌లకు భారీ భద్రత
TG: లోక్‌సభ ఎన్నికల పోలింగ్‌కు సంబంధించిన ఈవీఎంలకు అధికారులు కట్టుదిట్టమైన భద్రతను కల్పించారు. వాటిని ఉంచేందుకు రాష్ట్రవ్యాప్తంగా 44 స్ట్రాంగ్ రూమ్‌లను ఏర్పాటు చేశారు. తరలింపు సమయంలో వాహనాలకు జీపీఎస్ ట్రాకింగ్ ఏర్పాటు చేయడం గమనార్హం. ఇక అన్ని స్ట్రాంగ్ రూమ్స్‌ వద్ద మూడంచెల భద్రతను ఏర్పాటు చేశారు. తొలి అంచెలో పారామిలిటరీ, రెండో అంచెలో సాయుధ సిబ్బంది, మూడో స్థాయిలో పోలీసులు కాపలా కాస్తున్నారు.
News May 14, 2024
లిప్‌స్టిక్ వేసుకున్నా ఆ దేశంలో కఠిన శిక్షలు!
ఉత్తర కొరియాలో నిబంధనల గురించి తెలిస్తే ఆశ్చర్యం కలగకమానదు. ఉదాహరణకు ఆ దేశంలో లిప్‌స్టిక్ వేసుకున్నా ప్రమాదమే. ఎటువంటి దుస్తులు ధరించాలో, ఎలాంటి హెయిర్ కట్ చేయించాలో కూడా ప్రభుత్వమే చెబుతుంది. ఉల్లంఘించిన వారికి ఉరిశిక్షల నుంచి జరిమానా వరకు పలు శిక్షలు అమలవుతుంటాయి. ప్రజల్లో స్వతంత్ర భావాలు వస్తే తిరుగుబాటు మొదలవుతుందన్న భయంతోనే దేశ నియంత కిమ్ జాంగ్ ఈ రూల్స్ పెట్టారంటారు పరిశీలకులు.
Featured News
Sorry, no posts matched your criteria.