India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 10, 2024
కెనడాపై ఎస్ జైశంకర్ ఆగ్రహం
విదేశీ వ్యవహారాల మంత్రి ఎస్ జైశంకర్ కెనడాపై ఆగ్రహం వ్యక్తం చేశారు. ఖలిస్థానీ వేర్పాటువాద శక్తులకు, ఉగ్రవాదులకు ఆ దేశం ఎందుకు ఆశ్రయమిస్తోందని ప్రశ్నించారు. ‘వేర్పాటువాదాన్ని, హింసను సమర్థించేవారికి మద్దతునివ్వడమేనా భావప్రకటనా స్వేచ్ఛ? ఉగ్రశక్తులకు కెనడాలో రాజకీయ అవకాశాలు లభించాయి. అక్కడ ప్రముఖ స్థానాల్లో ఉన్నవారే నేడు భారత వ్యతిరేక కార్యకలాపాలను సమర్థిస్తున్నారు’ అని మండిపడ్డారు.
News May 10, 2024
కరెంట్ పోతే EVM పనిచేయదా?
ఓటు వేసే సమయంలో కరెంట్ పోతే ఈవీఎం పనిచేస్తుందా? లేదా? అన్న సందేహాలు చాలా మందిలో ఉండొచ్చు. అయితే భారత్ ఎలక్ట్రానిక్స్ లిమిటెడ్, ఎలక్ట్రానిక్స్ కార్పొరేషన్ ఆఫ్ ఇండియా లిమిటెడ్ రూపొందించే ఈ ఈవీఎంలు విద్యుత్ కనెక్షన్ లేకపోయినా పనిచేస్తాయి. సాధారణ 7.5 వోల్ట్ ఆల్కలీన్ పవర్ ప్యాక్‌తో ఇవి పనిచేస్తాయి.
News May 10, 2024
అలాగైతే.. YCP, TDP ఒకే కూటమిలోకి?
AP: రాష్ట్రంలో బద్ద శత్రువుల్లాంటి YCP, TDP ఒకే కూటమిలో చేరడం ఏంటని ఆశ్చర్యపోతున్నారా? అవును.. అలా జరిగే అవకాశం లేకపోలేదు. ఇప్పటికే BJP ఎంపీ సీట్ల కోసం TDP, జనసేనతో కలిసి కూటమిగా ఏర్పడింది. అయితే.. కేంద్రంలో NDA కూటమికి మెజారిటీ సీట్లు రాకపోతే.. YCPని తమతో చేర్చుకోవడం కాషాయపార్టీకి పెద్ద కష్టమేం కాకపోవచ్చు. YCP, TDP అధికారికంగా NDA కూటమిలో చేరినా.. చేరకపోయినా.. మద్దతైతే ఇచ్చే వీలుంది. <<-se>>#Elections<<>>
News May 10, 2024
పోస్టల్ బ్యాలెట్ వివరాలు వెల్లడించిన ముఖేశ్ కుమార్
AP: పోస్టల్ బ్యాలెట్ ఓటింగ్ వివరాలను రాష్ట్ర ఎన్నికల ప్రధానాధికారి ముఖేశ్ కుమార్ మీనా తాజాగా వెల్లడించారు. ‘నిన్నటితో ముగిసిన పోస్టల్ బ్యాలెట్ ఓటింగ్‌లో 25 పార్లమెంటు స్థానాలకు 4,44,216 ఓట్లు, 175 అసెంబ్లీ స్థానాలకు 4,44,218 ఓట్లు పోలయ్యాయి. పార్లమెంటరీ నియోజకవర్గాల్లో నెల్లూరులో అత్యధికంగా 22,650 ఓట్లు పోలయ్యాయి. అత్యల్పంగా అమలాపురం(ఎస్సీ)లో 14,526 ఓట్లు పోలయ్యాయి’ అని వివరించారు.
News May 10, 2024
అత్యవసరంగా జమ చేయాల్సిన స్థితి లేదు: EC
AP: జనవరి, మార్చి నెలల మధ్య రాష్ట్ర ఆర్థిక పరిస్థితి బాగున్నా DBT పథకాలకు నిధులు అందుబాటులో ఉంచలేదని కేంద్ర ఎన్నికల సంఘం వెల్లడించింది. రాష్ట్ర ఆర్థిక పరిస్థితిపై CS <<13220632>>వివరణపై<<>> స్పందించిన ECI.. నిధులను దీర్ఘకాలంగా పెండింగ్‌లో ఉంచడం సరికాదని అభిప్రాయపడింది. మే నెలలో ఎప్పుడూ DBT పథకాలకు నిధులు జమ చేయలేదని పేర్కొంది. పోలింగ్ తేదీ(మే 13) కంటే ముందే జమ చేయాల్సిన అత్యవసర స్థితి ఏమీ లేదని అభిప్రాయపడింది.
News May 10, 2024
అప్పటి నుంచీ ప్రతిరోజూ యుద్ధమే: ఖలీల్
ఢిల్లీ క్యాపిటల్స్ పేసర్ ఖలీల్ అహ్మద్ 2019 నవంబరులో చివరిగా భారత్ తరఫున ఆడారు. ఆ తర్వాత తెరమరుగయ్యారు. ఇన్నేళ్లకు మళ్లీ టీమ్ ఇండియా తరఫున వరల్డ్ కప్‌నకు ఎంపికయ్యారు. ‘గత నాలుగున్నరేళ్లుగా చాలా ఇబ్బంది పడ్డాను. అప్పటి నుంచి మానసికంగా ప్రతిరోజూ ఒక యుద్ధమే చేశాను. మంచి రోజులు వస్తాయన్న నమ్మకంతోనే ఉన్నా. ఇన్నేళ్లకు భారత జట్టులో చోటు దక్కడం చాలా సంతోషంగా ఉంది. ఇది నాకో ముందడుగు’ అని తెలిపారు.
News May 10, 2024
4 రోజులు పిడుగులతో కూడిన వర్షాలు
AP: రాష్ట్రంలో మరో 4 రోజులు తేలికపాటి నుంచి మోస్తరు వర్షాలు కురుస్తాయని విపత్తు నిర్వహణ సంస్థ వెల్లడించింది. రేపు శ్రీకాకుళం, విజయనగరం, మన్యం, అల్లూరి, విశాఖ, అనకాపల్లి, ఉభయగోదావరి, కృష్ణా, NTR, గుంటూరు జిల్లాల్లో పిడుగులతో కూడిన మోస్తరు వానలు పడతాయని తెలిపింది. రాయలసీమ జిల్లాల్లో తేలికపాటి వర్షాలు కురుస్తాయని పేర్కొంది. 12, 13, 14 తేదీల్లో వర్షాలు కురిసే జిల్లాల జాబితా కోసం ఇక్కడ <
News May 10, 2024
రేవంత్ రెడ్డికి సిగ్గుండాలి: కిషన్ రెడ్డి
TG: రాష్ట్రాభివృద్ధిని గాడిద గుడ్డుతో పోల్చేందుకు సిగ్గుండాలంటూ సీఎం రేవంత్‌‌పై కేంద్రమంత్రి కిషన్ రెడ్డి ఫైరయ్యారు. ‘రేవంత్ తలపై గాడిదగుడ్డుతో సభలకు వెళ్తున్నారు. సిగ్గుండాలి. రాష్ట్రం కోసం కేంద్రం రూ.9 లక్షల కోట్లకు పైగా నిధులు ఖర్చు చేస్తే సీఎం దాన్ని గాడిదగుడ్డుతో పోలుస్తున్నారు. మేం తెలంగాణ అభివృద్ధి కోసం కృషి చేస్తుంటే.. రేవంత్ మిడిమిడి జ్ఞానంతో బీజేపీని విమర్శిస్తున్నారు’ అని మండిపడ్డారు.
News May 10, 2024
సీఎం రేవంత్‌కు ఈసీ నోటీసులు
TG: కేసీఆర్‌పై దూషణలకు సంబంధించి సీఎం రేవంత్ రెడ్డికి ఎన్నికల సంఘం నోటీసులు ఇచ్చింది. వ్యక్తిగతంగా కేసీఆర్‌ను దూషించినందుకు, అసభ్యపదజాలం వాడిన ఘటనలపై బీఆర్ఎస్ నేతల ఫిర్యాదుతో సీఎంకు ఈ నోటీసులు పంపింది. 48 గంటల్లోగా వివరణ ఇవ్వాలని రేవంత్‌కు ఈసీ స్పష్టం చేసింది.
News May 10, 2024
TGలో రైతు భరోసాకు ఎలా అనుమతిచ్చారు?: హైకోర్టు
AP: ఎన్నికల నిర్వహణపై ఒక్కో రాష్ట్రానికి వేర్వేరుగా ప్రమాణాలు ఎందుకని ఈసీని హైకోర్టు ప్రశ్నించింది. ‘TGలో రైతు భరోసాకు ఎలా అనుమతిచ్చారు? APలో పథకాలను ఏవిధంగా అడ్డుకుంటున్నారు? 2019లో పసుపు-కుంకుమకు అనుమతి ఇచ్చినప్పుడు అనుసరించిన నియమాలను ఇప్పుడు పాటించడం లేదని స్పష్టమవుతోంది’ అని పేర్కొంది. నిధుల విడుదలకు ఇక సమయం లేనందున ఎన్నికల తర్వాతే జమ చేయాలని ప్రభుత్వానికి సూచించిన విషయం తెలిసిందే.
Featured News
Sorry, no posts matched your criteria.