India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 9, 2024
బీజేపీలో చేరితే కేసుల విచారణ ఆగిపోతుంది: కవిత
తప్పుడు ప్రచారంతో రాజకీయంగా, వ్యక్తిగతంగా తన ప్రతిష్ఠను దిగజార్చారని MLC కవిత లేఖలో పేర్కొన్నారు. తన మొబైల్ నంబర్‌ను మీడియాలో ప్రసారం చేసి ప్రైవసీకి భంగం కలిగించారన్నారు. ఇప్పటికే 4 సార్లు విచారణకు హాజరయ్యానని.. అన్ని విధాలుగా సహకరించారని తెలిపారు. BJPలో చేరితే కేసుల విచారణ ఆగిపోతుందన్నారు. పార్లమెంటులో విపక్ష నేతలను ఉద్దేశించి నోరు మూసుకోకపోతే EDని పంపుతామని BJP నేతలన్నారని తెలిపారు.
News April 9, 2024
పిఠాపురం నుంచే విజయకేతనం: పవన్ కళ్యాణ్
AP: ప్రజలంతా బాగుండాలని భగవంతుడిని కోరుకున్నట్లు ఉగాది వేడుకల్లో పాల్గొన్న అనంతరం జనసేన అధినేత పవన్ కళ్యాణ్ వెల్లడించారు. ‘క్రోధి నామ సంవత్సరంలో కూటమి ప్రభుత్వాన్ని స్థాపిస్తున్నాం. పిఠాపురం నుంచే విజయకేతనం ఎగురవేయబోతున్నాం. కొత్త ఏడాది ప్రజలకు మేలు చేయాలి. మహిళలకు మరింత ప్రోత్సాహం లభించాలి. ఉద్యోగులకు 1వ తేదీనే జీతాలు రావాలి. రైతులకు మేలు జరగాలి’ అని ఆకాంక్షించారు.
News April 9, 2024
BRS మీటింగ్‌లో పాల్గొన్న 106 మంది ఉద్యోగుల సస్పెండ్
TG: ఎన్నికల కోడ్ ఉల్లంఘించి BRS మీటింగ్‌లో పాల్గొన్న 106 మంది ప్రభుత్వ ఉద్యోగులపై సస్పెన్సన్ వేటు పడింది. వీరిలో 38 మంది సెర్ప్, 68 మంది ఉపాధి హామీ ఉద్యోగులు ఉన్నారు. ఈ మేరకు సిద్దిపేట కలెక్టర్ మను చౌదరి ఆదేశాలు జారీ చేశారు. కాగా ఈ నెల 7న సిద్దిపేటలో ఉద్యోగులతో స్థానిక బీఆర్ఎస్ ఎంపీ అభ్యర్థి వెంకట్రామిరెడ్డి సమావేశం నిర్వహించారు. ఈ విషయం ఇటీవల బహిర్గతం కావడంతో వారిపై సస్పెన్షన్ వేటు పడింది.
News April 9, 2024
వావ్.. అద్భుతమైన ఫొటోలు
అత్యంత అరుదైన సంపూర్ణ సూర్య గ్రహణం నిన్న ప్రజలకు కనువిందు చేసింది. అమెరికా, మెక్సికో, కెనడా, యూకే, ఐర్లాండ్ దేశాల్లో దాదాపు 4 నిమిషాల 28 సెకన్ల పాటు కొనసాగింది. 50 ఏళ్లలో ఇదే అత్యంత సుదీర్ఘ గ్రహణం. ఈ అద్భుతమైన ఫొటోలను నాసా సహా అనేక స్పేస్ ఏజెన్సీలు చిత్రీకరించాయి. వాటిని మీరూ వీక్షించండి.
News April 9, 2024
KKR ప్లేయర్‌కు బ్యాట్ బహుకరించిన ధోనీ
నిన్నటి మ్యాచ్‌లో గెలిచిన తర్వాత చెన్నై సూపర్ కింగ్స్ స్టార్ ప్లేయర్ మహేంద్ర సింగ్ ధోనీ కోల్‌కతా ప్లేయర్లతో ముచ్చటించారు. ఈక్రమంలో ఆయన సంతకం చేసిన బ్యాట్‌ను తనకు బహుమతిగా ఇచ్చినట్లు KKR ప్లేయర్ రహ్మనుల్లా గుర్బాజ్ ట్వీట్ చేశారు. ‘గతం గురించి చింతించడం మానేయండి. భవిష్యత్తు గురించి ఆలోచించడం మానేయండి. ఈ క్షణంలో జీవించి సంతోషంగా ఉండండి’ అని ధోనీ తనతో చెప్పినట్లు గుర్బాజ్ పేర్కొన్నారు.
News April 9, 2024
ఈనెల 25 తేదీలోగా ఇంటర్ ఫలితాలు?
TG: ఇంటర్ పరీక్షల ఫలితాలు ఈనెల 25వ తేదీలోగా విడుదలయ్యే అవకాశాలున్నాయి. ఇప్పటికే జవాబు పత్రాల మూల్యాంకనం పూర్తికాగా, టెక్నికల్ అంశాలను ఇంటర్ బోర్డు పరిశీలిస్తోంది. మార్కులను ఆన్‌లైన్‌లో నమోదు చేయడం, OMR షీట్ కోడ్ డీ కోడ్ చేయడం వంటి పనులకు ఇంకొన్ని రోజులు టైమ్ పట్టనుంది. ఈ ప్రక్రియను 21వ తేదీ నాటికి పూర్తి చేయాలని అధికారులు భావిస్తున్నారు. 2, 3 రోజుల్లో ఫలితాల ప్రకటన తేదీని ఖరారు చేస్తారని సమాచారం.
News April 9, 2024
రేవంత్‌కు కాంగ్రెస్ నుంచే ప్రమాదం: కిషన్ రెడ్డి
TG: సీఎం రేవంత్ రెడ్డికి కాంగ్రెస్ పార్టీ నుంచే ప్రమాదం పొంచి ఉందని బీజేపీ రాష్ట్ర చీఫ్ కిషన్ రెడ్డి అన్నారు. వచ్చే పార్లమెంట్ ఎన్నికల్లో భారీ మెజార్టీతో మోదీ ప్రభుత్వం ఏర్పడనుందని చెప్పారు. మోదీ మూడోసారి ప్రధాని అయితే అన్నివర్గాల ప్రజలకు మేలు జరుగుతుందన్నారు. ఐదేళ్ల తర్వాత రాష్ట్రంలో బీజేపీ ప్రభుత్వం వస్తుందని ధీమా వ్యక్తం చేశారు.
News April 9, 2024
‘సలార్’ రికార్డు బ్రేక్ చేయలేకపోయిన ‘పుష్ప-2’!
ఐకాన్ స్టార్ అల్లు అర్జున్ నటిస్తోన్న ‘పుష్ప-2’ కోసం ఫ్యాన్స్ ఆత్రుతగా ఎదురుచూస్తున్నారు. ఈక్రమంలో రిలీజైన ‘పుష్ప-2’ టీజర్ సినిమాపై మరింత అంచనాలు పెంచేసింది. కానీ, ప్రభాస్ నటించిన ‘సలార్’ టీజర్ రికార్డులను బద్ధలు కొట్టలేకపోయింది. సలార్ టీజర్‌కు 1 మిలియన్ లైక్స్ వచ్చేందుకు 6.15 గంటలు పడితే.. ‘పుష్ప-2’ టీజర్‌కు 9.59 గంటలు పట్టింది. మూడో స్థానంలో RRR (36.04 గంటలు) నిలిచింది.
News April 9, 2024
మహారాష్ట్రలో కాంగ్రెస్‌కు 17 సీట్లు
మహారాష్ట్రలో మహా వికాస్ అఘాడీ కూటమి సీట్ల పంపకం కొలిక్కి వచ్చింది. మొత్తం 48 సీట్లలో శివసేన (ఉద్ధవ్ బాల్ ఠాక్రే) కు 21 సీట్లు ఖరారయ్యాయి. కాంగ్రెస్ పార్టీకి 17 స్థానాలు అప్పగించారు. అలాగే ఎన్సీపీ (శరద్ పవార్) కి 10 సీట్లు దక్కాయి. కాగా ఈ మూడు ప్రధాన పార్టీల మధ్య కొద్దిరోజులుగా సీట్ల పంపిణీపై చర్చలు జరుగుతూనే ఉన్నాయి. కొన్ని సీట్లపై నెలకొన్న అనిశ్చితి ఇప్పుడు తొలగిపోవడంతో సీట్లు ఖరారయ్యాయి.
News April 9, 2024
కూటమి 128 అసెంబ్లీ, 24 ఎంపీ స్థానాల్లో గెలుపు: పండితులు
AP: తెలుగు నూతన సంవత్సరంలో ప్రజలు గెలవాలి.. రాష్ట్రం నిలబడాలని టీడీపీ చీఫ్ చంద్రబాబు అన్నారు. తెలుగుజాతికి పూర్వవైభవం తీసుకురావాలని సంకల్పం తీసుకుందామని అన్నారు. టీడీపీ కేంద్ర కార్యాలయంలో ఉగాది వేడుకల్లో పండితుల ఆశీర్వాదం తీసుకున్నారు. ప్రజల జీవన ప్రమాణాలు పెరగాలనేది తన ఆలోచన అని చెప్పారు. రాబోయే ఎన్నికల్లో TDP-JSP-BJP కూటమి 128 అసెంబ్లీ, 24 ఎంపీ సీట్లు గెలుస్తుందని పండితులు చెప్పారు.
Featured News
Sorry, no posts matched your criteria.