India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 16, 2024
సీఎం జగన్‌పై రేవంత్ రెడ్డి పరోక్ష విమర్శలు
AP: దివంగత వైఎస్సార్ సంకల్పం నిలబెట్టినవాళ్లే ఆయన వారసులు అవుతారని తెలంగాణ సీఎం రేవంత్‌రెడ్డి చెప్పారు. వైఎస్ ఆశయాలు మర్చిపోయినవారు ఆయన వారసులు ఎలా అవుతారంటూ సీఎం జగన్‌పై పరోక్షంగా విమర్శలు గుప్పించారు. విశాఖ స్టీల్ ప్లాంట్ రక్షణకు వైఎస్ బిడ్డ షర్మిల నడుంబిగించారని కొనియాడారు. బీజేపీ అంటే బాబు, జగన్, పవన్ అని ఎద్దేవా చేశారు. ఇక్కడ ఎవరు గెలిచినా ఆయన దొడ్లోకే పోతారని మండిపడ్డారు.
News March 16, 2024
లైంగిక వేధింపుల కేసులో ప్రముఖ నటుడికి జైలు శిక్ష
ప్రపంచవ్యాప్తంగా విపరీతమైన పాపులారిటీ సొంతం చేసుకున్న వెబ్‌సిరీస్‌లలో ‘స్క్విడ్ గేమ్’ ఒకటి. ఇందులో కీలక పాత్ర పోషించిన ప్రముఖ నటుడు ఓయోంగ్ సు(79)ను లైంగిక వేధింపుల కేసులో సౌత్ కొరియా పోలీసులు అరెస్టు చేశారు. 2017లో ఓ మహిళను లైంగికంగా వేధించినట్లు తేలడంతో కోర్టు 8 నెలల జైలు శిక్ష విధించింది. 40 గంటలపాటు లైంగిక వేధింపుల ట్రీట్‌మెంట్‌ ప్రోగ్రామ్‌లో పాల్గొనాలని ఆదేశించింది.
News March 16, 2024
IPL టికెట్ల అమ్మకం షురూ
హైదరాబాద్‌లో జరగబోయే IPL తొలి మ్యాచ్ కోసం టికెట్ల అమ్మకం ప్రారంభమైంది. మార్చి 27న ఉప్పల్ స్టేడియంలో సన్‌రైజర్స్ హైదరాబాద్, ముంబై ఇండియన్స్ మధ్య మ్యాచ్ జరగనుంది. ఈ మ్యాచ్ టికెట్లు <
News March 16, 2024
పదేళ్లయినా రాజధాని ఎక్కడో చెప్పలేకపోతున్నారు:రేవంత్
AP: రాష్ట్రాలుగా విడిపోయినా తెలుగువాళ్లుగా ఒకరికొకరు అండగా ఉండాల్సిన అవసరం ఉందని తెలంగాణ సీఎం రేవంత్‌రెడ్డి చెప్పారు. విశాఖలో నిర్వహించిన కాంగ్రెస్ న్యాయ సాధన సభలో మాట్లాడుతూ.. ‘ఢిల్లీ పాలకులు విశాఖ ఉక్కును కదిలించలేరు. ఇక్కడి పాలకులు మోదీకి లొంగిపోయారు. రాష్ట్ర ఆత్మగౌరవాన్ని ఢిల్లీలో తాకట్టుపెట్టారు. పదేళ్లయినా రాజధాని ఎక్కడుందో చెప్పలేకపోతున్నారు. పోలవరం పూర్తి చేయలేకపోయారు’ అని విమర్శించారు.
News March 16, 2024
ప్రజా తీర్పునకు కౌంట్‌డౌన్ @79
జూన్ 4.. రాజకీయ నేతలకు బిగ్ డే. 79 రోజుల ఉత్కంఠకు ఆరోజున తెరపడనుంది. ఐదేళ్ల ప్రభుత్వ పనితీరుకు ప్రజలు చారిత్రక తీర్పు ఇవ్వనున్నారు. దేశంలోని 96.8 కోట్ల మంది ఓటర్లు నేతల భవిష్యత్తును నిర్ణయించనున్నారు. సీఎం జగన్ చరిత్ర సృష్టిస్తారా? రాష్ట్ర ప్రజలు మార్పునకే ఓటేశారా? దేశంలో నరేంద్ర మోదీ హ్యాట్రిక్ సాధిస్తారా? కాంగ్రెస్ పార్టీకి పూర్వ వైభవం రానుందా? అన్న ప్రశ్నలకు ఆ మంగళవారమే సమాధానం లభించనుంది.
News March 16, 2024
లోక్‌సభ పోలింగ్ తర్వాత J&K ఎన్నికలు: రాజీవ్‌కుమార్
జమ్మూకశ్మీర్‌లో అసెంబ్లీ ఎన్నికల నిర్వహణపై CEC రాజీవ్‌కుమార్ స్పందించారు. ‘లోక్‌సభ పోలింగ్ తర్వాత అక్కడ ఎన్నికల ప్రక్రియ ప్రారంభిస్తాం. భద్రతా కారణాలతో ఏకకాలంలో ఎన్నికలు నిర్వహించడం కుదరదు. ప్రతి అసెంబ్లీ నియోజకవర్గంలో 10-12 మంది చొప్పున.. మొత్తం వెయ్యి మందికిపైగా అభ్యర్థులు ఉంటారు. ప్రతి ఒక్కరికీ భద్రత అందించాలి. అందుకే ఏకకాలంలో ఎన్నికలు నిర్వహించలేం’ అని ఆయన తెలిపారు.
News March 16, 2024
లెఫ్ట్ పార్టీలకు ఈ ఎన్నికలు చావోరేవో! – 1/2
ఎన్నికల నగారా మోగింది. బీజేపీ 400 సీట్లు టార్గెట్ పెట్టుకుంటే, ఎలాగైనా అధికారంలోకి రావాలని కాంగ్రెస్ ఇండియా కూటమిని ఏర్పాటు చేసుకుంది. ఇందులో భాగమైన లెఫ్ట్ పార్టీలకు మాత్రం ఈ ఎన్నికలు కత్తిమీద సాములా మారాయి. సీపీఐ-3, సీపీఎం-2తో గత ఎన్నికల్లో ఐదు సీట్లకే పరిమితమైన లెఫ్ట్ పార్టీల ఉనికి ఇప్పుడు అంతంతమాత్రంగానే ఉంది. ఈసారి తేడా వస్తే అది కూడా తుడిచిపెట్టుకుపోయే ప్రమాదం ఉందంటున్నారు విశ్లేషకులు.
News March 16, 2024
లెఫ్ట్ పార్టీలకు ఈ ఎన్నికలు చావోరేవో! – 2/2
లెఫ్ట్ పార్టీలకు కేరళ ఒక్కటే కంచుకోటగా మిగిలింది. LDF, కాంగ్రెస్ ఆధ్వర్యంలోని UDF రాష్ట్రంపై పట్టుబిగించాలని భావిస్తున్నాయి. 2004లో గరిష్ఠంగా CPM (43), CPI (10), రెవెల్యూషనరీ సోషలిస్ట్ పార్టీ (3), ఆల్ ఇండియా ఫార్వార్డ్ బ్లాక్ (3) లోక్‌సభ సీట్లు గెలిచాయి. ఆ తర్వాత పతనమవసాగాయి. పొత్తులతో సీట్ల కేటాయింపు తగ్గడం, BJP విస్తరిస్తుండటంతో లెఫ్ట్ పార్టీలపై ఎఫెక్ట్ పడే ఛాన్స్ ఉందంటున్నారు విశ్లేషకులు.
News March 16, 2024
పాకిస్థాన్‌లో ఆత్మాహుతి దాడి.. ఏడుగురు జవాన్ల మృతి
పాకిస్థాన్‌లోని నార్త్ వజిరిస్థాన్ సెక్యూరిటీ చెక్‌పోస్టుపై ఉగ్రదాడి జరిగింది. ఈ ఘటనలో ఏడుగురు ఆర్మీ అధికారులతోపాటు ఆరుగురు టెర్రరిస్టులు మరణించారు. టెర్రరిస్టులు పేలుడు సామగ్రితో కూడిన వాహనంతో వచ్చి చెక్‌పోస్టును ఢీకొట్టి పేల్చేశారు. తర్వాత పారిపోయేందుకు ప్రయత్నించగా సైనికులు కాల్చేశారు. ఆ ప్రాంతాన్ని పూర్తిగా అదుపులోకి తీసుకున్నట్లు అధికారులు తెలిపారు.
News March 16, 2024
దేనికి సిద్ధం జగనన్న?: షర్మిల
AP: సిద్ధం సభలకు YCP రూ.600కోట్లు ఖర్చు పెట్టిందని APCC చీఫ్ షర్మిల ఆరోపించారు. విశాఖలో న్యాయసాధన సభలో ప్రసంగించిన ఆమె.. ‘ప్రత్యేక హోదాను, పోలవరాన్ని, వైజాగ్ స్టీల్‌ను కేంద్రం వద్ద తాకట్టు పెట్టడానికి సిద్ధమా? పూర్తి మద్యపాన నిషేధమని చెప్పి మహిళలను, 2.30లక్షల ప్రభుత్వ ఉద్యోగాలు ఇస్తానని నిరుద్యోగులను మోసం చేయడానికి సిద్ధమా? దేనికి సిద్ధం జగనన్న? ప్రజలు మీకు బుద్ధి చెప్పడానికి సిద్ధం’ అని అన్నారు.
Featured News
Sorry, no posts matched your criteria.