India's largestHyperlocal short
news App
Get daily news updates that are tailored for you based on your preferred language & location.
download Way2News app now
Chittoor
News November 7, 2024
టీటీడీ ధర్మకర్తల మండలి సభ్యుల ప్రమాణం
టీటీడీ ధర్మకర్తల మండలి సభ్యులుగా గురువారం ఉదయం ముగ్గురు సభ్యులు ప్రమాణస్వీకారం చేశారు. వీరిలో భానుప్రకాశ్ రెడ్డి, మునికోటేశ్వరరావు, సుచిత్ర ఉన్నారు. శ్రీవారి ఆలయంలోని స్వామివారి సన్నిధిలో టీటీడీ అడిషనల్ ఈవో సి.హెచ్.వెంకయ్య చౌదరి వీరి చేత ప్రమాణ స్వీకారం చేయించారు. స్వామివారి దర్శనానంతరం రంగనాయకుల మండపంలో వేద పండితులు వేదాశీర్వచనం చేశారు. అనంతరం శ్రీవారి తీర్థ ప్రసాదాలు, చిత్రపటం ఈవో అందజేశారు.
News November 7, 2024
శ్రీవారి సర్వదర్శనానికి 9 గంటలు
కలియుగ వైకుంఠం తిరుమలలో భక్తుల రద్దీ కొనసాగుతోంది. శ్రీవారి దర్శనం కోసం 17 కంపార్ట్‌మెంట్లలో భక్తులు వేచియున్నారు. శ్రీనివాసుని సర్వదర్శనానికి 9 గంటల సమయం పడుతోంది. కాగా బుధవారం శ్రీవారిని 66,163 మంది భక్తులు దర్శించుకున్నారు. 25,299 వేల మంది తలనీలాలు సమర్పించారు. శ్రీవారికి హుండీ ద్వారా రూ.3.86 కోట్ల ఆదాయం వచ్చిందని టీటీడీ వెల్లడించింది.
News November 7, 2024
మదనపల్లె సబ్ రిజిస్ట్రార్ కార్యాలయంలో CID తనిఖీలు
మదనపల్లె సబ్ కలెక్టరేట్ ఫైల్స్ దగ్ధం కేసు దర్యాప్తు కొనసాగుతోంది. బుధవారం తిరుపతి నుంచి వచ్చిన CID DSP బృందం సభ్యులు మదనపల్లె సబ్ రిజిస్ట్రార్ కార్యాలయంలో పలు రికార్డులను పరిశీలించారు. ఈసీ, నకళ్లు, రికార్డులు తనిఖీచేసి రాజకీయ నేతల వద్ద ఉండకూడని రికార్డులు సబ్ రిజిస్ట్రార్ కార్యాలయం నుంచి ఎలా వెళ్లాయో తెలుసుకున్నారు. కేసు సీఐడీకి బదిలీ కావడంతో అధికారులు భిన్నకోణాల్లో లోతుగా దర్యాప్తు చేస్తున్నారు.
News November 7, 2024
తిరుపతి: ఆపార్ నమోదు 20 లోపు పూర్తి చేయాలి
జిల్లాలోని అన్ని ప్రభుత్వ, ప్రైవేటు, ఎయిడెడ్ పాఠశాలల్లో ఆపార్ నమోదు ఈ నెల 20వ తేదీ లోపు పూర్తి చేయాలని జిల్లా కలెక్టర్ వెంకటేశ్వర ఆదేశించారు. విద్యాశాఖ అధికారులతో ఆయన టెలికాన్ఫరెన్స్ నిర్వహించారు. జాతీయ నూతన విద్యా విధానంలో భాగంగా ఆపార్ నమోదు కార్యక్రమం ప్రభుత్వం ప్రవేశపెట్టిందన్నారు. దీనితో విద్యార్థులకు అనేక ప్రయోజనాలు చేకూరుతాయన్నారు. విద్యా సంస్థలు సహకరించాలన్నారు.
News November 7, 2024
చిత్తూరు: డీఎస్సీ శిక్షణ అభ్యర్థులకు కలెక్టర్ సూచనలు
ఉచిత డీఎస్సీ శిక్షణకు దరఖాస్తు చేసుకున్న ఎస్సీ, ఎస్టీ అభ్యర్థులకు కలెక్టర్ సుమిత్ కుమార్ సూచనలు చేశారు. ఈనెల 10న నిర్వహించే స్క్రీనింగ్ పరీక్షకు హాజరు కావాలన్నారు. హాజరయ్యే వారు హాల్ టికెట్లను వెబ్సైట్లో డౌన్లోడ్ చేసుకోవాలన్నారు. ఉదయం 10 గంటల లోపు సంబంధిత సెంటర్లలో హాజరు కావాలన్నారు. ఎలక్ట్రానిక్ పరికరాలకు అనుమతి లేదన్నారు. ప్రభుత్వ గుర్తింపు కార్డు తీసుకురావాలని కోరారు.
News November 6, 2024
తిరుమల: భక్తులతో కలిసి భోజనం చేసిన టీటీడీ ఛైర్మన్
మాతృశ్రీ తరిగొండ వెంగమాంబ అన్నప్రసాద సముదాయాన్ని టీటీడీ ఛైర్మన్ బీఆర్ నాయుడు సందర్శించారు. అనంతరం భక్తులతో భోజనం చేశారు. అన్నప్రసాదం కార్యక్రమాల గురించి డీవైఈవోతో సమీక్షించారు.
News November 6, 2024
కుప్పం: కౌన్సిల్ సమావేశానికి వైసీపీ కౌన్సిలర్లు గైర్హాజరు
కుప్పం మున్సిపల్ కౌన్సిల్ సమావేశానికి YCP కౌన్సిలర్లు గైర్హాజరు అయ్యారు. మున్సిపాలిటీ పరిధిలోని 25 వార్డులకు సంబంధించి వైసీపీ 19 వార్డుల్లో గెలుపొందగా 6 వార్డుల్లో టీడీపీ గెలుపొందింది. ఇటీవల ఐదుగురు వైసీపీ కౌన్సిలర్లు టీడీపీలో చేరారు. బుధవారం జరిగిన కౌన్సిల్ సమావేశానికి టీడీపీలో చేరిన ఐదుగురు, టీడీపీకి చెందిన ఆరుగురు కౌన్సిలర్లు మాత్రమే హాజరయ్యారు. YCPకి చెందిన 14 మంది సమావేశానికి గైర్హాజరయ్యారు.
News November 6, 2024
తిరుపతి: ఎర్రచందనం కేసులో కానిస్టేబుల్ అరెస్ట్ : SP
ఎర్రచందనంపై టాస్క్ ఫోర్స్ పోలీసులు నమోదు చేసిన ఓ కేసులో ఎర్రావారిపాలెం పోలీస్ స్టేషన్ కానిస్టేబుల్ చలమకుంట గురప్ప అరెస్ట్ అయ్యాడు. కేసులో ఆయన ప్రమేయంతో పాటు కేసులో ఉన్న ముద్దాయిలతో సంబంధాలు కలిగి ఉన్నట్లు పోలీసులు గుర్తించారు. కానిస్టేబుల్, A4 ముద్దాయికి మధ్య సంబంధాలు ఉన్నట్లు దర్యాప్తులో నిర్ధారణ అవడంతో అరెస్ట్ చేసినట్లు ఎస్పీ సుబ్బరాయుడు తెలిపారు.
News November 6, 2024
తిరుమలలో బయో గ్యాస్ ప్లాంటుకు భూమి పూజ
బయో గ్యాస్ ప్లాంట్ నిర్మాణానికి తిరుమలలోని కాకులమాను తిప్ప వద్ద బుధవారం ఉదయం భూమి పూజ జరిగింది. ఈ కార్యక్రమానికి ముఖ్య అతిథిగా విచ్చేసిన టీటీడీ అడిషనల్ ఈవో సి.హెచ్.వెంకయ్య చౌదరి భూమిపూజ చేశారు.2.22 ఎకరాల్లో బయో గ్యాస్ ప్లాంటును ఐఓసీఎల్ నిర్మించనుంది. 0.17 ఎకరాల్లో కంపోస్టు నిల్వ కేంద్రాన్ని నిర్మించనున్నారు. రోజుకు 40 టన్నుల ఉత్పత్తి సామర్థ్యంతో ఈ బయో గ్యాస్ ప్లాంటును ఏర్పాటు చేయనున్నారు.
News November 6, 2024
కుప్పం : ఓడిన అభ్యర్థి పుట్టినరోజు నాడే గెలిచిన అభ్యర్థి రాజీనామా
టీడీపీ కుప్పం మున్సిపల్ ఛైర్మన్ అభ్యర్థిగా పోటీ చేసి ఓడిపోయిన త్రిలోక్ పుట్టినరోజు నాడే మున్సిపల్ ఛైర్మన్‌గా గెలుపొందిన డా.సుధీర్ రాజీనామా చేయడం స్థానికంగా చర్చనీయంగా మారింది. వ్యక్తిగత కారణాల నేపథ్యంలో డా.సుధీర్ వైసీపీతో పాటు మున్సిపల్ ఛైర్మన్ , కౌన్సిలర్ పదవులకు రాజీనామా చేసి టీడీపీలో చేరారు. మున్సిపల్ చైర్ పర్సన్‌గా త్రిలోక్ సతీమణి భాగ్యలక్ష్మికి అవకాశం ఇస్తారని ప్రచారం జరుగుతోంది.
Featured News
Sorry, no posts matched your criteria.