India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News August 19, 2024
కాకినాడ: అన్నకు రాఖీ కట్టడానికి వెళ్తూ చెల్లి దుర్మరణం
కాకినాడ జిల్లాలో రాఖీ పండగ వేళ తీవ్ర విషాదం నెలకొంది. కాకినాడలోని దుమ్ములపేటలో అన్నకు రాఖీ కట్టడానికి వెళ్తూ చెల్లి మృత్యువాత పడింది. యు.కొత్తపల్లి మండలం కోనపాపపేట సమీపంలోని కొత్తమూలపేట వద్ద ప్యాసింజర్ ఆటోను మరో వాహనం ఢీకొట్టింది. ఈ ప్రమాదంలో ఉప్పరపల్లి దేవి(11) అక్కడికక్కడే మృతి చెందింది. ఆటోలోని మరో 8 మందికి తీవ్ర గాయాలయ్యాయి. క్షతగాత్రులను స్థానికులు ఆసుపత్రికి తరలించారు
News August 19, 2024
కాకినాడ: వివాహిత, యువకుడి ఆత్మహత్య
కాకినాడ జిల్లాలో తీవ్ర విషాదం నెలకొంది. జగ్గంపేటలోని జగనన్న కాలనీలో ఓ ఇంట్లో వివాహిత, యువకుడు ఉరివేసుకుని అనుమానాదస్పద స్థితిలో మృతి చెందారు. సమాచారం అందుకున్న జగ్గంపేట ఎస్సై రఘునాథరావు సంఘటనా స్థలానికి చేరుకొని పరిశీలించారు. వివరాలు ఆరా తీశారు. మృతులు కె.ప్రసన్న, పి.నానాజీగా పోలీసులు గుర్తించారు. కేసు నమోదు చేసి దర్యాప్తు చేస్తున్నామని ఎస్సై తెలిపారు. పూర్తి వివరాలు తెలియాల్సి ఉంది.
News August 19, 2024
పెద్దాపురంలో RTC బస్సు నుంచి పొగలు
సుమారు 40 మంది ప్రయాణికులతో వెళుతున్న ఆర్టీసీ బస్సు నుంచి పొగలు రావడంతో ప్రయాణికులు భయభ్రాంతులకు గురయ్యారు. సోమవారం సాయంత్రం కాకినాడ జిల్లా పెద్దాపురంలో ఈ ఘటన జరిగింది. గోకవరం నుంచి కాకినాడ వెళ్తున్న ఆర్టీసీ బస్సు పెద్దాపురం విద్యుత్ సబ్‌స్టేషన్ వద్దకు చేరుకునేసరికి పెద్ద ఎత్తున పొగలు వెలువడినట్లు ప్రయాణికులు తెలిపారు. డ్రైవర్ అప్రమత్తంగా బస్సును పక్కకి నిలిపి ప్రయాణికులను కిందికి దింపేశారు.
News August 19, 2024
తూ.గో.: గుర్తుండిపోయే చిత్రం ఏంటి..?
ఫొటో రెండక్షరాల జ్ఞాపకం. అప్పుడు నువ్విలా ఉండేవాడివిరా… ఆ రోజు మనమెళ్లింది ఇక్కడికేరా.. మన ఊరు ఒకప్పుడు ఇలా ఉండేది.. మొదటిసారి మనం సినిమాకెళ్లినప్పడు.. అంటూ ఫ్రెండ్స్‌తో గుర్తుచేసుకునే వేల జ్ఞాపకాలకు.. లక్షల మధుర స్మృతులకు వేదిక ఫొటో. ఆనాటి ఎన్నో క్షణాలను కళ్లముందుంచే ఆయుధమే చిత్రం. మరి మీకు గుర్తుండిపోయే చిత్రం ఎక్కడ, ఎవరితో తీసుకున్నారో పంచుకోండి.
– నేడు ప్రపంచ ఫొటోగ్రఫీ దినోత్సవం.
News August 19, 2024
పిఠాపురం: వర్మ మాటలు వక్రీకరణ.. పోలీసులకు ఫిర్యాదు
ఇటీవల కాకినాడ జిల్లాలోని టీడీపీ కార్యాలయంలో మాజీ MLA వర్మ నిర్వహించిన ప్రెస్‌మీట్‌ను వక్రీకరించి ప్రచురించిన వారిపై చర్యలు తీసుకోవాలని ఆ పార్టీ నాయకులు పిఠాపురం పట్టణ పోలీసు స్టేషన్లో ఆదివారం సాయంత్రం ఫిర్యాదు చేశారు. విలేకర్లు అడిగిన ప్రశ్నలకు సమాధానం ఇస్తే దాన్ని పలు యూట్యూబ్ ఛానల్స్ సొంత ప్రయోజనాల కోసం వర్మ మాటలు వక్రీకరించి కథనాలు ప్రచురించారన్నారు. వారిపై చర్యలు తీసుకోవాలని కోరారు.
News August 19, 2024
సోనూసూద్ సాయం.. అమలాపురం కుర్రోడు అమెరికాకు
సినీ నటుడు సోను సూద్ అందించిన రూ.10 లక్షల ఆర్థిక సాయంతో అమలాపురం టౌన్‌కు చెందిన విద్యార్థి పిల్లాడి మధుకృష్ణ చంద్రబాబు చదువుకొని ఉన్నత స్థానాలకు వెళ్లాడు. పంజాబ్‌లోని లూథియానా సిటీ యూనివర్సిటీలో బ్యాచిలర్ ఆఫ్ హోటల్ మేనేజ్‌మెంట్ అండ్ క్యాటరింగ్ టెక్నాలజీలో డిగ్రీ చేశాడు. తద్వారా జే-వన్ వీసాపై హాస్పిటాలిటీ స్టూడెంట్ ఎక్సేంజ్ విజిటర్‌గా 12నెలలు అమెరికా వెళ్లనున్నాడు. కాగా అతను చిరు వ్యాపారి కుమారుడు.
News August 19, 2024
తూ.గో.: నేటి నుంచి విద్యార్థులకు CBSE పరీక్షలు
విద్యార్థుల సామర్థ్యం తెలుసుకునేందుకు సీబీఎస్ఈ విద్యావిధానంలో నేటి నుంచి ఉమ్మడి జిల్లాలో పరీక్షలు నిర్వహించనున్నారు. ఈ నెల 19 నుంచి 22 వరకు సీబీఎస్ఈ సామర్థ్య పరీక్షలు నిర్వహించేందుకు విద్యాశాఖ అన్ని ఏర్పాట్లు పూర్తిచేసింది. తూర్పుగోదావరి జిల్లాలో 15, కాకినాడ జిల్లాలో 33, డా.బీఆర్.అంబేడ్కర్ కోనసీమ జిల్లాలో 12 చొప్పున మొత్తం 60 పాఠశాలలో ఈ పరీక్షలు నిర్వహించనున్నారు.
News August 19, 2024
రాజమండ్రి: సముద్రంలోకి 2.47 లక్షల క్యూసెక్కుల నీరు
రాజమండ్రి రూరల్ మండలం ధవళేశ్వరం కాటన్ బ్యారేజీ నుంచి ఆదివారం 2.47 లక్షల క్యూసెక్కుల మిగులు జలాలను సముద్రంలోకి విడుదల చేశామని జలవనరులశాఖ అధికారులు తెలిపారు. తూర్పు డెల్టా, మధ్య డెల్టా, పశ్చిమ డెల్టా కాలవకు 13,400 క్యూసెక్కుల నీటిని విడుదల చేశామని చెప్పారు. ప్రస్తుతం ధవలేశ్వరం బ్యారేజీ వద్ద 9.90 అడుగుల నీటిమట్టం కొనసాగుతుందని వివరించారు.
News August 19, 2024
తూ.గో.: అశ్లీల నృత్యాలు.. ఐదుగురు అరెస్ట్
తూ.గో. జిల్లా నల్లజర్ల మండలం గంటావారిగూడెం శివారు తోటలో అశ్లీల నృత్యాలు నిర్వహించిన కేసులో ఐదుగురిని అరెస్టు చేశామని CI శ్రీనివాస్ ఆదివారం తెలిపారు. నిందితులు సురేష్ బాబు, యువరాజు, సుబ్బారావు, దుర్గాప్రసాద్, దుర్గా శ్రీనివాసులను రిమాండ్ కు తరలించామని చెప్పారు. ప్రధాన నిందితుడు సురేష్ బాబుపై ఇప్పటికే పోలీస్ స్టేషన్లో 3 కేసులు నమోదు అయ్యాయన్నారు.
News August 19, 2024
చేనేత మండలి పునరుద్ధరణకై MPకి వినతి
రద్దు చేసిన చేనేత మండలిని పునరుద్ధరించేలా చర్యలు తీసుకోవాలని కోరుతూ అమలాపురం పార్లమెంట్ టీడీపీ బీసీ సాధికార కమిటీ కన్వీనర్ కొండా జగదీశ్వరరావు ఎంపీ గంటి హరీష్ మాధుర్‌కు ఆదివారం వినతిపత్రం ఇచ్చారు. చేనేతపై జీఎస్టీని రద్దు చేయాలని, ఏ విధమైన షరతులు లేకుండా రివైజ్డ్ రీఫామ్స్, రీ కన్స్ట్రక్షన్స్ స్కీములను ప్రవేశ పెట్టాలని కోరారు. ప్రతి చేనేత కార్మికుడి కుటుంబానికి వర్క్ షెడ్ నిర్మించాలని కోరారు.
Featured News
Sorry, no posts matched your criteria.