India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News December 26, 2024
తూ.గో: దిశ మార్చుకున్న అల్పపీడనం..వర్షాలు ఎక్కడంటే
బంగాళాఖాతంలో కోనసాగుతున్న తీవ్ర అల్పపీడనం దిశ మార్చుకుంది. దక్షిణ తమిళనాడు, ఉత్తర తమిళనాడుకు సమీపంలో కొనసాగుతోంది. గురువారానికి వాయవ్యంగా పయనించి పశ్చిమ మధ్య ఆనుకుని నైరుతి బంగాళాఖాతంలో ప్రవేశించే క్రమంలో అల్పపీడనం బలహీనపడుతుందని వాతావరణ శాఖ తెలిపింది. దీని ప్రభావంతో నేడు, రేపు ఉమ్మడి తూర్పుగోదావరి జిల్లాలో అక్కడక్కడా వర్షాలు కురుస్తాయని రైతులు రెండు రోజులు జాగ్రత్తలు పాటించాలని సూచించారు.
News December 26, 2024
తూ.గో: సంక్రాంతికి స్వగ్రామాలకు వెళ్లేది ఎలా..?
సంక్రాంతికి స్వగ్రామాలకు వచ్చే వారికి టిక్కెట్ల ధరలు గుబులు పుట్టిస్తున్నాయి. రైలు, బస్సు టికెట్లు ధరలు చూసి షాక్ అవుతున్నారు. హైదరాబాదు నుంచి రాజమండ్రి, సామర్లకోటకు 17 రైళ్లు నడుస్తున్నాయి. వాటిలో ఒక్క టిక్కెట్ కూడా దొరకని పరిస్థితి. కాకినాడ, రాజమండ్రి, అమలాపురానికి ప్రైవేట్ ఏసీ స్లీపర్ ఛార్జీ రూ.1,100 ఉండగా దాన్ని రూ.4 వేలకు పెంచారు. ప్రస్తుతం 50 బస్సులు ఉండగా, వాటిని 70కి పెంచినా ధర తగ్గలేదు.
News December 26, 2024
రాజమండ్రి: రైలు నుంచి జారిపడిన మహిళ.. చికిత్స పొందుతూ మృతి
రాజమండ్రిలోని గోదావరి రైల్వే స్టేషన్ సమీపంలో సింహాద్రి ఎక్సప్రెస్ రైలు నుంచి జారిపడటంతో గుంటూరుకు చెందిన హేమలతకు తీవ్ర గాయాలయ్యాయి. ఆమె రైలు నుంచి జారీపడడంతో గోదావరి స్టేషన్‌లో విధులు నిర్వహిస్తున్న కానిస్టేబుల్ రాధాకృష్ణ స్థానికులు సాయంతో మెరుగైన వైద్యం కోసం రాజమండ్రిలోని ఒక ప్రయివేట్ హాస్పిటల్‌లో చేర్చగా బుధవారం సాయంత్రం మృతి చెందింది. ఈ ఘటనపై కేసు నమోదు చేసినట్లు జీఆర్పీ ఎస్ఐ లోవరాజు తెలిపారు.
News December 25, 2024
కాకినాడలో సంక్రాంతి సంబరాలు.. మంత్రికి ఆహ్వానం
కాకినాడ పీఆర్ గ్రౌండ్స్ వద్ద తెలుగు ఛానల్ ఆధ్వర్యంలో ఈ నెల 28న సంక్రాంతి సంబరాలు మెగా ఈవెంట్ జరగనుంది. ఈ నేపథ్యంలో రామచంద్రపురంలో కార్మిక శాఖ మంత్రి సుభాష్‌కి మేనేజ్‌మెంట్ తరఫున నిర్వాహకులు బుధవారం ఆహ్వానం అందించారు. ఈ కార్యక్రమంలో సినీ నటుడు విక్టరీ వెంకటేష్, నిర్మాత దిల్‌ రాజు, అనిల్ రావిపూడి, సినీ నటి అంజలి, తదితరులు పాల్గొంటారని నిర్వాహకులు తెలిపారు.
News December 25, 2024
తూ.గో: ఇంటర్ పరీక్ష ఫీజు గడువు పొడిగింపు
ఇంటర్మీడియట్ పరీక్ష ఫీజు గడువును ఈ నెల 31వ తేదీ వరకు పొడిగించామని ఇంటర్ బోర్డ్ ఆర్.ఐ.వో నరసింహం మంగళవారం తెలిపారు. వచ్చే ఏడాది మార్చిలో జరిగే ఇంటర్మీడియట్ పరీక్షలకు ఫీజు చెల్లించని విద్యార్థులు ఈ అవకాశాన్ని సద్వినియోగం చేసుకోవాలన్నారు. తత్కాల్ స్కీము ద్వారా అవకాశం కల్పించామని చెప్పారు. ఇంటర్ మొదటి ద్వితీయ సంవత్సరాలకు చెందిన జనరల్ ఒకేషనల్ విద్యార్థులు రూ.3 వేలు ఫైన్‌తో పరీక్ష ఫీజు చెల్లించాలన్నారు.
News December 25, 2024
తూ.గో: నెల రోజులుగా సముద్రంలోనే ఆ భారీ నౌక
కాకినాడ పోర్టులో సెల్టా ఎల్ నౌక నెల రోజులుగా పోర్టులోనే చిక్కుకుంది. వరుస తుఫాన్‌ల కారణంగా నౌకలోని బియ్యాన్ని తీరానికి చేర్చలేకపోతున్నారు. మంగళవారం కూడా వాతావరణం కారణంగా సముద్రం ఉద్ధృతంగా ఉండటంతో పనులు నిలిచిపోయాయి. 1320 మెట్రిక్ టన్నుల బియ్యాన్ని అన్ లోడింగ్ చేసిన తరువాత మరో 12 వేల టన్నుల బియ్యం లోడింగ్ చేయాలసి ఉంది. ఇక్కడి నుంచి బయలుదేరి జనవరి 26కు పశ్చిమ ఆఫ్రికాకు ప్రయాణం చేసి వెళ్లనుంది.
News December 25, 2024
తీర ప్రాంత భద్రతను మరింత మెరుగుపరచాలి: కలెక్టర్
సముద్రపు తీర ప్రాంత భద్రతను మరింత మెరుగుపరచే విధంగా అన్ని విభాగాల అధికారులు సమన్వయంతో పనిచేయాలని జిల్లా కలెక్టర్ మహేశ్ కుమార్ ఆదేశించారు. మంగళవారం అమలాపురం కలెక్టరేట్లో విశాఖపట్నం కోస్టల్ సెక్టార్ పోలీస్ అడిషనల్ ఎస్పీ మధుసూదనరావు, జిల్లా ఎస్పీ కృష్ణారావు, జిల్లా మత్స్య శాఖ అధికారి శ్రీనివాసరావు, కోస్ట్ గార్డ్ అధికారులతో సమావేశం నిర్వహించారు. సముద్ర తీర ప్రాంత భద్రత రక్షణా చర్యలపై సమీక్షించారు.
News December 24, 2024
ఉప్పాడ తీర ప్రాంతంలో మరోసారి బంగారం వేట
యూ.కొత్తపల్లి మండలం ఉప్పాడ తీరంలో మత్స్యకారులు మరోసారి బంగారం వేట ప్రారంభించారు. తుఫాన్లు, అల్పపీడనాల సమయంలో సముద్రం ఉప్పొంగి అల్లకల్లోలంగా మారినప్పుడల్లా ఇలా బంగారు రజను కోసం వెతుకులాట ప్రారంభిస్తారు. ఈ సమయాల్లో బంగారు రజను కొట్టుకొస్తుందని మత్స్యకారుల నమ్మకం. ఒక్కొక్కరూ దువ్వెన పట్టుకుని కెరటాలు వచ్చి లోపలకు వెళ్లే సమయంలో ఇసుకపై దువ్వెనతో గీస్తే చిన్న చిన్న బంగారు వస్తువులు లభ్యమవుతాయన్నారు.
News December 24, 2024
కాకినాడ: 20 మందిపై కేసులు.. 10 మందికి జైలు
మద్యం తాగి వాహనాలు నడుపుతున్న 20 మందిపై కాకినాడ ట్రాఫిక్ పోలీసులు మంగళవారం కేసులు నమోదు చేశారు. వారిని కోర్టులో హాజరుపరచగా మెజిస్ట్రేట్ నరసింహారావు వారికి జరిమానా, జైలు శిక్ష విధించారని ట్రాఫిక్ సీఐలు రమేష్, రామారావు తెలిపారు. పది మందికి ఒక్కొక్కరికి రెండు రోజులు చొప్పున జైలు శిక్ష విధించారన్నారు. మరో 10 మందికి ఒక్కొక్కరికి రూ.10 వేలు చొప్పున జరిమానా విధించారని తెలిపారు.
News December 24, 2024
రాజమండ్రి: కళ్ల ముందే కొడుకు మృతి.. రోదించిన తల్లి
రాజమండ్రిలో రోడ్డు ప్రమాదంలో యువకుడు మృతి చెందిన ఘటన చోటు చేసుకుంది. పోలీసుల వివరాల మేరకు పిడింగొయ్యికి చెందిన నరేశ్ (20) అనే వ్యక్తి తన తల్లితో కలిసి బైక్‌పై వెళ్తుండగా కవలగొయ్యి జంక్షన్ వద్ద లారీ ఢీకొట్టడంతో తీవ్రంగా గాయపడిన నరేశ్ ఆసుపత్రికి తరలిస్తుండగా మృతి చెందారు. దీంతో తల్లి రోదన చూపరులకు కన్నీరు తెప్పించింది. తల్లి ఫిర్యాదు మేరకు కేసు నమోదు చేసినట్లు బొమ్మూరు పోలీసులు తెలిపారు.
Featured News
Sorry, no posts matched your criteria.