India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News December 23, 2024
తూ.గో: TODAY TOP NEWS
రాజమండ్రి: పాపికొండల విహారయాత్రకు ఛార్జ్ రూ.1250
*రాజమండ్రిలో పర్యటించిన కేంద్రమంత్రి రామ్మోహన్
*RCPM: పాఠశాలను తనిఖీ చేసిన మంత్రి సుభాష్
*అనపర్తిలో ఆకట్టుకున్న శాంటా క్లాస్ నృత్యం
*కాకినాడ: PGRSకు 434 అర్జీలు
*రంపచోడవరం: ప్రిన్సిపల్‌పై దురుసు ప్రవర్తన.. PD సస్పెండ్
*అమలాపురం: బైక్‌ను దర్జాగా ఎత్తుకెళ్లిన ఆగంతకుడు
*తుని: ఫ్లైఓవర్ నుంచి రైల్వే ట్రాక్‌పై పడిన లారీ
*రంప: ఉరితాళ్లతో టీచర్ల ఆందోళన
News December 23, 2024
రాజమండ్రిలోని గోల్డ్ షాపులో చోరీ
రాజమండ్రిలోని ఓ జువెలరీ షాపులో పట్టపగలే చోరీ చేసిన ఘటన ఆదివారం జరిగింది. పోలీసులు కథనం.. జువెలరీ షాపుకు బురఖాలతో ముగ్గురు లేడీస్ వచ్చారు. కాసేపు ఆభరణాలు కావాలని టైం పాస్ చేసి వెళ్లిపోయారు. అయితే కాసేపటికి కొన్ని నగలు మిస్ అయినట్లు గుర్తించిన సిబ్బంది సీసీ కెమెరాలో పరిశీలించారు. ముసుగులో వచ్చిన మహిళలు 80 గ్రాముల బంగారం దొంగతనం చేశారని గుర్తించారు. దీనిపై యజమాని టౌన్-1 పోలీసులను ఆశ్రయించారు.
News December 23, 2024
అమలాపురం: నేడు యధావిధిగా ప్రజా సమస్యల పరిష్కార వేదిక
ప్రజా సమస్యల పరిష్కార వేదిక గ్రీవెన్స్‌ సోమవారం ఉదయం 10.గంటల నుంచి యధావిధిగా అంబేడ్కర్ కోనసీమ జిల్లా కలెక్టరేట్‌ గోదావరి భవన్‌లో జరుగుతుందని జిల్లా కలెక్టర్‌ ఆర్‌.మహేష్‌ కుమార్‌ ఆదివారం ఓ ప్రకటనలో తెలిపారు. అర్జీదారులు తమ సమస్యలను జిల్లా యంత్రాంగం దృష్టికి తీసుకువచ్చి పరిష్కార మార్గాలు పొందాలని ఆయన విజ్ఞప్తి చేశారు. జిల్లా స్థాయితో పాటు డివిజన్, మండల స్థాయిలో గ్రీవెన్స్‌ జరుగుతుందన్నారు.
News December 22, 2024
రాజవొమ్మంగి: చుక్కల జింక మాంసం స్వాధీనం
రాజవొమ్మంగి మండలం ముంజవరప్పాడు గ్రామంలో చుక్కల జింక మాంసం స్వాధీనం చేసుకుని నలుగురు నిందితులపై వన్యప్రాణుల చట్టం-1972 కింద కేసు నమోదు చేసామని అటవీ శాఖ అధికారి రాము ఆదివారం మీడియాకు తెలిపారు. నిందితులను అదుపులోకి తీసుకుని విచారిస్తున్నామని తెలిపారు. అడవి జంతువుల వేటాడితే కఠిన చర్యలు తప్పవని రాజవొమ్మంగి రేంజ్ అటవీ శాఖ అధికారులు హెచ్చరించారు.
News December 22, 2024
నోరూరించే గోదావరి వంటకాలు..
గోదావరి జిల్లాలు అంటేనే నోరూరించే వంటకాలకు ఫేమస్. అందులోనూ సంక్రాంతి వచ్చేస్తోంది. దీంతో ఆత్రేయపురం పూతరేకులు, మందపల్లి నేతి బొబ్బట్లు, రాజమండ్రి పాలకోవా, బెండపూడి బెల్లంజీళ్లు, రావులపాలెం కుండబిర్యానీ, కాకినాడ గొట్టంకాజా, కత్తిపూడి కరకజ్జం, ముక్కామల పప్పు చెక్కలు, మండపేట గవ్వలు, కోనసీమ నగరం గరాజీలకు ఆర్డర్లు విపరీతంగా పెరిగాయి. మరి మన గోదావరి వంటకాల్లో మీకు బాగా నచ్చిన వంటకం ఏదో కామెంట్ చేయండి.
News December 22, 2024
యూ.కొత్తపల్లి: బీరువా మీద పడి చిన్నారి మృతి
యూ.కొత్తపల్లి మండలం ఉప్పాడలోని ఫుల్ గాస్పల్ చర్చ్‌లో పాస్టర్‌గా ఉన్న రాజబాబు మనుమరాలు జయకేతన అనే రెండేళ్ల చిన్నారి క్రిస్మస్ వేడుకలకు తన తల్లి రత్న ప్రకాశ్‌తో కలిసి తాతయ్య ఇంటికి వచ్చింది. అయితే ఇల్లు శుభ్రపరుస్తూ ఉండగా ప్రమాదవశాత్తు బీరువా చిన్నారిపై పడింది. దీంతో కొత్తపల్లి ప్రభుత్వాస్పత్రికి తీసుకెళ్లగా అప్పటికే మృతి చెందినట్లు వైద్యులు చెప్పారు. చిన్నారి మృతితో గ్రామంలో విషాదఛాయలు నెలకొన్నాయి.
News December 22, 2024
సామర్లకోట: మరో 10 మంది అరెస్ట్
సామర్లకోట మండలం వేట్లపాలెంలో ఇటీవల జరిగిన ఒక దాడి ఘటనకు సంబంధించి శనివారం మరో 10 మంది ముద్దాయిలను అరెస్టు చేసినట్లు CI కృష్ణ భగవాన్ ఒక ప్రకటనలో తెలిపారు. వేట్లపాలెంలో ఇంటి నిర్మాణ విషయమై రెండు వర్గాల మధ్య ఏర్పడిన ఘర్షణలో ఒకే కుటుంబానికి చెందిన ముగ్గురు మృతిచెందగా, మరికొందరు గాయపడ్డారు. ఇప్పటికే ఈ కేసులో 12 మందిని అరెస్టు చేయగా, తాజాగా మరో 10 మందిని అరెస్టు చేసినట్లు CI తెలిపారు.
News December 21, 2024
తొండంగి: రెండు బైక్‌లు ఢీ.. ఒకరు మృతి
తొండంగి మండలం బెండపూడి హైవేపై జరిగిన శుక్రవారం రాత్రి రెండు బైక్‌లు ఢీకొన్న ఘటనలో ఒకరు మృతి చెందగా మరొకరికి తీవ్రగాయాలయ్యాయి. పోలీసుల వివరాలు.. గ్రామానికి చెందిన శ్రీనివాసరావు పని ముగించుకొని ఇంటికి బైక్‌పై వస్తుండగా కత్తిపూడి నుంచి వస్తున్న వీరబాబు బైక్ బలంగా ఢీకొన్నాయి. స్థానికులు వారిని తుని ఏరియా ఆసుపత్రికి తరలించారు. SI జగన్మోహన్ కేసు నమోదు చేసి దర్యాప్తు చేస్తున్నారు.
News December 21, 2024
తూ.గో: ఉమెన్స్ బీచ్ వాలీబాల్ పోటీలకు ఏర్పాట్లు
సంక్రాంతి సంబరాల్లో భాగంగా ఈ నెల 27, 28, 29 తేదీల్లో ఉప్పలగుప్తం మండలం సూరసేన యానాం బీచ్‌లో నిర్వహించనున్న ఆల్ ఇండియా ఉమెన్స్ బీచ్ వాలీబాల్ టోర్నమెంట్‌కు ఏర్పాట్లు చురుగ్గా జరుగుతున్నాయి. ఎస్.ఎస్ వై. బీచ్ వాలీబాల్ అసోసియేషన్ ఆధ్వర్యంలో ఫిజికల్ డైరెక్టర్లు శుక్రవారం బీచ్‌లో ఏర్పాట్లు చేశారు. 8 రాష్ట్రాలకు చెందిన క్రీడాకారులు ఈ పోటీల్లో పాల్గొంటారని నిర్వహకులు తెలిపారు.
News December 20, 2024
కాట్రేనికోన: సముద్రంలో చిక్కుకున్న 14 మంది సురక్షితం
కాట్రేనికోన మండలం కొత్తపాలెం వద్ద భైరవపాలానికి 7.6 నాటికన్ మైళ్ల దూరంలోని సముద్ర జలాల్లో యాంత్రిక లోపంతో రెండు మత్స్యకార బోట్లు నిలిచి పోయాయి. వాటిలో చిక్కుకున్న 14 మంది మత్స్యకారులను ఎస్పీ కృష్ణారావు పర్యవేక్షణలో మెరైన్ ఇన్‌స్పెక్టర్ మూర్తి ఆధ్వర్యంలో ఇండియన్ కోస్టల్ గార్డు సిబ్బంది, ఓడలరేవు కోస్టల్ సెక్యూరిటీ పోలీసులు, అల్లవరం పోలీసులు సురక్షితంగా బోటులో ఒడ్డుకు చేర్చి గమ్యస్థానాలకు పంపారు.
Featured News
Sorry, no posts matched your criteria.