India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News April 12, 2025
రాజమండ్రి: చిన్నారికి ప్రముఖుల ప్రశంస
రాష్ట్రాలు వాటి రాజధానులు, 16 జాతీయ చిహ్నాలు, 7 ఖండాలు సునాయాసంగా చెప్పి అంతర్జాతీయ బుక్‌ ఆఫ్‌ రికార్డ్‌, ఇండియా బుక్‌ ఆఫ్‌ రికార్డ్‌ సాధించిన చిన్నారి దొంతలా నిషిత శివన్‌‌ను ఎమ్మెల్యే ఆదిరెడ్డి శ్రీనివాస్‌, నగర పాలక సంస్థ కమిషనర్ కేతన్ గార్గ్ అభినందించారు. ఈ నేపథ్యంలో ఆ చిన్నారి తల్లిదండ్రులు మున్సిపల్‌ కార్యాలయంలో కలుసుకున్నారు. ఈ సందర్భంగా వారు ఆ చిన్నారిని అభినందించారు.
News April 12, 2025
తూ.గో. జిల్లాకు 4వ స్థానం
ఇంటర్ ఫలితాల్లో తూ.గో.జిల్లా విద్యార్థులు సత్తా చాటారు. ఇంటర్ సెకండ్ ఇయర్‌లో 17,575 మంది పరీక్షలు రాయగా 15,362 మంది పాసయ్యారు. 87 శాతం పాస్ పర్సంటేజీతో తూ.గో.జిల్లా రాష్ట్రంలోనే 4వ స్థానంలో నిలిచింది. ఫస్ట్ ఇయర్‌లో 20,083 మందికి 15,529 మంది పాసయ్యారు. 77శాతం పాస్ పర్సంటేజీతో రాష్ట్రంలో 5వ స్థానంలో తూ.గో.జిల్లా నిలిచింది.
News April 12, 2025
కోరుకొండ: విద్యుత్ షాక్‌తో ముగ్గురు మృతి
కోరుకొండ మండలం కాపవరంలో విద్యుత్ షాక్‌తో శనివారం ముగ్గురు మృతి చెందారు. స్థానిక గణపతి రైస్ మిల్లులో ధాన్యం లోడ్ చేసే కన్వేయర్ బెల్ట్ తీసుకెళ్తుండగా 11 కేవీ విద్యుత్ వైర్లకు తగిలి విద్యుత్ షాక్‌కు గురై అక్కడికక్కడే ముగ్గురు ప్రాణాలు కోల్పోయారు. విషయం తెలుసుకున్న బాధిత కుటుంబ సభ్యులు సంఘటనా స్థలానికి చేరుకుని కన్నీరు పెట్టుకున్నారు. ఈ ఘటనపై మరింత సమాచారం తెలియాల్సి ఉంది.
News April 12, 2025
రాజమండ్రి జైలుకి మాజీ ఎంపీ
పోలీసుల అదుపులో ఉన్న నిందితుడిపై దాడి చేసిన హిందూపురం మాజీ ఎంపీ గోరంట్ల మాధవ్‌కు గుంటూరు కోర్టు రిమాండ్ విధించింది. మాధవ్‌తో పాటు మరో ఆరుగురిని రాజమండ్రి సెంట్రల్ జైలుకు తరలించారు. వైఎస్ భారతిపై అనుచిత వ్యాఖ్యలు చేసిన చేబ్రోలు కిరణ్‌ను పోలీసులు అదుపులోకి తీసుకున్నారు. ఆ సమయంలో మాధవ్ అతనిపై దాడికి పాల్పడ్డ విషయం తెలిసిందే.
News April 12, 2025
తూ.గో: బావ.. నా రిజల్ట్ చూడు రా..!
తూ.గో. జిల్లాలో 43,754 మంది ఇంటర్ పరీక్షలు రాశారు. ఫస్ట్ ఇయర్‌లో 22,817 మంది, సెకండియర్‌లో 20,937 మంది ఫలితాలు రానున్నాయి. గతంలో హాల్‌టికెట్లతో నెట్ సెంటర్లకు వెళ్లగా.. నేడు అందరూ ఫోన్లు చేతపట్టుకుని వేయిట్ చేస్తున్నారు. ‘బావ.. నీకు సిగ్నల్ బాగుంటే నా రిజల్ట్ కూడా చూడు’ అంటూ పట్టణాల్లో ఉండేవారికి పల్లెటూరి విద్యార్థులు మెసేజ్ చేస్తున్నారు.
☞ వే2న్యూస్ యాప్‌లో వేగంగా ఫలితాలు చూసుకోవచ్చు.
News April 12, 2025
చాగల్లు: బాలికపై అత్యాచారం.. నిందితుడికి యావజ్జీవ శిక్ష
బాలికపై అత్యాచారానికి పాల్పడిన వ్యక్తికి ఏలూరు పోక్సో న్యాయస్థానం యావజ్జీవ కారాగార శిక్ష విధిస్తూ శుక్రవారం తీర్పునిచ్చింది. చాగల్లు(M) ఊనగట్లకు చెందిన 16ఏళ్ల బాలికను రాజమండ్రి రూరల్ నామవరానికి చెందిన శ్రీను 2017లో అత్యాచారం చేశాడు. దీనిపై బాలిక తల్లి ఫిర్యాదు మేరకు కేసు నమోదు చేసి అరెస్టు చేశారు. నిన్న శ్రీనుకు పోక్సో కోర్టు న్యాయమూర్తి యావజ్జీవ కారాగార శిక్ష విధిస్తూ తీర్పు వెల్లడించారు.
News April 12, 2025
రాజమండ్రి: అనధికార లే ఔట్లపై చర్యలు.. కమిషనర్
రుడా పరిధిలోని అనధికార లే ఔట్లపై చట్టపరమైన చర్యలు తీసుకుంటామని రుడా వైస్ ఛైర్మన్ కేతన్ గార్గ్ పేర్కొన్నారు. శుక్రవారం RUDA ఛైర్‌పర్సన్ బొడ్డు వెంకట రమణ చౌదరి సూచనల మేరకు, వైస్ ఛైర్‌పర్సన్ కేతన్ గర్గ్ రుడా పరిధిలోని గ్రామ పంచాయితీ కార్యదర్శులతో అనధికార లే ఔట్లపై తీసుకొనబడుతున్న ఎన్‌ఫోర్స్‌మెంట్ చర్యలపై వీడియో కాన్ఫరెన్స్ నిర్వహించి, పలు ఆదేశాలు జారీ చేశారు.
News April 11, 2025
తూ.గో: 43వేల మంది విద్యార్థుల ఎదురుచూపు
తూ.గో. జిల్లాలో ఇంటర్ పరీక్షలు ఇటీవల పూర్తయిన విషయం తెలిసిందే. మొత్తం 51 పరీక్షా కేంద్రాల్లో 43,754 మంది పరీక్షలు రాశారు. ఇందులో మొదటి సంవత్సరం విద్యార్థులు 22,817 మంది కాగా, సెకండియర్ విద్యార్థులు 20,937 మంది ఉన్నారు. వీరి భవితవ్యం శనివారం తేలనుంది.
☞ వే2న్యూస్ యాప్‌లోనూ ఫలితాలు చెక్ చేసుకోవచ్చు.
News April 11, 2025
తూ.గో: నేడు పిడుగులతో కూడిన వర్షాలు
తూ.గో జిల్లాలో శుక్రవారం అక్కడక్కడ పిడుగులతో కూడిన తేలికపాటి నుంచి మోస్తరు వర్షాలు కురిసే అవకాశముందని రాష్ట్ర విపత్తుల నిర్వహణ సంస్థ హెచ్చరికలు జారీ చేసింది. మిగిలిన జిల్లాలో పిడుగులతో కూడిన వర్షాలు కురిసే అవకాశం ఉందని పేర్కొంది. రైతులు వ్యవసాయ పనుల్లో తగిన జాగ్రత్తలు తీసుకోవాలని సూచించింది. వాతావరణంలో మార్పులు రైతులను కలవర పెడుతున్నాయి. NOTE: పిడుగులు పడేటప్పుడు చెట్ల కింద ఉండకండి.
News April 11, 2025
సీతానగరం: ట్రాక్టరు తిరగబడి ఒకరి మృతి
సీతానగరం(M) రఘుదేవపురంలో ట్రాక్టరు తిరగబడి ఒకరు మృతి చెందారు. పోలీసుల వివరాలు.. గ్రామానికి చెందిన ఇటుకబట్టీ యజమాని వెంకటేశ్వర్లు బట్టీ వద్ద మట్టి తొక్కుతుండగా ట్రాక్టరు తిరగబడి మట్టిలో కురుకుపోయాడు. ఎక్స్‌కవేటర్ సాయంతో అతడిని బయటకు తీసి స్థానిక ప్రైవేటు ఆసుపత్రికి తరలించగా చికిత్స పొందుతూ మృతి చెందాడు. భార్య ఫిర్యాదు మేరకు కేసు నమోదు చేశామని హెడ్ కానిస్టేబుల్ శ్రీను తెలిపారు.
Featured News
Sorry, no posts matched your criteria.