India's largestHyperlocal short
news App
Get daily news updates that are tailored for you based on your preferred language & location.
download Way2News app now
Guntur
News February 21, 2025
GNT: బాలికల మిస్సింగ్.. గుర్తించిన పోలీసులు
గన్నవరంకు చెందిన 4 మైనర్ విద్యార్థినులు అదృశ్యం అయ్యారు. కాలేజ్‌కి వెళ్లకుండా షాపింగ్ మా‌ల్‌కి వెళ్లడంతో మందలించారు. దీంతో రాత్రి ఇంటి నుంచి వెళ్లిపోయారు. వెంటనే తల్లిదండ్రులు గన్నవరం పోలీసులకు ఫిర్యాదు చేశారు. పిడుగురాళ్లలో ఉన్నట్లు గుర్తించి ఇక్కడి పోలీసులకు సమాచామిచ్చారు. పోలీసులు వారిని అదుపులోకి తీసుకొని తల్లిదండ్రులకు అప్పగించారు. VJA, GNT మీదుగా ట్రైన్‌లో వస్తుండగా గుర్తించారు.
News February 21, 2025
గుంటూరు: లాడ్జిలో రియల్ ఎస్టేట్ వ్యాపారి ఆత్మహత్య
సోదరి మృతిని జీర్ణించుకోలేక మద్యానికి బానిసైన రియల్ ఎస్టేట్ వ్యాపారి బలవన్మరణానికి పాల్పడిన ఘటన కొత్తపేట స్టేషన్ పరిధిలో జరిగింది. పోలీసులు తెలిపిన వివరాల ప్రకారం.. తెనాలికి చెందిన రవితేజ (32) రియల్ ఎస్టేట్ వ్యాపారి. అతని సోదరి కోవిడ్ సమయంలో చనిపోయారు. అప్పటి నుంచి మద్యానికి బానిసగా మారి బస్టాండ్ ఎదురుగా ఉన్న ఓ లాడ్జిలో మద్యంలో పురుగుల మందు కలుపుకొని ఆత్మహత్యకు పాల్పడ్డాడు.
News February 21, 2025
రోడ్డు ప్రమాదాల నివారణకు చర్యలు తీసుకోవాలి: కలెక్టర్
రహదారులపై ప్రమాదానికి కారణం అవుతున్న బ్లాక్ స్పాట్ ప్రాంతాలను గుర్తించాలని కలెక్టర్ ఎస్. నాగలక్ష్మీ అధికారులను ఆదేశించారు. వాహనాల ప్రమాదాలు జరగకుండా అక్కడ అవసరమైన చర్యలు తీసుకోవాలని చెప్పారు. గురువారం కలెక్టరేట్‌లో రహదారి భద్రత కమిటీ సమావేశం జరిగింది. రహదారి ప్రమాదాలను పూర్తిగా నివారించేందుకు జాతీయ రహదారులు, ఆర్ అండ్ బీ, పంచాయితీ, మున్సిపల్, రవాణా శాఖలు సంయుక్తంగా రహదారులను తనిఖీ చేయాలని చెప్పారు.
News February 20, 2025
గుంటూరు జిల్లా టుడే టాప్ న్యూస్
★ ANU ఫ్యాకల్టీకి బెస్ట్ టీచర్ అవార్డ్
★ పెన్షన్ల పరిశీలన పారదర్శకంగా జరుగుతుంది: మంత్రి కొండపల్లి
★ గవర్నర్‌ని కలిసిన వైసీపీ శ్రేణులు
★ స్ట్రాంగ్ రూమ్‌లు పరిశీలించిన ఎస్పీ సతీశ్
★ మాదక ద్రవ్యాలపై నియంత్రణకు కలెక్టర్ నాగలక్ష్మీ ఆదేశాలు
★ రేపటి నుంచి జీఎంసీలో ఓటర్ వెరిఫికేషన్ సేవలు
★ పది విద్యార్థులు ఒత్తిడికి గురవ్వొద్దు: DEO
News February 20, 2025
గవర్నర్‌ని కలిసిన వైసీపీ నాయకులు
వైయస్ఆర్ కాంగ్రెస్ పార్టీ జాతీయ అధ్యక్షులు, ఆంధ్రప్రదేశ్ మాజీ ముఖ్యమంత్రి YS జగన్మోహన్ రెడ్డికి భద్రత కల్పించడంలో పోలీసులు విఫలమయ్యారని నేడు రాజ్ భవన్‌కు వెళ్లి గవర్నర్ అబ్దుల్ నజీర్‌ని కలసి వినతిపత్రాన్ని సమర్పించారు. శాసనమండలి విపక్షనేత బొత్స సత్యనారాయణ, గుంటూరు నగర మేయర్ కావటి మనోహర్, మాజీ మంత్రులు అంబటి, మేరుగ, వెల్లంపల్లి, కారుమూరు, ఎమ్మెల్సీలు అప్పిరెడ్డి, అరుణ్ కుమార్ పాల్గొన్నారు.
News February 20, 2025
మాదక ద్రవ్యాల వినియోగంపై నిఘాను పెంచండి: కలెక్టర్
మాదక ద్రవ్యాల వినియోగాన్ని అరికట్టేందుకు సంబందిత శాఖలు నిబద్ధతతో విధులు నిర్వహించాలని కలెక్టర్ ఎస్. నాగలక్ష్మీ ఆదేశించారు. గురువారం కలెక్టరేట్‌లో నార్కోటిక్ కో ఆర్డినేషన్ కమిటీ సమావేశం జరిగింది. గంజాయి, ఎండీఎం, కోకైన్ వంటి మాదక ద్రవ్యాలు ఎక్కువుగా 18 నుంచి 24 వయస్సు వారు తీసుకుంటున్నారని కలెక్టర్ తెలిపారు. విద్యాసంస్థల్లో మాదక ద్రవ్యాల వినియోగంను అరికట్టేందుకు కమిటీ ఏర్పాటు చేయాలని చెప్పారు.
News February 20, 2025
గుంటూరు: NTR స్టేడియం కాంప్లెక్స్‌లో 2 దుకాణాలు సీజ్
గుంటూరు నగరపాలక సంస్థ షాపింగ్ కాంప్లెక్స్‌లో దీర్ఘకాలంగా అద్దె చెల్లించని షాప్‌లను సీజ్ చేయాలని నగర కమిషనర్ పులి శ్రీనివాసులు రెవెన్యూ అధికారులను ఆదేశించారు. ఎన్టీఆర్ స్టేడియం కాంప్లెక్స్ లోని షాప్‌లను గురువారం కమిషనర్ పరిశీలించి, సమగ్ర వివరాలు అడిగి తెలుసుకున్నారు. ఎన్టీఆర్ స్టేడియం కాంప్లెక్స్‌లోని 5, 6 షాప్‌లను సీజ్ చేయాలని చెప్పారు. దుకాణాల సంఖ్య, బకాయిలు, అద్దె వివరాల నివేదిక ఇవ్వాలన్నారు.
News February 20, 2025
పనులు పూర్తి చేయకుండానే జాతి అంకితం చేశారు: మంత్రి నిమ్మల
వెలిగొండ ప్రాజెక్టు పనులను పూర్తి చేయకుండానే జాతి అంకితం చేసిన ఘనత గత ప్రభుత్వానిదని మంత్రి నిమ్మల రామానాయుడు అన్నారు. గురువారం వెలగపూడిలోని సచివాలయంలో ఆయన విలేకరులతో మాట్లాడారు. 4.50 లక్షల ఎకరాలకు సాగునీరు, 25 లక్షల మందికి త్రాగునీరు అందజేసే వెలిగొండ ప్రాజెక్టు ప్రధాన పనులు ఏవి పూర్తి చేయకుండా జాతికి అంకితం చేయడం దారుణం అన్నారు.
News February 20, 2025
పింఛన్ల వెరిఫికేషన్ పారదర్శకంగా జరుగుతుంది: మంత్రి కొండపల్లి
రాష్ట్రంలో దివ్యాంగుల పింఛన్ల వెరిఫికేషన్ ఎంతో పారదర్శకంగా జరుగుతుందని మంత్రి కొండపల్లి శ్రీనివాస్ అన్నారు. గురువారం వెలగపూడిలోని రాష్ట్ర సచివాలయంలో ఆయన విలేకరులతో మాట్లాడారు. రాష్ట్రంలో దాదాపు 8 లక్షల దివ్యాంగులకు సామాజిక భద్రత పింఛన్లు పంపిణీ చేయడం జరుగుతుందని, ఇప్పటివరకు 1.20 లక్షల పింఛన్ వెరిఫికేషన్ పూర్తి అయినట్లు చెప్పారు.
News February 20, 2025
రోడ్డు ప్రమాదాల నివారణకు చర్యలు తీసుకోవాలి: కలెక్టర్
రహదారులపై ప్రమాదానికి కారణం అవుతున్న బ్లాక్ స్పాట్ ప్రాంతాలను గుర్తించాలని కలెక్టర్ ఎస్. నాగలక్ష్మీ అధికారులను ఆదేశించారు. వాహనాల ప్రమాదాలు జరగకుండా అక్కడ అవసరమైన చర్యలు తీసుకోవాలని చెప్పారు. గురువారం కలెక్టరేట్‌లో రహదారి భద్రత కమిటీ సమావేశం జరిగింది. రహదారి ప్రమాదాలను పూర్తిగా నివారించేందుకు జాతీయ రహదారులు, ఆర్ అండ్ బీ, పంచాయితీ, మున్సిపల్, రవాణా శాఖలు సంయుక్తంగా రహదారులను తనిఖీ చేయాలని చెప్పారు.
Featured News
Sorry, no posts matched your criteria.