India's largestHyperlocal short
news App
Get daily news updates that are tailored for you based on your preferred language & location.
download Way2News app now
Guntur
News September 2, 2024
విషాదం.. పంట మునిగిందని రైతు ఆత్మహత్యాయత్నం
వర్షాలతో ఉమ్మడి గుంటూరు జిల్లాలో ప్రజలంతా తీవ్ర ఇబ్బందులు పడుతున్నారు. అన్నదాతలకూ కష్టాలు తప్పడం లేదు. ఈక్రమంలో ఓ రైతు ఆత్మహత్యకు ప్రయత్నించాడు. రాజుపాలెం మండలం అనుపాలేనికి చెందిన పగిల్ల గోపి కౌలుకు తీసుకుని మూడెకరాల్లో పైరు సాగు చేశారు. వరద నీటిలో పంట మునిగిపోయింది. దీనికి తోడు పాత అప్పులు ఉండటంతో బాధ తట్టుకోలేక గడ్డిమందు తాగాడు. సత్తెనపల్లిలోని ఓ ప్రైవేటు ఆసుపత్రిలో చికిత్స పొందుతున్నాడు.
News September 1, 2024
గుంటూరు: టోల్ ఫ్రీ నంబర్లు ఏర్పాటు
వర్షాల కారణంగా ప్రజల ఇబ్బందులను పరిష్కరించడానికి గుంటూరు కలెక్టరేట్, నగరపాలకసంస్థ కార్యాలయాల్లో టోల్ ఫ్రీ నంబర్లను అధికారులు అందుబాటులో ఉంచారు. జిల్లా ప్రజలు గుంటూరు కలెక్టరేట్‌లో ఏర్పాటు చేసిన 0863-2234014, 9849904013కి, అదేవిధంగా నగర ప్రజలు కార్పొరేషన్‌లో ఏర్పాటు చేసిన 0863-2345105, 9849908391 నంబర్లను సంప్రదించి తమ సమస్యలను పరిష్కరించుకోవాలని జిల్లా ప్రభుత్వ యంత్రాంగం సూచిస్తుంది. Share It
News September 1, 2024
అమరావతి: వరద పరిస్థితిపై మంత్రి అనిత సమీక్ష
రాష్ట్రంలో వరద పరిస్థితిపై హోంమంత్రి వంగలపూడి అనిత సమీక్షించారు. తాడేపల్లిలోని విపత్తుల నిర్వహణ సంస్థ కార్యలయంలోని స్టేట్ ఎమర్జన్సీ ఆపరేషన్ సెంటర్ నుంచి ఆదివారం ప్రస్తుత వరద పరిస్థితులను అడిగి తెలుసుకున్నారు. గత రెండు రోజులుగా కురుస్తున్న భారీ వర్షాల కారణంగా ముంపు బారిన పడిన 294 గ్రామలకు చెందిన 13,227 మందిని పునరావాస కేంద్రాలకు తరలించినట్లు మంత్రి తెలిపారు.
News September 1, 2024
గుంటూరు జిల్లాలో నేడు వర్షాలు కురిసే అవకాశం
ఉమ్మడి గుంటూరు జిల్లాలో ఆదివారం కూడా భారీ నుంచి అతి భారీ వర్షాలు కురిసే అవకాశం ఉన్నట్లు వాతావరణ శాఖ అధికారులు పేర్కొన్నారు. మత్స్యకారులు వేటకు వెళ్లరాదని హెచ్చరించారు. శనివారం గుంటూరు, పల్నాడు జిల్లాలో భారీ నుంచి అత్యంత భారీ వర్షాలు కురిశాయి. సాయంత్రం 6గంటల వరకు రాష్ట్రంలో అత్యధికంగా మంగళగిరిలో 27.9 సెంటీమీటర్ల వర్షపాతం నమోదైంది.
News September 1, 2024
రైల్వే స్టేషన్లలో సహాయ కేంద్రాలు
భారీ వర్షాల నేపథ్యంలో గుంటూరు రైల్వే డివిజన్ పరిధిలో పలు స్టేషన్లలో సహాయ కేంద్రాలు ఏర్పాటు చేసినట్లు మండల రైల్వే అధికారి తెలిపారు. గుంటూరు 9701379072, నరసరావుపేట 9701379978, నడికుడి 7989875492, నల్గొండ 9030330121, మిర్యాలగూడ 8501978404, నంద్యాల 7702772080, దొనకొండ 7093745898 తదితర నంబర్లకు ఫోన్ చేసి రైళ్ల రాకపోకల సమాచారాన్ని తెలుసుకోవచ్చన్నారు.
News September 1, 2024
భారీ వర్షాల కారణంగా పలు రైళ్లు రద్దు
భారీ వర్షాల కారణంగా విజయవాడ డివిజన్ పరిధిలో పలు రైళ్లను దక్షిణ మధ్య రైల్వే రద్దు చేసింది. ఆది, సోమవారాల్లో 20 వరకు రైళ్లు రద్దయ్యాయి. విజయవాడ-తెనాలి, తెనాలి-రేపల్లె, గుంటూరు-రేపల్లె, విజయవాడ-మచిలీపట్నం, విజయవాడ-ఒంగోలు తదితర టౌన్‌ల మధ్య రాకపోకలు సాగించే రైళ్లు రద్దయ్యాయి. ఇందుకు అనుగుణంగా ప్రత్యామ్నాయ ప్రయాణ ఏర్పాట్లు చేసుకోవాలని రైల్వే అధికారులు సూచించారు.
News September 1, 2024
రేషన్ మాఫియాపై ఉక్కుపాదం మోపాలి: పెమ్మసాని
గుంటూరులో ఎమ్మెల్యేలు ధూళిపాళ్ల నరేంద్ర, తెనాలి శ్రావణ్ కుమార్‌లతో కలిసి ఎంపీ పెమ్మసాని చంద్రశేఖర్ పోలీసు ఉన్నతాధికారులతో శాంతిభద్రతల గురించి సమీక్ష నిర్వహించారు. ఎంపీ మాట్లాడుతూ.. గంజాయి, రేషన్ మాఫియాపై ఉక్కుపాదం మోపాలని స్పష్టం చేశారు. గుంటూరులో ఈవ్ టీజింగ్ మాట ఎక్కడా వినపడకూడదని, యూనివర్సిటీలు, కాలేజీల్లో విద్యార్థులకు అవగాహన కార్యక్రమాలు నిర్వహించాలని అన్నారు.
News August 31, 2024
నిజాంపట్నం హార్బర్లో మూడో నంబర్ ప్రమాద హెచ్చరిక
బంగాళాఖాతంలో ఏర్పడిన వాయుగుండం ప్రభావం వల్ల నిజాంపట్నం హార్బర్ లో మూడవ నంబర్ ప్రమాదవ సూచిక ఎగురవేసినట్లు ఇన్‌ఛార్జ్ పోర్టు కన్జర్వేటర్ మోకా రామారావు శనివారం తెలిపారు. దీని ప్రభావం వల్ల సముద్రంలో బోట్లు వేటకు వెళ్ళరాదని ఒకవేళ ఎవరైనా వేటకు వెళ్లిన యెడల తీరానికి చేరాలని ఆయన తెలియజేశారు. వాయుగుండం తీరం దాటే సమయంలో ఈదురు గాలులు బలంగా వీచే అవకాశం ఉన్న నేపథ్యంలో మత్స్యకారులు సముద్రంలోకి వెళ్లవద్దన్నారు.
News August 31, 2024
పల్నాడు జిల్లాలో యువకుడి హత్య?
చిలకలూరిపేట పట్టణంలోని పెదనందిపాడు రోడ్డులోని ప్రాథమిక ఆరోగ్య కేంద్రంలో విషాదం చోటుచేసుకుంది. డేటా ఎంట్రీ ఆపరేటర్ గా పనిచేస్తున్న వసంతరావు (35) ఉదయం డ్యూటీకి వచ్చి ఆసుపత్రి గదిలోనే ఉరి వేసుకుని ఆత్మహత్య చేసుకున్నాడు. అయితే మృతుడి బందువులు మాత్రం ఎవరో చంపి ఉరి వేశారని ఆందోళనకు దిగారు. అనుమానాస్పద మృతిగా పోలీసులు కేసు నమోదు చేసి దర్యాప్తు చేపట్టారు. పూర్తి వివరాలు తెలియాల్సి ఉంది.
News August 31, 2024
అధికారులు అప్రమత్తంగా ఉండాలి: మంత్రి అనగాని
రాష్ట్ర వ్యాప్తంగా భారీ వర్షాల నేపథ్యంలో అధికారులు అప్రమత్తంగా ఉండాలని రెవెన్యూ శాఖ మంత్రి అనగాని సత్యప్రసాద్ ఆదేశించారు. ప్రజలకు ఇబ్బందులు కలగకుండా పటిష్ట చర్యలు తీసుకోవాలన్నారు. అత్యవసరం అయితే తప్పించి ఎవరూ బయటకు రావొద్దన్నారు. జలమయమైన లోతట్టు ప్రాంతాల్లో రోడ్డు, రవాణా, విద్యుత్ సరఫరాలో అంతరాయం ఏర్పడి ప్రజలు ఇబ్బంది పడకుండా రెవెన్యూ, యంత్రాంగం ముందస్తు జాగ్రత్తలు తీసుకోవాలన్నారు.
Featured News
Sorry, no posts matched your criteria.