India's largestHyperlocal short
news App
Get daily news updates that are tailored for you based on your preferred language & location.
download Way2News app now
Guntur
News December 13, 2024
పిడుగురాళ్ల: Love Failureతో సూసైడ్
పిడుగురాళ్ల మండలంలో గురువారం విషాద ఘటన చోటు చేసుకుంది. ఉత్తర ప్రదేశ్ కు చెందిన నూర్జిత్ కుమార్ (20) కుటుంబ సభ్యులతో పిడుగురాళ్ల మండలం కామేపల్లికి వరి మిషన్‌తో పాటు వచ్చారు. కొంతకాలంగా ఆ ప్రాంతంలో ఓ యువతిని ప్రేమించేవాడని కుటుంబ సభ్యులు తెలిపారు. దీంతో ప్రేమ విఫలం కావడంతో చెట్టుకు ఉరేసుకొని సూసైడ్ చేసుకున్నాడని తెలిపారు. మృతుడి తండ్రి ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు.
News December 13, 2024
బైక్ కొనలేదని తాళాలు మింగిన యువకుడు
గుంటూరు జీజీజీహెచ్ లో ఓ యువకుడి కడుపులో నుంచి వైద్యులు నాలుగు <<14859523>>తాళాలు బయటకు తీసిన సంగతి తెలిసిందే<<>>. అయితే బైక్ కొనివ్వలేదనే కారణంతోనే యువకుడు తాళాలు మింగినట్లు తెలిసింది. నరసరావుపేటకు చెందిన దేవర భవానీప్రసాద్(28) బండి కొనిపెట్టలేదని మనస్తాపంతో తాళాలు మింగేసినట్లు కుటుంబీకులు తెలిపారు. వెంటనే ఆస్పత్రికి తీసుకురావడంతో సర్జరీ అవసరం లేకుండా ఎండోస్కోపీ విధానంలో డాక్టర్లు తాళాలను బయటకు తీశారు
News December 13, 2024
ప్రజలు అప్రమత్తంగా ఉండాలి: హోంమంత్రి
అమరావతి: అల్పపీడన ప్రభావంతో రాష్ట్రంలో తీవ్రంగా వర్షాలు పడుతున్నాయని హోం మంత్రి వంగలపూడి అనిత అన్నారు. గురువారం అమరావతిలోని తన కార్యాలయం నుంచి ఆమె ప్రెస్ నోట్ విడుదల చేశారు. కొండ చరియలు విరిగిపడే ప్రాంతాలలో అప్రమత్తంగా ఉండాలని, లోతట్టు ప్రాంతాల్లో ప్రజలు జాగ్రత్తగా ఉండాలని కోరారు. పోలీసు అధికారులు ప్రజలను అప్రమత్తం చేసి ప్రజలకు అందుబాటులో ఉండాలని అన్ని రకాల ప్రభుత్వ శాఖల అధికారులను ఆదేశించారు.
News December 13, 2024
ప్రేమ్ కుమార్ అరెస్టు అక్రమం : వైఎస్ జగన్
గుంటూరుకు చెందిన సోషల్ మీడియా యాక్టివిస్టు కొరిటిపాటి ప్రేమ్ కుమార్ కుటుంబ సభ్యులను గురువారం వైఎస్ జగన్ తాడేపల్లిలోని కేంద్ర కార్యాలయంలో కలిశారు. అరెస్టు జరిగిన విధానాన్ని విని అక్రమ అరెస్టును ఖండిస్తున్నానని, అతనికి కావలసిన న్యాయసహాయాన్ని చేస్తామన్నారు. ఈ కార్యక్రమంలో ఎమ్మెల్సీ అప్పిరెడ్డి, నగర మేయర్ మనోహర్, మాజీ మంత్రి అంబటి రాంబాబు, మేరుగ నాగార్జున తదితరులు పాల్గొన్నారు.
News December 12, 2024
పేరేచర్ల: భార్యను చూడటానికి వెళ్తూ ప్రమాదం.. మృతి
మేడికొండూరు పోలీస్ స్టేషన్ పరిధిలోని పేరేచర్ల-నర్సరావుపేట మార్గంలో వాహనం అదుపు తప్పడంతో మరణించిన వ్యక్తి వివరాలను పోలీసులు సేకరించారు. మృతి చెందిన వ్యక్తి సంకురాత్రిపాడు గ్రామానికి చెందిన నన్నం విజయ్ కుమార్ (35) గా గుర్తించారు. గుంటూరులో హాస్పటల్‌లో ఉన్న తన భార్య చూడటానికి వెళ్తున్న క్రమంలో వాహనం అదుపుతప్పి వంతెనలోకి పడటంతో విజయ్ కుమార్ ప్రాణాలు కోల్పోయాడని పోలీసులు తెలిపారు.
News December 12, 2024
చిలకలూరిపేట: భార్యపై సుత్తితో దాడి.. కేసు నమోదు
భార్యపై అనుమానంతో సుత్తితో దాడి చేసిన విషయమై చిలకలూరిపేట రూరల్ పోలీసులు కేసు నమోదు చేశారు. పసుమర్రు గ్రామానికి చెందిన నాగరాజు అతని భార్య ఆదిలక్ష్మీపై ఈ నెల 10న సుత్తితో తల, ముఖంపై దాడిచేశాడు. బాధితురాలి కుమారుడు గంజి నవీన్ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నామని రూరల్ ఎస్సై జి.అనిల్ కుమార్ తెలిపారు.
News December 11, 2024
కృష్ణా నదిపై కొత్త బ్యారేజీల నిర్మాణానికి ప్లాన్
ఆంధ్రప్రదేశ్ ప్రభుత్వం తాడేపల్లి వద్ద కృష్ణా నదిపై కొత్త బ్యారేజీల నిర్మాణానికి ప్లాన్ చేస్తోంది. వైకుంఠపురం బ్యారేజీ-10 టీఎంసీలు, చోడవరం బ్యారేజీ-4 టీఎంసీలు నిర్మించేందుకు ప్రణాళికలు రూపొందిస్తున్నారు. ఇవి అమరావతి ప్రాంతంలో తాగునీరు&పారిశ్రామిక అవసరాలకు ఉపయోగపడతాయని, అలాగే రివర్ ఫ్రంట్‌ను రూపొందించడంలో కూడా సహాయపడుతుందని అధికారులు తెలిపారు.
News December 11, 2024
గుంటూరు: బీటెక్ పరీక్షల షెడ్యూల్ విడుదల
ఆచార్య నాగార్జున యూనివర్సిటీ(ANU) పరిధిలోని కళాశాలల్లో బీటెక్ చదివే విద్యార్థులు రాయాల్సిన 1వ సెమిస్టర్ రెగ్యులర్(థియరీ) పరీక్షలను 2025 జనవరి 22 నుంచి నిర్వహిస్తామని ANU వర్గాలు తెలిపాయి. ఈ పరీక్షకు హాజరయ్యే విద్యార్థులు 2025 జనవరి 1లోపు అపరాధ రుసుం లేకుండా ఫీజు చెల్లించాలని, పూర్తి వివరాలకు https://www.nagarjunauniversity.ac.in/ అధికారిక వెబ్‌సైట్ చెక్ చేసుకోవాలని ANU పరీక్షల విభాగం తెలిపింది.
News December 11, 2024
అమరావతికి వెళ్లిన గుంటూరు, పల్నాడు, బాపట్ల జిల్లాల కలెక్టర్లు
గుంటూరు, పల్నాడు, బాపట్ల జిల్లాల కలెక్టర్లు నాగలక్ష్మీ, అరుణ్ బాబు, వెంటక మురళి అమరావతి వెళ్లారు. నేడు, రేపు సీఎం చంద్రబాబు అధ్యక్షతన జరగనున్న కలెక్టర్ల సదస్సులో పాల్గొంటారు. కూటమి ప్రభుత్వం 6 నెలల పాలనలో చేపట్టిన అభివృద్ధి, సంక్షేమ కార్యక్రమాలపై ఈ సదస్సులో చర్చించనున్నారు. అలాగే స్వర్ణాంధ్ర విజన్‌-2047 డాక్యుమెంట్, నూతనంగా తీసుకొచ్చిన పాలసీలపై సీఎం కలెక్టర్లకు దిశానిర్దేశం చేస్తారు.
News December 11, 2024
ధాన్యం కొనుగోలు కేంద్రాన్ని సందర్శించిన అంబటి రాంబాబు
కొల్లిపర మండలం తూములూరు గ్రామంలో ధాన్యం కొనుగోలు కేంద్రాన్ని వైయస్సార్ కాంగ్రెస్ పార్టీ జిల్లా అధ్యక్షుడు, మాజీ మంత్రి అంబటి రాంబాబు, తెనాలి నియోజకవర్గ సమన్వయకర్త అన్నాబత్తుని శివకుమార్ సందర్శించారు. పలువురు రైతులతో ధాన్యం కొనుగోలు పరిస్థితి అడిగి తెలుసుకున్నారు. వడ్లు అమ్ముకోవడానికి గిట్టుబాటు ధరలు లేవని, తక్కువ ధరలకు అమ్ముకొని రైతులు నష్టపోవాల్సి వస్తుందని అంబటి విమర్శించారు.
Featured News
Sorry, no posts matched your criteria.