India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kurnool
News July 22, 2024
కర్నూలు ప్రజాప్రతినిధులూ వీటిపై దృష్టి పెట్టాలి (1/2)
★ ఆత్మకూరు వద్ద 38.5 కి.మీ మేర అటవీ మార్గం విస్తరణపై దృష్టి పెట్టాలి
★ కర్నూలు పశ్చిమ ప్రాంతంలో తీవ్రంగా సాగు, తాగునీటి సమస్య
★ కొన్ని రహదారుల నిర్మాణాలకు దశాబ్దాలుగా పెండింగులో ఉన్న ప్రతిపాదనలు
★ ఓర్వకల్లులో మెగా ఇండస్ట్రియల్‌ హబ్‌ ఏర్పాటుకు కృష్టి చేయాలి
★ గుండ్రేవుల, ఆర్డీఎస్‌, వేదవతి ప్రాజెక్టుల నిర్మాణం
★ కర్నూలులో ఉర్దూ వర్సిటీ నిర్మాణం పూర్తి చేయాలి
★ జిల్లాలోని బస్టాండ్‌ల ఆధునికీకరణ
News July 22, 2024
తహశీల్దార్లను రిలీవ్ చేసిన కర్నూలు కలెక్టర్
ఎన్నికల నేపథ్యంలో కడప, అనంతపురం, చిత్తూరు జిల్లాల నుంచి వచ్చిన తహశీల్దార్లను రిలీవ్ చేస్తూ కలెక్టర్ రంజిత్ బాషా ఆదివారం ఉత్తర్వులు జారీ చేశారు. కర్నూలు జిల్లాకు వచ్చిన 29 మంది తహశీల్దార్లను సొంత జిల్లాలకు పంపుతూ రిలీవ్ చేశారు. ఆయా మండలాల్లో డిప్యూటీ తహశీల్దారులకు ఇన్‌ఛార్జ్ బాధ్యతలను అప్పగించాలని ఆదేశాలను జారీ చేశారు.
News July 21, 2024
కర్నూలు: రైతు బలవన్మరణం
ఎమ్మిగనూరు మండలం కే.తిమ్మాపురానికి చెందిన రైతు రంగన్న(39) అప్పుల బాధతో ఆత్మహత్య చేసుకున్నారు. శనివారం రాత్రి తన సొంత పొలంలో పురుగు మందు తాగి అపస్మారక స్థితిలో పడి ఉండటాన్ని గ్రామస్థులు గమనించి ఎమ్మిగనూరు ప్రభుత్వ ఆసుపత్రికి తరలించారు. అనంతరం కర్నూలు ప్రభుత్వాసుపత్రికి తరలించారు. చికిత్స పొందుతూ ఆదివారం మృతిచెందారు. రంగన్న 2 ఎకరాలు సొంత భూమితో పాటు మరో 5 ఎకరాలు కౌలుకు తీసుకొని సాగు చేస్తున్నారు.
News July 21, 2024
మైపర్‌లో ముగిసిన NAAC బృంద సభ్యుల పర్యటన
కర్నూలులోని మైపర్ ఫార్మసీ కళాశాలలో 2 రోజుల పర్యటన ముగిసిందని కళాశాల డైరెక్టర్ ఆదిమూలపు సతీశ్ తెలిపారు. బెంగళూరులోని NAAC ప్రధాన కార్యాలయం నియమించిన ముగ్గురు సభ్యుల బృందం కాలేజీలోని వివిధ విభాగాలను, ప్రయోగశాలలను, ఆట స్థలాలను సందర్శించారు. కేంద్ర ప్రభుత్వ ఆధీనంలో పనిచేసే ముగ్గురు అధికారుల బృందం శని, ఆదివారాలలో వివిధ విభాగాల ఫైల్స్‌ను పరిశీలించారు. NAAC పర్యటన విజయవంతమైందని ఆదిమూలపు సతీశ్ తెలిపారు.
News July 21, 2024
పాములపాడు మండలంలో దారుణ హత్య..వివరాలు
పాములపాడు మండలంలో <<13666742>>హత్య<<>> జరిగిన విషయం తెలిసిందే. పోలీసుల వివరాలు.. ఇస్వాలకి చెందిన ఎర్రన్న గొర్రెల వ్యాపారం చేసేవాడు. శుక్రవారం రాత్రి ఫోన్ వస్తే బయటికి వెళ్లాడు. తిరిగి రాకపోయేసరికి బంధువులతో కలిసి వెతకగా చెలిమిల్ల సమీపంలో మృతదేహాన్ని గుర్తించారు. పోలీసులకు ఎర్రన్న బైక్‌ బ్యాగులో ఓ సంచిలో నిమ్మకాయలు, టెంకాయలు గుర్తించారు. దర్యాప్తును దారి మళ్లించేందుకు ఇలా చేసుంటారని అనుమానిస్తున్నారు.
News July 21, 2024
కర్నూలు: ఈ నెల 24వ తేదీ లోపు దరఖాస్తు చేసుకోండి
ఉమ్మడి కర్నూలు జిల్లాలోని ప్రభుత్వ, ప్రైవేటు ఐ.టి.ఐ కాలేజీల్లో వివిధ ట్రేడ్‌లలో రెండో విడత ప్రవేశాల కోసం ఈ నెల 24వ తేదీ దరఖాస్తులు చేసుకోవాలని ఐ.టి.ఐ కాలేజీల జిల్లా కన్వీనర్ కృష్ణమోహన్ తెలిపారు. ఈ నెల 24వ తేదీ వరకు గడువు ఉందని తెలిపారు. దరఖాస్తు చేసుకున్న వారికి 25న సర్టిఫికెట్ల పరిశీలన ఉంటుందన్నారు. ఈ అవకాశాన్ని విద్యార్థులు సద్వినియోగం చేసుకోవాలని కోరారు.
News July 21, 2024
కర్నూలులో దారుణహత్య.. నిందుతుడి అరెస్ట్
కర్నూలు నగరంలోని రైల్వేస్టేషన్‌ కూడలి వద్ద ఈ నెల 17న శ్రీరాముడు అనే యాచకుడిని <<13651796>>హత్య<<>> జరిగిన విషయం తెలిసందే. ఈ హత్య కేసులో నిందుతుడైన పరుశురాముడును కర్నూలు రెండో పట్టణ పోలీసులు శనివారం అరెస్టు చేశారు. నిందుతుడు ఇతర ప్రాంతాలకు పారిపోయేందుకు యత్నించగా పోలీసులు పట్టుకున్నారు. అతడిని కోర్టులో హాజరుపరిచి రిమాండ్‌కు తరలించారు.
News July 21, 2024
కర్నూలు జోన్-4లో 52మంది ఎస్ఐలు బదిలీ
కర్నూలు: జోన్-4(కర్నూలు, అనంతపురం రేంజ్) పరిధిలో 52మంది ఎస్సైలను కర్నూలు రేంజ్ డీఐజీ కోయ ప్రవీణ్ శనివారం బదిలీ చేశారు. ఈ మేరకు ఆయన బదిలీ ఉత్తర్వులను జారీ చేశారు. ఎన్నికలకు ముందు ఎలక్షన్ కమిషన్ ఆదేశాల మేరకు వీరిని నియమించామని ప్రస్తుతం ఎన్నికలు ఎలక్షన్ కోడ్ ముగియడంతో వారివారి స్థానాలకు బదిలీ చేస్తున్నట్లు తెలిపారు
News July 21, 2024
నంద్యాల: గన్ మిస్‌ఫైర్.. ఆర్మీ జవాన్ మృతి
అవుకు మండలం జూనుంతల గ్రామంలో విషాదం చోటుచేసుకుంది. హైదరాబాద్‌లో సీఐఎస్‌ఎఫ్ ఆర్మీ జవాన్‌గా విధులు నిర్వహిస్తున్న వెంకటేశ్(34) ప్రమాదవశాత్తు గన్ మిస్‌ఫైర్ అయ్యి మృతిచెందినట్లు అధికారులు కుటుంబసభ్యులకు సమాచారం అందించారు. మృతదేహాన్ని అవుకు మండలంలోని స్వస్థలానికి తరలించేందుకు అధికారులు అన్ని ఏర్పాట్లు పూర్తి చేశారు.
News July 20, 2024
BREAKING: నంద్యాల జిల్లా జాయింట్ కలెక్టర్‌గా విష్ణు చరణ్
నంద్యాల జిల్లా జాయింట్ కలెక్టర్‌గా సీ.విష్ణు చరణ్‌ను నియమించారు. ఈ మేరకు ప్రభుత్వ ప్రధాన కార్యదర్శి నీరబ్ కుమార్ ప్రసాద్ శనివారం ఉత్తర్వులు జారీ చేశారు. పార్వతీపురం ఐటీడీఏ ప్రాజెక్టు డైరెక్టర్‌గా ఉన్న సీ.విష్ణు చరణ్‌ను నంద్యాల జిల్లా జాయింట్ కలెక్టర్‌గా బదిలీ చేస్తున్నట్లు పేర్కొన్నారు. నంద్యాల జేసీగా ఉన్న టీ.రాహుల్ కుమార్ రెడ్డిని సీతంపేట ఐటీడీఏ ప్రాజెక్టు అధికారిగా బదిలీ చేశారు.
Featured News
Sorry, no posts matched your criteria.