India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kurnool
News February 25, 2025
కర్నూలు జిల్లాలో పింఛన్లకు రూ.103.33 కోట్లు
కర్నూలు జిల్లాలో మార్చి నెల పింఛన్ పంపిణీకి నిధులు మంజూరయ్యాయి. 2,38,798 మందికి రూ.103.33 కోట్లను ప్రభుత్వం మంజూరు చేసింది. ఈ మొత్తాన్ని ఆయా సచివాలయాల సిబ్బంది ఈ నెల 28లోపు విత్ డ్రా చేసుకోవాలని సూచించింది. మార్చి 1న ఉదయం 6 గంటల నుంచే గ్రామ, పట్టణాల్లో లబ్ధిదారులకు సచివాలయ సిబ్బంది పింఛన్ మొత్తం అందజేయనున్నారు.
News February 25, 2025
జీవీ రెడ్డి రాజీనామా బాధాకరం: ఆదోని ఎమ్మెల్యే
ఏపీ ఫైబర్‌నెట్‌ ఛైర్మన్‌ పదవి, టీడీపీకి జీవీ రెడ్డి రాజీనామా చేయడం బాధాకరమని ఆదోని ఎమ్మెల్యే పార్థసారథి అన్నారు. ఆయనను రాజీనామా వెనక్కి తీసుకోవాలని కోరతామన్నారు. జీవీరెడ్డి సమాజానికి ఉపయోగపడే వ్యక్తి అని.. ఆయనను కన్విన్స్ చేసి మళ్లీ రాజకీయాల్లోకి యాక్టివ్ చేయాల్సిన బాధ్యత ఉందని తన అభిప్రాయం వ్యక్తం చేశారు. కర్నూలు జిల్లాలోనూ అధికారులు తమ మాట వినట్లేదని తెలిపారు.
News February 25, 2025
అర్జీలను నాణ్యతగా పరిష్కారించండి: సబ్ కలెక్టర్
ఆదోని సబ్ కలెక్టరేట్లో సోమవారం ప్రజా సమస్యల పరిష్కార వేదిక కార్యక్రమం చేపట్టారు. కార్యక్రమంలో డివిజన్ స్థాయి అధికారులు పాల్గొని ప్రజల వినతి పత్రాలను స్వీకరించారు. నిర్ణీత గడువులోపు ప్రజల నుంచి వచ్చిన ఫిర్యాదులను త్వరగా పరిష్కరించాలని సబ్ కలెక్టర్ మౌర్య భరద్వాజ్ అధికారులకు సూచించారు. ఎట్టి పరిస్థితుల్లోనూ బియాండ్ ఎస్ఎల్‌ఏ లోకి వెళ్లకుండా చూడాలన్నారు.
News February 24, 2025
కర్నూలు జిల్లా TODAY TOP NEWS
➢ మంత్రాలయంలో కన్నడ స్టార్ హీరో
➢ పాణ్యంలో పండ్ల వాహనం బోల్తా.. ఎగబడిన స్థానికులు
➢ శ్రీశైల కాలినడక భక్తుడికి అస్వస్థత.. డోలీలో 5 కి.మీ..
➢ అసెంబ్లీకి కర్నూలు జిల్లా ఎమ్మెల్యేలు
➢ కర్నూలు ఎస్పీ సాయం కోరిన ప్రేమ జంట
➢ ఎమ్మిగనూరు టీడీపీ నేత వార్నింగ్
➢ భీముని కొలను వద్ద యువతికి తీవ్ర అస్వస్థత
➢ ఆదోనిలో 30 ఏళ్లుగా డ్రైనేజీ సమస్య
➢ అర్జీలను నాణ్యతగా పరిష్కరించండి: సబ్ కలెక్టర్
News February 24, 2025
అర్జీలను నాణ్యతగా పరిష్కారించండి: సబ్ కలెక్టర్
ఆదోని సబ్ కలెక్టరేట్లో సోమవారం ప్రజా సమస్యల పరిష్కార వేదిక కార్యక్రమం చేపట్టారు. కార్యక్రమంలో డివిజన్ స్థాయి అధికారులు పాల్గొని ప్రజల వినతి పత్రాలను స్వీకరించారు. నిర్ణీత గడువులోపు ప్రజల నుంచి వచ్చిన ఫిర్యాదులను త్వరగా పరిష్కరించాలని సబ్ కలెక్టర్ మౌర్య భరద్వాజ్ అధికారులకు సూచించారు. ఎట్టి పరిస్థితుల్లోనూ బియాండ్ ఎస్ఎల్‌ఏ లోకి వెళ్లకుండా చూడాలన్నారు.
News February 24, 2025
అసెంబ్లీకి కర్నూలు జిల్లా ఎమ్మెల్యేలు
రాష్ట్ర అసెంబ్లీ సమావేశాలు ప్రారంభం అయ్యాయి. సమావేశాలకు కర్నూలు జిల్లా ఆలూరు ఎమ్మెల్యే బూసినే విరూపాక్షి, మంత్రాలయం ఎమ్మెల్యే బాలనాగిరెడ్డి హాజరయ్యారు. వైసీపీ అధినేత వైఎస్ జగన్మోహన్ రెడ్డితో కలసి అసెంబ్లీ సమావేశాల్లో పాల్గొన్నారు. అయితే కొద్దిసేపటికే అసెంబ్లీ నుంచి వాకౌట్ చేసి బయటకు వచ్చారు.
News February 24, 2025
కర్నూలులో ఉ.10 గంటల నుంచి అర్జీల స్వీకరణ
కర్నూలులో నేడు ప్రజా సమస్యల పరిష్కార వేదిక (పీజీఆర్ఎస్) కార్యక్రమం జరగనుంది. కలెక్టరేట్‌లోని సునయన ఆడిటోరియంలో ఉదయం 10 గంటల నుంచి కలెక్టర్ రంజిత్ బాషా ప్రజల నుంచి అర్జీలు స్వీకరించనున్నారు. ఈ కార్యక్రమం జిల్లా కేంద్రంతోపాటు అన్ని మండల కేంద్రాల్లోనూ జరుగుతుందని కలెక్టర్ తెలిపారు. ప్రజలు సద్వినియోగం చేసుకోవాలని సూచించారు.
News February 24, 2025
క్రికెట్ విజేతకు రూ.లక్ష అందజేత
కౌతాళంలో నిర్వహిస్తున్న క్రికెట్ టోర్నీ ఫైనల్ మ్యాచ్ ఆదివారం నిర్వహించారు. ఫైనల్లో కౌతాళం, కర్ణాటక రాష్ట్రం మాన్వి జట్లు తలపడగా.. మాన్వి జట్టు విజేతగా నిలిచింది. విజేతకు కూటమి నాయకులు సురేశ్ నాయుడు, వెంకటపతి రాజు, ఇతర నాయకులు రూ.లక్ష, రన్నర్‌గా నిలిచిన జట్టుకు రూ.50 వేలు అందజేశారు.
News February 23, 2025
కర్నూలు జిల్లా నేటి ముఖ్యాంశాలు
➤ కర్నూలు జిల్లాలో ప్రశాంతంగా ముగిసిన గ్రూప్-2 పరీక్షలు ➤ ఆదోనిలో ఘోరం.. బాలుడిపైకి దూసుకెళ్లిన లారీ ➤ మంత్రాలయం శ్రీ మఠంలో ఆకట్టుకున్న భరతనాట్యం ➤ ఎమ్మిగనూరు ఎస్ఎంఎల్ కాలేజీలో 25న జాబ్ మేళా ➤ జిల్లాలో చికెన్‌కు తగ్గిన డిమాండ్ ➤ రూ.1.15 లక్షల కర్ణాటక మద్యం స్వాధీనం ➤ జిల్లాలోని ఆలయాల్లో మొదలైన మహా శివరాత్రి సందడి
News February 23, 2025
కర్నూలు జిల్లాలో ప్రశాంతంగా ముగిసిన గ్రూప్-2 పరీక్షలు
కర్నూలు జిల్లాలో 30 కేంద్రాలలో నిర్వహించిన గ్రూప్-2 పరీక్షలు ప్రశాంతంగా ముగిశాయని కలెక్టర్ రంజిత్ బాషా పేర్కొన్నారు. ఉదయం పేపర్-1 పరీక్షలకు 9,993 మంది అభ్యర్థులు హాజరు కావాల్సి ఉండగా 8,693 మంది, మధ్యాహ్నం పేపర్-2 పరీక్షలకు 9,993 మంది హాజరు కావాల్సి ఉండగా 8,678 మంది హాజరయ్యారని తెలిపారు. ఎలాంటి అవాంఛనీయ ఘటనలు జరగకుండా పరీక్షలు ప్రశాంతంగా ముగిశాయన్నారు.
Featured News
Sorry, no posts matched your criteria.