India's largestHyperlocal short
news App
Get daily news updates that are tailored for you based on your preferred language & location.
download Way2News app now
Prakasam
News February 1, 2026
4న ఒంగోలుకు రానున్న శాసన సభ అంచనాల కమిటీ
రాష్ట్ర శాసన సభ అంచనాల కమిటీ ఫిబ్రవరి నెల 4వ తేదీన జిల్లాలో పర్యటించనున్నట్లు జిల్లా కలెక్టర్ పి రాజాబాబు శనివారం ఒక ప్రకటనలో తెలిపారు. ఫిబ్రవరి నెల 4వ తేదీన ఉదయం 8.00 గంటలకు నెల్లూరు నుంచి రోడ్డు మార్గాన బయలుదేరి ఒంగోలుకు చేరుకొని ఉదయం 11-00 గంటలకు ఒంగోలు కలెక్టర్ కార్యాలయంలో అధికారులతో సమావేశం నిర్వహిస్తారని తెలిపారు.
News January 31, 2026
ఒంగోలు: తండ్రి హెడ్ కానిస్టేబుల్.. కుమార్తె డీఎస్పీ
ప్రకాశం జిల్లా పోలీస్ శాఖలో విధులు నిర్వహిస్తున్న ఏఆర్ హెడ్ కానిస్టేబుల్ సీహెచ్ హుసేనయ్య కుమార్తె గ్రూప్-1 ఫలితాల్లో డీఎస్పీ పోస్టు సాధించారు. APPSC వెలువరించిన గ్రూప్-1 ఫలితాల్లో హుసేనయ్య కుమార్తె రిజ్వానా డీఎస్పీగా ఎంపిక కావడంపై పలువురు పోలీస్ అధికారులు అభినందనలు తెలిపారు. తన కుమార్తె డీఎస్పీగా ఎంపిక కావడంపై హుసేనయ్య ఆనందం వ్యక్తం చేశారు.
News January 31, 2026
ఒంగోలులో వెలసిన ‘మహా పాపం నిజం’ ఫ్లెక్సీలు.!
ఒంగోలులో శుక్రవారం మహా పాపం నిజం ఫ్లెక్సీలు వెలిశాయి. అద్దంకి బస్టాండ్ సెంటర్ వద్ద మహాపాపం నిజం ఫ్లెక్సీ ప్రస్తుతం హల్చల్ చేస్తోంది. 68.17 లక్షల కిలోల కల్తీ నెయ్యి అంటూనే, అది నెయ్యే కాదు పామాయిల్, కెమికల్ కలిపిన ద్రవం అంటూ ఫ్లెక్సీలో ప్రదర్శించారు. అంతేకాకుండా ఆ కల్తీ నెయ్యితోనే 20కోట్ల లడ్డు ప్రసాదాలు తయారు చేశారని, రూ.251 కోట్లను దోచుకున్నారని ముద్రించడం చర్చనీయాంశంగా మారింది.
News January 31, 2026
ఫిబ్రవరి 2న కలెక్టర్ మీకోసం కార్యక్రమం రద్దు
ఫిబ్రవరి రెండవ తేదీన ప్రకాశం జిల్లా అవతరణ దినోత్సవం సందర్భంగా కలెక్టర్ మీకోసం కార్యక్రమాన్ని రద్దు చేసినట్లు జిల్లా కలెక్టర్ కార్యాలయం శుక్రవారం ప్రకటన విడుదల చేసింది. ఉదయం 11 గంటల నుంచి 12 గంటల వరకు నిర్వహించే అవతరణ దినోత్సవ వేడుకలకు అన్ని ఏర్పాట్లు చేయాలని ఇప్పటికే కలెక్టర్ రాజాబాబు ఆదేశాలు జారీ చేశారు. తాత్కాలికంగా కలెక్టర్ మీకోసం కార్యక్రమాన్ని రద్దు చేసిన విషయాన్ని ప్రజలు గమనించాలని కోరారు.
News January 30, 2026
23 ఏళ్లకే ప్రకాశం యువకుడికి గ్రూప్-2 ఉద్యోగం
ప్రకాశం జిల్లా మద్దిపాడు మండలం వెల్లంపల్లికి చెందిన కసుకుర్తి కార్తిక్(23) ఒంగోలు IIIT క్యాంపస్లో B.Tech పూర్తిచేశాడు. అనంతరం గ్రూప్స్కు ప్రిపేర్ అవుతూ.. ఇటీవల విడుదల చేసిన గ్రూప్-2 తుది ఫలితాల్లో మొదటి ప్రయత్నంలోనే ASO (GAD)గా ఉద్యోగం పొందాడు. దీంతో ఉపాధ్యాయులు, తోటి స్నేహితులు, తల్లిదండ్రులు అభినందించారు. కార్తిక్ తండ్రి ట్రాక్టర్ డ్రైవర్ కాగా, తల్లి కూలీ పనులకు వెళ్తుంటారు.
News January 30, 2026
పోలీస్ డైరీని ఆవిష్కరించిన ప్రకాశం SP
ఒంగోలులోని జిల్లా పోలీస్ కార్యాలయంలో శుక్రవారం ఎస్పీ పోలీస్ విధుల నిర్వహణకు సంబంధించిన డైరీని ఆవిష్కరించారు. రాష్ట్ర పోలీస్ ఆఫీసర్స్ అసోసియేషన్ ఆధ్వర్యంలో నూతన సంవత్సరాన్ని పురస్కరించుకొని తయారుచేసిన డైరీని, పోలీస్ సంక్షేమ సమాచార దీపికను ఎస్పీ ఆవిష్కరించి సిబ్బందికి అందజేశారు. డైరీలో పోలీసు అధికారులకు, సిబ్బందికి అవసరమయ్యే అన్ని రకాల సమాచారాన్ని పొందుపరచడంపై ఎస్పీ అభినందనలు తెలిపారు.
News January 30, 2026
ప్రకాశం జేసీగా కల్పనా కుమారి
ప్రకాశం జిల్లా జేసీగా కల్పనా కుమారి శుక్రవారం బాధ్యతలను స్వీకరించారు. ఒంగోలులోని కలెక్టర్ కార్యాలయంలో కార్యాలయ సిబ్బంది శుభాకాంక్షలు తెలిపారు. అనంతరం ప్రకాశం జిల్లా కలెక్టర్ రాజబాబును జేసీ కల్పనకుమారి మర్యాదపూర్వకంగా కలిశారు.
News January 30, 2026
నేడు ఒంగోలుకు రానున్న చెవిరెడ్డి భాస్కర్ రెడ్డి
అక్రమ మద్యం కేసులో బెయిల్ పై విడుదలైన మాజీ ఎమ్మెల్యే, ఒంగోలు పార్లమెంటు వైసీపీ ఇన్ఛార్జ్ చెవిరెడ్డి భాస్కర్ రెడ్డి నేడు ఒంగోలుకు రానున్నట్లు జిల్లా వైసీపీ కార్యాలయం ప్రకటించింది. నాలుగు గంటలకు జిల్లా అధ్యక్షుడు బూచేపల్లి శివప్రసాద్ రెడ్డితో కలిసి మీడియా సమావేశం నిర్వహించనున్నారు. ఈ సందర్భంగా చెవిరెడ్డి ఏం మాట్లాడతారన్న చర్చ జోరుగా సాగుతోంది.
News January 30, 2026
ప్రకాశం: స్వచ్ఛ రథం ఆపరేటర్ల కోసం దరఖాస్తులు
ప్రకాశం జిల్లాలో పొడి చెత్త నిర్వహణను మరింత పటిష్ఠం చేసేందుకు ప్రవేశ పెట్టిన స్వచ్చ రథం ఆపరేటర్ల ఎంపిక కోసం దరఖాస్తులు ఆహ్వానిస్తున్నట్లు డీపీఓ వెంకటేశ్వరరావు తెలిపారు. ఈ నెల 31 నుంచి ఫిబ్రవరి 7 వరకు దరఖాస్తులను స్వీకరిస్తామన్నారు. మొత్తం 22 మండలాల పరిధిలో కార్యక్రమాన్ని అమలు చేయనున్నట్లు, ఆపరేటర్లు మూడు సంవత్సరాల స్క్రాప్ నిర్వహణ అనుభవం, ట్రేడ్ లైసెన్స్ సైతం కలిగి ఉండాలని సూచించారు.
News January 30, 2026
ఒంగోలు: బాలికతో అసభ్యం.. 20 ఏళ్ల జైలు శిక్ష.!
పోక్సో కేసులో నిందితుడికి 20 ఏళ్ల జైలు శిక్ష, పదివేల జరిమానా విధిస్తూ ఒంగోలు పోక్సో కోర్టు గురువారం తీర్పునిచ్చింది. సింగరాయకొండకు చెందిన హరి అనే వ్యక్తి, ఓ మైనర్ బాలిక పట్ల అసభ్యంగా ప్రవర్తించిన తీరుపై వచ్చిన ఫిర్యాదు మేరకు పోలీసులు 2019 జనవరి 14న కేసు నమోదు చేశారు. ఈ కేసులో నిందితుడిని న్యాయస్థానం ముందు హాజరు పరచగా శిక్ష ఖరారు చేశారు. సంబంధిత పోలీసులను ఎస్పీ హర్షవర్ధన్ రాజు అభినందించారు.
Featured News
Sorry, no posts matched your criteria.