India's largestHyperlocal short
news App
Get daily news updates that are tailored for you based on your preferred language & location.
download Way2News app now
Prakasam
News March 8, 2025
నేడు మార్కాపురానికి CM రాక.. ఉత్కంఠ
మహిళా దినోత్సవం సందర్భంగా నేడు మార్కాపురంలో సీఎం చంద్రబాబు పర్యటించనున్నారు. ఈ నేపథ్యంలో పశ్చిమ ప్రకాశం వాసులు మార్కాపురం జిల్లా ఏర్పాటుపై బహిరంగ సభలో సీఎం చేసే ప్రకటనపై వేయికళ్లతో ఎదురుచూస్తున్నారు. ఈ సందర్భంగా ఎన్నికల సమయంలో స్వయంగా చంద్రబాబు ఎన్నికల ప్రచారంలో ప్రకటన చేశారు. అయితే సీఎం హోదాలో చంద్రబాబు తొలిసారిగా మార్కాపురానికి వస్తున్న వేళ జిల్లా అంశం ప్రాధాన్యత సంతరించుకుంది.
News March 8, 2025
మార్కాపురంలో సెక్యూరిటీ ఏర్పాట్లను పరిశీలించిన SP
అంతర్జాతీయ మహిళా దినోత్సవాన్ని పురస్కరించుకొని CM చంద్రబాబు నేడు మార్కాపురం రానున్న విషయం తెలిసిందే. ఈ సందర్భంగా కలెక్టర్ తమీమ్ అన్సారియా, ఎస్పీ దామోదర్, SSG ఆఫీసర్స్ కలిసి మార్కాపురంలో అడ్వాన్స్ సెక్యూరిటీ లైజన్‌ తనిఖీలను శుక్రవారం నిర్వహించారు. ఎలాంటి అవాంఛనీయ ఘటనలు చోటుచేసుకోకుండా పటిష్ట భద్రతా చర్యలు తీసుకోనున్నట్లు ఎస్పీ వివరించారు.
News March 7, 2025
మార్కాపురంలో బాంబ్ స్క్వాడ్ తనిఖీలు.!
మార్కాపురం పట్టణానికి శనివారం సీఎం చంద్రబాబు వస్తున్న నేపథ్యంలో అధికార యంత్రాంగం అప్రమత్తమైంది. సీఎం చంద్రబాబు దిగనున్న హెలిప్యాడ్ స్థలం వద్ద బాంబ్ స్క్వాడ్ శుక్రవారం తనిఖీలు చేపట్టింది జిల్లా అధికార యంత్రాంగం హెలిప్యాడ్ స్థలం వద్ద ఎలాంటి సంఘటనలు చోటుచేసుకోకుండా ముందస్తుగా పటిష్ఠ భద్రత కట్టుదిట్టం చేసి తనిఖీలు నిర్వహిస్తున్నారు.
News March 7, 2025
దోర్నాలలో దారుణం.. యువకుడిపై పెట్రోల్ పోసి నిప్పు
ప్రకాశం జిల్లా దోర్నాల మండలం బొమ్మలాపురంలో దారుణం చోటు చేసుకుంది. ఓ యువకుడిపై పెట్రోల్‌తో దాడి జరిగింది. దూదేకుల నాగూర్ వలిపై ఓ వ్యక్తి శుక్రవారం తెల్లవారుజామున పెట్రోల్ పోసి హత్యాయత్నం చేసినట్లు స్థానికులు తెలుపుతున్నారు. తీవ్రంగా గాయపడిన యువకుడిని దోర్నాల ప్రభుత్వ వైద్యశాలకు తరలించగా.. మెరుగైన చికిత్స కోసం మార్కాపురం తరలించారు. పూర్తి వివరాలు తెలియాల్సి ఉంది.
News March 6, 2025
ఒంగోలు: 30 మండలాలకు అధ్యక్షుల ప్రకటన
రాష్ట్ర కాంగ్రెస్ అధ్యక్షురాలు వైఎస్ షర్మిల ఆదేశాల మేరకు ప్రకాశం జిల్లాలోని 30 మండలాలకు పార్టీ అధ్యక్షులను నియమించినట్లు డీసీసీ అధ్యక్షుడు షేక్. సైదా ప్రకటించారు. ఈ సందర్భంగా సైదా మాట్లాడుతూ.. జిల్లా ప్రజలు ఎదుర్కొంటున్న వివిధ సమస్యల పరిష్కారం కోసం నిరంతర పోరాటం చేయాలని అన్నారు. షర్మిలారెడ్డి నాయకత్వంలో కాంగ్రెస్ పార్టీకి పూర్వవైభవం తేవడానికి సమష్టిగా కృషి చేస్తామని అన్నారు.
News March 6, 2025
అధికారులకు కీలక సూచనలు చేసిన ప్రకాశం కలెక్టర్
ఈనెల 8వ సీఎం చంద్రబాబు మార్కాపురం పర్యటన నేపథ్యంలో అధికారులకు కలెక్టర్ తమిమ్ ఆన్సరియా కీలక సూచనలు చేశారు. కేటాయించిన విధులను తూచా తప్పకుండా పాటిస్తూ అన్ని శాఖల అధికారులు సమన్వయంతో పనిచేసి కార్యక్రమాన్ని విజయవంతం చేయాలని ఆదేశించారు. బందోబస్తు ఏర్పాట్లు, వీఐపీ, జనరల్ పబ్లిక్ పార్కింగ్ ఏర్పాట్లు, స్టాల్స్ ఏర్పాట్లు పటిష్టంగా చేపట్టేలా అధికారులు ప్రత్యేక శ్రద్ధ తీసుకోవాలన్నారు.
News March 6, 2025
ఒంగోలు: పిల్లలు చెప్పిన మాట వినలేదని తల్లి సూసైడ్
ఒంగోలు నగరం ధారావారితోటలో వివాహిత కె.లక్ష్మీభవానీ(34) మంగళవారం రాత్రి ఆత్మహత్యకు పాల్పడింది. భార్యాభర్తల మధ్య ఉన్న గొడవలతోపాటు పిల్లలు కూడా చెప్పిన మాట వినడంలేదంటూ క్షణికావేశంలో ఇంట్లో చున్నీతో ఉరి వేసుకుంది.ఈ విషయం గమనించిన కుటుంబసభ్యులు ఆమెను రిమ్స్‌కు తరలించారు. అక్కడ చికిత్స పొందుతూ లక్ష్మీభవాని మృతి చెందింది. కేసు నమోదు చేసి దర్యాప్తు చేస్తున్నట్లు వన్ టౌన్ సీఐ నాగరాజు చెప్పారు.
News March 6, 2025
లోకేశ్ వ్యాఖ్యలపై ఎమ్మెల్యే తాటిపర్తి ట్వీట్
డిప్యూటీ సీఎం పవన్ కళ్యాణ్ కంటే తక్కువ మెజారిటీ సాధించిన మాజీ సీఎం జగన్ మోహన్ రెడ్డికి పవన్ కళ్యాణ్ ను విమర్శించే అర్హత లేదన్న మంత్రి లోకేశ్ వ్యాఖ్యలపై యర్రగొండపాలెం ఎమ్మెల్యే తాటిపర్తి చంద్రశేఖర్ ‘X’ వేదికగా ట్వీట్ చేశారు. అలా అయితే జగన్ మోహన్ రెడ్డి కంటే తక్కువ మెజారిటీ వచ్చిన సీఎం చంద్రబాబు నాయుడుకు కూడా జగన్‌ను విమర్శించే అర్హత లేనట్టే కదా అన్నారు.
News March 6, 2025
వెలుగొండకు చంద్రబాబు.. షెడ్యూల్ ఇదే.!
సీఎం చంద్రబాబు ఈనెల 8న ప్రకాశం జిల్లాలోని వెలుగొండ ప్రాజెక్టును సందర్శించనున్నారు. అంతకు ముందే మార్కాపురంలో మహిళా దినోత్సవ వేడుకల కార్యక్రమంలో CM పాల్గొంటారు. కార్యక్రమం అనంతరం 12:30 నుంచి <<15657223>>1:30 వరకు నాయకులతో<<>> సమావేశమౌతారు. ఆ తర్వాత మధ్యహ్నం 2 గంటలకు దోర్నాల మండలంలోని పూల సుబ్బయ్య వెలుగొండ ప్రాజెక్ట్ వద్దకు చేరుకుంటారు. సాయంత్రం 4:30 వరకు ప్రాజెక్ట్‌ను పరిశీలించి తిరుగుపయనమౌతారు.
News March 5, 2025
ప్రకాశం: APAMT ఒలింపియాడ్‌లో కీర్తి ప్రతిభ
కొండేపిలో బీఆర్ అంబేడ్కర్ గురుకుల పాఠశాల విద్యార్థిని పి.కీర్తి APAMT మ్యాథమెటిక్స్ ఒలింపియాడ్ -2024లో స్టేట్ మొదటి ర్యాంక్ సాధించినట్లు ప్రిన్స్‌పల్ ఎస్.అరుణ ఒక ప్రకటనలో తెలిపారు. గతేడాది నవంబర్ 30న 51వ రాష్ట్ర అసోషియేషన్ ఆఫ్ మ్యాథమెటిక్స్ టీచర్స్ అధ్వర్యంలో నిర్వహించగా గతవారం విడుదల చేసిన ఫలితాల్లో మొదటి స్థానం సాధించినట్లు చెప్పారు. కీర్తిని ఈసందర్భంగా ఉపాధ్యాయులు అభినందించారు.
Featured News
Sorry, no posts matched your criteria.