India's largestHyperlocal short
news App
Get daily news updates that are tailored for you based on your preferred language & location.
download Way2News app now
Prakasam
News September 24, 2024
ప్రకాశం: ప్రజా సమస్యల పరిష్కార వేదికకు 115 ఫిర్యాదులు
ప్రజల నుంచి వచ్చే ఫిర్యాదులను పరిష్కరించుట కొరకు సోమవారం ప్రజా సమస్యల పరిష్కార వేదిక కార్యక్రమాన్ని జిల్లా పోలీసు కార్యాలయంలో ఎస్పీ దామోదర్ సోమవారం నిర్వహించారు. ప్రజా సమస్యల పరిష్కార వేదిక కార్యక్రమానికి 115 ఫిర్యాదులు వచ్చినట్లు ఎస్పీ తెలిపారు. ప్రజా సమస్యల పరిష్కార వేదిక ఫిర్యాదులపై అలసత్వం వహించకుండా నిర్ణీత గడువులో పరిష్కారించాలని అధికారులను ఎస్పీ ఆదేశించారు.
News September 23, 2024
ప్రకాశం జిల్లాలో మెగా జాబ్ మేళా.. వివరాలివే.!
ఆంధ్రప్రదేశ్ రాష్ట్ర నైపుణ్యాభివృద్ధి సంస్థ- ఎంప్లాయిమెంట్ ఎక్స్చేంజ్, సీడప్- ఆధ్వర్యంలో సెప్టెంబర్ 27న కనిగిరి ప్రభుత్వ డిగ్రీ కాలేజీలో 20 కంపెనీలతో.. ‘మెగా జాబ్ మేళా’ నిర్వహించటం జరుగుతుందని జిల్లా ఉపాధి అధికారులు భరద్వాజ్, రవితేజ తెలిపారు. 10వ తరగతి నుంచి ఏదైనా పీజీ పూర్తి చేసి, 18 నుంచి 35 సం.లోపు యువతీ, యువకులు ఈ అవకాశాన్ని సద్వినియోగం చేసుకోవాలన్నారు. వివరాలకు టోల్ ఫ్రీ నం: 9988853335
News September 23, 2024
కనిగిరిలో సెప్టెంబర్ 27న ‘మెగా జాబ్ మేళా’
ఆంధ్రప్రదేశ్ రాష్ట్ర నైపుణ్యాభివృద్ధి సంస్థ- ఎంప్లాయిమెంట్ ఎక్స్‌ఛేంజ్, సీడప్ – ఆధ్వర్యంలో.. సెప్టెంబరు 27న కనిగిరి ప్రభుత్వ డిగ్రీ కాలేజీలో 20 కంపెనీలతో జరగబోవు “మెగా జాబ్ మేళా” వాల్ పోస్టర్‌ను సోమవారం ప్రకాశం జిల్లా కలెక్టర్ తమీమ్ అన్సారియా విడుదల చేశారు. ఈ కార్యక్రమంలో జేసీ గోపాలకృష్ణ, కనిగిరి MLA ఉగ్ర నరసింహారెడ్డి, జిల్లా ఉపాధి అధికారులు భరద్వాజ్, రవితేజ లోకనాథం తదితరులు పాల్గొన్నారు.
News September 23, 2024
ప్రకాశం జిల్లాలో మైనింగ్ అధికారుల బదిలీలు
ప్రకాశం జిల్లాలోని ప్రాంతీయ మైనింగ్ విజిలెన్స్ అధికారుల బృందం సోమవారం ఇతర ప్రాంతాలకు బదిలీ అయ్యారు. వారి స్థానంలో ప్రభుత్వం నూతనంగా AD సురేశ్ కుమార్ రెడ్డి, రాయల్టీ ఇన్స్పెక్టర్ రాజులను నియమించారు. వీరు మంగళవారం బాధ్యతలు స్వీకరించే అవకాశం ఉన్నట్టు అధికార వర్గాలు చెబుతున్నాయి. ప్రకాశం జిల్లాలో పనిచేస్తున్న అధికారిని తిరుపతికి బదిలీ చేశారు.
News September 23, 2024
శ్రీశైలంలో హత్యకు గురైన మార్కాపురం యువకుడు
శ్రీశైలంలో ఆదివారం అర్ధరాత్రి మార్కాపురం వాసి దారుణ హత్యకు గురయ్యాడు. పోలీసుల వివరాల ప్రకారం.. బతుకుతెరువు కోసం శ్రీశైలానికి వెళ్లిన ఆవుల అశోక్‌(32)ను ఇద్దరు వ్యక్తులు మద్యం మత్తులో శనివారం రాత్రి అతడిని గొంతు కోసి దారుణ హత్య చేశారని తెలిపారు. ఆదివారం ఉదయం పేపర్లు ఏరుకునే వారు రక్తపు మడుగులో ఉన్న యువకుడిని చూసి పోలీసులకు సమాచారం ఇచ్చారు. విచారించి కేసు నమోదు చేశామని పోలీసులు పేర్కొన్నారు.
News September 23, 2024
ఓపెన్ స్కూల్ అడ్మిషన్ల గడువు పొడిగింపు
ఏపీ ఓపెన్ స్కూల్ సొసైటీలో పదో తరగతి, ఇంటర్ కోర్సుల్లో ఈ విద్యా సంవత్సరంలో ప్రవేశాలకు ఈనెల 28వ తేదీ వరకు గడువు పొడిగించినట్లు డీఈవో సుభద్ర తెలిపారు. రూ.300 అపరాధ రుసుముతో ఈనెల 30 వరకు ఆన్లైన్లో అడ్మిషన్లు పొందవచ్చని డీఈఓ పేర్కొన్నారు. ఓపెన్ స్కూల్ సొసైటీ స్టడీ సెంటర్ల కోఆర్డినేటర్లు ఈ విషయాన్ని గమనించి అడ్మిన్ల సంఖ్య పెంచాలని డీఈవో తెలిపారు.
News September 23, 2024
పొలం పిలుస్తుంది సద్వినియోగం చేసుకోండి: కలెక్టర్
రైతుసంక్షేమాన్ని దృష్టిలో పెట్టుకొని ప్రకాశం జిల్లాలో ఈనెల 24 నుంచి ప్రభుత్వం ప్రతిష్టాత్మకంగా నిర్వహిస్తున్న ‘పొలం పిలుస్తుంది’ కార్యక్రమాన్ని రైతులు సద్వినియోగం చేసుకోవాలని కలెక్టర్ తమిమ్ అన్సారియా ఒక ప్రకటనలో తెలిపారు. రైతులు వ్యవసాయ అధికారులు సూచించే పద్ధతులపై అవగాహన పెంచుకోవాలన్నారు. ప్రతి మంగళ, బుధవారాల్లో వ్యవసాయ అధికారులు, వ్యవసాయ శాస్త్రవేత్తలతో కలిసి అవగాహన సదస్సులు నిర్వహిస్తారన్నారు.
News September 23, 2024
దర్శి పట్టణంలో బాలినేని ఫ్లెక్సీలు
‘జై జనసేన, వెల్కమ్ బాస్’ అంటూ మాజీమంత్రి బాలినేని శ్రీనివాసరెడ్డి అభిమానులు దర్శి పట్టణంలో ఫ్లెక్సీలు కట్టారు. ఇటీవల పవన్ కళ్యాణ్‌ను కలిసిన బాలినేని శ్రీనివాస్ రెడ్డి ఈనెల 26న జనసేనలో చేరుతున్న విషయం తెలిసిందే. ఈ నేపథ్యంలో దర్శిలో ఉన్న బాలినేని అభిమానులు దర్శిలో జనసేన ఫ్లెక్సీలు కట్టారు.
News September 22, 2024
లడ్డూ వివాదంపై స్పందించిన MLA తాటిపర్తి
లడ్డు వివాదాన్ని కావాలనే సృష్టించి రాజకీయాల కోసం వాడుకుంటున్నారా? అని X వేదికగా యర్రగొండపాలెం ఎమ్మెల్యే తాటిపత్రి చంద్రశేఖర్ స్పందించారు. రాష్ట్రంలో మత కల్లోలాలను సృష్టించడానికి CBN యత్నిస్తున్నారన్నారు. దీనికి పవన్ కళ్యాణ్ ఆజ్యం పోస్తున్నారా.. అని ఎమ్మెల్యే మండిపడ్డారు. ప్రశాంతమైన రాష్ట్రాన్ని వల్లకాడు చేయాలనుకుంటున్నారా అని Xలో పోస్ట్ చేశారు. బీజేపీ పేరుతో YCP పార్టీ కార్యాలయంపై దాడి హేయమన్నారు.
News September 22, 2024
మార్కాపురం: 20 ఏళ్ల క్రితం తప్పిపోయిన వ్యక్తి.. ఆచూకీ లభ్యం
మార్కాపురంలో అనుమానాస్పదంగా తిరుగుతూ కనబడిన వ్యక్తిని మార్కాపురం ఎస్సై సైదుబాబు అదుపులోకి తీసుకున్నారు. అతనిని విచారణ చేయగా.. సదరు వ్యక్తిది సింగరాయకొండ మండలం సోమరాజుపల్లి గ్రామానికి చెందిన శేషమ్మ కుమారుడు శ్రీహరిగా తెల్సింది. 20 సంవత్సరాల కిందట తప్పిపోయిన అతను తన కుమారుడేనని తల్లి తెలిపింది. ఇన్నేళ్ల తర్వాత తమ కుమారుడి ఆచూకీ లభించడంపై ఆమె ఆనందం వ్యక్తం చేసి పోలీసులకు కృతజ్ఞతలు తెలిపారు.
Featured News
Sorry, no posts matched your criteria.