India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News October 23, 2024
నవంబర్ 18 నుంచి అయోధ్యలో విశ్వశాంతి మహాయాగం
అయోధ్యలో శ్రీ మహానారాయణ దివ్య రుద్ర సహిత శత సహస్ర చండీ విశ్వశాంతి మహా యాగాన్ని నిర్వహిస్తున్నట్లు నిర్వహణ కమిటీ సభ్యులు తెలిపారు. ఈ యాగాన్ని నవంబర్ 18 నుంచి జనవరి 1 వరకు 45 రోజుల పాటు నిర్వహించనున్నట్లు పేర్కొన్నారు. పాల్గొనే వారు తమ పేరును నమోదు చేసుకోవాలని సూచించారు. వివరాలకు సెల్: 7780252277 సంప్రదించాలన్నారు.
News October 23, 2024
వజ్రపుకొత్తురు: నేవీ ఉద్యోగానికి గొర్రెల కాపరి కూతురు
వజ్రపుకొత్తూరు మండలం అనంతగిరి గ్రామానికి చెందిన బందాపు శ్రీనిధి ఇండియన్ నేవీ ఉద్యోగానికి ఎంపికైంది. మంగళవారం విడుదలైన NAVY SSR -2024 తుది ఫలితాల్లో నేవీ ఉద్యోగం సాధించింది. నవంబర్ 11వ తేదీన ఒడిశా రాష్ట్రంలోని చిలకనేవీ ట్రైనింగ్ సెంటర్‌లో రిపోర్టు చేయనున్నట్లు ఆమె తెలిపారు. కాగా, శ్రీనిధిని పలువురు అభినందిస్తున్నారు.
News October 23, 2024
శ్రీకాకుళం: ‘ప్రాణ, ఆస్తి నష్టం జరగకుండా చూడాలి’
బంగాళాఖాతంలో ఏర్పడిన ‘దానా’ తుఫాను పట్ల జిల్లా అధికారులు అప్రమత్తంగా ఉండాలని మంత్రి కింజ‌రాపు అచ్చెన్నాయుడు అధికారులను ఆదేశించారు. తుఫాను తీవ్రత నేపథ్యంలో ఈనెల 24 నుంచి జిల్లాలో భారీ వర్షాలు కురవనున్నాయని, వాతావ‌ర‌ణ శాఖ అధికారులు ప్ర‌క‌టించిన నేపథ్యంలో సముద్ర, తీర ప్రాంతాల్లో ప్రజలు అప్రమత్తంగా ఉండే విధంగా చర్యలు తీసుకోవాలని సూచించారు. ఎటువంటి ప్రాణ, ఆస్తి నష్టం జరగకుండా చూడాలన్నారు.
News October 23, 2024
నరసన్నపేట: కూటమి ప్రభుత్వంలో వరస అత్యాచారాలు
కూటమి ప్రభుత్వము రాష్ట్రంలో ఆటవిక పరిపాలనను కొనసాగిస్తోందని వైఎస్ఆర్సీపీ జిల్లా అధ్యక్షుడు, మాజీ డిప్యూటీ సీఎం ధర్మాన కృష్ణదాస్ ధ్వజమెత్తారు. మంగళవారం ఆయన ఒక ప్రకటన విడుదల చేస్తూ కూటమి ప్రభుత్వం ఏర్పడిన ఈ 120 రోజులలో దాదాపు 74 మంది యువతులు, బాలికలు, మహిళలపై అత్యాచారాలు, హత్యలు జరిగాయని, ఇంత ఘోరమైన పాలన చేస్తున్న వీరు ప్రజలు ఇచ్చిన అధికారాన్ని ప్రతీకార చర్యలకు వినియోగిస్తున్నారని దుయ్యబట్టారు.
News October 23, 2024
SKLM: ‘సాగునీటి సంఘాల ఎన్నికలకు సిద్ధంగా ఉండాలి’
శ్రీకాకుళం జిల్లాలో సాగునీటి సంఘాల ఎన్నికల ప్రక్రియ మొదలైనందున రెవెన్యూ, ఇరిగేషన్ అధికారులు సమన్వయంతో పనిచేసి ఈ నెల 31 నాటికి ఓటరు జాబితా తయారు చేయాలని కలెక్టర్ స్వప్నిల్ దినకర్ పుండ్కర్ ఆదేశించారు. కలెక్టరేట్ నుంచి ప్రతీవారం సమీక్షలో భాగంగా వీడియో కాన్ఫెరెన్స్ ద్వారా సంబంధిత అధికారులతో మంగళవారం మాట్లాడుతూ.. సాగు నీటి సంఘాల ఎన్నికల అంశంలో కిందిస్థాయి సిబ్బందికి ఆర్డీవోలు తగు శిక్షణ ఇవ్వాలన్నారు.
News October 22, 2024
శ్రీకాకుళం: ప్రాజెక్టు పనులు పూర్తి చేసేందుకు చర్యలు చేపట్టాలి
జిల్లాలో చేపడుతున్న ఆర్ అండ్ బి పనులు సత్వరమే పూర్తి చేసేందుకు చర్యలు తీసుకోవాలని R&B SEని జిల్లా కలెక్టర్ స్వప్నిల్ దినకర్ పుండ్కర్ ఆదేశించారు. జిల్లాలో నిర్మిస్తున్న వివిధ ప్రాజెక్టుల ప్రస్తుత పరిస్థితిపై సంబంధిత అధికారులతో కలెక్టర్ మందిరంలో JC ఫర్మాన్ అహ్మద్ ఖాన్‌తో కలిసి ఆయన మంగళవారం సమీక్షించారు. బిల్లులు పెండింగులో ఉంటే ఆ జాబితాను అందజేయాలని SE ని ఆదేశించారు.
News October 22, 2024
పలాసలో ఇంటర్ చదువుతున్న అక్కాచెల్లెళ్లపై గ్యాంగ్ రేప్
పలాసలో అక్కాచెల్లెళ్లైన ఇద్దరు ఇంటర్ విద్యార్థినులపై ముగ్గురు స్నేహితులు అత్యాచారానికి పాల్పడినట్లు పోలీసులకు ఫిర్యాదు అందింది. నిందితులైన ఆ యువకులు ఇంటర్ తప్పి ఖాళీగా తిరుగుతున్నారు. ఈనెల 19న వారిలో ఒకరి బర్త్డే కావడంతో అమ్మాయిలను నిందితులు పార్టీ పేరుతో తీసుకెళ్లి మద్యం కలిపిన కూల్‌డ్రింక్ తాగించి గ్యాంగ్ రేప్‌కు పాల్పడ్డారు. మరో బాలిక కూడా పార్టీకి వెళ్లగా ఆమె లైంగిక దాడి నుంచి తప్పించుకుంది.
News October 22, 2024
SKLM: పీజీ కోర్సుల్లో చేరేందుకు దరఖాస్తుకు నేడే లాస్ట్
శ్రీకాకుళం నగరంలో ఉన్న ప్రభుత్వ మహిళ కళాశాలలో పీజీ కోర్సుల్లో చేరేందుకు దరఖాస్తుల స్వీకరణ గడువు మంగళవారంతో ముగుస్తుంది. ఈ మేరకు అభ్యర్థులకు ఈనెల 17వ తేదీ నుంచి 22వ తేదీ వరకు పీజీ కోర్సుల్లో స్పాట్ అడ్మిషన్లకు దరఖాస్తులను స్వీకరిస్తున్నారు. MA, MSc కోర్సుల్లో ఖాళీలు ఉన్నట్లు ప్రిన్సిపల్ సూర్యచంద్రరావు తెలిపారు. కావున ఆసక్తి గల అభ్యర్థులు కళాశాలకు వచ్చి దరఖాస్తు చేసుకోవాలని ప్రిన్సిపల్ తెలిపారు.
News October 22, 2024
జి.సిగడాం: కేజీబీవీ విద్యార్థుల ఆచూకీ లభ్యం
జి.సిగడాంలో కేజీబీవీలో అదృశ్యమైన ఇద్దరు ఇంటర్ విద్యార్థినులు ఆమదాలవలస రైల్వే స్టేషన్‌లో దొరికినట్లు ఎస్సై మధుసూదన్ రావు తెలిపారు. ఆదివారం తెల్లవారుజామున 4 గంటల సమయంలో ఇద్దరు విద్యార్థులు హాస్టల్ నుంచి తప్పిపోయినట్లు గుర్తించారు. ఈ మేరకు అందిన సమాచారం ప్రకారం పోలీసులు గాలింపు ప్రారంభించారు. చివరికి ఆమదాలవలస రైల్వే స్టేషన్‌లో వారు దొరికారు. దీంతో విద్యార్థులు అదృశ్యం ఘటన సుఖాంతమైంది.
News October 22, 2024
శ్రీకాకుళం: ప్రశాంతంగా ముగిసిన టెట్ పరీక్షలు
జిల్లాలో టెట్ పరీక్షలు ప్రశాంతంగా ముగిశాయి. సుమారు 17 రోజుల పాటు రెండు సెషన్లలో జిల్లాలో మూడు కేంద్రాలు, ఒడిశా రాష్ట్రంలో మూడు కేంద్రాలలో ఈ పరీక్షలను నిర్వహించారు. శ్రీకాకుళం జిల్లాలో 16,185 మంది అభ్యర్థులు పరీక్షకు దరఖాస్తు చేసుకున్నట్లు ఎంఈఓ దాలినాయుడు తెలిపారు. ప్రాథమిక ‘కీ’ పై అభ్యర్థుల నుంచి అభ్యంతరాలను ఈ నెల 25 వరకు టెట్ వెబ్‌సైట్‌ https://aptet.apcfss.in/ ద్వారా స్వీకరించనున్నారు.
Featured News
Sorry, no posts matched your criteria.