India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News October 20, 2024
SKLM: కోర్టు కానిస్టేబుల్ విధులు కీలకం: ఎస్పీ
శిక్షలు శాతం పెరిగేందుకు కోర్టు కానిస్టేబుల్ విధులే కీలకమని జిల్లా ఎస్పీ కె.వి.మహేశ్వరరెడ్డి పేర్కొన్నారు. ఆదివారం ఎస్పీ కార్యాలయంలో కోర్టు కేసులు, హాజరు పరచడం, కేసు అభియోగ పత్రాలు, ఇతర అంశాలపై సమీక్షా నిర్వహించారు. కోర్టు విధులలో భాగంగా ప్రతి ఒక్కరు బాధ్యత, అంకితభావంతో పని చేయాలని ఎస్పీ సూచించారు. ఎస్పీ వెంట ఎస్ఐ పారినాయుడు ఉన్నారు.
News October 20, 2024
టెక్కలిలో దివ్వెల మాధురికి నోటీసులు
టెక్కలిలో ఎమ్మెల్సీ దువ్వాడ శ్రీనివాస్ సన్నిహితురాలు దివ్వెల మాధురికి ఆదివారం తిరుపతి పోలీసులు నోటీసులు అందించారు. తిరుమల మాడ వీధుల్లో ఫొటో షూట్, రీల్స్ చేశారని టీటీడీ అధికారులు ఇచ్చిన ఫిర్యాదు మేరకు కొద్ది రోజుల క్రితం తిరుపతి పోలీసులు మాధురిపై కేసు నమోదు చేశారు. ఈ మేరకు ఆదివారం టెక్కలిలో మాధురికి నోటీసులు అందించారు. దీంతో దువ్వాడ శ్రీనివాస్, మాధురి అంశం మరలా చర్చనీయాంశంగా మారింది.
News October 20, 2024
నేడు జిల్లా జూనియర్స్ ఖోఖో జట్ల ఎంపిక
జిల్లా జూనియర్స్ బాలబాలికల ఖోఖో జట్ల ఎంపికలు ఆదివారం జరగనున్నాయని జిల్లా ఖోఖో అసోసియేషన్ శ్రీకాకుళం అధ్యక్షుడు నాగభూషణం తెలిపారు. శ్రీకాకుళం ఆర్ట్స్ కళాశాల మైదాన వేదికగా ఉదయం 9 గంటల నుంచి ఎంపికలు మొదలవుతాయని పేర్కొన్నారు. క్రీడాకారుల ఇండెక్స్ వయస్సు, బరువు, ఎత్తు కలిపి మొత్తం 250పాయింట్లు ఉండాలన్నారు. ఎంపికైన వారికి ఈ నెల 25న రాష్ట్రస్థాయి పోటీలకు పంపనున్నట్లు చెప్పారు.
News October 20, 2024
పోలాకి: మత్స్యకారులు వేటకు వెళ్లకూడదు
తీర ప్రాంతాలు మత్స్యకారులు వేటకు వెళ్ళకూడదని ZP సీఈవో శ్రీధర్ రాజు సూచించారు. శనివారం పోలాకి మండలంలోని రామన్ కొత్త రేవు, DL పురం, గుప్పిడిపేట తదితర గ్రామ తీర ప్రాంతాలలో ఆయన పర్యటించారు. అల్పపీడన ద్రోణి ప్రభావంతో ప్రజలు అప్రమత్తంగా ఉండాలని సూచించారు. వర్షాలు అధికంగా కురిసే అవకాశం ఉందని జాగ్రత్తలు తీసుకోవాలని ముందస్తుగా హెచ్చరించారు.
News October 20, 2024
శ్రీకాకుళం: జాబ్ కార్డు మంజూరుపై ప్రత్యేక దృష్టి సారించండి
జాబ్ కార్డు మంజూరుపై ప్రత్యేక దృష్టి సారించాలని, అర్హత ఉన్న వారికి జాబ్ కార్డు మంజూరు కాలేదని ఫిర్యాదులు వస్తే ఉపేక్షించేది లేదని కలెక్టర్ స్వప్నిల్ దినకర్ పుండ్కర్ అన్నారు. శనివారం కలెక్టరేట్ మందిరంలో మహాత్మా గాంధీ జాతీయ గ్రామీణ ఉపాధి హామీ పథకం అమలు తదితర అంశాలపై అధికారులతో సమీక్షా సమావేశం నిర్వహించారు. జాబ్ కార్డులు మంజూరులో ఫిర్యాదులు వస్తే ఏపీఓపై క్రమశిక్షణా చర్యలు తీసుకుంటామన్నారు.
News October 19, 2024
SKLM: నవంబర్ 6 వరకు ఉపాధ్యాయ ఓటర్ల నమోదు
ఉత్తరాంధ్ర ఉమ్మడి జిల్లాల ఉపాధ్యాయ ఎమ్మెల్సీ ఎన్నికల నేపథ్యంలో అర్హులైన ఉపాధ్యాయులందరూ ఓటు నమోదుకు దరఖాస్తు చేసుకోవాలని జిల్లా రెవెన్యూ అధికారి అప్పారావు సూచించారు. ఎన్నికల కమిషన్‌ నిబంధనలను అనుసరించి సెప్టెంబరు 30వ తేదీన నోటిఫికేషన్‌ వెలువడిందని, అదే రోజు నుంచి ఓటు నమోదు ప్రక్రియ ప్రారంభమైందని తెలిపారు. నవంబర్ 6వ తేదీన ఓటర్‌గా నమోదుకు చివరి తేదీగా నిర్ణయించామని స్పష్టం చేశారు.
News October 19, 2024
SKLM: ఒక్కో ఇంటికి ఒక ఉద్యోగం అవకాశం ఇవ్వాలి- MLA
అణు విద్యుత్ కేంద్రం నిర్మాణం పూర్తి అయితే ఒక్కో ఇంటికి ఒక ఉద్యోగం అవకాశం కల్పించాలని ఎచ్చెర్ల MLA ఈశ్వరరావు కలెక్టర్ స్వప్నిల్ దినకర్ పుండ్కర్‌ను కోరారు. శనివారం కలెక్టరేట్‌లో కొవ్వాడ అణువిద్యుత్ కేంద్రం అధికారులతో సమావేశం నిర్వహించారు. కాలనీల్లో షాపింగ్ కాంప్లెక్స్, సచివాలయాలు, ప్రాథమిక పాఠశాలలు అంగన్వాడీ కేంద్రాలు, డిజిటల్ లైబ్రరీ, సైక్లోన్ సెంటర్, బస్సు షెల్టర్, పోస్టాఫీసు ఏర్పాటు చేయాలన్నారు.
News October 19, 2024
SKLM: పథకాలు లబ్ధిదారులకు శతశాతం అందజేయాలి
ప్రధానమంత్రి మత్స్య సంపద యోజన పథకాలు లబ్ధిదారులకు శతశాతం అందజేసేలా ప్రణాళికలు రూపొందించుకోవాలని జిల్లా కలెక్టర్ స్వప్నిల్ దినకర్ పుండ్కర్ అన్నారు. శనివారం జిల్లా కలెక్టరేట్ మందిరంలో ప్రధానమంత్రి మత్స్య సంపద యోజన జిల్లా స్థాయిలో సంబంధిత శాఖల అధికారులతో నిర్వహించారు. లబ్ధిదారులకు శతశాతం అందజేసేందుకు ముందస్తు ప్రణాళికలు రూపొందించుకోవాలన్నారు.
News October 19, 2024
SKLM: ఈ నెల 21 నుంచి అమర వీరుల స్మారకోత్సవాలు
ప్రతీ ఏటా నిర్వహించే పోలీసు అమర వీరుల స్మారకోత్సవాలు సోమవారం నుంచి అట్టహాసంగా ప్రారంభమవుతున్నాయని జిల్లా ఎస్పీ కెవి మహేశ్వర రెడ్డి శనివారం ఒక ప్రకటనలో తెలిపారు. విధి నిర్వహణలో అమరులైన పోలీసుల సేవలను, త్యాగాలను కొనియాడుతూ ఈ స్మారకోత్సవాలను ఘనంగా నిర్వహించేందుకు జిల్లా పోలీసుశాఖ సిద్ధమయ్యిందన్నారు. ఈనెల 21 నుంచి 31 వరకు జిల్లా వ్యాప్తంగా అన్ని పోలీసు స్టేషన్లలో స్మారకోత్సవాలు నిర్వహిస్తామన్నారు.
News October 19, 2024
జలుమూరు: 45రోజులు వెలిగే ఆకాశదీపం గురించి తెలుసా.?
కార్తికమాసం ప్రారంభానికి 15రోజుల ముందు జలుమూరు మండలం శ్రీముఖలింగేశ్వరస్వామి ఆలయంలో ఆకాశ దీపం వెలిగిస్తారు. ఒడిశా రాజులు నిర్మించిన దేవాలయం కావడంతో ఆ సంప్రదాయం ప్రకారం.. శుక్రవారం ఇక్కడ దీపం వెలిగించారు. అప్పటి సంప్రదాయాలను కొనసాగిస్తున్నామని, ఆశ్వయుజ మాసం పౌర్ణమి మరుసటి రోజు నుంచి కార్తిక మాసం చివరి వరకు 45రోజులు దీపం వెలిగిస్తామని అర్చకులు చెప్పారు. ఈ దీపం గురించి మీకు తెలిస్తే కామెంట్ చేయండి.
Featured News
Sorry, no posts matched your criteria.