India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News September 27, 2024
World Tourism Day: శ్రీకాకుళం జిల్లాలో మీకు నచ్చిన స్పాట్ ఏది?
శ్రీకాకుళం జిల్లాలో పురాతన ఆలయాలు, బీచ్ లు పర్యాటకులను ఆకర్షిస్తున్నాయి. ముఖ్యంగా ఇక్కడ అరసవిల్లి, తేలినీలాపురం పక్షి సంరక్షణా కేంద్రం, దంతపురి, శ్రీముఖలింగంతో పాటు పలు ప్రాంతాలు ప్రత్యేక స్థానం సంపాదించుకున్నాయి. వీటితో పాటు కళింగపట్నం , భావనపాడు,బారువ బీచ్‌లు ఉల్లాసంగా గడిపేందుకు తోడ్పాటునిస్తున్నాయి. మరి మీకు ఇష్టమైన స్పాట్ ఏంటో కామెంట్ చెయ్యండి.
News September 27, 2024
సారవకోటలో బాలికపై అత్యాచారం.. కేసు నమోదు
సారవకోట మండలంలోని ఓ గ్రామానికి చెందిన బాలికపై అదే గ్రామానికి చెందిన యువకుడు హేమసుందరావు అత్యాచారానికి పాల్పడ్డాడని ఆమె తల్లి ఇచ్చిన ఫిర్యాదు మేరకు గురువారం కేసు నమోదు చేసినట్టు ఎస్ఐ అనిల్ కుమార్ తెలిపారు. ఆ బాలిక 9వ తరగతి చదువుతుండగా.. మాయమాటలు చెప్పి అత్యాచారానికి పాల్పడినట్టు బాలిక తల్లి ఫిర్యాదులో పేర్కొందన్నారు. ఈ ఘటనపై దర్యాప్తు చేస్తున్నట్టు ఎస్ఐ తెలిపారు.
News September 27, 2024
శ్రీకాకుళం: ‘ముద్దాయిలకు ఉచిత న్యాయ సేవలు’
శ్రీకాకుళం కారగరంలో ముద్దాయిలకు న్యాయ అవగాహన సదస్సును గురువారం నిర్వహించామని జిల్లా ప్రధాన న్యాయమూర్తి జునైద్ అహ్మద్ మౌలానా తెలిపారు. జైలు ముద్దాయిలకు ఉచిత న్యాయసేవలు అందిస్తామని తెలిపారు. ఈ అవకాశాన్ని ముద్దాయిలు సద్వినియోగం చేసుకోవాలని కోరారు. కేసులు విషయంలో రాజీ చేసుకోవడానికి ప్రయత్నం చేయాలని అవగాహన కల్పించారు. రాజియే రాజమార్గం అన్నారు. సంబంధిత సిబ్బంది పాల్గొన్నారు.
News September 26, 2024
పోలీసుల సమస్యలు పరిష్కరిస్తాం: ఎస్పీ
జిల్లా పోలీసు సిబ్బంది సంక్షేమానికి ప్రాధాన్యత ఇస్తూ వారి సమస్యల పరిష్కారం కోసం గురువారం శ్రీకాకుళం జిల్లా పోలీసు కార్యాలయంలో ఎస్పీ మహేశ్వరరెడ్డి పోలీసు గ్రీవెన్స్ డే నిర్వహించారు. ఈ క్రమంలో జిల్లాలో వివిధ పోలీస్ స్టేషన్‌లలో విధులు నిర్వర్తిస్తున్న 32 మంది పోలీసులు వారి వ్యక్తిగత, ఉద్యోగ సమస్యలను ఎస్పీకి తెలియజేశారు. ఎస్పీ సానుకూలంగా స్పందించి సమస్యలు పరిష్కరిస్తామని భరోసా ఇచ్చారు.
News September 26, 2024
తిరుమలకు జీడిపప్పు వాహనాన్ని ప్రారంభించిన మంత్రి
పవిత్ర టీటీడీ లడ్డూ ప్రసాదం తయారీ కోసం గురువారం నుంచి నాణ్యమైన జీడిపప్పు పలాస నుంచి వెళ్తుందని మంత్రి అచ్చెన్నాయుడు అన్నారు. ఈ మేరకు ఎంపీ, ఎమ్మెల్యేలతో వాహనానికి ప్రత్యేక పూజలు చేసి ప్రారంభించారు. దాదాపు 40 సంవత్సరాల తర్వాత శ్రీకాకుళం జిల్లా నుంచి జీడిపప్పు పంపిణీ చేస్తున్నామన్నారు.
News September 26, 2024
తిరుమల శ్రీవారికి నేటి నుంచి పలాస జీడిపప్పు
తిరుమల శ్రీవారి లడ్డూ ప్రసాదానికి పలాస ఇండస్ట్రియల్ పార్క్‌లో ఉన్న జీడి పరిశ్రమ నుంచి జీడిపప్పు గురువారం తరలించనున్నారు. మధ్యాహ్నం 12 గంటలకు మంత్రి అచ్చెన్న, ఎమ్మెల్యే గౌతు శిరీషా జీడిపప్పు కంటైనర్‌కు జెండా ఊపి ప్రారంభించనున్నారు. సుమారు 40 సంవత్సరాల తర్వాత పలాస నుంచి శ్రీనివాసుని చెంతకు జీడిపప్పు రవాణా కానుందని వారు తెలిపారు.
News September 26, 2024
శ్రీకాకుళం: ప్రయాణికుల రద్దీ మేరకు ప్రత్యేక రైళ్లు
పలాస, శ్రీకాకుళం రోడ్ మీదుగా ప్రయాణించే వారికి పండుగ రద్దీ దృష్ట్యా భువనేశ్వర్, యశ్వంత్‌పూర్ మధ్య ప్రత్యేక రైళ్లను నడపనున్నట్లు బుధవారం రైల్వే అధికారులు తెలిపారు. ఈ మేరకు 02811 BBS- YPR రైలును అక్టోబర్ 5 నుంచి నవంబర్ 30 వరకు ప్రతి శనివారం, 02812 YPR- BBS రైలును అక్టోబర్ 7 నుంచి డిసెంబర్ 2 వరకు ప్రతి సోమవారం నడుపుతామని రైల్వే వర్గాలు పేర్కొన్నాయి.
News September 25, 2024
శ్రీకాకుళం ఘటనపై మంత్రి లోకేశ్ దిగ్భ్రాంతి
శ్రీకాకుళం జిల్లా పాతర్లపల్లి హైస్కూల్లో జరిగిన ఘటనపై మంత్రి లోకేశ్ స్పందించారు. ‘వైసీపీ హయాంలో నిర్మించి అసంపూర్తిగా వదిలేసిన పాఠశాల భవనం సన్ షేడ్ కూలి విద్యార్థి కృష్ణంరాజు మృతి, మరో విద్యార్థి గాయపడటం నన్ను తీవ్ర దిగ్భ్రాంతికి గురి చేసింది. పాఠశాలల్లో ఇలాంటి ప్రమాదాలు జరగకుండా చర్యలు తీసుకుంటాం. విద్యార్థి కుటుంబాన్ని ఆదుకుంటాం’ అని ఆయన ట్వీట్ చేశారు.
News September 25, 2024
శ్రీకాకుళం జిల్లాలో విషాదం
శ్రీకాకుళం జిల్లాలో విషాద ఘటన జరిగింది. రణస్థలం మండలంలోని పాతర్లపల్లి జడ్పీ పాఠశాలలో పైకప్పు పెచ్చులూడి విద్యార్థి మృతి చెందారు. ఈ ఘటనపై పూర్తి వివరాలు తెలియాల్సి ఉంది.
News September 25, 2024
శ్రీకాకుళం: రైలు ప్రయాణికులకు ముఖ్య గమనిక
ఇచ్చాపురం, సోంపేట, పలాస, శ్రీకాకుళం మీదుగా ప్రయాణించే కోణార్క్ ఎక్స్‌ప్రెస్‌కు 2 రోజులపాటు వికారాబాద్(TG)లో స్టాప్ ఇచ్చామని రైల్వే అధికారులు తెలిపారు. వికారాబాద్ సమీపంలోని కణ్హ శాంతివనంలో ఆధ్యాత్మిక అంతర్జాతీయ సమావేశాలు జరుగుతున్నందున ఈ నెల 29, 30వ తేదీలలో నంబర్11020 భువనేశ్వర్- CST ముంబై మధ్య ప్రయాణించే కోణార్క్ ఎక్స్‌ప్రెస్‌ వికారాబాద్‌లో ఆగుతుందన్నారు.
Featured News
Sorry, no posts matched your criteria.