India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News August 30, 2024
విశాఖ: నేడు పాఠశాలలను సందర్శించనున్న మంత్రి లోకేశ్
రాష్ట్ర విద్యాశాఖ మంత్రి నారా లోకేవ్ తన పర్యటనలో భాగంగా శుక్రవారం విశాఖ జిల్లాలోని నాలుగు పాఠశాలలను సందర్శించనున్నారు. పాఠశాలల భవనాల స్థితిగతులు, మధ్యాహ్న భోజన పథకం అమలు, విద్యాబోధన తదితర అంశాలను ఆయన పరిశీలించనున్నారు. ఉదయం 10 గంటల నుంచి మంత్రి పర్యటన ప్రారంభం అవుతుందని పార్టీ నాయకులు తెలిపారు. మధ్యాహ్నం రెండు గంటల నుంచి నగర పార్టీ కార్యాలయంలో నాయకులు కార్యకర్తలను కలుస్తారు.
News August 30, 2024
విశాఖ: గణేశ్ ఉత్సవాల నిర్వాహకులకు అలర్ట్
వినాయక చవితి సందర్భాన్ని పురస్కరించుకుని ప్రజల సౌకర్యార్థం ప్రభుత్వం ఈ ఏడాది సింగిల్ విండో సిస్టమ్‌ను తీసుకువచ్చింది. విశాఖలో హోంమంత్రి వంగలపూడి అనిత, నగర పోలీస్ కమిషనర్ శంఖబ్రత భాగ్చీకి ఈ విధానాన్ని గురువారం ప్రారంభించారు. ఈ విధానంలో ఆన్‌లైన్‌లో దరఖాస్తు చేసుకుంటే మండపాల ఏర్పాటుకు అనుమతులు మంజూరు చేస్తారు. గతంలో అన్ని శాఖల నుంచి ఎన్‌ఓ‌సీ తీసుకోవాల్సి వచ్చేది.
News August 30, 2024
త్రివిధ దళాల్లో అనుశక్తి మరింత బలోవపేతం: కేంద్ర మంత్రి
వివిధ దళాల్లో అను శక్తి మరింత బలోపేతం చేయనున్నట్లు కేంద్ర రక్షణ శాఖ మంత్రి రాజ్‌నాథ్ సింగ్ వెల్లడించారు. గురువారం ఆయన INS హరి ఘాత అనే జలాంతర్గామిని జాతికి అంకితం చేశారు. ఈ సందర్భంగా మాట్లాడుతూ.. సాంకేతిక వ్యవస్థలను మన శక్తి సామర్థ్యాలను శాస్త్రవేత్తల ప్రతిభకు నిదర్శనంగా నిలిచిందని అన్నారు. ఈ జలాంతర్గామి దేశం సాధించిన మరో ప్రగతి అని ప్రశంసించారు.
News August 29, 2024
విశాఖ: రైళ్లకు తాత్కాలిక అదనపు కోచ్‌లు పెంపు
ప్రయాణీకులకు సౌకర్యవంతమైన ప్రయాణాన్ని అందించడానికి అదనపు కోచ్‌లతో రైళ్లను పెంచామని వాల్తేర్ డీసీఎం కె.సందీప్ కుమార్ తెలిపారు. సంబల్పూర్-నాందేడ్ సూపర్-ఫాస్ట్ ఎక్స్‌ప్రెస్ సెప్టెంబర్ 1 నుంచి 30 వరకు, నాందేడ్- సంబల్పూర్ సెప్టెంబర్ 2 నుంచి అక్టోబర్ 1 వరకు, సంబల్పూర్-ఈరోడ్ స్పెషల్ ఎక్స్‌ప్రెస్ సెప్టెంబర్ 4 నుంచి సెప్టెంబర్ 25 వరకు కేటాయించిన రోజుల్లో ఒక 3rd AC కోచ్, ఒక స్లీపర్ కోచ్ పెంచినట్టు తెలిపారు.
News August 29, 2024
100 బిలియన్ ఎకానమీగా విశాఖను అభివృద్ధి చేస్తాం: మంత్రి లోకేశ్
మెరుగైన ఐటీ పాలసీతో ప్రఖ్యాత ఐటీ పరిశ్రమలను ఏపీకి రప్పిస్తామని మంత్రి లోకేశ్ వెల్లడించారు. గురువారం ఆయన ఓ హోటల్‌లో ఐటీ ప్రముఖులతో సమావేశమయ్యారు. 100 బిలియన్ ఎకానమీగా విశాఖ మహానగరాన్ని అభివృద్ధి చేస్తామన్నారు. గ్రీన్ ఛానల్ ద్వారా ఐటీ పరిశ్రమలకు రాయితీలను అందజేస్తామన్నారు. ఐటీలో ఎంత ఎక్కువ ఉద్యోగాలిస్తే అంత మెరుగైన ప్రోత్సాహకాలు అందజేయనున్నట్లు వెల్లడించారు. ఐటీ పరిశ్రమలు సహకరించాలని కోరారు.
News August 29, 2024
విచారణ కోసం మహిళా అధికారిని నియమించాం: హోంమంత్రి అనిత
ముంబై నటి జత్వాని కేసుపై హోంమంత్రి వంగలపూడి అనిత స్పందించారు. గురువారం విలేకరుల సమావేశంలో ఈ అంశాన్ని ప్రస్తావించారు. బాధితురాలు ఆన్‌లైన్‌లో ఫిర్యాదు చేసినట్లు ఆమె వివరించారు. విచారణ కోసం మహిళా అధికారిని నియమించినట్లు మంత్రి ప్రకటించారు. తప్పుచేస్తే అధికారులతో సహా ఎవరిని వదిలిపెట్టేది లేదన్నారు. బాధితురాలికి న్యాయం చేస్తామన్నారు. దిశ పీఎస్‌లను మహిళా పీఎస్‌లుగా వినియోగిస్తామన్నారు.
News August 29, 2024
వినాయక చవితి వేడుకల అనుమతులపై హోంమంత్రి సమీక్ష
వినాయక చవితి ఉత్సవాల అనుమతిపై గురువారం హోంమంత్రి వంగలపూడి అనిత సమీక్ష నిర్వహించారు. వినాయక చవితి ఉత్సవాలకు సింగిల్ విండో విధానంలో అనుమతులు ఇస్తున్నట్లు వివరించారు. మొబైల్ నుంచి https://ganeshutsav.net/ ద్వారా ఉత్సవాలకు అనుమతులు పొందవచ్చునని వివరించారు. శుక్రవారం నుంచి యాప్ అందుబాటులోకి వస్తుందని, ఉత్సవాలకు సంబంధించి వివరాలు పెట్టిన తరువాత అన్ని విభాగాల అధికారులు పరిశీలిస్తారన్నారు.
News August 29, 2024
విశాఖ: పలు రైళ్లను రద్దు చేసిన రైల్వే అధికారులు
వివిధ కారణాలతో పలు రైళ్లను రద్దు చేసినట్లు వాల్తేరు రైల్వే డివిజన్ డీసీఎం కె.సందీప్ తెలిపారు. ఎంజీఆర్ చెన్నై సెంట్రల్ -భువనేశ్వర్ స్పెషల్ ఎక్స్‌ప్రెస్ వచ్చే నెల 2, 9 తేదీల్లో రద్దు చేసినట్లు పేర్కొన్నారు. భువనేశ్వర్-ఎంజీఆర్ చెన్నై సెంట్రల్ స్పెషల్ ఎక్స్‌ప్రెస్‌ను వచ్చే నెల 3,10 తేదీల్లో రద్దు చేసినట్లు తెలిపారు. నేడు బయలుదేరే ఒఖ-పూరీ వీక్లీ స్పెషల్ ఎక్స్‌ప్రెస్‌ను కూడా రద్దు చేసినట్లు తెలిపారు.
News August 29, 2024
వైసీపీలో జగన్ తప్ప ఎవరూ మిగలరు: గంటా
వైసీపీలో జగన్ తప్ప ఎవరూ మిగిలేటట్లు లేరని భీమిలి ఎమ్మెల్యే గంటా శ్రీనివాసరావు అన్నారు. గాజువాక ఎమ్మెల్యే పల్లా శ్రీనివాసరావు నివాసంలో గురువారం గంటా మాట్లాడుతూ… వైసీపీలో ఈ పరిస్థితికి కారణం జగన్మోహన్ రెడ్డే అని వ్యాఖ్యానించారు. వైసీపీ మునిగిపోయే నావ అన్నారు. ఈ విషయాన్ని ముందే చెప్పానన్నారు. రాజీనామా చేసి టీడీపీలో చేరతామంటే స్వాగతిస్తామన్నారు.
News August 29, 2024
విశాఖలో మంత్రి లోకేశ్‌తో ఎమ్మెల్యేలు భేటీ
విశాఖ టీడీపీ కార్యాలయంలో పలువురు ఎమ్మెల్యేలు రాష్ట్ర విద్యాశాఖ మంత్రి నారా లోకేశ్‌తో భేటీ అయ్యారు. గాజువాక ఎమ్మెల్యే పి.శ్రీనివాసరావు, భీమిలి ఎమ్మెల్యే గంటా శ్రీనివాసరావు, పెందుర్తి ఎమ్మెల్యే పంచకర్ల రమేశ్ బాబు, మాడుగుల ఎమ్మెల్యే బండారు సత్యనారాయణమూర్తి, విశాఖ ఉత్తర ఎమ్మెల్యే విష్ణుకుమార్ రాజు, విశాఖ జిల్లా టీడీపీ అధ్యక్షుడు గండి బాబ్జి తదితరులు లోకేశ్‌ను కలిసిన వారిలో ఉన్నారు.
Featured News
Sorry, no posts matched your criteria.