India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News August 8, 2025
వినాయకచవితికి ఆంక్షలు: CP
వినాయకచవితి సందర్భంగా భద్రతపై నగర పోలీసులు కట్టుదిట్టమైన చర్యలు చేపట్టనున్నారు. ఇందుకు సంబంధించి గురువారం పోలీస్ కమిషనరేట్ హాల్లో CP శంఖబ్రత బాగ్చీ నిర్వహణ కమిటీలతో భేటీ అయ్యారు. మండపాల ఏర్పాట్లకు ముందు విద్యుత్, అగ్నిప్రమాద నివారణ చర్యలు, నిమజ్జన మార్గాలు, లౌడ్ స్పీకర్ పరిమితులు, DJ నిషేధం, సీసీటీవీ నిఘా, అనుమానాస్పద వ్యక్తులపై అప్రమత్తత, ఫేక్ న్యూస్ నివారణపై స్పష్టమైన మార్గదర్శకాలు జారీ చేశారు.
News August 7, 2025
మాస్ట‌ర్ ప్లాన్ రోడ్ల అభివృద్ధి ప్ర‌క్రియ‌ను వేగవంతం చేయాలి: కలెక్టర్
విశాఖలో మాస్ట‌ర్ ప్లాన్ రోడ్ల అభివృద్ధి ప్ర‌క్రియ‌ను వేగవంతం చేయాలని కలెక్టర్ హరేంధిర ప్రసాద్ పేర్కొన్నారు. అన్ని ర‌కాల సాంకేతిక అంశాలను, టెండ‌ర్ల ప్ర‌క్రియ‌ల‌ను త్వ‌రిత‌గిన పూర్తి చేయాలన్నారు. గురువారం త‌న ఛాంబ‌ర్లో స‌మావేశం నిర్వ‌హించారు. VMRDA పరిధిలో చేప‌ట్టాల్సిన 25 మాస్ట‌ర్ ప్లాన్ రోడ్ల‌పై స‌మీక్షించారు. 2026 జూన్, జూలై నాటికి రోడ్లు అందుబాటులోకి వ‌చ్చేలా చర్యలు చేపట్టాలన్నారు.
News August 7, 2025
గ్యాస్ సిలిండర్ పేలుడు ప్రమాద బాధితులు వీరే..
విశాఖ ఫిషింగ్ హార్బర్ సమీపంలో వెల్డింగ్ దుకాణంలో గ్యాస్ సిలిండర్ పేలుడు ప్రమాదంలో నలుగురు తీవ్రంగా గాయపడి కేజీహెచ్ క్యాజువాలిటీలో చికిత్స పొందుతున్నారు. వారి వివరాలు: బుక్క వీధి ఫిషింగ్ హార్బర్ ఏరియాకి చెందిన చింతకాయల ముత్యాలు (27), మిథిలాపురి వుడా కాలనీకి చెందిన ఎర్ర ఎల్లాజీ (45), రాజీవ్ నగర్‌కి చెందిన టి.సన్యాసిరావు(46), చంగల్ రావు పేటకు చెందిన ఇప్పిలి రంగారావు (53).
News August 7, 2025
సౌత్ కోస్ట్ రైల్వే జోన్ ప్రారంభం కోసం ఎంపీ శ్రీభరత్ విజ్ఞప్తి
విశాఖ ఎంపీ శ్రీభరత్ కేంద్ర రైల్వే మంత్రి అశ్విని వైష్ణవ్‌ను గురువారం కలిశారు. విజయదశమి నాటికి సౌత్ కోస్ట్ రైల్వేజోన్ కార్యాలయాన్ని పూర్తి స్థాయిలో ప్రారంభించేలా గెజిట్ నోటిఫికేషన్ విడుదల చేయాలని విజ్ఞప్తి చేశారు. తిరుపతి ఎక్స్‌ప్రెస్, బెంగళూరు వందే భారత్ స్లీపర్, హైదరాబాద్ రాత్రి ఎక్స్‌ప్రెస్‌లను విశాఖ నుంచి ప్రారంభించాలని సూచించారు. ఉత్తరాంధ్ర అభివృద్ధికి ఇది మద్దతు ఇస్తుందన్నారు.
News August 7, 2025
ఈనెల నుంచి దీపం మూడో విడత సిలిండర్ల పంపిణీ: జేసీ
దీపం-2 పథకం కింద 3వ విడత గ్యాస్ సిలిండర్ల పంపిణీ ఈనెల 1వ తేదీ నంచి ప్రారంభమైందని జాయింట్ కలెక్టర్ మయూర్ అశోక్ తెలిపారు. మొదటి విడత 2024 అక్టోబర్ 31 నుంచి 2025 మార్చి 31 వరకు 3,71,481 మందికి అందగా.. రెండో విడత 2025 ఏప్రిల్ 1 నుంచి 2025 జూలై 31 వరకు మొత్తం 3,58,380 మందికి అందజేశామని తెలిపారు. మొదటి విడత రూ.29,36,48,156, రెండో విడత రూ.29,95,63,633 నగదు లబ్ధిదారుల ఖాతాల్లో జమచేశామన్నారు.
News August 7, 2025
భూ సేకరణ వేగవంతం చేయండి: కలెక్టర్
మెట్రో రైల్, రైల్వేలైన్ విస్తరణ, గ్యాస్ పైప్‌లైన్ ప్రాజెక్టులకు భూ సేకరణ వేగవంతం చెయ్యాలని కలెక్టర్ హరేంధిర ప్రసాద్ రెవెన్యూ అధికారులను ఆదేశించారు. గురువారం విశాఖ కలక్టరేట్‌లో సమీక్ష చేసి మార్గదర్శకాలు జారీచేశారు. ప్రాజెక్టులకు భూసేకరణ చేయడంతోపాటు, పరిహారం కూడా త్వరగా అందించాలని సూచించారు. విశాఖ మెట్రో రైలు ప్రాజెక్ట్ ఫేజ్-1లో మూడు కారిడార్లలో పనులకు సంబంధించి ప్రక్రియ వేగవంతం చేయాలన్నారు.
News August 7, 2025
విశాఖలో నిపర్, CGHS కేంద్రాల కోసం ఎంపీ శ్రీభరత్ వినతిపత్రం
విశాఖలో ఫార్మాస్యూటికల్ విద్య, పరిశోధన, ఆరోగ్య సేవల అభివృద్ధికి నిపర్ ఏర్పాటు అవసరమని కోరుతూ ఎంపీ శ్రీభరత్ కేంద్ర ఆరోగ్య మంత్రి జేపీ నడ్డాను ఢిల్లీలో కలిశారు. విద్యా-పరిశ్రమల అనుసంధానం, పరిశోధన, ఉద్యోగావకాశాలకు ఇది దోహదపడుతుందని వివరించారు. అలాగే కేంద్ర ఉద్యోగుల కోసం రెండు CGHS వెల్నెస్ సెంటర్లు, డైరెక్టరేట్ కార్యాలయాల ఏర్పాటుకు విజ్ఞప్తి చేశారు.
News August 7, 2025
విశాఖ: లూజ్‌లో పెట్రోల్ అమ్మకాలు
విశాఖలోని పలు పెట్రోల్ బంకులు నిబంధనలకు తూట్లు పొడుస్తున్నాయి. డైరీ ఫారం సమీపంలోని ఓ బంక్‌లో లూజు పెట్రోల్ అమ్ముతున్నారు. దీంతో కల్తీ పెట్రోల్ అమ్మకాలతో పాటు నేరాల చేసేందుకు ఆస్కారం ఉంది. అధికారులు స్పందించి లూజ్ విక్రయాలు నివారించాలని ప్రజలు కోరుతున్నారు.
News August 7, 2025
బక్కన్నపాలెంలో 22.64 ఎకరాలు కేటాయించాం: విశాఖ ఎంపీ
కేంద్ర మంత్రి వీరేందర్ కుమార్‌ను ఎంపీ శ్రీభరత్ బుధవారం కలిసి డిసెబిలిటీ స్పోర్ట్స్ సెంటర్‌ పనులు వేగవంతం చేయాలని విజ్ఞప్తి చేశారు. గంభీరం భూమి అనువుకాదని, కొత్తగా బక్కన్నపాలెంలో 22.64 ఎకరాలు కేటాయించామని తెలిపారు. కేంద్ర-రాష్ట్ర అధికారులు పరిశీలించి ఆమోదించారని, త్వరితంగా అనుమతులు మంజూరు చేయాలని కోరారు. ఈ హబ్ దివ్యాంగ అథ్లెట్లకు శిక్షణా కేంద్రంగా మారుతుందని తెలిపారు.
News August 7, 2025
ఎయిర్పోర్ట్ పరిసరాల్లో శుభ్రతకు చర్యలు తీసుకోండి: కలెక్టర్
ఎయిర్పోర్ట్ పరిసరాల్లో అపరిశుభ్రత ఉండకూడదని, డ్రెయిన్లు సాఫీగా పని చేసేలా చూడాలని విశాఖ కలెక్టర్ హరేంధిర ప్రసాద్ సూచించారు. ట్రక్ పార్కింగ్ సమీపంలో ఆహారపు ప్యాకెట్లు వేయకుండా డ్రైవర్లకు అవగాహన కల్పించాలని, పక్షుల ఆకర్షణ నివారించాలన్నారు. పూడిక, చెత్తను తొలగించాలన్నారు. ఎయిర్పోర్ట్ డైరెక్టర్ పురషోత్తం పర్యావరణంపై గమనించిన సమస్యలను వివరించారు. అధికారుల సమన్వయంతో తగిన చర్యలు తీసుకోవాలని సూచించారు.
Featured News
Sorry, no posts matched your criteria.