India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News October 2, 2024
రాష్ట్రంలోనే విశాఖకు మొదటి స్థానం
స్వచ్ఛత హీ కార్యక్రమంలో విశాఖకు రాష్ట్రస్థాయిలోనే ప్రథమ స్థానం దక్కింది. సీఎం చంద్రబాబు చేతుల మీదుగా మచిలీపట్నంలో జరిగిన కార్యక్రమంలో జీవీఎంసీ కమిషనర్ సంపత్ కుమార్ అవార్డును అందుకున్నారు. గత నెల 17 నుంచి నేటి వరకు నాలుగు రకాలుగా స్వచ్ఛత హీ కార్యక్రమాలు నిర్వహించి ప్రజలను భాగస్వామ్యంతో విజయవంతమయ్యారని సీఎం కొనియాడారు. అవార్డు రావడంతో అధికారులు ఆనందం వ్యక్తంచేశారు.
News October 2, 2024
విధుల్లోకి విశాఖ ఉక్కు అవుట్ సోర్సింగ్ ఉద్యోగులు
ఇటీవల స్టీల్ ప్లాంట్ నుంచి తొలగించిన 4,000 మంది ఉద్యోగులను మళ్లీ విధుల్లోకి తీసుకోవాలంటూ ప్రభుత్వం ఆదేశించింది. ఈ మేరకు బుధవారం కార్మిక శాఖ అధికారి పేరిట ఒక ప్రకటన విడుదలైంది. ఇటీవల స్టీల్ ప్లాంట్ నుంచి తొలగించిన వారిని యథావిధిగా మళ్లీ విధుల్లోకి తీసుకోవాలని ఆ ప్రకటనలో అధికారి కోరారు. దీంతో కార్మికుల ఆందోళన కొంత మేరకు ఫలించింది.
News October 2, 2024
విశాఖ: హైకోర్టు ఆదేశాలతో రేషన్ డిపోల పునర్విభజనకు బ్రేక్
విశాఖ జిల్లాలో రేషన్ డిపోల పునర్విభజనకు హైకోర్టు ఆదేశాలతో బ్రేక్ పడింది. జిల్లాలో రేషన్ షాపుల సంఖ్యను పెంచాలని ప్రభుత్వం నిర్ణయం తీసుకుంది. ఈ మేరకు ఉత్తర్వులు జారీ చేసింది. జీవోను రద్దు చేయాలని రేషన్ డీలర్లు హైకోర్టును ఆశ్రయించారు. ప్రభుత్వ ఉత్తర్వుల అమలును నిలిపివేస్తూ హైకోర్టు ఆదేశాలు జారీ చేసినట్లు విశాఖ జిల్లా రేషన్ డీలర్ల సంఘం అధ్యక్షుడు పద్మనాభం తెలిపారు.
News October 2, 2024
విశాఖ జిల్లాలో 1,58,224 మందికి పెన్షన్ పంపిణీ
విశాఖ జిల్లాలో మంగళవారం సాయంత్రం వరకు 97.39 శాతం పెన్షన్ లబ్ధిదారులకు అందజేసినట్లు డీఆర్డీఏ అధికారులు తెలిపారు. ఉదయం 6 గంటల నుంచి సాయంత్రం వరకు 1,58,244 మందికి పెన్షన్ పంపిణీ చేశారు. ఈ కార్యక్రమంలో ఉద్యోగులు, కూటమి నాయకులు, అధికారులు పాల్గొన్నారు. బుధవారం గాంధీ జయంతి సందర్భంగా సెలవు కావడంతో 3వ తేదీన మిగిలిన లబ్ధిదారులకు పెన్షన్ నగదును పంపిణీ చేస్తామని అధికారులు తెలిపారు.
News October 1, 2024
తొలగించిన కాంట్రాక్ట్ కార్మికుల్ని తీసుకుంటాం: స్టీల్ ప్లాంట్ అధికారులు
విశాఖ స్టీల్ ప్లాంట్ ED ఆఫీస్ దగ్గర కాంట్రాక్ట్ కార్మికులు చేస్తున్న ధర్నాకి యాజమాన్యం దిగొచ్చింది. తొలగించిన 4290 మంది కాంట్రాక్ట్ కార్మికులకు బయోమెట్రిక్ గేట్ పాసులు యథావిధిగా కొనసాగిస్తామని స్టీల్ ప్లాంట్ యాజమాన్యం మంగళవారం రాత్రి హామి ఇచ్చింది. లిఖిత పూర్వకంగా తమకు హామీ ఇచ్చినట్లు యూనియన్ నాయకులు, కాంట్రాక్ట్ కార్మికులు వెల్లడించారు.
News October 1, 2024
విశాఖలో అంతర్జాతీయ గోల్ఫ్ టోర్నమెంట్
విశాఖ నగరంలోని ముడసర్లోవ ఈస్ట్ పాయింట్ గోల్డ్ క్లబ్ మరో అంతర్జాతీయ గోల్డ్ టోర్నమెంటుకు వేదికయ్యింది. ఈ మేరకు మంగళవారం నిర్వాహకులు ఒక ప్రకటన విడుదల చేశారు. అత్యంత ప్రతిష్టాత్మక ది ప్రొఫెషనల్ గోల్ఫ్ టూర్ ఆఫ్ ఇండియా (పీజీటీఐ) పేరుతో రెండు నుంచి 5వ తేదీ వరకు టోర్నమెంట్ నిర్వహించనుంది. ఈ పోటీలో దేశ విదేశాల నుంచి క్రీడాకారులు పాల్గొనున్నారు. విజేతలకు ప్రైజ్ మనీ ఇవ్వనున్నట్లు ప్రకటించారు.
News October 1, 2024
రాష్ట్రంలో అసలు ఏం జరుగుతోంది..?: బొత్స
ఆంధ్ర రాష్ట్రంలో అసలేం జరుగుతోందో అర్థం కావడం లేదని శాసనమండలి ప్రతిపక్ష నేత బొత్స సత్యనారాయణ ప్రశ్నించారు. మంగళవారం విశాఖ వైసీపీ ఆఫీసులో ఆయన విలేకరులతో మాట్లాడారు. నిత్యవసర వస్తువుల ధరల నియంత్రణపై ప్రభుత్వం చర్యలు తీసుకోవడం లేదన్నారు. మద్యంపై దృష్టి పెట్టి పెద్ద స్థాయిలో ప్రచారం చేస్తోందని అన్నారు. ఆయనతో పాటు మాజీ మంత్రులు బూడి ముత్యాల నాయుడు, కారుమూరి నాగేశ్వరరావు పాల్గొన్నారు.
News October 1, 2024
టెట్ పరీక్షలకు అన్ని ఏర్పాట్లు పూర్తి: విశాఖ కలెక్టర్
ఉమ్మడి విశాఖ జిల్లాలో 3వ తేదీ నుంచి 21వ తేదీ వరకు జరగనున్న టెట్ (కంప్యూటర్ బేస్డ్ – టెస్ట్)కు అన్ని ఏర్పాట్లు పూర్తి చేసినట్లు కలెక్టర్ హరేంధిర ప్రసాద్ తెలిపారు. టెట్ పరీక్షలకు జిల్లాలో మొత్తం 60,574 మంది హాజరుకానున్నారు. అభ్యర్థులకు జిల్లాలో మొత్తం 7 పరీక్షా కేంద్రాలను ఏర్పాటు చేసినట్లు కలెక్టర్ తెలిపారు. అభ్యర్థులకు ఎలాంటి అసౌకర్యం కలగకుండా అధికారులు అన్ని ఏర్పాట్లు చేశారు.
News October 1, 2024
అండర్‌-17 రాష్ట్రస్థాయి పోటీలు: ఖోఖోలో విజేతగా విశాఖ జట్టు
వినుకొండ లయోలా హైస్కూల్లో జరుగుతున్న అండర్‌-17 రాష్ట్రస్థాయి క్రీడా పోటీలు సోమవారం ముగిశాయి. ఖోఖోలో విశాఖ జట్టు విజేతగా నిలవగా, రన్నరప్‌ స్థానాన్ని అనంతపురం దక్కించుకుంది. ఫుట్‌బాల్‌లో వైఎస్‌ఆర్‌ కడప విజయం సాధించగా.. చిత్తూరు జట్టు రెండో స్థానంలో నిలిచింది. బాల్‌బ్యాడ్మింటన్‌లో గుంటూరు జిల్లా జట్టు గెలుపొందింది. విజేతలకు ఎమ్మెల్యే జీవీ ఆంజనేయులు బహుమతులను ప్రదానం చేశారు.
News October 1, 2024
అంతర్జాతీయంగా గుర్తింపు పొందిన అరకు కాఫీ
అంతర్జాతీయ కాఫీ డే సంధర్బంగా.. కాఫీ అంటే గుర్తొచ్చే మన బ్రాండ్‌ అరకు కాఫీ. దీనికి అంతర్జాతీయంగా మంచి మార్కెట్‌ ఉంది. ప్రధాని మోదీ సైతం అరకు కాఫీని మెచ్చుకున్నారు. ఏజెన్సీలో అటవీశాఖ, కాఫీ బోర్డు కలిసి 1970లో సాగును ప్రారంభించింది. 1974 నుంచి ITDA రైతులతో కాఫీ పంట సాగును ప్రారంభించింది. ప్రస్తుతం పాడేరు రెవెన్యూ డివిజన్‌లో 1.40 లక్షల ఆదివాసీ కుటుంబాలు 2.58 లక్షల ఎకరాల్లో కాఫీ సాగు చేపడుతున్నారు.
Featured News
Sorry, no posts matched your criteria.