India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 15, 2024
ఏంటీ లౌకిక పౌరస్మృతి?
కులం, మతం, ప్రాంతంతో సంబంధం లేకుండా అందరికీ ఒకే చట్టం ఉండాలన్నదే ఉమ్మడి పౌరస్మృతి (UCC) లక్ష్యం. దేశంలో మతాలను బట్టి వ్యక్తిగత చట్టాలు ఉన్నాయి. పెళ్లి, విడాకులు, వారసత్వం, దత్తత, నిర్వహణ వీటి కిందకి వస్తాయి. ఉదా: కొన్ని మతాల్లో బహు భార్యత్వం అమల్లో ఉంది. విడాకులకు కోర్టుతో సంబంధం లేదు. మత విద్య, మెజారిటీ మైనారిటీ వ్యత్యాసం ఉన్నాయి. వీటిపై విమర్శల వల్లే <<13857660>>లౌకిక పౌరస్మృతి<<>> అవసరమని మోదీ అన్నారు.
News August 15, 2024
ఆ 3 క్రిమినల్ చట్టాలతో ప్రజలకు న్యాయం: PM మోదీ
ఈ ఏడాది జులైలో ప్రభుత్వం తీసుకొచ్చిన 3 క్రిమినల్ చట్టాలతో అందరికీ న్యాయం జరుగుతుందని ప్రధాని మోదీ పేర్కొన్నారు. శిక్ష కంటే న్యాయానికే తమ ప్రభుత్వం ఎక్కువ ప్రాధాన్యాన్నిచ్చిందని తెలిపారు. బ్రిటిష్ కాలానికి చెందిన ఐపీసీ, సీఆర్‌పీసీ, ఐఈఏల స్థానంలో భారతీయ న్యాయ సంహిత(BNS), భారతీయ నాగరిక సురక్ష సంహిత(BNSS), భారతీయ సాక్ష్య అధినియం(BSA) చట్టాల్ని కేంద్రం తీసుకొచ్చిన సంగతి తెలిసిందే.
News August 15, 2024
సమంత పోస్టు.. చైతూ గురించేనా?
నాగచైతన్య, శోభిత ధూళిపాళ ఎంగే‌జ్‌మెంట్ నేపథ్యంలో చైతూ మాజీ భార్య సమంత ఇన్‌స్టా పోస్టు చర్చనీయాంశమైంది. ‘ది మ్యూజియం ఆఫ్ పీస్ అండ్ క్వయిట్’ అని రాసి ఉన్న టీషర్టును ధరించిన ఆమె తలకు చేయి పెట్టుకుని సెల్ఫీ తీసుకున్నారు. అయితే సామ్ పరోక్షంగా మిడిల్ ఫింగర్ చూపిస్తున్నారని నెటిజన్లు కామెంట్స్ చేస్తున్నారు. డైరెక్టర్ రాజ్‌తో ఆమె డేటింగ్‌లో ఉన్నారన్న రూమర్లకూ కౌంటర్ ఇచ్చారని మరికొందరు అంటున్నారు.
News August 15, 2024
మనది గట్టి అనుబంధం: అమెరికా
భారత్, అమెరికా సహా ప్రపంచ వ్యాప్తంగా స్వాతంత్ర్య దినోత్సవం జరుపుకుంటున్న భారతీయులకు యూఎస్ సెక్రటరీ ఆఫ్ స్టేట్ ఆంటోనీ బ్లింకెన్ శుభాకాంక్షలు తెలిపారు. రెండు దేశాల వ్యూహాత్మక అనుబంధం మున్ముందు మరింత బాగుండాలని ఆకాంక్షించారు. ‘మన సమగ్ర, వ్యూహాత్మక భాగస్వామ్యం మన రెండు దేశాల ప్రజలు, ఆర్థిక వ్యవస్థలపై ఆధారపడి ఉంది. ప్రజాస్వామ్యం, స్వేచ్ఛ, ప్రజా గౌరవంపై ఇది నిర్మితమైంది’ అని ఆయన పేర్కొన్నారు.
News August 15, 2024
పెద్దన్నగా అండగా ఉంటా.. యువతకు సీఎం రేవంత్ భరోసా
TG: అధికారంలోకి వచ్చిన 3 నెలల్లోనే 30వేల మందికి నియామక పత్రాలు అందించామని CM రేవంత్ తెలిపారు. ‘TGPSCని ప్రక్షాళన చేసి గ్రూప్-1 ప్రిలిమినరీ, 11,062 టీచర్ పోస్టుల భర్తీకి DSC నిర్వహించాం. వయోపరిమితిని 46 ఏళ్లకు పెంచాం. మీ సమస్యలు ఏమైనా ఉంటే ప్రభుత్వం దృష్టికి తీసుకురండి. మేం పరిష్కరిస్తాం. చెప్పుడు మాటలు విని మీ భవిష్యత్తును నాశనం చేసుకోవద్దు. పెద్దన్నగా మీకు అండగా ఉంటా’ అని యువతకు హామీ ఇచ్చారు.
News August 15, 2024
త్వరలో రైతుభరోసా పథకం అమలు: సీఎం
TG: రైతులకు సీఎం రేవంత్ రెడ్డి మరో గుడ్‌న్యూస్ చెప్పారు. త్వరలోనే రైతు భరోసా పథకం అమలు చేస్తామని గోల్కొండ కోటలో జరిగిన స్వాతంత్ర్య వేడుకల సందర్భంగా ప్రకటించారు. ఇక అమెరికా పర్యటనలో ప్రపంచ బ్యాంక్ అధ్యక్షుడితో సమావేశం సానుకూలంగా సాగిందని తెలిపారు. తక్కువ వడ్డీకే రుణాలు ఇచ్చేందుకు అంగీకరించారని చెప్పారు. గత ప్రభుత్వం మాదిరి అధిక వడ్డీలకు అప్పులు తెచ్చి ప్రజల నెత్తిన భారం వేయమని సీఎం వెల్లడించారు.
News August 15, 2024
మత వివక్ష అంతానికి సెక్యులర్ సివిల్ కోడ్: మోదీ
సెక్యులర్ సివిల్ కోడ్ అత్యవసరమని ప్రధాని మోదీ అన్నారు. ‘మతతత్వ పౌరస్మృతిని తలపించే ప్రస్తుత చట్టాలు వివక్ష చూపుతున్నాయని చాలామంది అభిప్రాయం. అది నిజమే. 75 ఏళ్లుగా అవే అమలవుతున్నాయి. ఇప్పుడు లౌకిక పౌరస్మృతి వైపు వెళ్లాలి. దీంతో మత వివక్ష అంతమవుతుంది. సుప్రీంకోర్టు ఈ దిశగా ఎన్నో ఆదేశాలు ఇచ్చింది. రాజ్యాంగ స్ఫూర్తీ దీనినే ప్రోత్సహిస్తోంది. ఉమ్మడి పౌరస్మృతిపై విస్తృత చర్చ జరగాలి’ అని ఆయన అన్నారు.
News August 15, 2024
బౌలింగ్ కోచ్‌గా మోర్నీ మోర్కెల్ ఎందుకంటే..
లక్ష్మీపతి బాలాజీ, వినయ్ కుమార్ రేసులో ఉన్నప్పటికీ భారత బౌలింగ్ కోచ్ పదవి దక్షిణాఫ్రికా బౌలర్ మోర్నీ మోర్కెల్‌నే వరించింది. అందుకు గల కారణాలను బీసీసీఐ వర్గాలు వెల్లడించాయి. ‘భారత్ ఈ ఏడాది ఆస్ట్రేలియాలో, వచ్చే ఏడాది ఇంగ్లండ్‌లో 5 టెస్టుల సిరీస్ ఆడుతుంది. మోర్కెల్ ఈ దేశాల్లో విజయవంతమయ్యారు. భారత ఆటగాళ్లతో ఆయనకు చక్కటి అనుబంధం ఉంది. దీంతోనే బోర్డు అతడి వైపు మొగ్గు చూపింది’ అని వివరించాయి.
News August 15, 2024
కలెక్టరేట్లలో రుణమాఫీ కౌంటర్లు: సీఎం రేవంత్
TG: రైతు రుణమాఫీపై కొందరు తప్పుడు ఆరోపణలు చేస్తున్నారని CM రేవంత్ రెడ్డి తెలిపారు. పథకానికి అర్హులైన వారందరికీ రుణమాఫీ అవుతుందని మరోసారి స్పష్టం చేశారు. ఎవరికైనా సాంకేతిక కారణాల వల్ల మాఫీ కాకపోతే చేయించే బాధ్యత ప్రజాప్రతినిధులపై ఉందన్నారు. అన్ని జిల్లాల కలెక్టరేట్లలో ప్రత్యేక కౌంటర్లు ఏర్పాటు చేయాలని ఇప్పటికే ఆదేశాలు జారీ చేశామని వెల్లడించారు. రుణమాఫీ వల్ల తమ జన్మ ధన్యమైందని వ్యాఖ్యానించారు.
News August 15, 2024
‘డబుల్ ఇస్మార్ట్’ REVIEW & RATING
తన తల్లి(ఝాన్సీ)ని చంపిన మాఫియా డాన్‌(సంజయ్‌దత్)పై హీరో రామ్ ఎలా పగ తీర్చుకున్నాడనేదే డబుల్ ఇస్మార్ట్ కథ. తొలి భాగం మాదిరిగానే ఇందులోనూ మెమొరీ చిప్ కాన్సెప్ట్‌ను డైరెక్టర్ కొనసాగించారు. రాపో యాక్షన్, సంజయ్ విలనిజం, క్లైమాక్స్ సినిమాకు ప్లస్. హీరోయిన్ కావ్యా థాపర్‌కు ప్రాధాన్యతలేదు. రొటీన్ కథ, పేలవమైన కామెడీ, ముందే ఊహించగలిగే సీన్లు మైనస్. పూరీ టేకింగ్ స్టైల్ మిస్సయ్యింది.
రేటింగ్: 2.25/5
Featured News
Sorry, no posts matched your criteria.