India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 13, 2024
ALERT.. కాసేపట్లో ఈ జిల్లాల్లో వర్షాలు
తెలంగాణలోని పలు జిల్లాల్లో రానున్న 2 గంటల్లో తేలికపాటి నుంచి మోస్తరు వర్షాలు కురుస్తాయని HYD వాతావరణ కేంద్రం తెలిపింది. కొత్తగూడెం, హైదరాబాద్, గద్వాల్, మహబూబాబాద్, మహబూబ్‌నగర్, మల్కాజ్‌గిరి, నాగర్‌కర్నూల్, నల్గొండ, రంగారెడ్డి, వికారాబాద్, వనపర్తి, భువనగిరిలో గంటకు 40కి.మీ వేగంతో ఈదురుగాలులతో కూడిన వర్షాలు పడతాయని ఎల్లో అలర్ట్ జారీ చేసింది.
News August 13, 2024
ఢిల్లీలో జెండా ఎగురవేసేది ఎవరు?
స్వాతంత్య్ర దినోత్సవం రోజున జెండా ఎవరు ఎగురవేయాల‌నే విష‌యంపై ఢిల్లీ ప్ర‌భుత్వంలో సందిగ్ధ‌త నెల‌కొంది. ప్ర‌భుత్వం అధికారికంగా నిర్వ‌హించే వేడుక‌ల్లో మంత్రి ఆతిశీ జెండా ఎగుర‌వేస్తార‌ని సీఎం కేజ్రీవాల్ జైలు నుంచే అధికారుల‌ను ఆదేశించారు. అయితే, జైలు నుంచి సీఎం ఇచ్చిన ఆదేశాలు న్యాయ‌ప‌రంగా చెల్ల‌వ‌ని, దీనిపై చ‌ర్య‌లు తీసుకోలేమ‌ని జీఏడీ ACS న‌వీన్ కుమార్ తేల్చిచెబుతున్నారు.
News August 13, 2024
పెయింట్-3Dని ఆపేస్తున్న మైక్రోసాఫ్ట్
పెయింట్-3డీని ఈ ఏడాది నవంబరు తర్వాతి నుంచి ఆపేస్తున్నట్లు మైక్రోసాఫ్ట్ ప్రకటించింది. తొలిసారిగా విండోస్-10లో దీన్ని సంస్థ ప్రవేశపెట్టిన సంగతి తెలిసిందే. చాలా తక్కువమంది దాన్ని వాడటం, వేరే అప్లికేషన్లను ప్రవేశపెట్టే ఆలోచన ఉండటంతోనే నిలిపివేస్తున్నట్లు సంస్థ వివరించింది. ప్రస్తుతం వాడుతున్న వారికి యథావిధిగా పనిచేస్తుందని, నవంబరు నుంచి కొత్తగా అప్‌డేట్స్ లేదా డౌన్‌లోడ్స్‌కు వీలు ఉండదని తెలిపింది.
News August 13, 2024
Stock Market: భారీ నష్టాలు
దేశీయ స్టాక్‌మార్కెట్లు మంగళవారం భారీ నష్టాలు మూట‌గ‌ట్టుకున్నాయి. సెబీ చీఫ్ మాధ‌బిపై హిండెన్బర్గ్ ఆరోప‌ణ‌లు చేసి ఒక రోజు ట్రేడింగ్ సెష‌న్ ముగిసిన త‌రువాత సూచీలు నష్టాల బాటపట్టడం గమనార్హం. సెన్సెక్స్ 692 పాయింట్ల నష్టంతో 78,956 వద్ద నిలిచింది. నిఫ్టీ 208 పాయింట్లు న‌ష్ట‌పోయి 24,150 దిగువకు చేరింది. బ్యాంకింగ్, ఫైనాన్స్ రంగ షేర్లు టాప్ లూజ‌ర్స్‌గా నిలిచాయి.
News August 13, 2024
సీబీఐకి ట్రైనీ డాక్టర్ హత్య కేసు
బెంగాల్‌లో వైద్య విద్యార్థిని హత్యాచారం కేసు విచారణను సీబీఐకి అప్పగిస్తూ కలకత్తా హైకోర్టు ఉత్తర్వులిచ్చింది. రేపు ఉదయం 10 గంటల్లోపు ఈ కేసు విచారణ దస్త్రాలన్నింటినీ సీబీఐకి అప్పగించాలని పోలీసులను ఆదేశించింది. ఈ ఘ‌ట‌న‌పై దేశ‌వ్యాప్తంగా నిర‌స‌న‌లు వ్య‌క్త‌మ‌వుతున్నాయి. కేసు విచారణ సందర్భంగా మెడికల్ కాలేజీ నిర్వహణ లోపాలను న్యాయస్థానం ఎత్తిచూపింది.
News August 13, 2024
ఈ నెల 22న దేశవ్యాప్త నిరసనలకు కాంగ్రెస్ పిలుపు
అదానీ గ్రూప్‌పై హిండెన్బర్గ్ ఆరోపణల నడుమ ఈ నెల 22న దేశ వ్యాప్త నిరసనలకు కాంగ్రెస్ పిలుపునిచ్చింది. అదానీ అంశంపై జాయింట్ పార్లమెంటరీ కమిటీ విచారణ చేపట్టడంతో పాటు సెబీ చీఫ్ మాధబి బుచ్ రాజీనామా చేయాలని డిమాండ్ చేస్తోంది. పార్టీ నేతలతో సమావేశం తర్వాత కాంగ్రెస్ చీఫ్ మల్లికార్జున ఖర్గే ఈ ప్రకటన చేశారు. అదానీ గ్రూపులో సెబీ చీఫ్ పెట్టుబడులు పెట్టారని హిండెన్ బర్గ్ నివేదిక ఆరోపించిన సంగతి తెలిసిందే.
News August 13, 2024
రోహిత్ శర్మ కెప్టెన్సీపై ద్రవిడ్ ప్రశంసలు
రోహిత్ శర్మ నాయకత్వంపై భారత మాజీ కోచ్ రాహుల్ ద్రవిడ్ ప్రశంసలు కురిపించారు. ఆటగాళ్లు అతడి లీడర్‌షిప్ పట్ల ఆకర్షితులవుతున్నారని తెలిపారు. ‘జట్టు రాణించడం అనేది కచ్చితంగా కెప్టెన్‌పైనే ఆధారపడి ఉంటుంది. రోహిత్‌తో కలిసి పనిచేయడం గొప్ప అనుభవం. ఈ రెండున్నరేళ్లలో తానెంత అద్భుతమైన నాయకుడో గమనించాను. కోహ్లీ, అశ్విన్ వంటి సీనియర్లు కూడా నాకు బాగా సహకరించారు’ అని తెలిపారు.
News August 13, 2024
EWS కోటా నిలిపివేస్తూ హైకోర్టు మధ్యంతర ఉత్తర్వులు
AP: వైద్య కళాశాలల్లో EWS కోటా సీట్ల జీవోను తాత్కాలికంగా నిలిపివేయాలని ఏపీ హైకోర్టు ఆదేశించింది. సీట్లు పెంచకుండానే EWS కోటా అమలు చేస్తున్నారని, దీని వల్ల ఓపెన్ కేటగిరి కింద ఉన్న విద్యార్థులు తీవ్రంగా నష్టపోతారని పిటిషనర్ల తరఫు న్యాయవాది వాదించారు. సీట్లు పెంచి EWS కోటా కింద భర్తీ చేయాలని కోర్టు దృష్టికి తీసుకెళ్లారు. దీంతో జీవోను నిలిపివేస్తూ న్యాయస్థానం మధ్యంతర ఉత్తర్వులు జారీ చేసింది.
News August 13, 2024
అడ‌ల్ట్రీపై చ‌ట్టం ఏం చెబుతోంది?
గ‌తంలో IPC సెక్షన్ 497 ప్రకారం అడల్ట్రీ ఒక క్రిమినల్ నేరం. 2018లో సుప్రీంకోర్టు సెక్షన్ 497ను రాజ్యాంగ విరుద్ధంగా ప్రకటించింది. 158 ఏళ్ల ఈ చ‌ట్టం ఆర్టిక‌ల్ 21 (జీవించే హ‌క్కు, వ్య‌క్తిగ‌త స్వేచ్ఛ), ఆర్టిక‌ల్ 14 (స‌మాన‌త్వం)ని హ‌రిస్తుంద‌ని న్యాయస్థానం అభిప్రాయ‌ప‌డింది. ఈ తీర్పు ప్రకారం ఇష్టపూర్వక వివాహేతర బంధాలను క్రిమినల్ నేరంగా ప‌రిగ‌ణించ‌డం లేదు. ఈ విషయంలో సివిల్ కోర్టులను ఆశ్రయించవచ్చు.
News August 13, 2024
ఎమ్మెల్సీ స్థానానికి 2 నామినేషన్లు.. 30న పోలింగ్
AP: స్థానిక సంస్థల ఎమ్మెల్సీ స్థానానికి నామినేషన్ల ప్రక్రియ ముగిసింది. వైసీపీ అభ్యర్థిగా బొత్స సత్యనారాయణ, స్వతంత్ర అభ్యర్థిగా షఫీ ఉల్లా నామినేషన్ దాఖలు చేశారు. టీడీపీ పోటీ చేయకూడదని నిర్ణయించిన సంగతి తెలిసిందే. మొత్తంగా రెండే నామినేషన్లు రావడం గమనార్హం. రేపు నామినేషన్ల పరిశీలన చేయనున్నారు. ఈ నెల 30న పోలింగ్ జరగనుంది.
Featured News
Sorry, no posts matched your criteria.